金玡居

Open Now

Now Closed

今日去行故宮博物館係海旁見到呢間野，例牌上OpenRice 睇下評價見到都唔少講一般但又想食麵 於是照入去試下叫左兩個麵同兩杯野飲，兩個麵先上，見個碗咁細 但份量都算多再加埋杯大杯野飲，真係飽肚我叫嘅係招牌鴨血臭豆腐牛肚幼麵送上黎 臭豆腐味都好出個湯底好正，我忍唔住飲左一半另我叫左杯雪燕杏仁牛奶唔會好甜 有啲杏仁同雪燕 入口好march杏仁味唔算好濃朋友叫左杯宇治紅豆冰我試左啖 好濃抹菜味 又大份量 朋友食完杯麵再飲埋杯沙冰表示飽到唔想行下次故宮展覽出新展會再過嚟食多次

喜歡逛完博物館來這裏休息和醫肚，因為附近食肆不多，通常會避開繁忙時間，避免排大隊。餐廳裝修尚算舒服優雅，但今次選擇坐戶外，吹吹風之餘欣賞西九海景。花生黑珍珠燕麥冰（$68）有濃郁的牛油花生醬味，口感creamy，啖啖燕麥，花生同珍珠有嚼勁，是我喜歡的口味，同都幾飽肚。金玡居拌麵（$128）麵身夠煙韌，用叉燒、蘑菇同溫泉蛋拌麵，配上類似泰式酸辣汁，酸酸辣辣幾好味。金玡居香辣滷肉豆腐蓋麵配鹽酥雞三件（$128），新鮮炸起的鹽酥雞熱辣辣，配以滷肉粒和豆腐，夠惹味香口。湯底比較濃稠，更似拌麵。這裏食物選擇不多，價格也偏高。以前來過數次，覺得服務質素時好時壞。但若把這餐當作是整個博物館之旅的一個環節，還是頗寫意的。

叫左個唔知咩豆腐蓋飯，百幾蚊，味道同街邊兩餸飯差唔多，又唔夠熱，等左10幾分鐘。另叫左個金牙居拌麵，真係唔得，又百幾蚊，等成差唔多半個鐘，又係唔夠熱，味道比一般差，著黑色衫個服務員（？經理）又無禮貌，是但啦，唔會再黎，希望多一個人睇到害少個食客

對上一次在山頂店食過，覺得幾好食特別是個雞湯，相隔一年今次食隻豉油雞保持水準，但個雞湯就差很遠失晒水準。還有下午2點多坐外面，天氣太好，好熱好晒把太陽傘都幫唔到手！

係故宮行左一半，原來可以拎條手帶岀去食野。係附近見到呢度幾舒服咁，就試一試。叫左安格斯牛肉油潑拌麵同安格斯牛肉麻醬拌麵，個人鐘意麻醬多啲，好香。佢有室外位，對住個海好舒服可能食飯時間，Waiter 係幾急下，不過佢提我地份量好大，我地就叫左3份4個人分，呢樣都幾值得讚！

本來不打算寫這店的食評，但今日回家在Openrice查看其他對此店的食評後，不得不寫一些感想。今天第一次參觀故宮博物館，還去了列支敦士登王室收藏名品 的特別展覽。 博物館既然在館內特別預留對海的空間為餐館區，應該想參觀人士在觀賞館內的珍藏品幾小時後，也可中段唞唞氣，在餐館吃過午餐，或下午茶，然後再返回館內繼續鑑賞。可以這麼說，這些餐館雖由獨立投資者經營，但在某程度上，參觀人士會當它們是故宮博物院的一部份。  這就像我們去不同商場，高級商場的食肆和中擋商場自然有區別。 同樣，我們對位於博物館的餐館也會對它們的服務、質素是有期望的。今日我和太太點了清燉牛肉麵、花雕雞湯麵（配香葱雞肉）和滷水豆腐。清燉牛肉麵的牛肉是肥牛，完全看不出是清燉（見圖），怎知回家看了上年9月17日的食評，那位食客點了安格斯牛肉麵，安格斯竟也用的是肥牛（分別是加上麻醬而已），這不是有點欺人嗎？另一碗花雕雞湯麵，葱雞肉塊件砌得薄薄，肉質不太嫩，有點乾。 滷水豆腐非常濕漉漉，沒有滷水味。兩碗麵雖外表賣相尚可，但烹調質素就差天共地。而最令人啼笑皆非是店員來收拾我的牛肉麵的碗時，竟在我面前將盛載滷水豆腐的碟上的滷水汁一股腦兒倒

Boxing Day夜晚去西九文化區，諗住會有好多餐開，原來好多都收咗工，可以選擇嘅唔多，而且間間價錢都唔便宜，最後揀咗呢間，比較冇咁貴。倆母女一人一碗麵，另外加一杯珍珠奶茶🧋。

It is worth to eat.The clerk's service attitude is good, and the atmosphere is very suitable for checking in. You can also watch the sunset while eating, and the scenery is beautiful.Very cost-effective actually.It is very suitable for a family to come to have a meal during the festival. The price is reasonable and the food quality is good.

在西九文化區看完音樂show，餓了沒太多選擇就是試一試金玡居（最快有位），叫了兩個麵一個飯兩杯飲料，逐個點評（名字不太記得，但不想再去看）1. 辣滷肉豆腐飯配鹽酥雞：賣相差，就是一碗感覺放了很久的飯，放了幾勺溝辣椒粉的滷肉汁2. 麻醬涼麵：本身都OK，但唔知點解放左好多辣椒粉，好辣3 豉油雞湯麵：只雞是最好吃，比我感覺唔係這間舖整的，似係外面攞貨返黎的現成豉油雞4 凍檸檬蘇打：正常但價錢好貴5 熱cappuccino：尼個最想吐槽，我明你係台灣餐廳，唔係咖啡店，但你賣接近50蚊一杯的咖啡竟然使用咖啡沖劑做的，情何以堪啊，第一啖飲落去，我自己都難以至信，差評

靚景 +好食嘅金玡居 呢個weekend 又過左嚟西九 吹下海風 放下空😌晚餐 ： 金玡居 （故宮）😋😋 食住大大舊鹽酥雞 脆脆嘅蝦醬雞翼 配上Draft beef 望住個黃昏🌇 好正 🫶🏼 主食：第一次食牛肉麻醬拌面 😙 原來拌麵係好好食嘅🤪🤪（本人一直只愛吃熱熱湯面）下次再嚟都會 再點 多次 😝 三五知己 最正就係坐outdoor long table 🌇 眼見餐廳職員們都好繁忙 但服務態度也很友善個男經理都好體貼🤨🤨 見到我地D 啤酒就嚟飲完又會主動問我:需5需refill 😆😆 都幾friendly 丫

Weekend約咗狗狗friend一齊去西九玩玩之前去咗金玡居食late lunch女侍應好友善嘢食都好味😋第一次食宮保皮蛋臭豆腐辣辣地好好味下次可以再黎食過😋

西九愈來愈多寵物友善餐廳！今次試呢間台式餐廳係故宮博物館隔離！我地帶住狗狗就坐室外 叫左黑松露菌菇拌麵，紅燒酸菜牛肉粗麵，再加左兩個飲品西柚沙冰同埋花生黑珍珠燕麥冰！紅燒牛肉麵有個食法說明，配合埋酸菜好味！員工都好友善同埋好鐘意狗狗！都無其他人講得咁差姐😂😂😂

貴夾唔好食係難食到令我開post第一次到食評。叫左三碗麵三杯飲品。我都明係遊客區唔可以期待乜野。等左大概20分鐘左右。分別叫清湯牛。花刁雞。酸辣雞湯面。但原來酸辣雞面無雞係魚黎既。黎到唔見雞問侍應點解係魚。佢都唔知要去問。問黎先話係酸辣”雞湯”面。。但舊魚係林patpat. 個湯同面又酸到拿喉。牛面湯係味精湯。但面又硬又無味。牛又係。野飲係無叫少甜情況下0甜。檸檬soda都係人工味同其他食評一樣又貴又難食

西九周圍都好full，帶住狗狗都有啲難搵餐廳～ 見到呢間有位又歡迎狗狗就坐低咗。食物ok，價錢合理👍🏻🤲🏻 店員又鍾意狗狗，坐得好開心～食完就可以帶狗狗放電，好開心😻

幾次經過都見坐滿晒,  今日終於有機會試下, 主要俾佢擺門口有部生啤機吸引天氣涼涼地, 坐outdoor嘆杯啤睇下日落真係幾寫意日落後開始有d涼就轉返入室內食晚飯, 麵同小食我覺得都ok, 唔係差, 不過最令我有印象係豉油雞, 雞肉好滑, 又夠入味見好多comment話價錢貴, 但今時今日喺香港食幾十蚊碗麵都真係算貴咩? 我又覺得價錢正常, 西九嚟講算係叫平添, 嘢食質素同服務亦唔係其他評論咁差