九份茶舍 (登打士街) (Closed)

⭐️三色仙草芋圓有3種 地瓜圓 芋圓 紫薯圓 仲有紅豆仙草九份食過好多次 相對比其他店軟熟 通透.⭐️椰汁西米三色芋圓西米係偏大粒既 不過如果再多啲會好啲椰汁比例相對多 夠凍 夏天都幾消暑.#hkfunfoodrecord窮遊香港#hkfunfoodrecord_旺角#hkfunfoodrecord黃店.#九份茶舍 (登打士街) (旺角)旺角登打士街43P-43S號鴻輝大廈地下9B號舖.⭐️評分：味道：3.5/5 環境：-/5 拎走外賣服務：3/5抵食：3.5/5

今日買咗杯碳焙烏龍茶加芋圓（ $28 ），諗住標榜自己係台灣野應該唔錯，點知好難飲。茶好稀之餘更加冇茶味， 芋圓煙煙韌口感但係冇味，飲完都唔知自己飲緊啲乜，飲水都冇咁嬲，好失望呀！

尋日收工經過買咗三色仙草芋圓同古早味奶茶，地點方便，員工幾有禮貌，會問清楚你想要咩甜度同冰量，算貼心。三色仙草芋圓：材料有紅豆丶芋圓丶仙草，份量充足，食完已經好飽。食落去彈牙爽口，嘅適合而家炎熱嘅天氣。作為甜品幾唔錯。古早味奶茶：茶味重，因為驚太甜，甜度選咗適中，有大量地瓜珠，飲落唔錯。位置係旺角登打士街喺OK隔離，都幾近旺角地鐵站同油麻地。附近都幾多小食，食完仲可以幫襯燒賣王。仲係黃店，要大大力支持

夜晚糾結左好耐食滿x甜品 定試新野好 因為近 落樓就係 揀左試呢間 睇圖好吸引 好足料 一打開....呢碗係清湯？淨椰汁？D料少得可憐 咁就$37 真係好後悔 數過成碗得9粒芋圓 西米都係少 唔係好滿椰汁唔係濃果隻 好似飲緊花奶水咁唔明點解「三色芋圓 」同「椰汁西米三色芋圓 」差咁遠？？？廢事又行返落去問就算係黃店都真係無下次。。。減肥 難得一個月一次食糖水 揀錯左 真係好嬲...隔離買杯珍珠奶茶仲好過野飲未飲過就唔知 不過都唔會想試啦

「九份茶舍」作為香港坊間裡面的新興台式手調飲品店，台式飲品裡面的款式和口味感覺，相對比較貼近年輕人口味要求，沒有例如「水蜜桃紅茶」，比較重糖漿甜味的手調紅茶飲品。所以偏好「蜜桃」甜味，又想飲到接近「紅茶」飲品濃度的朋友來說，就可能需要在「九份茶舍」裡面尋找其他能替代「水蜜桃紅茶」的飲品了。結果我發現到「九份茶舍」推出了，有一款名稱叫做「桃避你」，實際上味道是「水蜜桃乳酪白玉珍珠綠茶」的台式手調飲品。「綠茶」的味道雖然比「紅茶」清淡得多，但是由於加入不少甜味「水蜜桃」，加上還有酸味「乳酪」作為飲品味道裡面的襯托，所以「水蜜桃乳酪白玉珍珠綠茶」實際味道濃度一點也不清淡，飲品味道感覺酸酸甜甜。至於「水蜜桃乳酪白玉珍珠綠茶」裡面的「白玉珍珠」，口感跟傳統手調台式飲品裡面的「珍珠」有點不同，傳統台式飲品裡面的「珍珠」口感比較煙韌，相反「白玉珍珠」口感相對就比較爽脆，咀嚼了幾下就可以嚼爛了。所以下次來到「旺角」，「九份茶舍」的「水蜜桃乳酪白玉珍珠綠茶」飲品，味道酸酸甜甜的「桃避你」屬於我在「旺角」裡面，會考慮購買一試的飲品店和台式飲品之一。

最近雖然疫情反覆, 但日日困在家中都唔係辦法, 所以今日就出一出旺角行下, 唔知係未秋天悄悄地來了, 所以連帶出門嘅水都唔夠飲, 所以就響旺角搵一間岩眼緣嘅台式手搖飲品店幫襯一下大家都知道旺角家樂坊對出嘅行人路處有一排林林總總嘅台式手搖飲品店進駐, 所以我都只著眼響果幾間店打量後決定去幫襯呢間九份老實講本人少有飲台式飲品, 飲嘅主要係本人女友, 所以都以佢口味來依歸今次我地叫左碳培烏龍珍珠奶茶(大), 28蚊, 本身我地係冇叫珍珠嘅, 但店員好貼心咁同我地講加埋珍珠唔洗加錢嫁, 所以就轉左呢杯, 我地特別嘅要求如半糖半冰佢地都有注意到, 所以效果都係滿意嘅, 而且製作時間非常之快, 我等左唔洗兩分鐘就有得攞, 佢地嘅手腳都好快, 唔會要人等登登~~~如相所見珍珠唔係普通一粒粒沉底, 佢係加左d 估計係黑糖漿入去, 所以溝勻飲落有種滋潤嘅感覺, 而因為茶底本身係碳培嘅關係所以茶味都濃厚又有層次, 絕對係要推薦比大家試下呀

未夠18歲嗰陣會飲Jolly Shandy當啤酒扮大個，知道九份茶舍同Jolly Shandy合作都好想去尋找青蔥的歲月😝 但其實都係抱住試伏嘅心態去飲🤪😋 Jolly Shandy 擺烏龍 $36呢杯用咗原味Jolly Shandy、烏龍茶同埋白玉珍珠，飲落去當然一飲就飲到Jolly Shandy陣味，但無汽嘅，烏龍茶個茶味都畀Jolly Shandy蓋過咗，啲白玉珍珠就幾彈牙幾有咬口。除咗烏龍茶之外仲有海鹽奶蓋同Punch揀，個人覺得海鹽奶蓋嗰杯應該會正常啲😗

呢間餐廳真係好好食餐廳工作人員同埋老闆真係好好人佢哋嘅竽圓真係好好食再加上仙草奶凍如果想甜啲可以配上鮮奶真係好好食當午餐都好正你哋一定要去食呀有好多分店㗎支持一下良心小店

周圍都有分店的店～ 之前飲過佢分店嘅珍珠飲品，覺得一般～ 今次再俾機會佢試其他嘢又OK喎😛⠀🍨 三色仙草芋圓 $37有蕃薯圓、芋圓、紫薯圓、紅豆、水晶同仙草～ 碗仙草都好滿😙 三款芋圓都有味道，尤其係蕃薯圓，重蕃薯味🍠 不過質感就偏硬，唔夠煙韌。 紅豆係粒粒分明，甜度適中，仙草亦係原汁原味，好味😙🍧 黑糖瀑布仙草鮮奶 $25(中)/$28(大)呢杯嘢我冇叫少甜少冰但個甜度都非常好😙 仙草唔覺係有浸糖水，係好raw好天然嘅味道😚 然後係帶出微微嘅黑糖味～ 不錯😗

今朝九份茶舍新鋪開張，一定要賀一賀佢！恭喜老闆再開分店，願榮光歸香港 🔥【齊撐黃店逆市開張🔥 #旺角九份茶舍】黃色經濟圈對香港重要，皆因圈中的經濟得益可以用於本地抗爭當中，並能以黃色經濟抵制紅色資本，發展香港經濟自主。同時，在反送中運動中，更有手足因政治立場或被捕而被解僱，黃色經濟圈亦能向有困難手足提供援助架！所以，大家經過就嚟飲返杯野啦～🥤 九份茶舍（登打士街店）登打士街 43P-43S 號鴻輝大廈地下 9B 號鋪#黃色經濟圈

位於旺角登打士街新開黃店，係OK隔離。好方便放工放學黎附近買，加上隔離左右係小食店，非常方便。❤️三色仙草芋圓 $37~有仙草丶芋圓丶紅豆丶塞天，成碗都食得煙煙韌韌。芋圓口感唔錯唔會太甜好有口感，其他配料夾埋幾好食。夏天熱辣辣整一碗冰涼涼非常爽。❤️黑糖瀑布珍珠鮮奶(大) $28~為店舖極之推介，由黑糖珠丶黑糖漿同鮮奶混合而成。一口飲落極之冰涼，黑糖珠甜度十足亦有口感，配埋鮮奶十分清爽，好適合夏天享用。學生亦有$5優惠，極之抵。

九份茶舍經常聽見的飲品黃店之一～現在鋪面仍保留不少的便利貼🔖而且是新開的分店，當然要買一杯支持一下#黑糖瀑布珍珠鮮奶 $29(大)見到餐牌上有兩個連豬在旁邊，所以沒有猶豫地點了這杯飲品💕一拿上手，珍珠尚有剩溫，而且賣相也不錯！不過...喝下時黑糖味很淡，而且奶味亦不重，珍珠尚算有嚼口，但還是偏軟身，應該煮過了時間😥真的有點失望不知道是不是因為新店關係，所以還沒有拿捏好水準😥，可能下次支持的話會試試招牌芋圓

🍧三色鮮芋圓 $37芋圓大大粒，夠晒煙韌同彈牙。配料仲有紅豆，仙草同寒天，整體唔太甜。唔算平但勝在大大碗，兩個人share啱啱好，仲要趁佢凍嘅時候食，消暑一流🥰⠀🍧驅芒人, 橙黑囧 $35行到㷫烚烚見到佢哋新出左夏日系列，個名又咁得意就叫左嚟試吓。佢哋分別係芒果同香橙乳酪白玉珍珠綠茶。有綠茶嘅關係味道好清新，乳酪亦都唔會令到杯野好甜。食到裏面有一粒粒好鮮甜嘅果肉，因為冇白玉珍珠所以俾咗椰果，但食落口感仲正，更加夏日添😋

其實我好飽，今日食咗好多餐，不過friends 話好囗渴，而且新店要支持下。花牌仲有好多喺門囗💐🌺，好好生意，要等7,8張單，我要咗個古早味珍珠奶茶少冰，等大概10分鐘，都算快手，但好似無少倒冰😅, 個杯幾靚，茶唔太香，不過店員好有禮貌，珍珠好多好足料，而且23蚊都算平。friend 就住MK, 攞上去佢屋企慢慢飲， hea 下😗