翟道翟 (Moved) New Location

呢間翟道翟係觀塘都好耐下，之前未開呢間分店之前主要係巧明街度食，貪佢價錢抵食同埋泰國野可以一大班人Share 😜 今晚又係4條友撐枱腳，但就去左呢間新分店，價錢大致都差唔多，新裝修仲靚啲乾淨啲。.🍴明爐盲曹魚$198泰式明爐烏頭就食得多，泰式盲曹也是第一次吃，好在盲曹魚非常少刺，而且肉嫩滑鮮甜，配合少少冬陰功湯底，味道酸辣惹味，非常開胃，同埋真係好多料，墊底仲有椰菜、芹菜、粉絲....🍴炭燒沙嗲牛肉串and 雞肉串$36 +$36 呢度串燒質素唔錯，秘製沙嗲醬豐富惹味，仲見到粒粒花生碎，食落有個炭燒味香氣十足。.🍴鮮蝦炒金邊粉$88金邊粉炒得乾身， 質感帶點彈牙，甜中帶酸， 加上多種配料如香菜和鮮蝦一齊炒，口感豐富。.🍴馬拉盞炒雜菜$78惹味炒菜，芥蘭苗切到好幼身，除左馬拉盞醬，仲加上蝦米、豆瓣醬、薑、蒜和辣椒🌶️香味十足。.觀塘區要搵一間泰國餐廳，呢間一定係首選👍🏻大碟抵食岩晒一齊Share食。

最近好似食得太多日本嘢今次又試吓泰國嘢簡單單單就食個海南雞飯午餐包湯包嘢飲$65正常價入到去播泰文歌有泰國人做侍應會講泰文打招呼成個環境都感覺好好碗飯勁大碗而且佢唔係普通白飯佢係椰汁飯椰汁味唔會好似芒果椰汁飯咁濃咁甜但係你會食得出撈過椰汁唯一缺點就係我自己嫌佢啲飯爛咗少少唔知係咪因為撈過椰汁嘅關係啲雞全部都係去骨勁大嚿肉啲肉好滑 jeng👍🏻👍🏻仲要咁啱俾咗雞髀位我真係啖啖肉😋😋海南雞有兩款醬汁黑色嗰款自己覺得麻麻喺第二度食過更好食而紅色嗰款依度就唔辣嘅所以我覺得唔錯令我最驚艷嘅竟然係杯檸檬薏米水佢唔會有檸檬嗰種苦澀味只有檸檬嘅清香仲要其實佢Menu寫健康飲品問先知係薏米水😂嚟到係唔會有檸檬飲落先知有檸檬味 都幾surprise星期六午餐成間餐廳都坐唔夠一半以咁嘅質素咁嘅價錢我自己有少少驚訝一度以為佢會唔會係藍店🤨但上網check左又無話希望佢可以繼續生意興隆啦

之前聽朋友介紹話觀塘工廠區有間泰菜幾好食，我地成家人都鐘意食泰菜，每次都係九龍城食，食完之後走都幾麻煩，今次呢間幾方便，地鐵站行過去10分鐘左右，我地不嬲都係食完放fb或ig,今次忍唔住要點名讚下呢間野雖然係第一次幫襯，但伙記真係好人，好有親切感，問親野都答，又介紹我哋食嘢，值得一讚

💖翟道翟 JJ Market呢間泰國菜味道同菜式外表都幾唔錯！加上佢啲嘢食都幾大碟 價錢性價比算高🤤💰人均$150 dinner佢個燒豬頸肉好林 而且個汁好香好入味😆佢個蝦餅都算彈牙 不過入面就少咗d蝦肉嘅口感🤔肉碎蝦醬炒飯就正正常常 冇乜特別大驚喜不過overall都值得試！

因疫情晚市禁堂食下，一家四口於下午茶時段提早吃晚餐，到了翟道翟吃泰國菜。餐廳位置容易搵，於駿業里與巧明街角位置。餐廳內燈光昏暗，談天是一個不錯的情調。椰汁嫩鷄湯，鷄肉很多又夠嫩滑，椰汁香濃，但又不會太膩。清邁辣肉碎生菜包，肉碎惹味香辣，伴生菜非常美味，因生菜不夠吃，老闆送多一份生菜給我們。海南鷄嫩滑，加上特色泰國醬，非常美味。馬拉盞炒椰菜苗，味道香濃，椰菜苗又不會太硬，正！炭燒香茅牛柳，價錢偏貴，但質素大失所望，牛肉非常多根又韌，𡁻到牙較軟。泰國鮮蝦炒金邊粉，炒得很夠鑊氣，加上洒了花生碎，更加好味，如果鮮蝦再多一點就更完美。蟹肉炒飯，飯味夠香，配上其他餸菜一流。另外叫了一杯凍香茅青檸薏米水，清新怡人，又唔會太甜，消去油膩感。泰式奶茶，沒有一般真正泰國奶茶極甜的感覺，甜度剛剛好，有泰奶茶味。整體來說都是質素不錯的飯聚，會再去試其他款式食物。

因為我係觀塘返工，所以觀塘既餐廳都試得7788，今次介紹既係泰國菜，係觀塘巧明街有一間質素可以既餐廳，係上年仲係附近開多一間分店。有泰國廚師擔任主廚，環境幾寬闊座位舒適，新店都一樣，佈置幾有泰國特色，同埋會播住泰國流行歌曲，好似有小小去左泰國既感覺。-🫕 例湯（👅: 7.5/10）未叫野食都會每人一碗，日日唔同，有冬瓜湯、紅蘿蔔湯，好飲在幾清甜唔會話好鹹好重味精。-1️⃣ 泰式炒金邊粉 💰72（👅: 8/10）份量好大碟，每次無論我食定朋友食都食唔哂。金邊粉好入味，味道係較酸甜，偏重味，幾開胃。炒得幾香口，粉炒得分明唔會痴實一舊，唔會太濕都唔會太乾身，食落幾煙韌，最好食係佢炒到有鑊氣，呢樣係好多金邊粉都做唔到既野，以前食過巴東夜市食過一個超好食既paithai就係好夠鑊氣。海鮮幾新鮮，有幾隻鮮蝦，食落爽口，唔會有雪味。-2️⃣ 翟道翟牛船河 💰72（👅: 7/10）飲得出個湯既牛味，幾濃偏甜，不過有比較有飲過仲好飲，湯算及格。雖然價錢貴小小但配料多，份量大會食唔哂，但呢個牛船河得總店先有，分店只有一個配料既牛船河。有5-6粒丸，食落算彈牙，肉有鮮牛肉同半生熟既肥牛，鮮牛肉唔錯不過半生熟既就比較

我真係好掛住泰國🇹🇭好掛住地道泰國嘢食 幾年冇去過而家個心囉囉攣😓可惜我諗有排都唔會去到泰國食 咁就lunch time食下泰國嘢止下痕先自選湯粉 - 豬頸肉冬蔭公湯粉絲 $58精選湯粉嘅配料同埋麵嘅種類都可以自己揀。配料就有豬頸肉、雞絲、牛肉、扎、牛肉、雞、魚、豬肉丸 ; 麵類就可以揀河粉、金邊粉、烏冬、粉絲。咁我就揀咗唔係度度都有得揀嘅粉😋碗湯粉嚟到已經有一大陣好濃郁嘅冬陰功湯味😙豬頸肉係厚切 口感煙韌、入味😍冬蔭公嘅香茅味同酸味都恰到好處 不過就嫌佢唔夠辣🌶😋

每日到Lunch time都好煩惱，日日要煩唔知食乜好。好彩而家openrice 自取優惠有好多選擇， 今日睇到呢間翟道翟有個外賣自取85折優惠， 即刻試下。✨辣肉碎煎蛋飯份量超！級！多！我一個人都食唔哂， 如果細食既女仔真係可以同同事share 一盒。肉碎同豆角辣辣地好開胃， 加埋泰式香料一齊炒，好有泰國風情。我最鍾意拮穿隻太陽蛋撈埋白飯同肉碎一齊食， 可惜啲飯太淋太軟。.✨紫菜湯隨餐附送，正常野.✨熱香茅青檸薏米水食完辣辣既豬肉碎， 配上一杯解喝既薏米水，喉嚨好舒服。.🏠 翟道翟🛤️ 觀塘巧明街104號巧運工業大廈1樓C室📍 港鐵觀塘站 A2出口，步行約6分鐘-----

口痕想食泰國菜 於是就選擇左呢間餐廳叫左炆豬手 炒金邊粉 馬拉盞炒通菜 生菜包肉碎 同埋椰汁冰野食好味 係生菜包肉碎比較辣 但都可以接受豬手原隻上 會比刀叉你切 肉好淋 好容易切開 椰汁冰好多冰 飲幾啖就無哂 但收28蚊就比較唔抵 如果叫辣野食最好都係叫野飲 飲水唔夠解辣2個人食唔哂 買單唔洗400蚊服務覺得唔錯 無乜特別嘅地方有機會都會再試

叫了幾款食物 ～有冬蔭宮湯 魚餅 炒金邊粉等食物味道不錯 都算是中上既味道 👌但員工質素低 完全無禮貌打翻水 也沒有任何道歉收錢也是沒有禮貌😔😔😔😔很差 比茶記更差的餐廳失望！！！ 😣😣😣

都市人生活緊張，疫情下人與人之間越來越疏離，好耐冇去happy hour 。趁呢幾日開始緩和，約左幾個同事放工後响公司附近傾下心事，互吐苦水，舒緩壓力。呢度好似置身於泰國，好relax ，加上响樓上，私隱度高又近地鐵站，最岩傾計。我地一人一大杯清涼飲料，配上香脆小食，什麼煩惱都拋開。小食款款精緻可口:香茅雞棒👍炸蝦餅👍炸雲吞👍炸軟殼蟹👍👍炭烤香茅香腸🤤🤤🤤烤雞腎😋😋沙嗲串👍飲品經典創意都有:珍多冰😍椰青👍蜂蜜蝶豆花😋😋香茅青檸薏米水👍👍

週末行下觀塘工廠大廈開倉，夜晚順便過來試下依間泰國菜，沿住地圖行，樓下望上去已見光猛既招牌，都算易揾。餐廳環境乾淨，侍應服務唔錯，餐牌都好多選擇，有選擇困難症既我又要花一點時間才能點餐，最後點了蝦醬肉碎炒飯同黃咖喱椰汁雞。蝦醬肉碎炒飯 $82蝦膏炒飯香氣逼人，炒飯乾身粒粒分明，有很多蛋絲舖面，旁邊有幾片泰國臘腸、青瓜片及肉鬆伴碟，蝦醬味道不會太咸，味道唔錯，幾有泰國風味。黃咖喱椰汁雞 $78勁多咖喱汁，汁略為稀，但撈飯食確係幾正，雞肉唔少，其他配料三色椒洋蔥都見，黃咖哩唔辣味道唔錯。

炒炒買賣風險高，同事逆市簽大單，替他高興之餘照例請食飯，但限於禁聚令，只好買外賣返公司食，保持安全距離，食得安心又開心。食外賣最怕帶到返公司味道串味或外賣盒破裂倒瀉。但响呢度買外賣完全唔洗擔心，外賣盒很結實，食物質素亦很高。泰小食拼盘有齊蝦餅，魚餅，炸雲吞，雞卷同雞翼。醃蟹仔青木瓜沙律，蟹有膏，青木瓜絲很幼很爽。酸辣海鮮粉絲沙律，粉絲吸收了酸辣汁很好吃。咖喱炒肉蟹，咖哩香濃辣道適中，蟹很多肉。香葉鹽烤盲鰽魚，魚肉很滑很香。辣肉碎生菜包，這個比較普通。炭烤松板豬頸肉，豬頸肉大大塊。波蘿海鮮炒飯，好多海鮮。蝦醬肉碎炒飯，蝦醬很香，飯乾身。各色各樣美食，有食到會自助餐的感覺。

今日本來諗住同老婆仔响屋企煮飯仔浪漫下，點知突然老闆急call 返公司開ot，好彩手快快中午搞掂可以返屋企。冇得煮飯仔但點都要有d表示，好彩附近有間好地道既餐廳，我可以帶個泰式驚喜俾老婆仔。OpenRice 優惠買指定食品有7折，再用埋觀塘區指定碼又減多$10😍無骨海南雞飯$46（原價$65)，海南雞啖啖肉又滑嫩。泰式香葉炒飯$55（原價$78），香葉係靈魂，泰獨有味道。炭烤清邁香茅香腸$40 兩串，香腸燒到卜卜脆，仲有淡淡的香茅味，泰惹味。冬陰公蝦湯 $90，蝦多湯酸酸辣辣泰開胃。暹邏紅咖哩烤鴨 $90，香辣味道泰獨有。香茅青檸薏米水 $28，美白袪濕老婆仔泰中意。老婆仔話泰豐富，佢好滿意，贊我泰識做🥰

今晚又同180先生出動搵食喇。180先生個朋友話佢番工有間不起眼的泰國菜都唔錯，咁我地就二話不說就去開餐喇。講開不起眼，呢間泰國菜門口真係唔起眼嫁。好容易行過左。經過一條巷子先上到去呢間泰國菜。佢係閣樓黎嫁燒豬頸肉 有點乾但有碳燒味肉質都唔錯泰式鮮蝦炒金邊粉份量好大，蝦味好新鮮，味道濃郁。泰式 鳳爪份量比較多，酸辣汁都岩。馬拉盞炒椰菜苗味道唔算咸，好野味。冬陰海鮮湯女多海鮮，酸酸辣辣，好醒胃。香辣肉碎炒飯個炒飯加入香草就更改好味。龍眼冰 相當解渴龍眼肉好多汁。。