九份飽 (屯門時代廣場南翼)

Open Now

Now Closed

咁岩要去市中心做野, 就諗住喺到食餐, 諗起之前唔少人介紹九份飽既蛋餅特別好食, 咁岩屯市都有間, 咁就入左去食, 點知呢餐竟然令我眼界大開….一入門口, 係完全冇人理既, 等左陣都冇人黎就自己入去坐算。之後揀左薯仔起司蛋餅同百香果綠茶後, 店員就收走左張單。綠茶同蛋餅先後送上, 平時就算去茶記食個餐, 啲叔叔嬸嬸點都會講聲A餐喇。呢度係冇既…..好彩夾開塊蛋餅, 舊薯餅喺到, 即係冇送錯到。喺呢刻, 我忽然突發奇想, 會唔會成餐都冇機會聽到店員把聲呢?不過細想一下, 陣間點都要埋單,佢點都會講張單幾錢呱….😅始終係食評, 都要講下食物質數:綠茶唔甜, 百香果味道唔化學, 蛋餅表面煎得脆, 有少少芝士味,同薯餅都幾夾。終於要埋單喇, 我自己行出去收銀, 然後講左句 「八達通俾」。 之後…個店員真係連幾錢都冇講到😂…當然 「多謝同拜拜」更加冇可能聽到…去餐廳聽唔到店員把聲我終於解鎖到喇。真心, 呢個成就比去澳牛俾叔叔鬧更難達成。咁呢班忙到同客講幾錢都唔得閒既店員係忙緊啲咩呢? 喺我食緊既時候觀察左陣, 有一半都係玩緊電話既…出餐廳後第一件事就係諗到一定要上黎寫食評🤮🤮。 附上收據一張,

蕃茄牛肉麵湯底濃厚茄膏化學味都算，仲要唔熱。牛肉係一片片圓形硬硬的肉，我極懷疑係預制菜。諗到價錢同我居然為呢份垃圾排了15分鐘隊，覺得真係好委屈，咬落舊牛肉第一啖忍唔住流眼淚，食咗1/3已食唔落。炸物ok，肉鬆蛋餅拯救了呢間嘢没有被我即時反枱大吵大鬧。兩個人埋單233，美麗新香港，辛辛苦苦賺錢人頭一舊水只配食預制菜。唔少食客食完都喺到玩手機，我估計佢哋同我一樣都係打緊劣評。食完極影響心情，不會再試，如此冇心做食物的餐廳不如執咗佢做第二樣啦。

今次我試咗一碗番茄牛肉麵，真係好好味呀！🍜首先，個牛肉煮得剛剛好，鮮嫩又多汁，咬落去完全冇咩油膩感。佢仲有一種淡淡嘅番茄香味，搭配埋個湯底，真係絕配！湯有啲酸酸甜甜，正好中和咗牛肉嘅濃郁味，食完之後好開胃。再講講個麵條，煮得啱啱好，唔會太硬或者太軟，吸咗湯汁之後，食落去特別入味。而且上面仲有啲新鮮嘅香菜，增添咗一份清新感。整體嚟講，呢碗番茄牛肉麵無論係味道、口感都做得好到位，真係一個好選擇！如果你鍾意牛肉同埋番茄，呢碗麵絕對唔可以錯過！下次再食一定再叫多一碗！😋」-

我去過呢間舖食過幾次，曾食過滷肉飯、排骨米粉、魷魚鬚、QQ丸，同飲過冬瓜茶同百香果紅茶，味道都不錯👍🏼 我以為餐單上嘅食物都應該唔差，點知今次點咗個蕃茄牛肉米粉，真係搞唔掂，湯底太鹹，牛肉太韌，諗住食個配菜紅蘿蔔啦，點知啲紅蘿蔔都係鹹嘅，感覺好似用茄膏做湯底，太重口味了吧🫢。建議食家唔好揀蕃茄湯底嘅米粉或米線，其他食物同飲品都不錯。同時亦建議店家考慮下調整返蕃茄湯底嘅味道，或者出新湯底代替蕃茄湯底😅。

路過肚餓，見佢有位就入去，餐牌上一堆菜式名稱及價錢已經令我懷疑佢是否值得。以前外賣過一個旦餅，已經覺得完全不值。最後點了所謂蕃茄牛肉湯米！一見已經唔開胃！湯底明顯係茄膏加豉油，然後「傑撻撻」。沒有想過香港今時今日仍有如此賣相不堪的湯米上桌！勉強吃下柴柴哋嘅牛𦟌⋯⋯剩下一堆米粉⋯⋯這店也許生存之道是店細租平！吃了影響心情⋯⋯浪費我食物配額！！

高性價比台式食店💯😍舖店唔大所以夜晚成日都要等位㗎! 今次就weekday下晝去食之前食過佢嘅細魯肉飯(~$40)都超大份😂完全可以2個人share食完真係十分飽除咗飯 麵仲有好多小食😋今次1個人就叫咗份蛋餅加野飲肉鬆芝士蛋餅 ($37)荔枝綠茶🥤 ($20)蛋餅應該係即叫即整 所以都要等一段時間蛋餅上枱睇落細細份 但超足料🥰肉鬆同芝士多到噴出嚟😋🧀成條都滿餡 唔會到邊邊位冇料㗎💯超中意佢個餅皮有啲厚度 夠晒煙韌野飲係跟飯/麵先有discount🤔所以係單叫 好幾款都係$20杯野唔記得影相😛不過都幾好飲 3分甜都已經夠晒甜😉

突然好想食蛋餅，又落大雨，就係商場求其搵間台灣菜😅估唔到有驚喜喎🤭😋1.玉米起司蛋餅 ($33)作為芝士控好滿意呢個蛋餅🤤芝士好足料，蛋餅煙韌，不過一定要點汁先夠味🤭3.香酥排骨麵 ($52)排骨炸到好鬆脆，鹽酥味道剛剛好呢😬排骨肉質唔會炸到好鞋，keep到juicy，好味😋麵質好滑，湯底偏淡，但配埋鹽酥味排骨食都夠味嘅👍🏻3.鳳梨綠茶有啲失望，好淡嘅鳳梨味😅加上叫左走甜，一般啦🫢

話說每次黎親屯門就會諗起九份飽🤣🤣（我真心覺得佢比起出面某d好出名既台式食店更好食😥…）次次黎食都會點佢既雞扒魯肉飯同埋豬扒飯+魯肉！雖然我平時中意食雞扒多過豬扒，但黎到九份飽就非常之推薦大家食佢既豬扒飯！！！最緊要加魯肉！！呢個配搭真係不得之了！食極唔厭之餘仲會念念不忘🤭不過因為佢既份量好足夠，次次食完一個飯都已經好飽，一直都冇機會試佢既小食🥲所以今次我就同朋友share一個紅燒牛筋腩米粉再加2款小食，QQ地瓜球同鹽酥雞！估唔到佢連d小食都咁大份🤣🤣2個人都食到勁飽！！仲要價錢平！好抵食呀！

第一次幫襯呢一間，都算係正宗台灣嘢食，食物選擇好多。☺️☺️裝修幾好，地點係市中心夠方便，坐得算舒服，飲品同食品都好好味，價錢尚算合理，當然比起台灣冇得比啦😂😂😂

又到晚飯時間今日去九份飽嗌外賣食九份飽真係算係屯門區好食既台灣野今次嗌左好多野食有肉燥飯 冬瓜湯 鹵味拼盤炸地瓜球 炸甜不辣肉燥飯嗌左大碗 好多肉 真係可以一啖飯一啖肉而且味道好好食 冬瓜湯就正正常常 我覺得冬瓜味唔夠重炸地瓜球同甜不辣係鐵膽次次都一定嗌地瓜球入面有餡 軟淋淋 又唔會太甜而甜不辣就炸得唔會太過火同台灣食既味道好似鹵味拼盤有豬耳 雞翼 豆腐 雞蛋全部都鹵得好入味由其豬耳 好爽口份量都好大兩個人食都食唔曬😋😋😋

今日來到屯門，見到有一間台灣餐廳，排隊排到好長龍，睇落應該都好好食，所以就去試咗一下。呢間餐廳超級台灣風味。連裝修都好有台式味道。講返覓食物先，食物嘅份量每樣都非常之多，以晚餐嚟講都係非常之飽。首先叫咗個香酥排骨飯，仲有米粉同麵。香酥排骨份量好多個都有四至五塊排骨肉。仲有叫咗個鹽酥雞，鹽酥雞味道好濃，份量都好多，如果係細食嘅人士，有可能真係食唔晒。美中不足嘅係，佢跟餐飲品只有普通飲品係半價，台式奶茶呢啲種類就要原價。

成日經過都見到呢間鋪有人排隊，一於試下佢。懷舊魯肉飯🍚（大） $45，滿滿既魯肉同魯肉汁鹽酥雞🐥$38，炸得好脆，份量十足雙層起司蛋餅$33，超多芝士🧀，好有夜市既風味

雙層起司蛋餅 $33- 蛋餅方面，就揀咗食雙層起司蛋餅，兩層芝士味道比較清淡，芝士不能拉到絲，下次加返肉鬆應該更好食。懷舊魯肉飯（小） $35- 魯肉飯都幾多滷肉同滷肉汁，D滷肉喺半肥瘦，幾好食。香酥排骨麵 $52- 排骨麵包括有油麵、芽菜、半隻蛋、菜心配4件排骨，份量十足。排骨外層炸粉較厚，肉質食落比較淋。冬瓜茶加 $10- 冬瓜茶飲落唔係好甜，唔錯。

有嚟過呢度食正餐同埋下午茶，但個人特別喜歡這裏的下午茶，只有A餐同B餐，小弟兩個都有試過，喜歡A餐嘅原因當然係食佢個蛋餅，珍珠奶茶可凍可熱可少甜，鹽酥雞好食，之前天氣比較凍我會比較想食B餐，元貝冬瓜湯同埋香酥雞扒麵呢個組合真係最佳組合，食物水準真係唔錯，特別係個湯麵同埋個湯，真心夠熱👍，香酥雞扒好食👍，不過嚟過咁多次服務水平真係有待改善，試過幾次聽到服務員好大聲傾偈吹水，令到用餐體驗非常差，下午茶$39真心高質冇投訴，會唔會會推薦？如果係純粹講食物當然推薦😆

落單同待應講野 吾會比反應你 都吾知佢聽到定聽吾到 黑口黑臉一句 服務差！ 服務差！ 服務差！野食算ok 上菜都快 但地方有點窄你5介意佢服務差 受下氣就無問題幾個待應啊姐大大聲吹水仲聽到佢地待應在上班中嘈左2句 其中一個待應話吾好嘈 吾好嘈