江南瀨粉 (福榮街) (Closed)

放咗工食飯喺附近求其食碗粉，見到呢間江南瀨粉都幾多人食，所以就入去試吓，叫咗一個鵝腸牛肚瀨粉。🤣另外叫咗幾個小食，有韭菜豬紅，醃青瓜同埋煎墨魚餅，瀨粉嚟咗之後我哋以為用錯咗米線，點知原來佢哋嘅瀨粉真係咁嘅，好似平時米線咁，比較爽口冇咁透明，幾有口感唔錯！😄牛肚幾入味，鵝腸爽口。醃青瓜比較細份，不過韭菜豬紅又超級大碗，食極都食唔晒😂覺得煎墨魚餅最好食，因為都好彈牙幾足料，好多墨魚粒粒🤤唔錯快食首選！

有次接近假期，又想外出看看有什麼新知，於是就到了深水埗這一邊，之前有印象有這一間瀨粉，結果終於一試了。果然，它的瀨粉，好像比較粗一點的米線一般，所謂的江南瀨粉，有點兒煙韌，有點兒彈牙，不會好像港式燒味瀨粉那些瀨粉那麼軟林以及滑溜。牆上又掛些木牌，寫上甚麼十大，都不知有多少店現今都是這般的裝潢😅😪試了幾款配料，貢丸是正正常常，應該都是平時街市買到那些；難得外出吃，試些特別的，鵝腸相當彈牙，中間看來也很乾淨。豬潤反而有驚喜，又厚又太片，質感剛好，僅熟不老，又綿又香滑蘿蔔就削外皮不夠，因此又根又渣另外點了一份墨魚餅，墨魚輕微一粒粒，份量不算太多，但有六件左右，夠熱也不會太過失禮。但是湯的上邊就比較油膩，可能因為叫了小辣，除了湯之外，上面鋪了一層辣油，像在內地吃麻辣燙那般的賣相，味道也有點兒麻辣。檸茶則還好，不會太淡，檸味普普通通。

入去到落單黑口黑面 唔記得揀湯底 冇問過亂出。落單時注明走芽走蔥 冇理過 照出揀左紫菜變生菜 同佢反映話走左蔥成碗蔥 叫你自己夾左走 逐粒逐粒夾瀨粉我覺得煮得太耐 冇哂口感 湯底偏咸 其他一般般。 有點失望

平時以為食燒味先可以食瀨粉，深水埗呢間鋪頭打正旗號食瀨粉，仲上過電視介紹😂我就叫咗一個豬膶雲吞薯粉，轉左酸辣湯底，其實都唔平㗎，夾埋都要40幾蚊，不過鋪頭人頭湧湧，都幾多人食㗎喎！雖然呢度係專食瀨粉，不過真係好鍾意煙靭嘅野，所以叫薯粉，尤其是酸辣湯底係更加配合！佢哋嘅薯粉比較粗身，軟滑得來好彈啊！但係唔好好似橡筋咁樣咬唔斷。雲吞佢哋係即刻喺鋪頭入面包架，好彈牙爽口，而豬潤係超級推介！因為爽口得來又唔鞋！好味丫！

打完波冇乜胃口，想食啲清淡嘅粉麵，所以嚟到呢間江南瀨粉，點佢個蕃茄湯底， 希望蕃茄開胃啦， 點咗木耳絲同埋鮮蝦雲吞，他送上來花生蔥花分開放，欣賞他的湯底會跟上蕃茄蓉。雲吞水餃是自家包的， 看到店員有空的時候就在旁邊努力地包水餃或者雲吞， 雲吞不是很大隻但是入面有鮮蝦，材料尚算結實，味道不錯。他的瀨粉比我平時食的瀨粉較為粗條， 好有米香， 可以吸收更多湯汁，我想如果他是配酸辣湯底或者麻辣湯底會更加好食，下次可以一試。另外叫咗個手拍青瓜， 青瓜稍為削了一些皮， 令黑醋更加入味。可能這個青瓜品質不好，食落有少少苦味，有些失望。我覺得這一間小店有兩部不同的電視，不斷離播放tvb介紹這店的飲食節目， 有點讓人吃不消，唯有面壁獨食才可以免受廣告影響心情進食。滿分為10分(1分最低，10分最高)食物：7.5環境：7.5衛生：7.5服務：8價錢: 8.5舒適度：8總分：7.5

今日經開深水埗，同媽媽去食米線其實係出名食瀨嘅不過我同媽媽都想食米線鋪頭好環保嘅餐牌圈低自己想食啲乜晏晝嚟唔係好多人買咗小食涼拌云耳超好食！$15好大碟，好濃嘅麻油味仲有好多蒜頭碎辣辣地超好味！然後帶咗一碗酸辣米線同媽媽夾份食就啱晒因為真係好大碗～帶咗冬菇雲吞蘿蔔同埋魚肉春卷鋪頭好貼身心將啲花生呀蔥擺喺個匙羹到，想要幾多就自己來，好驚喜嘅係個蘿蔔超級大舊但係有好夠淋！然後雲吞皮冬菇都好新鮮，值得一試！比起譚仔嘅酸辣米線好味好多～跟餐有個凍豆漿～買單70幾蚊好抵食

今天在附近接女朋友放工，剛好想吃一點比較平民的東西於是便來了江南瀨粉。裝修是樸實的江南風格，感受到食物的真材實料和人情味。因為擔心份量太多所以點了一個淨瀨粉、大大碗鮮製瀨粉、酥炸雞翼和涼拌雲耳。大大碗鮮製瀨粉名乎其實，所以我分了一半餸給女朋友，否則便會變胖子。雖然沒有太大特別，清清的，但是麵條卻是重點，其實和譚仔一樣是會令你上癮的，只不過它的重點是在於麵條而不是湯，值得一提的是他的豬潤是超給大的，而且煮得非常琳和入味，單是這豬潤已值回票價。另外是涼拌雲耳，酸酸辣辣夏天食最適合不過，又健康又消暑。酥炸雞翼極邪惡，香口之餘，肉質極嫩滑，再配合甜酸醬，的確係意外驚喜。整體來說， 雖然不是什麼珍饈百味，但簡單的麵線，用心炸的雞翼和調味剛剛好的涼拌雲耳卻令人回味無窮∞

深水埗真係好多美食，我諗大概經過呢間鋪頭好多次，次次都係岩岩食飽先經過，但已經食唔落啦，咁岩今日係附近睇醫生，於是就前一晚已決定要試下佢，鋪頭幾光芒，都好多人幫襯，我同屋企人就叫左個大大碗瀨粉（49蚊），有13种配菜，加杯凍檸茶（+9），兩個人食已經好飽，分量很足。其中最好食既配菜係魚皮餃同水餃，D餡好新鮮好多料，凍檸茶都幾好，D茶唔會似有D餐廳咁，好澀好苦，飲落去新鮮同埋順口。瀨粉聽講佢地係自家製，所以就大細不一，不過都幾特別，瀨粉唔同普通果D既口感，食落口，有彈性，同埋好煙韌，但美中不足就係，我覺得D味道太啖，唔知係咪我叫清湯既緣故呢？如果可以在濃味D會更好，下次想試下佢地個豬手，係鋪頭招牌wo,但因為今次食得太飽，已經食唔落啦，所以留返下次在試過啦~~

當晚，跟細佬走到深水埗買電腦配件，他建議食粉麵之類，於是，走到深水埗福榮街的 <江南瀨粉>！我們點了兩碗瀨粉 $26+$32、香煎墨魚餅$28 及凍豆漿！魚肉春卷瀨粉口味算是不錯！整體價錢又夠實惠！香煎墨魚餅即叫即煎的墨魚餅，熱辣辣香噴噴！ 的確幾誘人！富彈性的香煎墨魚餅，配上酸甜醬，既開胃又有風味！食食吓才發現其中一粒墨魚餅夾住一條疑似毛髮嘅物體！用左牙籤挑咗一半出嚟！質地係唔會斷開嘅！跟店員阿姐講，阿姐竟然聲稱話係墨魚腸！離譜呀！覺得她根本唔想理太多，態度差！ 之後補炸返一粒了事就算！

晏晝去完砌女，肚仔餓搵野食，一出高登就見到呢間野新開無耐乾乾淨淨，就入去會一會佢。係粉麵鋪黎講，呢間鋪既裝修唔錯，幾有心思揼本，感覺都算係有心去經營。鋪頭以瀨粉做賣點，計過數嗌set同散叫都差唔多，試新野當然係要乜都試下，最後叫左佢個大大碗鮮製瀨粉，會一會佢到底有幾咁大碗！黎到真係無違反商品說明條例，唔單止大碗，配菜都好足料。湯底方面，都唔算重口味，起碼我唔係好覺得頸渇先。 瀨粉方面， 條條都爽滑彈牙，雖然佢粗幼長短不一， 但係就係咁先反映到， 同傳統機啤出嚟有分別。我特登加咗鵝腸同炸雞翼， 鵝腸好乾淨冇異味， 呢個價錢呢個份量都算係咁， 炸雞翼就真係不得了， 極高質， 外脆內嫩， 不過食咗時要小心， 可能唔係繁忙時間啦， 即叫即炸， 差啲辣親， 真係好有罪惡感！

今日在附近工作完見要食午餐就在附近行，見到有間食粉裝潢幾特別，牆上有十大必食都幾特別知道有什麼食物好食，而價錢又不貴，就入去食午餐。今次叫了一個瀨粉和飲品，價錢都合理。這裡其實配菜都不少，而且又抵食，下次再食其他先。食物好快就來到了，都幾大碗，見到其中有白灼鵝腸，好爽口又不會好難咬開，煮得不錯，再加淋身入味的蘿蔔大大舊好甜，配菜有蔥同花生好香口，仲有不少九菜，瀨粉都好多又滑身，喜歡辣的我當然再加辣，增加惹味感。飲品要了凍檸檬茶，夠凍又大杯，食完都幾飽肚。

今日試下深水埗呢間主打自家製瀨粉一入到去就俾呢個本店十大必食嘅牌吸引住Menu 方面，已經有好多配搭好嘅麵如果有選擇困難症嘅人會唔洗揀咁耐😂😂😂如果想散叫餸就可以睇埋後面果頁因為第一次食咩都想叫嘅關係最後叫左大大碗鮮製瀨粉，腐乳通菜同酥炸蝦卷呢個腐乳比我平時食開嘅重口味，點小小就好夠味大大碗鮮製瀨粉配料十足，加加埋埋有成13種而我覺得最好食嘅配料係黃沙豬潤同鳳城水餃湯底就揀左酸辣，個味唔會太重瀨粉個口感好滑同好有米香加埋有小小芽菜同木耳個口感好好酥炸蝦卷就係最後上嘅上到嘅時後熱辣辣蝦卷外面用一張薄薄嘅腐竹皮包住炸完出嚟嘅口感非常之香脆都食到佢有蝦嘅味以$28來講有五條都算好多兩個人加埋食都唔過$100如果想淺嘗可以好似我咁樣嗌如果想飽肚啲嘅直叫兩碗粉麵兩個人亦都可以

炎炎夏日，我和男朋友到深水埗逛街，看到網上介紹這間江南瀨粉， 是手打的，十分特別，我這瀨粉控必然到訪，很期待！我們點了這大大碗鮮瀨粉，配菜十分豐富，有豬肉、魚皮餃、鳳城水餃、黃沙豬膶、雪花肥牛、潮州魚蛋、台灣貢丸、墨魚丸、黃金片頭、木耳絲、豆卜、生菜及腐皮，非常好味！而且湯底是豬骨煲成的，香氣濃濃。手打瀨粉極有口感，而且煙煙UNUN ,大愛！南乳豬手的豬皮軟滑香嫩，加上豬手入味， 值得一點！補補骨膠原都抵喇，呵呵。然後，我還點了腐乳通菜，通菜爽脆，配上特製腐乳醬， 十分健康！下午茶還有豆漿或熱飲贈送，抵吃。

今日同朋友去左深水埗買電器，行左幾個鐘見肚餓經過見到依間食瀨粉幾抵就入左黎醫肚入到舖面覺得幾光猛，地面同枱櫈都好乾淨冇積水，食粉面既舖黎講算坐得幾舒服我地order一碗大大碗鮮製瀨粉，酥炸雞翼同凍朱古力大大碗鮮製瀨粉不得不推介，分量十足嘅瀨粉配上13種配菜只係49蚊，依家出去食餐飯閑閑哋都要50樓上，依道真係良心企業。 廚房好細心，佢哋準備咗一啲花生碎芝麻同埋蔥比客人用嚟吊味，但可能驚有啲客人會唔鍾意，佢地會放喺匙羹上面比客人選擇性甘落。同埋想讚下佢啲丸大大粒好鮮甜，餃子嘅皮唔厚主角瀨粉當然都不得不讚，麵身夠粗夠份量，又夠滑夠彈牙，食得好滿足！酥炸雞翼外皮炸得真係好酥脆，有金黃色入面肉身唔乾好多汁，內外都好有口感，沾埋泰式辣醬食好開胃同埋全部都係大大隻，食得好夠喉！

因為要去黃金買野既緣故，就約左女朋友放工去深水埗，睇下黃金附近有咩好食，由於車仔面已經食過無數咁多次，同埋又唔想等咁耐，天氣太熱喇。於是，再行入少少就搵到呢間江南瀨粉。因為時間仲好早，人唔係太多，可以舒舒服服食碗麵。拎起個餐牌望，原來同車仔面一樣玩法，都好既，多啲選擇，同價錢都算公道。佢有面牆列出左十大必食，我同女朋友就緊係望住黎剔，最尾叫左鵝腸，雲吞，水餃同豬潤。一碗酸辣，一碗少辣。另加一杯5蚊既豆漿。面黎喇，夾一夾，每條面都睇落粗幼不一架，食一啖，先開始意識到原來啲瀨粉係自家制架咁咁既價錢食到自家制既面都真係得架喎，心諗好彩冇叫到米線，因為本身真係想叫架。呢到既瀨粉同平時食到既口感幾唔同下，平時快餐店跟燒味個啲瀨粉硬身就彈啲，呢到就軟身啲，有啲似米線，所以就食得出自己打既。講埋叫既餸，最出色我覺得係水餃同雲吞，水餃大大隻，入面既蝦同木耳好爽口彈牙。雲吞，好有蝦味豬潤亦都係行爽口既路線下次去食會試下個大大碗因為叫兩個餸其實都係差幾蚊，但可以食多啲面同試多啲餸。