日船章魚小丸子 (Closed)

全MK最正的章魚丸,除左築地外,便是日之船了我去MK有9成機會都會去日之船食章魚丸,$13,6粒,不算貴,又可以當小食佢d丸好脆,而且餡料好味,汁同木魚也十分配合今日去食,但不知為何,燒汁少得可憐!!但好在仍不失美味,而且食到丸本身的味~不過下次要同佢講多汁了(如果再係咁)最後依舊加多杯奶茶~

比起築x ,呢度的確係比較平同扺食,但個人始終偏愛築x o既小丸子多d...不過如果只係想少少地過下口癮,我會prefer呢度...因為喺築x 食6粒裝,一來無咁扺,二來佢都係比較大粒會太飽...呢度o既小丸子其實味道都唔錯,比起一般食到只係一堆粉果d好得多...但呢度個爐比較細,每轉都整得好少,所以等得比較耐...

之前未食過架, 不過經過見到咁扺($13 for 6), 又好耐無食過章魚小丸子, 於是就試左~ 本身見佢咁平都無話有好大既expectation點知真係有驚喜呢!!!我同男友share一船(6粒),個店員問我地要唔要wasabi我心lum章魚小丸子加wasabi不會很怪嗎?於是就淨係叫佢"jit"d wasabi係旁邊我同男友都點左wasabi食大家都未試過, 覺得好特別, 同埋有wasabi好食好多呢個人覺得呢度好食過築x 仲要平好多tim!!下次一定再食!!!!!!!

$13蚊有6粒章魚小元子，抵爆！加左沙律醬同washabi醬，十分好味！應該係食過最好食的。不過個花士炸軟殼蟹係用普通蟹的，但味道還不俗！

每1次去MOS,都會好想去新港城既wellcome買章魚丸食,今次都唔例外..去完圖書館就特意行去wellcome,個度有1個日之船既小stall.. 每次都大排長龍.整章魚丸既人十分熟手.沙律醬令到d小丸子好好味,重有紫菜.我諗係度係我食過既章魚丸之中最好食既1檔!其他鋪頭既章魚丸整到好甜好怪.1個人食6粒,實在太full.都係搵人share會好d都係依間好>v<

見D網友話正, 咁同老公行開個頭, 咪試下D小丸子啦!都冇話特別好味! 唔會再幫襯!

Have always eaten here for many years since sec school ( like 5 or 6 yrs ago) and the quality is still good. Very cheap but very yummy. Unlike those in big super markets or in other food stalls, it's not just a thick dough but really got a lot of cabbage and a big dice of octopus in it. Feel like it's the best 章魚小丸子in HK ( i mean provided that it's so cheap)

為左食呢個丸，排左3個字都值得。唔食就走寶喇

成日睇到食評話好味，我都唔係好信，所以沈日放工就尊登去左旺角買左一盒六粒$13既燒墨魚丸黎食去到見到佢地舖面到有幾個人排隊同埋幾張與名星合照既相，一睇到以為只係有名星效應，唔方好食la! 唉...嘩... 點知一口咬落去真係好好味，佢個外皮燒到有少少脆脆地，d 燒汁+沙律醬+木魚配搭好好味，真係估唔到$13可以食得咁滿足^o^ 下次去開旺角我一定會再食ga! PS:不過有個男仔頭既伙記好似無乜記性咁，我地比左$23佢，轉過頭再問你係未比左$53????? 大家比錢果陣小心d,以防佢唔記得

同一班朋友唱完k，再黎呢度食章魚丸，之前都食過兩次，第三次再食都覺得好正。我同另一位朋友都係fans，每次去旺角都必食。雖然章魚丸無築地咁大粒，但其實味道差唔多，而且價錢又平好多，所以真係抵食。我d朋友都話無介紹錯，而其中一位朋友就加左wasabi，都唔算辣，但佢話章魚丸唔夠熱，熱食會好味好多。

很久沒有惠顧了，價錢加了價，是$13六顆，以這個價錢來說都很合理，味道依舊保持水準，當中的章魚粒當然沒有"築地"那麼大粒($28/6粒)，但是這間的木魚、蛋黃醬都是十分好味！更多相片請參考：http://hk.myblog.yahoo.com/samuel-cheung/article?mid=649&fid=21

最愛ge燒章魚丸, 由佢地搬鋪前就已經好鍾意ga喇, 比築地平太多喇, 而且唔會因為平而質素差, 開稀左ge芥辣+ 沙律醬+ 燒汁+ 木魚碎, 真係好好食, 食完一船都飽飽~而且唔會燒定晒擺o係度搞到凍晒;雞軟骨串燒麻麻, 豬頸肉則ok

由於之前男友冇乜食野，由呢間開始再食。一串燒鰻魚($6)同八爪魚($5)燒鰻魚係一早燒定再放微波爐叮，size大約係平日壽司表面兩塊夾埋。而八爪魚一串有三大隻，size係大約三隻細夾埋。食得好輪盡，八爪魚d鬚撐開哂，搞到食到塊面都有汁-_- 抵食!

同朋友o係銅鑼灣行完街,見到築地章魚燒成三十幾蚊得8 粒,太貴喇~ 冇食到跟住另一班frd 係旺角唱k,經過日之船就忍唔住買左盒小丸子黎食喇~ 嘩,好好味呀加埋d 醬汁簡直"一級棒" 一盒六個食到我好飽~~~ 我見仲有其他小食,不過冇買到,下次一定要試下先

經常食，因為佢地燒得太好食啦，12蚊就有6粒好抵食!每一粒又有墨魚，D醬汁又正，沙X醬又唔同出要普通個D!次次出去旺角差唔多都會過去個邊，買過去公園食！一個字，正！！！