定食 Doraya (Closed)

講左好耐, 終於黎到食喇~ 事緣朋友生日, 佢又中意食日本菜. 行完旺角之後, 又唔知食乜野好. 誤打誤撞黎到Doraya! 一行三人, 叫左3個定食share 食~ 最出名既吞拿魚當然唔少得~真係好新鮮.不過又可能係自己生病, 所以又冇想像中咁好味~水準又未去到真係大家讚到咁天上有, 地下無~服務態度又確實不是太好.因為有朋友遲黎, 送上蛋糕~我地想切蛋糕, 問人拎碟既時候,侍應係十萬個不情願...其實我地好樂意俾切餅費既..點都好.. 叫做試左有機會都會再食既 (but not a must)

一早知道呢間食魚生好好食架喇, 一直都冇機會試, 果日終於搵到機會喇!!果日我一早去到, 6:30, 冇乜人, 所以一入去就有位!真好!朋友黎到, 就地開始叫野食, 叫左一個基本既魚生定食, 同一個吞拿魚腩定食, 再加一個天婦羅小食. 每樣都好新鮮, 真係好好食, 連基本既魚生都係好肥美, 個湯都好好飲, 唔似出面既"湯水"而佢出名既吞拿魚腩定食, 更加唔駛講, 每一塊都係好肥美, 好新鮮, 入口即溶既感覺!!!而佢既天婦羅, 都唔差, 因為果d 粉漿唔係好厚!不過, 成餐飯最差就係佢既侍應!! 自己不斷傾計, 都唔會refill 茶, 叫佢都聽唔到, 不斷要我地叫完又叫, 真係激氣!

一直聽同事說~這間店的魚生飯做得很好~特別是吞拿魚和海膽~今次咁岩同妹妹係附近購物完~~當然要黎試下啦~~妹妹: 油甘魚+三文魚定食我: 吞拿魚腩蓉+海膽+油甘魚定食價錢差唔多都係$150吧~服務: 得二個侍應, 吹水, 發呆 , 玩電話 , 但你叫佢都會黎...冇黑面囉至少.....環境: 可能冇乜人, 我們二人座四人位~梗舒服的~首先食既係~薯仔沙律~好正喔~入面有d煙肉的物體~香香的...很快被消滅掉了~之後小試了麵豉湯~入面很足料~!!唔算鹹 , 清清地~不錯~(最後都飲哂...)海膽: 份量不少~顏色也很好~很吸引 , 食落~超新鮮..~!!!下次可能要叫個海膽飯xddd油甘魚: 可以用肥美去形容~~很好肉地~三文魚:妹妹俾左一塊我~普普通通~算肥美, 魚油足~吞拿魚腩蓉 : 第一個感覺係太多蔥啦....雖然我唔討厭吃日本蔥...但都唔洗咁多吧.../.\ 但超級新鮮~!!那種吞拿魚香....實在忘不了~!食物既分數~足夠補償其他唔好既地方~~所以一定會再去~~下次想試吞拿魚扒或拖羅~!!

之前自己幫襯過CWB分店都覺得OK, 太太之前兩三次黎旺角分店都還可以, 點知今次一齊黎就中晒伏.點完野食, 自己個份三文魚子海膽飯定食十分鐘之內出現就OK喇, 不過明明叫左加大, 但送上黎個感覺唔似加左大(?), 味道OK既.太太個份雜錦魚生飯定食就大件事了, 起碼遲左十幾廿分鐘先黎, 仲要好多份其他客既餐(包括炸物, 定食, 魚生飯等) 都係遲黎先上岸, 打完眼色問完都係話未整到佢個份.叫份雜錦魚生飯者, 駛唔駛整咁耐? 唔想開條新魚整魚生粒咪講囉! 我比錢同你開條新既, 食晒佢又點話? 仲有兩個侍應小姐淨係識得自己傾計, 叫佢地起碼要叫兩三次先黎, 茶杯空晒見到都唔加. 坐底時斟左杯茶之後之後成程都無再加過茶. 如果你公司限定一餐得杯茶, 唔該寫明, 咁我會叫野飲. 食完D味濃既小食, 茶都無杯漱下口, 打後食乜都無味喇下嘛?唔好一係改善下D服務水準, 一係就改過個名, 唔好影衰其他兩間分店喇.

以下嘅食評係一個多月前食嘅,由於小弟之前較忙所以依家先打返當晚5個人一齊去試下呢間D藍鰭吞拿魚~我地叫左5個set ,有4個不同種類~當晚人唔算多,得我同另一枱,所以待應服務唔差,又無趕客同快餐feel,坐得relax 而且可以慢慢食~不過佢地整野食都幾耐,要幾個字先有得食蒸蛋個蒸蛋好滑好有蛋味,蛋內有D冬茹粒,香得黎又增加口感麵豉湯味道不太鹹,正常味道無特別~天婦羅我忘記影個天婦羅,天婦羅係可以任食雖然話任食,但質素好好,天婦羅新鮮炸起,天婦羅漿也不會太厚破壞口感藍鰭吞拿魚扒飯定食呢個吞拿魚扒我最推介,吞拿魚表面輕輕燒一燒,魚脂肪溶化成魚油,好香吞拿魚味將燒左嘅吞拿魚放入口,吞拿魚好似油嘅溶化係口,有溶化嘅油包住吞拿魚,令吞拿魚加倍油滑,再加上吞拿魚本身味濃,正!加上個醬汁,食下飯可以清一清D魚油,之後再食~藍鰭吞拿魚蓉飯定食個吞拿魚蓉同上一樣咁濃吞拿魚味,一樣咁滑~但可惜冇左種入口溶化嘅感覺,所以加多少少食吞拿魚扒好好多~油甘魚&三文魚飯定食 & 燒肉飯定食呢兩個定食係我FD叫嘅,所以冇試到, 不過都好似好靚下~沙律個沙律係薯仔沙律,可能食完吞拿魚,滿口魚油食D沙律特別覺得fres

這段時間...很多平時要等位的日本舖頭都變得冷清...完全不用等位就可以入去了....朋友點了中腩吞拿魚...我點了吞拿魚扒...由於我怕食鞋肉..故要求只是輕輕煎一煎好了...另再點一客油金魚刺身...可能客人不多...今天很多要求都很快能夠滿足..而我碗吞拿魚扒都離奇地肥美...還有油金魚都係近腩位呢...說真的...還比中腩肥美:...比我上次食的大腩更多魚油D跟我上兩次的疑似瘦肉口感相差其遠 (平時係紅色的肉..今日係...淡紅色的肥肉)我好希望日本可以停止天災...引身的問題都可以盡快解決...而香港的日本菜都可以再次興旺唔好再受影響..

同事話呢間幾好食，午市有多款午餐選擇，比晚市抵食，叫咗手握壽司定食配冷熱烏冬（$53免加一），7件手握壽司加3件卷物，手握壽司飯唔會好實，材料新鮮，午餐有齊麵豉湯，薯仔沙律，蒸蛋，我配熱烏冬，內有大量海帶，一片魚蛋，細心係自動跟七味粉，烏冬幼身，好煙韌，仲送天婦羅蔬菜一碟，餐後有片西爪，好鮮甜，環境幾好坐，枱唔會放得好迫，唔嘈吵，最讚係廁所好整潔，非常好

點了吞拿魚蓉海膽飯和吞拿魚片魚蓉定食各一客。從積物，薯蓉，主食，蒸蛋和味噌汁都滿分。在旺角實在難找到這樣的食物質素，感覺上比銅鑼灣的一間還好連附送的野菜天婦羅都很好味，當中最好味的是南瓜和冬菇然而不滿的事情也發生在這個天婦羅身上由於我們兩人都點了定食，所以餐廳提供野菜天婦羅放題。吃完第一輪的四件，我跟一位女待應說想添吃，她請我等等。過了十分鐘都無回音。我再舉手示意另一位男待應給我添吃，得到同樣的回答和對待。然後第三次我實在忍不住問那男待應“請問這是怎樣的放題，為什麼這麼久都没有添吃”。對於我的提問，那男待應也沉不住氣回了我一句“廚房整緊，佢唔出我都無辦法”。就是這句說話把整個晚餐破壞了。。。然後我第四次追問，“請問廚房要弄多久？”。說實在，我不介意等，所謂慢工出細貨，只要你把時間告訴我就好。再過五分鐘，新鮮熱辣的天婦羅才姍姍來遲。就一句說話，一位不負責任的員工，把一問好好的餐廳的名聲弄壞了

女人街，臥虎藏龍之地。大部份食肆面積細小，卻不乏質素甚高者。在云云店舖中，定食Doraya穩佔一席位 。吞拿魚扒定食可說是「鎮店之寶」，長期受到食客追捧。今晚喜獲朋友邀請，有幸感受這款招牌菜的威力。主角吞拿魚扒厚厚數片，外皮略為煎熟，肉心則呈現粉紅色。魚肉肥美有光澤，豐腴軟滑。細嚼之下，發現不得了！魚油慢慢滲入牙縫，香味直撞喉嚨，餘韻歷久不散。再配合香棉的日本米，拌著蔥花與醬汁，格外好吃。以百多元品嚐如此佳餚，心足矣。

新年伊始，一家三口忙着四處去利是拜年，看來是時候找些時間去辦點私務如為家添置些新廚具了。是夜兩口子在旺角一帶忙碌地四圍逛，走得倦了肚子自然咕咕作響。沒有特別對哪一處地方有興趣吃，剛好行至女人街內"doraya"的門口，想起已有好久沒來了。時間緊迫，吃一碗速食日式don，應是最好不過之選擇....大碗飯上的材料配搭多得令人看至眼花繚亂，不過這裡既然以吞拿為主打，當然要選它就較為妥當穩陣。一客啄碎吞拿魚茸及中藍鰭吞拿魚腩片雙併的don，要賣至差不多一百五十大洋，以此價位來說，在旺角也算是偏高消費的了....套餐包有前菜、茶碗蒸及麵豉湯，全部都屬平常不過的水準 ---- 麵豉湯應不是自家熬製，很咯喉很鹹；茶碗蒸有點水汪汪但頗滑；菠菜伴豬肉條下了不少的麻油，夠香；菠菜帶點爽口，豬肉不算太韌，是三味之中較可取的....吞拿魚茸的確啄得夠"茸"，添點豉油撈勻米飯同吃，鹹鹹鮮鮮的，還可以；中吞拿魚腩片有少許筋但又帶微微溶在舌頭的油潤感。算是超新鮮當然說不上，但絕不就稱之為下欄貨色；米飯號稱用上越光米，但看落卻不覺有光澤夠飽滿，入口亦不覺米香四溢，很失望....飯後喝啖熱茶，用熱毛巾抹過手，又要繼續

服務差到無論.要生蠔... 無! 要食海贍魚子定食... 無因賣哂海贍!!! 要雞扒定食... 都可以無!!!咁我就話咩都冇咁唔食啦.點知轉頭有個女既waiter走過來話海贍份量只能夠做到一客三色刺身定食問我要唔要咁我未要囉,點知我D朋友叫既野都來哂但我叫既仲未到未問個女既waiter.佢話我冇落單喎.真係慶囉.你冇未冇囉仲咩又要走來問我要唔要者.現在又話我冇ORDER.另外佢D野食都唔係好掂煎雞翼外脆但內有血水,酒浸蜆細隻到睇唔到,食完就趕人走.真係唔會再去.

看到有好多好評，見朋友仔生日，就試試這間店。1.留位 (沒有)因為怕等位，所以預先打電話來詢問可否留位，服務生在電話中態度惡劣，已經扣了一點印象分。2.座位我們七時便到，那時人不多，可以隨便選擇座位。但後來人漸多，結果原本坐四人檯的我們，便再加多兩位客人在我們隔離。而且位與位之間十分窄，出入都需要其他乘客起身讓路，才能出入。3.上餐速度慢﹗我們第一個定食來到，要等差不多二十分鐘才來第二個定食。隔離客人詢問服務生為什麼這麼久，他們說因全店只有兩個師傅。4.食物質素說真的，材料很新鮮，但味道欠缺新意，沒有驚喜。朋友仔說應有一些特式醬汁去配搭食物。5.服務態度差﹗基本上服務生欠缺笑容，我們一吃完就立即收盤，朋友叫加水也叫了幾次。最差是我剛吃完飯，盤一收，服務生便問「你們仲有沒有野要點？沒有就埋單﹗」我知道外面有人等，但我們好像急急忙忙地吃完，同吃快餐沒有分別。6.有欺騙成份餐牌上說明是野菜天婦羅放題，但只給了一次就沒有再加，請問放題是不是任食的定義？總括都說，每人花百多元去吃一個日式快餐，很不值得。我們整個晚餐只花了四十五分鐘，當中有二十分鐘是等食物，根本沒有好好享受整個個程。原本就是不想吃

嘗過一次以後對這家的吞拿魚飯念念不忘，這次推薦朋友一起去。$78的午餐（友人的是$68）~前菜土豆沙拉+茶碗蒸+小碗的魚生飯+面，還送了天婦羅自己點的燒吞拿魚扒飯和冷烏冬，友人點的吞拿魚腩蓉飯和蕎麥面燒吞拿魚只有表面略微燒熟，裏面仍是生的，吞拿魚非常肥美，一咬下去油就滲出來，配白飯剛剛好不過個人反而更喜歡吞拿魚腩蓉飯，蔥跟吞拿魚腩蓉配合一起很清新，相比起燒吞拿魚顯得比較膩雖然是小碗的飯但分量很足~質素跟正價的一樣，烏冬的面質也不錯~可說非常抵食~

每逢一諗起魚生飯，必定第一時間諗起兩間，一間係雪村，另一間係定食Doraya，兩間價錢實惠，質素上乘。好耐都無去定食Doraya了，今天專誠去品嚐一番，第一次到旺角店享用，平常都是到尖沙咀或銅鑼灣店，這間店比另外兩間少人，入座時間已經係7:00有多，都只有幾枱客，呢個時間，銅鑼灣可能已經坐滿。這裡主打吞拿魚刺身，無論赤身、中Toro，大Toro都有，味道好濃郁，而且非常新鮮。雖然大魚腩位非常吸引，可是這裡的燒吞拿魚扒更加吸引，將一大塊魚扒輕輕烤一烤表面，將多餘的油分烤出，內裡亦然係生的，感覺內冷外暖，令魚扒更加清新，咬落魚油不斷滲出，非常鮮甜，配上特製的甜醬汁，食多兩碗飯都唔嫌多。正在享用美味的燒吞拿魚扒期間，侍應從廚房拿出剛剛炸起的天婦羅，每枱都會有一小盤天婦羅供客人享用，天婦羅粉漿恰到好處，薄薄的一層，食落唔會太油，或者太糊口，雖然只是雜菜的附送小食，不過都是比心機做的。另外，除左食吞拿魚飯外，還有其他飯類或烏冬類選擇，朋友選了油甘魚及三文魚刺身定食，兩者刺身都非常新鮮，不過略嫌三文魚不夠肥美，油甘魚都算肥美，朋友都好滿意。其實每個餐都會附上前菜、沙律、蒸蛋及麵豉湯，望落去感覺細小

約朋友食飯不知吃什麼........只想在MK 吃日本料理問另一個朋友~介紹了這一間 "定食"約7時多入內~!!!不是很多人兩人坐了最裡面的一張4人檯坐下想了一會兒便點了兩個定食~海膽一丁點兒"sang"味也沒有~!!!!!超鮮甜~~~~吃後甘甜味在口中能停留很久XD魚子亦是很有份量很新鮮的~~~~~飯亦是很美味的日本米~~~~!!!!麵"屎"湯沒什麼特別但漬物及薯仔沙津很美味呢~~~!!!!!!!!可惜蛋卷比較老及只有蛋味.........不得不試最出名的吞拿魚扒定食吞拿魚扒微微煎了外層，加上了調味~~~不用加其他醬汁也很鮮味~~~!!!!!!!魚扒亦很厚~~~~~~~!!!!份量很多~~~~~~正~~~另外還點了一個炸蠔48元有5件~~雖然小小的~但即叫即制熱辣辣!!!!!!!!!!!YUMMY~~~~兩人吃~~超飽呢~~~~~~~雖然仍未有機會去日本~但吃後真的覺得和日本又接近了一點點~~~~~一定會再去吃的~~~海膽你等我呀~~~~!!!!!!!!!