翟道翟 Tuk Tuk (Closed)

XXG係觀塘覓食 搵到一間靚到可以打卡📸 又多特別選擇嘅高質泰菜💛 ▪️8.5/10▫️<< 香茅炒大虎蝦 x4 >> $168 四大隻切半 大虎蝦炸到超脆 一定要連殼食😍‼️ 肉質爽口 除重香茅外 用咗多種泰式香料爆炒 味道好似食緊泰式版嘅避風塘 仲有大量乾蒜粒 好惹味😵▪️8.5/10▫️<< 曼谷煎蠔餅 >> $88 大推‼️同一般蠔餅好唔同 脆邊不脆餡 厚身好有咬口 而且超多蠔粒🤩 蛋香味重 香口到食吾停😋▪️7.5/10▫️<< 冬陰功蝦湯 >> $58 2人份但幾大碗 配料多加上原隻鮮蝦 飲落椰奶味偏重 鮮甜反而酸味冇咁出👀 ▪️7.5/10▫️<< 蝦頭油大蝦炒飯 >> $98 超有心思用蛋網包住🥰 主角大蝦多膏 肉質彈牙 炒飯大碟 質感黏口 少似油飯 🦐蝦頭油香得來又唔重口味 整體幾Flesh~🌿餐廳佔地寬廣 座位闊落 天花牆身掛滿好多花花草草 仲有椰子樹🏝 裝修用心 有東南亞熱帶感覺~🐽總括嚟講 呢間係有用心裝修嘅打卡泰菜館 好適合打卡📸 而且菜式選擇多而且價錢

據聞觀塘有一間很抵吃的泰國食肆，今天便來一試。椰汁燉雞湯$58，有紅洋蔥、蕃茄、香茅、青指天椒、秀珍菇和雞肉，椰汁味道濃郁，很有泰國特色。炸手搞蝦餅$58，外脆內軟，蝦肉爽口彈牙。香茅雞中翼四隻$42，外表香脆，肉質豐富。香葉肉碎炒四季豆$78，做法有點像中式的肉碎四季豆，不過增添了香葉的味道。海南雞拼無骨豬手飯$88，海南雞雞肉鮮嫩，豬手炆煮得很入味，兩者加起來，份量也不少。炭燒豬肉沙嗲$36，炭燒味道十足，加上豬肉的醃料和咖啡的味道，變成了泰國小的特色。凍青檸梳打$28，味道清爽，可以胃口大開。凍青檸檬七喜$28，酸酸甜甜， 10分配合吃泰國菜。芒果糯米飯$38，芒果香甜，而糯米飯帶點斑蘭葉的香氣，非常匹配。

呀媽話驚星期日正日慶祝母親節會好多人，於是我哋幾個就提早搵晚放工出觀塘食晚飯當做節👨‍👩‍👧‍👦。APM冇嘢啱食，又費事同兩老去工廠大廈啲餐廳，最終我成功搵到間符合篩選條件嘅泰菜館，佢就係「翟道翟 Tuk Tuk」。餐廳位於中海日升中心一樓，喺大廈嘅地下就已經望到佢個招牌。呢度面積大，座位寬敞，我哋坐喺卡位，非常舒服👍。再者，餐廳嘅環境同衛生都好好，湖水綠嘅裝修色調令人眼前一亮，而且佢亦無普遍地道泰國菜館嘅噏耷味🙈。呢度嘅泰菜款式繁多，有齊粉麵飯、串燒、湯、小食、沙律、海鮮、肉、蔬菜、甜品同飲品。我哋樣樣都想食🤤，有選擇困難症真係好苦惱啊。同時，餐廳定價合理，上菜後直頭覺得應該用抵食嚟形容，因為樣樣都好大碟！冬陰功蝦湯($58)，佢寫係供兩位用✌🏻，開初我以為真係細細兜，但分湯時發現其實一啲都唔少，大概分到四個碗仔，所以四條友都勉強夠飲。冬陰功湯好濃味，有少少辣，飲完好開胃。湯品用咗好多料煲，例如雜菇、香菜同鮮蝦等，真材實料啊🦐。串燒方面🍢，我哋要咗四串，分別係炭烤沙嗲牛肉、炭烤沙嗲豬肉、炭烤沙嗲雞肉同炭烤沙嗲牛筋丸，每串$18。四款串燒啲肉都唔會燒到好乾，而且係會清楚分到各款口味。沙

喜愛食泰菜，是因為泰菜的酸甜惹味，觀塘這一間翟道翟 Tuk Tuk 泰菜，食完覺得非常出色！餐廳裝修充滿泰國風情，感覺非常舒適。Menu也很多款式白冬陰煮肉蜆$78食泰國菜比較少叫這個菜式，裏面有秀珍菇、南薑、蕃茄、香茅、芫茜及蔥……。喜愛食泰菜的酸甜味道，這個菜式冬陰功味道十足，南薑及香茅的味道非常突出，湯底微辣，酸甜味道濃郁！秀珍菇非常爽口，和著湯一齊食，酸甜的味道滿滿地刺激味蕾！肉蜆雖然不是很大隻，但無沙又新鮮，每一啖都和著湯一齊食，食落鮮甜惹味，非常滿足！明爐盲曹$198 明爐盲曹非常大盤，裏面有非常多的配料，也是有秀珍菇、香芹菜、紅蘿蔔、粉絲、南瓜、肉碎、芫茜及蔥……等。湯底也是酸甜惹味，盲曹多肉少骨，和著惹味的濃湯一齊食，已經很惹味，如果想試多一種味道，也可以點餐廳跟上的另一款特色調味醬汁！辣肉碎煎蛋飯 $78肉碎炒得非常香，拌炒的有青豆角及辣椒，香口又惹味！還有煎蛋一齊拌飯食，夠滋味。馬拉盞炒空心菜$72食晚飯一般我都會要多一個青菜，馬拉盞炒空心菜我就好喜愛了，馬拉盞的味道令空心菜非常入味。凍青檸檬可樂$28第一次飲青檸檬可樂，青檸檬特別的酸味配上冰凍的可樂，真是刺激味蕾

去觀塘接媽咪收工食泰國菜，原來觀塘呢邊食物都幾多選擇， 媽咪話lunch 同客食過唔錯，所以今次同我食。泰國菜我係一定會叫生菜包和炸蝦餅的， 呢到生菜包豬肉碎味道微辣中帶點魚露的咸鮮，放係生菜上夾住食夠哂地道。炸蝦餅炸好拎過來我怕熱氣，所以會放一放再食的，咬落小許彈牙。串燒牛肉估唔到肉質滑嫩點上他們準備好的沙嗲醬更為提味，馬拉盞炒椰菜苗，好喜歡椰菜苗那份爽脆，叫得黃咖哩豬扒緊係要叫蒜蓉包來配食嘅，用包點上甜甜地的咖哩好滋味。

太耐無去泰國，今晚就決定去食泰菜！係觀塘見到好大個招牌寫住翟道翟就俾佢吸引左，決定試下！餐牌好多選擇，雞牛豬海鮮都有椰汁嫩雞湯(2位用)一黎就飲個湯暖胃先好濃郁既椰汁味雞件都好嫩滑好開胃曼谷煎蠔餅麵粉唔會過多，好酥脆蠔仔份量足夠啖啖肉，好滿足😛蒜蓉牛油燒大蝦呢個係大推既菜式！蒜蓉味超香，大蝦吸收哂牛油味好香口，好新鮮 好好味😋海南雞雙拼飯(無骨豬手)海南雞好滑，同豬手都係無骨食得好爽快大家一定要試！

平日放工時間跟同事一齊係觀塘有間叫【翟道翟】食泰國菜，餐廳係一樓，轉左就見到，見到鋪內都幾多人，好彩不用等位。我們就座在卡位都好舒服，仲提供usb頭比客人差差電。我地睇完menu叫左:海南雞雙拼飯（無骨豬手）$88: 豬手皮有種口感有很多骨膠原，非常軟綿綿又滑溜溜，海南雞也很滑嫩，味道剛好，如果喜歡重口味些，仲有兩小碟汁，有酸辣和咸辣味，味道都不錯。明爐盲鰽魚$198: 要等15分鐘左右，它是有個明爐一邊煮一邊食，所以可以keep住條魚都係熱辣辣，魚不是太多骨，肉質鮮甜帶微酸辣，仲有配埋魚汁一齊食味道都唔錯，配菜也有蒜頭、秀珍菇、紅蘿蔔、椰菜、粉絲、香茅、葱、薑、肉碎、酸梅等等，都幾多料，一邊食一邊傾又不怕條魚凍左會腥，非常之好。炒空心菜（蒜茸）$72: 即是炒通菜，通菜鮮甜爽脆，有很多蒜茸，炒得好有穫氣。另外叫左2杯飲料，泰國椰青$48:椰青水很清甜，而且椰肉都好多！珍多冰$28: 珍多綠色粉條質感爽滑，味道清甜！😋

估唔到觀塘都有好味泰菜🇹🇭～睇勻成個餐牌都冇甜品。原來落單嘅時候可以問埋當日有咩款式。🥢清邁辣肉碎生菜包$82豬肉碎帶有好香嘅香茅同青檸味。辣度偏低。🥢炸手挍蝦餅$58彈牙鮮甜，唔加酸辣醬都好味。🥢炭烤牛肋骨$88本來以為會係鹽燒，估唔到味道以香茅同蜜糖為主，味道香甜惹味。肉質軟腍易咬。🥢泰式腰果炒花虎蝦$98醬汁鹹中帶甜，仲有少少魚露香味，適合餸飯。腰果香脆可口。連尾嘅虎蝦大隻得嚟彈牙鮮味。🥥泰國椰青$48🍹龍眼冰$28

We always preferred Thai food and since we will not be able to travel to Thailand anytime soon, we decided to have Thai food for dinner tonight. JJ Market Tuk Tuk was located at COS Centre, several minutes walk from Kwun Tong MTR.Their menu was comprehensive, offering a wide range of dishes such as appetizers, salad, soup, skewer, rice, noodles, seafood, curry and drinks etc. Coconut ice was smooth and milky in texture, sweet and have strong coconut taste. Longan ice was clear and refreshing, an

要搵野食去觀塘搵就真係岩哂👏🏻放工去囉野,順便係觀塘搵埋野食,今次去熟食大樓果邊見到有間泰國餐廳,突然好想食,就上去試下啦!食物方面:⚪️泰小食拼盤一共有6款小食,每款2件,炸物新鮮熱辣好脆口👅無骨鳳爪酸酸辣辣好惹味!⚪️炭烤沙嗲雞肉串.牛肉串肉質好嫩滑,唔乾,點沙嗲汁好香口!⚪️冬蔭功海鮮湯金邊粉湯底有椰香味,酸辣味適中,唔錯,海鮮有好多,有好大隻大頭蝦,魷魚,蜆.....金邊粉可以吸哂D湯汁好正!⚪️香葉燒雞雞肉好嫩滑,燒得好香口,半隻都好大份🤗⚪️芒果糯米飯熱辣辣既糯米飯淋上椰汁好香,加上好甜既芒果,作為飯後甜味一流!⚪️飲品點左勝獅啤酒.珍多冰整體方面:餐廳地方都幾大,座得幾舒服👍🏻味道都好有泰國風味,食物夠新鮮,款式都幾多,想食既都有齊哂,一班人食可以點多幾樣,唔錯!!

觀塘不嬲美食雲集，今次嚟到見到呢間泰國菜餐廳——翟道翟tuk tuk，裝潢充滿現代感，同有泰國特色，於是入去食dinner☺️鮮蝦炒金邊粉 ($88)- 金邊粉好有質素，入口酸甜味已經大爆發，美味開胃，仲有幾隻大大隻鮮蝦，新鮮彈牙，作為主食一流😚炭烤松板豬頸肉 ($108)- 豬頸肉切片厚薄均勻，肉質鮮嫩入味，外圍燒得香焦微脆，食落卜卜脆，口感層次好豐富😋香茅雞翼(4隻) ($42)- 香茅雞翼超有質素，肉汁完美鎖晒喺入面，外皮揸得超級香脆，每啖都超滿足😍香葉辣椒炒肉蜆 ($78)- 炒肉蜆都超級正，蜆肉新鮮大隻，而且仲好足料，超級多粒，連埋香葉辣椒一齊炒，香口濃味，越食越上癮😚泰國椰青 ($48/1)- 椰青簡直係泰菜嘅重點，椰青水極之清甜，飲落透心涼，搭埋香軟細滑嘅椰肉，夏天飲到你杯，簡直係一大享受❤️❤️❤️芒果糯米飯 ($38)- 鍾意芒果糯米飯見我次次食泰菜都會點，芒果香甜，糯米飯煙韌有咬口，帶住其獨有嘅香味，超級推薦💕餐廳空間感充足，乾淨企理，食得非常舒服，超贊，非常非常推介🥰

又係時間喺觀塘覓食啦今次我哋嘅目標係食泰國菜仲要食啲平時冇乜點食過嘅菜式又平又正有咩選擇呢雖然我未去過泰國嘅翟道翟市場但係佢遠近馳名 我都知道有好多美食可以喺嗰度搵到但今日就等我試吓香港嘅先啦餐廳非常闊落有好多座位㗎選擇多價錢都唔太貴天時暑熱梗係要開個椰青飲啦～飲到最尾食少少椰子肉第一次試呢個椰子雞湯有唔同嘅蔬菜同埋雞肉喺入邊少少唧辣味提升咗佢嘅鮮味呢條豬頸肉我哋一睇到餐牌已經好想叫因為佢張相實在太吸引識落真係同我哋想像中一樣咁好食肥瘦均勻配埋佢哋特製嘅醬汁真係一絕

觀塘人一定知道既翟道翟泰國餐廳原來係中海日升中心開左分店🤣座位好闊落好舒服，而且店員服務態度都好好呢☺重點係價錢都唔貴，幾抵食😛⭐冬蔭功蝦湯 (2位用) $58兩款湯品都係58蚊兩位用🤣比起出面真係平好多😋裏面有好多香料、香茅、秀珍菇等，加埋大隻虎蝦去煲，味道好濃郁⭐原個菠蘿雞肉炒飯 $98建議大家必點佢地既原個菠蘿炒飯，有雞肉🐥/鮮蝦🦐兩款。今次揀左既原個菠蘿雞肉炒飯，份量勁多！滿到瀉咁🤣而且上面鋪滿雞肉同腰果😚炒飯裏面加左甜甜地既肉鬆、粟米粒、紅蘿蔔粒、青豆、蛋絲、提子乾同埋大大粒菠蘿粒，味道豐富又好味！⭐鮮蝦炒金邊粉 $88炒金邊粉上面有三大隻蝦，仲有啲花生碎係側邊，撈埋一齊食好香花生味幾好味😁啲金邊粉好嫩滑，裏面仲加左好多魚片條、芽菜同蛋絲添⭐香芒炒牛肋骨 $88啲芒果勁香甜！🥭牛肋骨外層有陣陣芒果既香味，但又唔會好突兀，而且有好多配料呢中⭐馬拉盞炒通菜 $72⭐珍多冰 $28⭐凍泰式奶茶 $20

之前有去過巧明街的翟道翟食過午餐，印象不錯。現在多行幾步到駿業街的分店環境更大更闊落，樓底高，光猛舒適，長播著泰文歌。這間翟道翟是由正宗泰國人打理，餐牌選擇多，價錢抵食，份量又夠大。先點了青木瓜沙律開下胃，有辣度可選，份量頗大，青木瓜切得幼細成絲，撈上魚露，青檸汁，糖，再配上車里茄，花生碎，蘿蔔絲，青瓜，爽蝦，豆角等，味道酸酸辣辣，十分爽口開胃。鍾意這裡的炭烤串燒可以逐串點，這便可以多試幾款。點了兩串豬，一串雞，一串茄子，一串原隻雞翼，賣相不錯，醃得入味，燒得不會乾柴，最鍾意燒雞翼，當然要配上有花生粒的沙嗲醬。馬拉盞炒椰菜苗，炒得脆綠而爽脆，馬拉盞夠惹味。白冬蔭煮肉硯，白冬蔭湯底比一般冬蔭功湯底為清，但味道一樣是酸酸辣辣，一樣有香茅，南薑，檸檬葉等，肉硯份量頗多，雖然不是肥美大隻，但每隻都有肉，不是只得空殼，而且乾淨沒有沙，配上蕃茄，什菌等。另外要一讚這裡的服務，招呼週到，有禮，反應快，讚!

位於觀塘一幢寫字樓一樓的泰國餐廳，裝潢有特色。新店乾淨企理，座位寬躺，有卡位沙發位，環境舒適。店內播放著泰文歌曲，電視是泰國電視節目，很地道的感覺。泰米飯：海南雞豬大腸雙拼飯難得有雙拼兩個餸菜的選擇。豬大腸煙韌入味，海南雞嫩滑。沾海南雞有兩款沾醬，個人較喜歡魚露那個醬汁，鹹鹹酸酸。泰粉麵：鮮蝦炒金邊粉金邊粉炒得乾身， 麵條質感很彈牙，味道偏甜，反而不算酸，勝在鑊氣甚出。鮮蝦彈牙，其他配料有雞蛋絲、豆腐乾、豆芽、韭菜、櫻花蝦等。串燒：炭烤沙嗲雞肉串+炭烤沙嗲牛肉串自由配搭的串燒組合，沒有限制點多少條。即燒的串燒，味道確是香口，碳烤香味濃郁，加上這些沙嗲醬汁，肉味更加提升。甜品：椰汁糕原本想吃芒果糯米飯，可是經已售罄，真可惜，唯有點其他甜品吧。椰汁糕熱騰騰的，淋上椰汁，椰香更加顯出。不過略嫌韌性不太大，偏軟腍。