沾仔記麵食 (Moved) New Location

以前學校在附近午餐多數到此地吃雲吞麵...學生哥無錢睇住佢加價...由10蚊到13蚊雲吞有三大粒...係粒粒都好大粒入面既蝦都好多!!!麵就略微熟過頭,不過十三蚊唔好要求多多環境逼...感覺唔乾淨人好多....由藍領到白領到學生都係度食!!!!個人覺得堂食好味過外賣款色太小.......因為近排無去,唔知道係未得FISHBALL &雲吞& "靈"魚球差唔多啦....款色小先保持質素

離開監房都接近十點, 做到隻狗咁都唔知為咩? 師傅斷估都應該係為左食啦, 所以一路上師傅都不斷諗下食咩好, 可惜又冇咩心水; 最後咁啱經過呢間食店, 師傅見咁都有好一陣子冇黎過, 於是索性入去整碗雲吞麵, 求其填飽個肚就算啦!入到去人唔多, 大把位任君選擇, 師傅就求其搵個位坐底後, 二話不說即刻柯打左碗雲吞麵! 其實落單都有猶豫過要河粉好定麵好, 最後唔知咩理由揀左麵; 等左一陣雲吞肉麵就登場, 師傅一貫嘅作風都係試下個湯底先, 喝一啖發覺湯底味道一般, 清清地唔算濃, 而味精都不太重, 可惜亦不太特別, 冇咩欣賞價值; 再講碗雲吞麵有三大粒雲吞, 粒粒雲吞都好似乒乓波咁大粒, 咬下去第一個感覺係退步, 師傅覺得是次雲吞皮都尚算滑口但略嫌唔夠薄, 仲帶少少硬, 淨係個面似乎差左喎; 再睇埋個餡料, 裡面都算好多蝦同埋冇肥豬肉, 蝦身都尚算爽口, 但香味欠奉, 不算好味, 所以冇左嗰種不斷吃嘅衝動; 而麵底係生麵, 麵身依舊爽口, 軟硬適中, 亦冇鹼水味, 口感真係一流!總括黎講食物質素有下降積像, 環境同服務就真係好一般, 十三蚊都算抵食, 不過和師傅上一次黎似乎差左少少喇, 未知係

未去佐敦換禮物之前,跟屋企一齊去醫肚先.我們點半左右去到,都仲有枱.我們點了一碟菜芯,我則要了一碗雲吞撈麵麵未到菜先上.菜芯份量唔算少,菜芯鮮甜翠淥,唔會淥到過淋.麵有雲吞4粒,一隻雲吞入面好多蝦,蝦夠爽彈牙,只是沒有蝦味,兼且味精特多.麵的蠔油勁鹹,所以勁撈湯,我終於知道點解咁多蠔油,因為麵的鹼水味實在太勁,唔用咁多蠔油邊得呀!食完之後勁口渴,要飲好多汽水先可以解到那些味精.哎,我真是寧願俾多幾蚊一碗唔食味精,要食味精的話我回家食雞粉都得,仲可以慳番16元服務:那些待應姐姐唔想做咁款,落單又唔企起你側邊,根本唔知聽唔聽到你講乜.收錢又鬼咁耐先有人應你,俾1分都多左

去尖沙咀countdown前,朋友介紹去食佐敦沾仔記雲吞麵,不停讚好出名, 好好味.看似普普通通的一間麵食鋪,$12一碗 "好出名" 雲吞麵,都抵食!店員落order時叫雲吞麵做 "細蓉",一碗有雲吞3大粒,真係好大粒...吞皮裡面有好多蝦...好多啖才吃完一粒.再加$6一支樽裝梳打,$10一碟韭菜 (shared).抵食dinner!我見只有3款配搭: 雲吞/ 牛肉/ 鯪魚球可單拼, 雙拼或三拼...都是$12, $16, $20!!我friend話三款都夠它做下去, 無錯!

行經廟街,見到間叫沾仔記人頭湧湧,就行左入去試下,成間鋪得三樣野食,叫左個三拼麵(牛肉,鯪魚肉雲吞),好食..魚肉雲吞都大大粒....味道都算唔錯,值得再試~~因為佢太少野食了,無咩特別野寫,至於d阿姐的態度麻麻不過廿一,二蚊唔要求得喧多喇....

師傅食到唔湯唔水咁, 加上谷住度氣, 真係冇癮; 懷住一夥不是味兒的心情由老尖行落去佐敦, 諗住邊行邊搵野食, 順便出身汗發洩一下! 沿路師傅又覺得冇咩吸引或者想食, 不經不覺就行到去佐敦, 黎番自己地頭, 師傅更加想唔到有咩可以食? 但忽然間師傅個腦閃左呢間食店出黎, 心諗如果仲未落閘就入去食啦!去到門口當時係晚上九點半過左,可幸的是店內依然燈光火猛; 雖然見唔到黃燿明同蔡德才, 但依然係咁人山人海! 師傅唔理咁多, 即刻行入去搵個位坐底先! 講都冇人信, 師傅喺呢區都打滾左一段頗長時間, 但由始至終都未黎過呢度食野, 點解呢? 師傅自己都不得而知, 既然機會難逢, 咁就即刻柯打野食! 師傅今次大貪d, 整個雙拼啦, 就要雲吞鮮牛肉麵! 等左一陣雲吞鮮牛肉麵就登場, 師傅一如以往就係先試下個湯底, 湯底味道一般, 並不太特別; 再望下雲吞得兩大粒, 鮮牛肉有五至六片; 先講下雲吞, 雲吞真係幾鬼大粒, 而雲吞皮又滑又薄, 內裡嘅餡料就真係好多蝦同埋冇肥豬肉, 加上蝦身幾爽口同幾鮮, 真係不錯, 如果能再多幾粒就更好; 而牛肉就鬆身, 味道都可以, 冇咩特別; 至於個麵係生麵, 麵身

之前無想過會在這裡用膳,但好友極力推薦,便姑且一試.坐下來後卻有點後悔,店子小不在話下,而且衛生欠佳,在店面能見到阿姐徒手整麵,完成的麵則用報紙蓋上,實在叫人要了一碗雲吞麵,有3隻雲吞,只是$12,的確十分便宜,可是味道卻毫不討好.麵不錯,不會太重'簡'水味,雲吞皮也十分滑溜,裡面十分足料,可是蝦無蝦味,只有味精的味道,比茶樓的蝦餃更加重味...所以平日算是食得比較淡的我只能勉強食了一隻雲吞一向食得濃味的人不妨一試,可是得小心身體,因為始終食太多味精對身體無益.

去飲宴之前先打底，求其揾咗間雲吞麵店。呢間野只有三樣野食，1. 鯪魚球 2. 雲吞 3. 鮮牛肉。要了碗淨雲吞，一碗有4粒。size 正常，唔似乒乓雲吞咁大粒。個雲吞皮好滑又唔會太厚，好好食。不過餡料只得蝦同少少肥豬肉同豬肉。d蝦嗱到無晒味，得個爽字。味道同口感完全唔balance，好artificial。價錢係好平，不過就係得個平字！

打算星期日到廟街一帶找吃，特別上open rice搜尋資料，看見這間食店的食評不錯......特別是價錢適合我這些"窮等人家"。吃完雞什粥後左逛逛右逛逛，不知不覺就到了沾仔記，客人滿滿，剛好有2個坐位便立即衝入，點了雲吞麵和鯪魚球麵；雲吞的蝦很爽，鯪魚球尚算彈牙，但2款味道一般，最好的還是湯底和價錢(各HKD12.-)；去那裡找呢大家不防一試

呢間舖頭野超平超抵食12蚊三種選擇 - 雲吞 / 凌魚球 / 鮮牛肉6蚊一碟油菜6蚊一杯豆漿雲吞 同 凌魚球 我都食過最鍾意食雲吞麵雲舌3粒大大粒 (裹面有2~3隻蝦)蝦好鮮味、麵又爽口凌魚球 都好大粒 (小朋友拳頭一樣大)都係3粒次次我都係麵+菜，$18就一餐如果行經附近又唔知食乜、又想平平地食一餐...咁就食呢間啦

佐敦區麵店林立,貴有平有,要數平又有質量,一定有沾仔記那份兒!我到此不只一次,三款麵都嚐過,當中最愛就是鯪魚球拼鮮牛麵,雲吞唔係唔好食,不過食雲吞麵,細粒雲吞個感覺都係較好.這裡的鯪魚球,用料足,粉同肉的比例好好,唔會因價錢平,就將貨就價,食落唔會好似食擦字膠,果皮仲好香.有一天吃罷,還外賣了一打雲吞,一斤鯪魚球用作打邊爐,美味透了!不過唔係佐敦人,都幾難揾到此店,揾到都未必有信心內進,真係要修一修個門面.

有日同同學仔又去寶靈街果頭搵野食,見沾仔記有雲吞麵就閃左入去啦!入到去發現...雲吞麵只係$12碗!幾抵喎!!!而且好快就已經黎到,都幾有效率...一試,真係喜出望外...$12咁既質素真係好好!大大粒雲吞,入面好多蝦,冇咩腥味仲要好爽呀!真係估唔到會咁真材實料!而且d蝦仲要挑走埋d蝦腸...個湯底唔係好濃,我鐘意佢清清地!個麵雖然冇咩"簡"水味,但係有d難咬...所以我都係鍾意米粉多d!!!牛肉都試過,ok!不過陵魚肉就麻麻!(可能我自己本身唔多鍾意食陵魚肉啦...)油菜方面,菜心係最好味,個通菜太多腐乳咸過頭...總之佢個雲吞面$12又好味又飽肚,真係令人喜出望外!

七月五日(六)行完廟街過左黎佐敦沾仔記食雲吞麵，佐敦尼度有沾仔記其實應該唔好多人知同識路黎，亦因為有麥文記係附近亦都間接影響到生意，單以雲吞計個人唔覺得沾仔記既乒乓波差過麥文記，只湯底有所不及，但價錢平一半雲吞又有口感D都絕對值得黎捧場~雲吞麵($12)十二蚊一碗，乒乓波雲吞三大粒，啖啖鮮蝦同肉，口感十足，加埋專用乒乓波匙羮，唔驚食得弄盡，好食又抵~ 2人合共食左三碗 ~ ~"腐乳通菜一般淥菜加腐乳，味道不錯，價錢平，份量頗足~堆單五十蚊唔到，晚餐黎計好耐都無試過咁平都食得滿足，掂~

這裡不就腳,要專程行去食.接近中午的時段,只有二位人客.店子甚小,只有圓枱和小的二人貼牆方枱,四周放滿雜物.叫了此行的重點,鯪魚球麵.十分鐘有得食,有三個乒乓球哂士的鯪魚球,顏色鮮明,咬落十分彈牙,但稍欠魚味,不過也難怪,因現在不是鯪魚最肥美的時候.葱粒和少許陳皮味增加食味不少.麵身也算爽口,很少梘水味,辣椒油只有顏色沒甚辣味和香味.湯底是很差,沒有鮮味,很淡,是味精水.要像他店加腩汁嗎?是沒有的,因為全店只賣雲吞,牛肉和鯪魚球三樣和油菜.說到服務,是只有起碼的落柯打和把食物送上,全程一言不發.但是十二大元有這樣的品質,重想點?

以$12一碗麵作比較, 沾仔記, 應算是表表者成間店只得三樣嘢, 大粒雲吞、鯪魚球及牛肉!本人就特別喜歡雲吞及鯪魚球, 因為雲吞及鯪魚球嘅size比其他同類形嘅店大, 勝在夠抵食,雖然係咁, 牛肉也不錯, 嫩滑滑的, 只可能因為牛肉價貴, 所以份量少了一點!出品也夠快, 最重要門口可以泊車, 趕時間, Double parking一陣, 邊食邊看住架車, 食得安心!否則, 牛肉乾貴過碗麵...所以平靚正快...實至名歸!