翟道翟 Tuk Tuk (Closed)

有時真係好佩服喺觀塘返工嘅各位！每次經過馬會對出嘅班馬線，人多車多，非常擠迫。但每日最恐怖嘅就係放工時間，成個觀塘都係人、人、人！難得去觀塘接M佬收工，就俾呢個人海戰術嚇怕，我哋決定食埋晚餐再輕輕鬆鬆返屋企。今日嚟到觀塘嘅翟道翟食泰國菜，餐廳非常闊落，放工就係要輕鬆吧！柚子鮮蝦沙律天氣開始熱，最啱就係食啲開胃嘅嘢啦！今日嘅頭盤就揀咗柚子鮮蝦沙律，柚子甘甜，夠晒醒胃；蝦嘅份量都唔少，大大隻，夠晒新鮮彈牙。炸蝦餅蝦餅即叫即炸，上枱嘅時候仲熱辣辣、脆卜卜！相信蝦餅用咗勁多蝦打成，因為非常彈牙，蝦味濃郁。炭烤豬頸肉豬頸肉烤得啱啱好，唔會太乾，外脆內嫩，配上泰式醬料就更加惹味。泰式海鮮粉絲煲本身預期嘅泰式海鮮粉絲煲會係辣，但原來唔係㗎！大廚用咗好多泰國香料，包括香茅、八角等整成，香味濃郁，味道好有層次，最正當然係索晒汁嘅粉絲啦！另外，海鮮相當豐富，有魚柳、青口、蜆、蝦等等！菠蘿雞粒炒飯原隻嘅菠蘿炒飯，當然係夏天最愛，酸酸甜甜夠晒開胃！飯底炒到金黃色，賣相非常吸引！配料有雞粒、菠蘿、肉鬆、腰果、三色豆等等，口感一流。唯一一個小意見，就係如果預先去咗雞皮就更好喇！

朋友姓翟，就嚟係佢牛一，特登揀咗呢間叫翟道翟帶佢食🤣食完更加覺得自己揀得無錯！環境位於中海日升中心，位置唔算核心，但附近其實好多寫字樓大廈，都便利，餐廳環境寬敞，坐得舒服。餐牌選擇應有盡有，重點係價錢唔貴呀！泰酸辣生蝦(4隻) $44 好抵食！平均都係$11/1隻，生蝦乾淨無異味，配蒜頭及醬汁食開胃前菜！辣肉碎生菜包 $82 又係好抵食！辣肉碎十分之多，重香料味，亦幾辣，好惹味！冬蔭公蝦湯(2位用) $58 計到人數份量，蝦好大隻，肉質正常，索到湯底，冬蔭公湯相對上就重奶得制，甜味較高，酸度辣度不足。炭燒牛肉/雞肉串燒 $18/串 次次食泰國嘢都忍唔住要食串燒，炭燒牛肉牛味略為薄，雞肉就唔錯。泰風味燒原隻大尾魷 $108 好有風味，燒得啱啱好，加埋醬汁，口感煙韌有咬口，必點！原個菠蘿雞肉炒飯 $98 菠蘿炒飯又係我另一個泰菜favorite，一定要好多肉鬆先啱我口味，呢到就做到啦！仲好多腰果，飯底炒得金黃色夠乾身，帶菠蘿甜味，同為必吃！椰汁糕 $24 最後仲叫咗個泰式椰汁糕，熱食甜點，椰味香，口感好綿糯，味道較甜，鍾意甜嘅就不能錯過。總括而言，CP值好高嘅泰國菜餐廳，價錢唔貴，份量多，

我間唔中Lunch會喺巧明街嗰間買外賣，呢間就第一次嚟，兩間嘅風格好唔同喎，呢度地方闊落好多，乾淨又光猛。【冬蔭功蝦湯】呢個冬蔭功算係偏向少辣，比平時飲嘅更鮮甜，佢啲配料好足，隻蝦好大隻。【泰酸辣生蝦】生蝦新鮮爽口，配埋青檸薄荷汁，好清新！【大尾魷】大尾魷我揀咗黃金炒，即係鹹蛋黃，佢哋仲會落埋鹹蛋白粒落去炒，幾Juicy唔會炒到太乾身，魷魚冇雪味，呢碟菜偏濃味但食得出冇乜味精。【蝦頭油大蝦炒飯】蝦仁好大粒，飯好香嘅蝦醬味。見到隔離枱食菠蘿炒飯都好吸引，但朋友唔食菠蘿，下次試！【炭烤串燒】串燒係炭火烤嘅，啲肉全部都冇雪味，肉質鮮嫩唔會嚡熠熠，亦唔會燒到好乾。我最鍾意係個泰地道豬肉，豬味濃但唔羶，泰國圓茄子串燒唔係間間有，好好食！【黃咖哩炒大虎蝦】黃咖喱都係偏向少辣，係偏甜嘅咖喱，怕辣嘅朋友都可以食到。足足有成4隻大蝦，蝦肉彈牙冇雪味，撈埋個咖喱好惹味，殼都舔乾舔淨，哈哈！【芒果糯米飯】店員推介我哋食呢個芒果糯米飯，原來因為甜品成日轉所以喺Menu冇寫嘅。店員話係師傅親手新鮮整，並唔係好似有啲店咁現成入貨返嚟。上到枱時仲係暖嘅，感覺好似以前喺泰國食咁，而係香港食就多數係室溫居多。糯米飯飯鬆

今晚同埋朋友途經駿業街中海日升中心樓下，抬頭望到翟道翟🍴，真係好掛住泰國，雖然暫時去唔到泰國旅行，但食住泰國菜或者可以一解思念之情😂😂泰酸辣生蝦（4只) $44新鮮活蹦亂跳的鮮蝦刺身，鮮甜彈牙，同泰式香草汁、蒜頭、辣椒、一齊食更加過癮😍😍冬陰功蝦湯 $58大大隻多膏嘅大頭蝦，湯味馥鬱可口，而且濃郁，辣度十足🥣🥣柚子鮮蝦沙律🥗 $88酸酸甜甜嘅柚子肉，爽嫩鮮甜嘅大蝦🍤，炸乾蔥、腰果、魚露、香料、青檸、棷糖、酸辣鹹香，醒胃美味，充滿泰色風情😍😍蒜茸牛油燒大虎蝦（2） $88蒜蓉惹味，牛油🧈香氣撲鼻，大虎蝦肉厚清甜，肉質爽嫩👍👍馬拉盞炒椰菜苗 $78馬拉盞鹹香惹味又帶點香辣、棷菜苗口感爽脆，必食之選👍👍芒果糯米飯🍚 $38糯米飯軟糯香甜、配上芒果的酸甜，鹹椰漿淋面更帶出椰子的鮮味，特別滋味🥰🥰棷汁冰 $28 +珍多冰 $28椰汁冰棷香清甜，珍多冰嘅Cendol(綠色啫喱條狀粉糰）椰糖的甜，椰汁的香，碎冰的凍，融為一體，成為最消暑的飲品😍😍

今日同朋友去apm 行街，突然好想食泰國野~咁就係附近睇吓有咩好野食，竟然比我地發現左呢間叫「翟道翟 Tuk Tuk」既泰國菜🥰門口仲放咗個好大既四面佛好壯觀，而且裝修仲好新添啊~入到去坐低環境好舒服好乾淨，而餐牌選擇又多，有湯，飯粉麵，海鮮，小食，沙律等，價錢好扺！我哋就叫左個蝦頭油大蝦炒飯，個炒飯好fresh好好食😋用左蝦頭油同蔬菜去炒，而且食落一啲都唔油，但我覺得個主角吾係個炒飯到，而係隻蝦到🤩🤩蝦身彈牙多膏，個蝦頭正到不得了😋到宜家仲回味緊😋之後叫左個2人份量既冬蔭功湯個湯，夠香夠辣，而且仲用咗蝦去煲，D鮮味出晒黎，中意冬蔭功嘅你一定要叫🤩仲叫左雞牛豬沙嗲串燒，我就覺得牛同雞最好食夠軟滑~再配埋沙嗲醬一流，整體上串燒食泰國嘢一定唔少得😍當然唔少得鍾意既生蝦🥰🥰仲要係$44😚真係超級抵食，最重要係夠新鮮啊😋仲有黃金大尾魷，本來聽個名以為係炸既，原來係餐廳嘅泰國廚師秘製蛋黃汁去炒，魷魚食落唔韌，而且好新鮮，蛋黃汁再濃d更好🤤最後仲叫左咖喱雞，雞肉夠嫩滑，咖喱汁都幾正，味道屬於偏淡~飲品點少得泰式奶茶同青檸梳打，奶茶茶底唔夠濃，而青檸梳打就好fresh。整體上，食物唔錯又新鮮又好食😋

觀塘的餐廳原來那麼多，今晚朋友帶我去吃泰國菜。餐廳裝潢以綠色為主調，感覺就像一個綠洲，店員也十分熱情，有東南亞的風情。餐牌的選擇很多，有泰式小吃、飯、粉麵和海鮮等。⭐️冬陰功蝦湯$58冬陰功有蝦、菇類、香草等，湯頭顏色呈橙黃色，入口鮮甜，容易入口，味道不算太辣，最重要是價錢非常便宜，足夠2-3分享。⭐️泰酸辣鳳爪沙律$72鳳爪沙律的份量不算少，如果味道再入味一些，就適合我的重口味。⭐️白冬陰煮肉蜆$78湯頭入口酸酸甜甜，蜆肉小小一隻，很鮮甜。⭐️鮮蝦炒金邊粉$88金邊粉很美味，炒得乾爽，酸酸甜甜，金邊粉入口煙韌，加上花生末等配料，入口口感豐富。⭐️炭烤雞腎沙嗲$18雞腎入口爽脆惹味。⭐️炭烤豬肉沙爹$18⭐️炭烤牛肉沙爹$18豬肉和牛肉都差不多，整體來講沙爹的味道不錯。⭐️炭烤原隻雞翼$28 雞翼烤得很香，皮脆內香，肉汁都鎖在雞翼內。⭐️泰國椰青$48入口清甜，椰肉薄薄一層，不錯。▫️觀塘區來講，這家泰國菜的性價比不錯。

觀塘見完客差不多6點半，口淡淡就想食泰菜。觀塘工廠大廈區域開左間性價比較高嘅泰國菜餐廳。椰青好大個呢！成間餐廳裝修好新淨，座位亦都非常舒適，望落去一切都非常乾淨企理。🤙🏼食泰菜當然唔少得生🦐啦，一碟四隻虎蝦價錢只需要$44🤣清邁辣肉生菜包$82清邁辣肉生菜包$82：餐廳非常貼心為我哋整一份唔辣嘅版本，最得意嘅係生菜用單車造型嘅竹籃載着，打卡一流呀！馬拉盞炒椰菜苗$78 ：帶辣口味，如果唔食得辣嘅朋友，記得同餐廳提早講定要走辣。串燒部份：炭烤圓茄子$18同炭烤原隻雞翼$18。（其實係一間餐廳質量，可以嘗試食看似最簡單嘅食物）波波茄子經過輕烤後仍然保持濕潤，雞翼亦都係外脆內軟，盡顯功架！🤙🏼最後必點嘅菜式就係咖喱炒大虎蝦四隻$168。炸蝦堅挺到可以四隻圍在一起，朋友講笑話好似四隻大蝦參加緊「宗教膜拜儀式」哈哈！不過味道係非常之好！🤣蝦頭油炒飯$98 ：蝦係非常大隻同新鮮，但炒飯底味道就比較一般。餐廳菜式選擇非常多，如果想中午或夜晚一個人食或三五知己都係非常合適，價錢相宜，值得再試。

呢排天氣開始熱喇，一熱就特別想食泰國菜其實觀塘不乏泰國菜嘅選擇嘅，不過呢間嘅味道係幾間裏面算最好味而且班姐姐執枱動作超級快，等位都唔洗太耐架炸，啱曬一班趕時間嘅打工仔今日試左辣肉碎煎蛋飯，超級開胃呀肉碎辣得啱啱好，食得出香料味之餘又會令人不知不覺中食多左飯，而且肉碎份量十足，男士們都會夠飽㗎熱奶茶就一向都好飲，不過同行嘅同事就覺得杯凍檸茶麻麻地，可能因為係泰式茶底，唔係太飲得慣同港式凍檸茶有分別㗎

菠蘿炒飯 80分冬蔭公湯 90分辣椒膏炒蜆 80分兩件串燒 70分500幾蚊兩個人首先，呢間餐廳訂位有9折，而由於加一關係，即係等於免加一服務費。觀塘有兩間翟道翟，好易搞錯兩間餐廳位置。環境方面，呢間佈置好靚，又光猛，上菜的碟同碗都清一色，幾有特色。味道方面，所點的菜式都喜出望外，冬蔭公最平，40幾蚊一碗，超抵食。其他菜式就正常價錢，菠蘿炒飯用原隻菠蘿，好好味，辣椒膏炒蜆又夠spicy ，幾惹味，用的香料十足，味道濃唔會hea ，真心幾好食。

見到個「翟道翟」個名咁特別，價錢又唔係ok，就入咗嚟食了。入面環境好乾淨舒服，聽住泰文歌有一刻以為自己係泰國兩個人叫咗海南雞雙拼豬手飯同鴨胸炒黃面。海南雞就雞皮比較厚，豬手反而唔錯，啲飯都有黃油味，但係可能比海南雞整到淋左。鴨胸炒黃面好有鑊氣，除咗有鴨胸都仲有啲菇，味道都唔錯，但係炒金邊粉應該會好食啲。總括來講，價錢相宜，味道都唔錯，而且餐廳嘅侍應都好有禮貌，而且位置方便。掛住泰國嘅你可以來一試🥳

服務人員態度非常好及有禮貌，見到食客有困難嘅時候會主動幫忙。串燒好惹味，雞、牛、豬、雞翼、雞腎都燒得岩岩好，夠哂火候，再配搭埋沙嗲醬，味道一流，舔舔脷。柚子沙律非常新鮮，感覺很清新入味，食過返尋味。菠蘿炒飯，擺盤好靚、菠蘿好juicy n fresh ，成個飯好好味，值得推介。😍😍飛天通菜，抵食之選👍🏻👍🏻👍🏻仲食咗生蝦、冬陰公、蝦餅，泰色奶茶、椰汁冰。第一次食，非常滿意。位置舒適，值得推介。

有水準的泰國午餐油飯有蒜香味，特別又好味串燒味道不錯，好像是豬肉，我忘記了2可叫雙拼，一次過可食兩款食物，啱我選擇困難症海南雞的汁好特別，鼓油有豆味泰國薏米特飲好正

第一次到觀塘中海日升中心1樓的翟道翟 Tuk 用餐， 餐廳環境舒適， 地方闊落。 下午茶餐由二點半至五點半， 價錢大約$40至$50， 非常抵吃， 我就點了海南雞豬頸肉雙拼飯$48+ 凍泰式奶茶$3、 無骨豬手飯$46+ 熱泰式奶茶。📝冬瓜湯～ 一坐低店員就為我們送上兩碗熱辣辣的冬瓜湯， 味道清清地，又幾好喎！📝無骨豬手飯～ 口感軟腍又滑溜的豬肉， 配上酸菜一起送飯， 味道無得頂呢👍🏻！📝海南雞豬頸肉雙拼飯～ 海南雞可以雙拼😋，就試拼豬頸肉。 海南雞肉質嫩滑， 無骨海南雞食得好方便， 可惜沒有三色醬， 只有一款。 豬頸肉薄切， 燒得幾香。📝凍泰式奶茶 & 熱泰式奶茶～橘紅色的正宗泰式奶茶， 濃郁的茶香味，好飲！😋性價比高的泰國餐廳， 期望下次來吃晚餐。👍🏻翟道翟 Tuk Tuk地址: 觀塘駿業街56號中海日升中心1樓A號舖

我知道佢本身有間舊舖響觀塘，食過2，3次，好少食。後來轉左宜家呢個位置，更加近公司，有同事試過一次覺得好好食，所以最近叫埋我地一班同事去食午餐，覺得比舊嗰間好食！同事食嘅海南雞飯大碟多雞肉，不過我自己就鍾意食湯粉，所以選擇咗冬陰功湯底豬頸肉金邊粉，加健康飲品薏米水。好味，唔會太鹹，太酸，冬陰功湯底好味。豬頸肉都係好大件，金邊粉唔會太淋！薏米水無糖，清清地，不過好啱我，因為我唔鍾意太甜嘅飲品。下次我會試埋船河，同埋海南雞飯！🤣🤣

抗疫期間，每日都在家工作，難得星期六，真係好想出去行吓，同屋企人食吓野今日就同屋企人去咗觀塘一間叫翟道翟嘅泰國餐館食下午茶，入餐廳之前先量度體溫，跟住會提供酒精搓手液俾客人消毒，餐廳嘅衛生同埋防疫意識都好充足，所以食得好放心，俾個like👍🏻食物質素方面呢，對比價錢黎講，CP值真係幾高㗎我自己就叫咗一個冬陰功雞絲河粉另加一款小食配泰式凍奶茶，我屋企人就叫咗一個泰式炭燒豬頸肉配白飯加椰汁冰兩個餐都好好味呀，只係款炸蝦餅小食略為遜色一啲味道普通而且好細粒，所以另加小食，建議可以叫其他款式