江南瀨粉 (福榮街) (Closed)

放假出深水埗行街買嘢.行到兩點幾有啲肚餓.女朋友話見到呢間即叫即整既瀨粉有推介過.所以就入去試下🤪我地2人叫左碗大大碗酸辣鮮製瀨粉大大碗顧名思義係咩都會有少少餃子.豬膶.肥牛.丸.豆卜.生菜.腐皮咩都有啲兩個人食啱啱好.因為我女朋友食得比較少.個瀨粉同出邊食到嘅真係好唔同.佢個樣睇落好似米線唔係透明既.但食落口佢嘅質地冇米線咁滑.保留咬口煙煙韌韌.我超鍾意呢個質地.平時嗰啲係比較爽唔吸味.呢個粉好吸湯好食啲配料都係正正常常.冇話特別好食或者唔好食👌🏻酥炸鮮蝦雲吞大大粒鮮蝦雲吞.即叫即炸熱辣辣.好多蝦喺入邊好彈牙好食凍豆漿個豆漿真係有驚喜非常濃郁好香豆味.肯定係自家製唔係買返嚟.出邊冇咁濃豆味.但略嫌太細會唔夠喉🤣總結：呢間超級易搵喺黃金附近.唔想成日食飯過嚟食啲有湯嘅粉都幾好.而且價錢合理即叫即整嘅瀨粉推介.香港好少有呢啲舖頭一定要支持👍🏻正

深水埗古法手工瀨粉 餐廳主打每日店內即製瀨粉 食法就好似點車仔餸咁 自己選擇配料 由細到大都好鐘意食茶樓叉燒瀨 今日試下手工做會唔會特別d.由於咩都想試吓 叫左⭐️大大碗鮮製瀨粉$55 豆漿$5杯咩配料都有啲（乾燒腩肉 魚皮餃 鳳城水餃 黃沙豬膶 雪花肥牛 潮州魚蛋 台灣貢丸 墨魚丸 黃金片頭 木耳 豆卜 山菜 腐皮）👍🏻瀨粉相對比較粗身 粗過米線 晶凝通透👍🏻食得出手工製粗又不一口感 同時好滑溜 食到雪雪聲👍🏻湯底 叫咗豬骨湯底 有骨甜 湯底飲得加左小小腩汁 令到豬骨湯濃味左.配料方面👍🏻鳳城水餃 好大隻 🥲主要係都係木耳絲 👌🏻好食（鹼水餃類 我始終都係鍾意 大大隻蝦嘅雲吞）👍🏻黃沙豬膶 好高質 鮮甜 新鮮 勁爽口 小粉👍🏻潮州魚蛋 都唔錯 係白魚蛋 彈彈地 有魚味👌🏻乾燒腩肉 比較似臘肉 同豬油渣合體 ok 但個人唔建議🤷🏻‍♀️其他果十款 配料就冇咩特別值得講 一般啦.整體食品ok 瀨粉有佢獨特之處 可以一試如果唔點 咁多餸 大概$30-40碗 會平好多（題外話 今日試左條手指咁粗嘅瀨粉🤣有小驚喜）.#hkfunfoodrecord窮遊香港#hkfunfoodrecord_深水埗.

Ouiii。WeeeEat - 江南瀨粉🌝Lunch見到個餐廳名就知佢係出名食瀨粉～ 佢d瀨粉都係手工制，之前夜晚去已經賣晒，所以今次特登早d 去😎 食法好似車仔麵咁， 可以自己叫唔同既餸，鍾意食咩就叫咩😚👱🏼‍♀️鮮滑鯪魚球，柱候牛筋，白灼鵝腸，瀨粉，腩汁湯底 $ 66佢d 配料比一般既車仔麵多選擇，鯪魚球同鵝腸都係平時車仔麵比較少會叫到～ 可能鯪魚球係手打既關係，食落仲有少少骨🥺～ 不過鵝腸同牛筋都好出色，分量多同埋好入味😚！ 湯底濃郁但比較鹹～ 瀨粉都不錯！👱🏼‍♀️ 柱候牛筋，鮮蝦雲吞，瀨粉 ， 蕃茄湯底 $53可能因為叫左牛筋嘅關係，所以都會有腩汁，所以就變左蕃茄mix 腩汁湯底～ 食落蕃茄味唔係太濃，不過個mix 令到個湯底出奇地夾同好飲😋！ 比就咁腩汁湯底更開胃～

平安夜早咗收工,一個人喺深水埗行咗陣街,之後呢見到呢間光南瀨粉,就入咗去叫咗佢哋嘅招牌大大碗瀨粉,瀨粉就都幾q q彈口,不過啲餸菜就比較普通咗啲每一款都有一個係到，唯一可取嘅地方就係佢個酸辣湯底都幾惹味！

今日去深水埗做嘢，今日去深水埗做嘢諗起電視曾經推介江南瀨粉，一定要去試試啦！我叫咗一碗招牌推介，大大碗鮮制瀨粉。碗瀨粉賣相就麻麻地，有超過10種嘅餸，不過湯底唔濃，可能期望比較大，所以覺得一般好食。另外加$5要咗一杯豆漿，味道OK。

呢排都喺深水埗食飯，諗住食盡福華街😂呢間餐廳標榜出名係瀨粉，加上同事誠意推介，就會一會佢。叫咗碗車仔餸瀨粉，豬大腸、豬腩肉、春卷同蘿蔔，餸菜不過不失，豬大腸偏細舊，豬腩肉碎上，略嫌細粒，比較有特色係瀨粉的質地，粗度粗過一般的瀨粉，介乎米線烏冬中間，食起上嚟有口感，幾煙靭，加上嗌咗腩汁湯底，掛汁方面相當唔錯。因為一班人，所以叫咗兩碟小食，分別係炸魚肉春卷同埋炸雲吞，雲吞夠實淨，睇得出好足料，雲吞皮亦都相當鬆脆，春卷肉質幾單未，同埋食得出有一粒粒嘅蝦肉，10分推薦大家試吓❤️

同行友人因睇了電視而來📺📺入座率超低，近乎包場😝😝在硬膠上點食物，循環再用，有點不衛生但環保♻️上檯速度一般，連水也沒有提供🙅🏻‍♀️🙅🏻‍♀️問拎手比一杯，雜錦瀨就大大碗，兩碗雜錦的餸不一樣🤦🏻‍♀️🤦🏻‍♀️豬手、響玲、丸麵，不知名丸、豬手太細，無味……..魚🐟餅太咸，食完要即時飲水🥤🥤瀨粉起粗，滑滑溜太滑，吃時要當心滑喉，似米線多於瀨粉，整體上嚟一次已經足夠。❌❌

以前成日都嚟買外賣同埋現場堂食， 一直以黎都覺得呢間瀨粉好好食，性價比高。 但係今次叫外賣真係超級失望。 碗大大碗既料比以前少左好多。 然後openrice 落單 俾左$5 既豆漿，完全唔滿， 超失望。 翻到屋企， 一開杯豆漿蓋黎睇， 以為俾人飲過咁！ 得返70%既量。 咁樣都收人$5？？？ 另外， 服務員態度有待改善。 其實次次去買外賣 或者 堂食 都好， d 店員冇咩禮貌。 結論： 食埋今次真係以後唔會再黎幫襯。 個麵d料少左我都算， 但係豆漿我真係接受唔到。失望至極！

去開深水埗搵野, 行到肚餓又係 lunch 時間, 加上天氣熱又唔係太想食飯, 於是乎就試下呢間江南瀨粉, 都算幾多人, 等左陣先有位, 睇下個 menu, 有少少似車仔麵既選擇, 好多野都岩食既, 最後都係揀左個 , 即係咩餸都有 D , 好似過橋米線咁, 因為見到好多枱都有叫來食, 照計都唔會差得去邊啦等左一陣仔, 真係大大碗咁上來,  咩餸都有 D , 湯底揀左清湯, 幾好味, 摷入去夾 D 瀨粉出來, 同平時食既廣東瀨粉唔同,  江南瀨粉好似烏冬咁粗, 又係白色但有少少透明既, 食入口係好爽滑, 唔會食到一團粉咁, 加埋索左 D 湯, D 瀨粉都有味, 幾好食, 難怪呢個小店咁多人幫襯, 再加上服務員兩位阿姐既態度好好, 大大碗真係可以食飽飽, 另外加左個皮蛋豆腐, 幾香口, 如果有少少麻辣味應該會仲正

欣賞完嘉頓山嘅city view之後，路程5分鐘嚟到，大約晚飯時間6點半入座，當時仲有幾枱空位，完全唔使等😄即刻入去醫肚仔～#見到網上最多人推介大大碗鮮製瀨粉，於是決定一試究竟。名副其實，乜料都有！！大大粒鳳城水餃🥟、肥牛、生菜、豬潤一片、豆卜、2款丸、黃金片頭etc. $49一碗。個人認為意外驚喜係乾燒腩肉，雖然呢款配料份量唔多，但腩肉碎浸喺清湯入面啲䶢香味絲毫冇流失，反而有畫龍點睛效果。瀨粉本身係第一次食，冇比較亦冇優劣之分。

被吹噓得太高了 有點貴 必食豬手推介沒有味道必食雲吞一般普通好在唔使排隊唔會再去食因為唔值實在真係俾人抬得太高了！有點失望未試過嘅可以去試吓.試咗就無需再去了招呼就幾好嘅地方都好整潔.

前排睇番某節目介紹深水埗幾間出小店。。。晚上剛好要去高登買電子用品，買完就去試下自家製瀨粉，好彩地唔洗排隊。坐低點左碗招牌瀨粉同酥炸魚餅。上餐速度都還可以，試左一啖原味湯，冇咩特別大驚喜，跟著試瀨粉，佢俾一般認知嘅瀨粉粗身啲，開頭以為叫錯左添。。食落好粉，比較失望，豬潤我老公咬左一啖，見佢面有難色，所以我都唔洗試啲丸都係普普通通，唔好俾咁大期望。。。😑跟著酥炸魚餅係真材實料嘅，但比較多油，仲有少少腥，可能唔係我喜歡嘅口感同口味再一次失望。。。環境衛生方面就咪當自己去左啲街坊粉麵店嘅心情，自我感覺會好啲。。。大大碗鮮制瀨粉 $49兩個人試一碗就夠，瀨粉較粗身，比較飽肚。。😏酥炸魚餅 $28冇太大驚喜。。。比較油身😑

今日同男朋友經過餐廳見到好似幾好就入去試試。第一次光顧，感覺唔錯。我地每人叫咗一碗，之後叫咗一碟小食，酥炸魚餅😋熱辣辣好新鮮👍🏻會再次光顧，因為味道唔錯，我好鍾意💕

晚上剛好在高登買完野。附近幾間名店如車仔麵都有長龍⋯⋯看食評這家也不差，不用排隊，點知中伏！所以⋯⋯食評好多不能盡信，真人排隊的才比較可信環境衛生確實一般。但這個價錢大大碗的瀨粉，無很大期望⋯⋯向男店員點了碗招牌瀨粉，甚麼都有的那種⋯⋯等了足足15分鐘，其他比我遲入坐的都已經差不多食完了追問下才發現男店員忘了落單不過他很有禮貌道歉，馬上補單，大大碗瀨粉也很快就來了。湯-淡而無味餸-不同的丸，牛肉片，豬潤，滷肉樣樣有聽旁邊食客話，一定要點豬潤⋯⋯點知我咬了一口，差點吐出來，好腥，唔新鮮魚蛋墨丸一樣，有猩味，接受不了牛肉片明顯是雪藏劣貨，完全無味最差是魚皮餃，明顯是壞了的，馬上吐出來幸好果斷整碗棄掉，晚上沒有肚疼⋯⋯不明白這店的好評是怎樣來的⋯⋯價錢是可以的，我也沒有很大期望，但食物真的不新鮮，難食，不能接受。以後會引以為戒

今日去咗深水埗電腦商場買嘢，行經附近有好多人係餐廳門口排隊。慢慢睇吓附近有咩好嘢食，見到我最鍾意食瀨粉，緊係唔放過嚟過機會，難得呢度啲瀨粉非一般，係人手製作。南乳豬手瀨粉配上豬骨湯底，瀨粉唔同一般瀨粉比較粗少少有口感，南乳豬手非常之淋入味，湯底味道幾好唔濃啱啱好。服務態度好，值錢合理。