九份茶舍 (Closed)

同事farewell請大家飲野，佢話想試下呢間既芋圓，仲以為佢咁多芋圓產品，個名又起到好台灣感，以為招牌野無死，點知第一啖落去好淡，超淡，未去到水，似係有啲味既水咁，而啲芋圓呢，真係未食過咁難食，又硬又無味，係o趙緊一舊膠珠咁，因為係同事請飲試新嘢，我好比面咁逼自己飲左1/3杯，啲珠已經唔敢再食，其實飲左頭兩啖已經可以放棄！最後同事都叫我唔好再飲落去、好可怕既一杯奇怪水！估唔到咁既質素都仲可以生存到，好奇那些話好飲的評手🤣

今日放工經過九份買左碗愛玉三色芋圓同埋店員推介既伯爵珍珠鮮奶茶飲🥤，因為我唔中意飲甘甜，所以問店員可唔可以少甜，店員都同我講佢地用既係蔗糖，所以飲品唔會太甜，咁我就放心啦😋😋翻到屋企就即刻飲，果然無出面其他奶茶鋪甘甜，伯爵茶味仲好濃，跟住就有奶香味🍼👍🏻👍🏻果然無介紹錯👍🏻愛玉三色芋圓，啲芋圓好好咬口，好煙韌🤞🏻仲比我食到芋頭粒😋愛玉唔會太甜，好岩夏天食！一定回購😛😛下次試埋其他野先✨✨

九份一向出名黃之前係旺角買過黑糖瀑布珍珠鮮奶好好味黑糖味濃 今次經過都要買杯支持下 👍🏻👍🏻今次買仙草伯爵奶茶 伯爵茶味濃仙草滑溜溜 😍😍6月頭買個時排哂長龍 疫情影響至唔使等甘耐加上手工珍珠同出面既珍珠唔同 唔會得假膠 😂😂芋圓熱辣辣好好味 奶茶價錢同出面其實差唔多 但幫襯黃店好過同區藍店功x茶 香港人支持香港人嘛如果遲啲有更多新口味飲品出就好啦 btw而家有網上外賣平台 ubereat又多個選擇☺️

真係勁似粥水咁勁淡，冇嗌少甜，淨係少冰。烏龍茶係可比完全無茶味.........珍珠勁難食🤮芋圓更加難食🤢諗唔明點樣沖奶先做到咁差🤮飲過咁多間嚟講係最難飲，沒有之一！！自己用粉沖嘅奶茶都好飲過呢個囉🤢🤢🤢冇下次！！本身諗住試吓呢間話哂都係台式唔會差到去邊啦，點知係咁，仲要勁貴，外賣成四十蚊一杯，真係一啲都唔值，知道一杯奶茶可能好小事，係希望大家唔好中伏！！仲要飲完即時個肚一桶水嗰種感覺，太慘的經歷了。同埋絕對唔係因為我嗌外賣，真係15分鐘內收到，我唔信係呢個原因囉😡

朋友大力推薦去九份食芋圓，未喺香港都未食過，今日終於有機會路過，一嚐台灣的味道了。店外有數人等候，疫情期間看來仍有客人，質素應該不錯。點了一碗三色芋圓回家品嚐，等一陣已經有了，滿心歡喜拎返家同屋企人Share食！一返家，打開.....我完全係「打咗個突」，點解同我想像中差~~咁~~遠，明明我上網睇圖片係好豐富，爆滿出來咁，但我買係用“唏噓”來形容....1️⃣ 首先係椰汁好水、好淡、無乜椰子味2️⃣ 三種芋圓有咬口，但只有數粒，淡貿貿，芋香無又係淡而無味3️⃣ 西米正常，份量只有全碗“椰水”的1/4整體觀感與味道來說，差！仲要賣$37.....真係無下次 👎👎👎

呢杯就係季節限定既，因為見係新野，所以就買黎試下！明明臨走果陣有睇多次，但係依然吾記得佢係芒果乳「酸」，定係芒果乳「酪」，因為我記憶力好差⋯⋯ lol講番杯野，佢只係得細杯$35咁，但係幾好飲嫁bor！飲落係好fresh好新鮮，每啖都有芒果味，每啖都飲到白玉珍珠！佢個芒果係會遮左個綠茶味，我覺得係正常，因為你都係飲佢個芒果啫，個茶味可能混入左芒果乳酸入面！無論乳酸定乳酪都好，都不會飲到太酸既味道，主要係芒果味居多，可能比綠茶中和左乳酸味！佢甜度係岩岩好，係未去到甜到喉嚨痛既程度！而且入面會有一絲絲芒果肉，大概十啖入面四啖都飲到芒果肉絲咁！佢個白玉珍珠係好彈牙、煙韌，我覺得似芋圓，但無芋圓個種癡牙feel！店員姐姐都好主動好有禮貌咁問我洗吾洗要個袋裝，值得一讚！

如題，係用黑糖整既珍珠，而吾係珍珠加黑糖漿！個珍珠食落係只有少少甜但好有咬口，個質感吾會太硬，望落係淡黑同少少透明，同埋食落有一種淡淡黑糖味。個奶蓋係勁厚，度過係有3.5- 4 cm！個奶蓋係海鹽味黎既。個杯蓋上面另外有個位可以比你飲到奶蓋，但有時D珍珠會卡住左個位，搞到飲得吾太爽！茶底四季春係正常既。不過因為茶底吾算多，飲到最後其實就只會飲到層奶蓋，不過只係小問題黎！其實我反而會吾想要D珍珠，珍珠係無問題，只係因為我個人本身吾好珍珠呢味。我比較想就咁飲普通既奶蓋四季春，價錢再降少少，我諗我會成日走去買lor！lol奶蓋黑糖珍珠四季春好似暫時只係見呢間分店有，我睇其他分店餐牌好似係無既！

原本係想試佢個奶蓋，點知賣曬lor咁我只好試下佢個仙草古早味奶茶（大）！我覺得似貢茶個仙草奶茶，不過九份茶舍個仙草會滑D。個奶茶每飲一啖之後，口入面會有一種類似炭燒既味！大Size 個杯高19cm，最頂個圓形直徑係9cm。飲品要袋裝就需要問店員既！店員服務態度正常，而且好有個性！店外會有文宣、亦有貼紙可以攞！但係我就見吾到有酒精搓手液，因為見其他分店有lol同埋下次會想試佢個奶蓋四季草同芒果奶酪綠茶！