海陸空

Open Now

Now Closed

小編朋友帶我黎到呢間正宗韓國餐廳慶祝小編生日, 呢度既店長係韓國人, 佢地都好熱情咁招呼我地前菜就有7款咁多, 每款都係新鮮制作, 有蓮藕, 泡菜, 喬頭等等, 每樣都好出色🐖 清淨濟州豚烤肉套餐 $648呢個套餐有濟州黑毛豬五花肉, 豬肩肉, 醬烤豬肉, 4隻大虎蝦, 豬肉全部都係濟州空運到香港, 肉質都保持得好好, 呢度服務超好會主動幫燒, 我地好好彩仲要係老闆娘幫我地🐖 韓式炸醬麵 $98炸醬麵係老闆娘推薦既, 呢個既炸醬麵做到好正宗, 好好食🐖 海鮮蔥餅 $98一睇到就看到蔥同海鮮好多, 好香脆, 沾一沾佢地秘製既醬汁, 好食P.S. 如果好似小編黎慶祝生日既朋友仔, 會有意外收獲小編ig page @foodie_masian 👈🏻記得follow埋同比個like👍🏻支持下🥰～～～～～～～～～～～～～～～～～～～～～～📍 海陸空JJANG地址:尖沙咀金馬倫道33號The Cameron地舖

去左間充滿韓國味道，韓國人主理既海陸空韓國餐廳🎎，尖沙咀B2出口行5分鐘就到，好易搵👍一去到餐廳已經爆滿，好彩有book位😍餐廳空間都好大，坐得都舒服，在場好多韓國既食客，感謝好似真係去左韓國餐廳咁，部分韓國店員都識講普通話，服務態度唔錯👍，咁啱同場仲有人生日， 突然間 📯🎤🎶播起歌上嚟😂😂有個店員大嗌生日快樂，仲有幾個店員 舉起生日牌 😂😂同跳左幾下😆😆咁，場面好熱鬧🥳🥳🥳成晚氣氛好好同好搞笑，開心完講下😂😂我地叫左✨️海鮮葱餅， 啲葱好夠量，咬落去好香，有埋海鮮口感好彈牙😋， 點埋個醬汁真係好好味✨️海鮮燉豆腐清湯配白飯， 個湯好清甜呀，忍唔住，係咁飲多幾啖😂，仲有配料份量都好足😋蜂蜜牛油炸雞， 雞皮啱啱好卜卜脆 ， 肉質適中，一啲都唔係鞋👍叫半份，兩個女仔食份量啱啱好 當然唔少得嘅柚子味嘅真露🍶，仲送上7款前菜😋啲前菜仲可以 refill🤗仲有好多野想食，下次要再黎食阿🤩食物份量都大份，放到成枱都係，好滿足😍整體好食又低食呀

店員服務好細心，由入門口到全程晚餐添泡菜換茶壺等都有笑容，睇得出佢都好用心服務，超好！價錢合理，唔算平不過好足料亦好好味，星期二晚都full house, 果然是有料到！食物portion唔細，不過真係好食都食晒。隔離枱有人生日，店員又舉牌又唱又跳好funny，成間餐廳都感染到快樂❤️跟住同朋友食到咁想下佢哋又每張枱走來送和敬小杯啤酒，又派益力多咁，超好氣氛！臨走時老闆娘又堅持送我哋兩枝益力多，用簡單單字英文叫我地下次要再來，好可愛☺️

話說今日同朋友出去TST行街，行到肚餓話近排好想食韓國嘢（已經愛上吃韓國菜2年了），於是打算到韓國搵食路一間專賣韓國食材舖頭發現，原來入有乾坤，舖頭入面竟然竟然仲有間餐廳，於是抱住險精神入去會一會佢，餐廳佔地空間相當之大，眼望埋去可以同時容納20枱客人左右，座位亦非常寬敞，坐得非常舒服！而且大部份店員都識講韓文及部份普通話，服務態度好好。跟住落嚟講下食物，雖然我哋只有二人用餐，但係食物份量係非常充足，加上前菜2個女生嗌3款菜式已經夠食。1. 韓式芝士煎蛋卷依個私心推介一定要試，而已必須趁熱食！本身蛋卷已經煎得夠好食，蛋裏都有芝士，加上沙律醬及車厘茄，咸咸酸酸相當開胃。一份煎蛋卷有2個前菜碗咁大2. 柚子炸雞韓式炸雞係不得不試，炸雞有分醬汁/ 乾粉類，而我哋叫乾粉類，雞皮係炸啱啱好脆卜卜，肉質適中，一啲都唔「鞋」，啖啖柚子味道，食落都唔覺得好「漏」。
女生的話，個人建議只叫其中一樣，我哋一男一女叫咗2個，男生都飽到嘔。3. 韓式白海鮮湯麵湯底比較濃稠，但海水味道唔重，入面有多款配料，蟹、青口、雪耳等等，麵條不宜放太耐。4. 特選韓牛膝骨飯反而韓牛膝骨湯底味道相當對清淡少少，加入了紅棗、人

我只寫過2篇食評，上一次那間是惡劣到一個點，要公開提醒大家不要“中伏”，今次是不得不讚，希望在本地飲食業一片淡市中表揚好食肆。“海陸空”名字有點“估佢唔到”，但去年首次吃過後，發現是hidden gem，之後多番回頭，沒有一次失望。食物水準高、正宗（每次都見有韓國人顧客）、服務好、店內寬敞整潔，值得推薦。母親節前一天光顧，人參雞湯真材實料份量充足、炸雞多款口味選擇不油膩香酥鬆軟、韓牛鍋飯的雜菜絲和韓牛絲混在一起非常味美、大醬湯把外面普通韓國餐廳比下去，雖然餐牌上沒有甜品，但可以在門口的“韓印紅”店買件十幾蚊雪糕，同樣吃得心滿意足。

就快母親節 媽咪鍾意食韓國嘢 嗱嗱臨喂搵間餐廳見到OpenRice上邊有好多好評！一於同媽咪去咗呢間餐廳試吓佢入到去環境都幾靚喎 好多類似燈籠仔咁嘅嘢幾有氣氛～一開始嗌咗啲小食 炸雞同埋糖醋骨 叫咗蜜糖牛油同埋甜辣炸雞～ 味道尚算可以但係雞肉好嚡 ><唔夠Juicy 之後到糖醋骨⋯ 只可以講好怪 又唔脆到重頭戲 叫咗豬肉套餐 同埋韓牛套餐韓牛正正常常 但真係冇好驚喜 牛肉味又唔重之後到豬肉⋯⋯ 個廚師燒到好乾好乾 完全食唔落口等咗好耐啲 啲蝦先到 上到枱就係咁樣可以話完全冇味唯一比較好味嘅，係海鮮煎餅有個韓國人樓面態度幾好 但係另一個男人就⋯冇乜禮貌 真係好失望嘅一餐😮‍💨 味道麻麻 但就好多客人 人手感覺唔夠 要等好耐啲嘢食先到 希望會有改善啦

之前都食過呢間, 但當時想食佢既海鮮鍋但冇貨. 今次就試下碰下運氣啦黎到既時候仲早, 冇乜人, 但我地食完後已經FULL 晒喇餐牌好多野食, 有選擇困難既會好辛苦😂😂之前食過佢其他野, 比例上都係大碟, 所以今次我地就淨係叫左佢個海鮮鍋, 加個麵就算喇餐前小食好好味, 我平時唔鍾意食豆, 但佢呢個黑豆好好味!!個海鮮鍋黎到時候好大, 心諗好彩冇叫其他野, 因為實會好飽講返個海鮮鍋, 好多材料!!有鮑魚, 好大既八爪魚,  又有墨魚, 蝦, 帶子評分：👍🏻👍🏻👍🏻👍🏻/5最重要係咩, 係有兩隻蟹, 一隻係松葉蟹, 一隻係肉蟹!!個湯辣辣地好好味!! 我地食晒啲海鮮都已經好飽! 個蟹我地放到最後先食, 所以覺得個湯好有海鮮味, 覺得有少少咸TIM個麵我地最後先煮, 連埋個湯, 真係好滿足!!!我地仲叫左柚子梳打, 好好飲呀, 唔會好甜, 好解渴評分：👍🏻👍🏻👍🏻/5在場我陸陸續續見到有啲韓國人黎, 咁都應該個口味好似佢地家鄉我下次都要再黎試佢其他野食, 見其他枱既野食都好好味!!!整體味道指數：😋😋😋😋/5性價比：💰💰💰💰/5環境：❤️❤️❤️❤️/5服務：✅✅✅✅/5

餐廳裝修十分韓範，天花板掛滿了各種彩色的燈籠最為點綴，餐廳內部有很多韓國的傳統飾品。餐廳座位很寬敞，十分適合朋友小聚。前菜7碟：各種醃制的小菜，醃蘿蔔、辣白菜泡菜、麵根、黑豆 … 每款都好味，正宗韓式味道。韓式燒烤，有職員為你燒，服務好好，又教你邊隻肉配邊種醬汁，夾泡菜食。秘製調味牛肋肉：新鮮的牛肋肉經過特別的調味處理，鮮嫩多汁，一點都不會覺得老，每一口都能感受到肉質的鮮美和調味料的濃郁；韓國五花肉：精選優質五花肉，肥瘦相間，烤制時，肉質變得焦香鮮嫩，配上特製的蘸料，味道更加鮮美；辣味肥牛豆腐湯配飯：鮮嫩的肥牛與滑嫩的豆腐相得益彰，湯汁辛辣濃烈，散發出誘人的香氣；飲品零酒精啤酒Hite Zero：一款清爽怡人的零酒精啤酒，適合所有喜愛啤酒但又不喜歡酒精的人士。它保留了啤酒的香醇口感和氣泡感，卻沒有酒精的刺激感；藍莓梳打：一款充滿了藍莓的天然香甜和蘇打水的清爽口感的飲品。藍莓的酸甜與蘇打水的氣泡相互交融，十分清新。高質正宗韓國菜，抵食，服務好，會再encore👍🏻

本來想去韓印紅買下水果和零食，發現原來尖沙咀呢間仲有餐廳😳望入去仲見到套韓服，仲裝有不同顏色既天燈，好有韓國既氣氛，比佢吸引左入去🍲韓國大海鮮匯海鮮火鍋 $438超豐富既一鍋，海鮮有：松葉蟹、花蟹、大蝦、八爪魚、鮑魚、扇貝、青口和原隻大魷魚。松葉蟹肉不多，但夠鮮甜。花蟹肉則較多，而且肉質較結實。鮑魚彈牙鮮甜👍🏻泡菜湯底令人更開胃😋🍜追加蔬菜刀削麵 $58刀削麵煙煙韌韌，夠彈牙。蔬菜係小白菜，脆口新鮮🫔韓式芝士煎蛋卷 $88蛋卷表面和內裏有一層層芝士，口感豐富，蛋味濃郁、夠滑，芝士仲可以拉絲整個餐廳都有好多韓國人光顧，職員都好友善，叫燒肉的話，仲會有專人幫你燒。另外仲會送上傳統韓國小菜，有酸蘿蔔、腐皮、泡菜等等，蘿蔔夠酸夠爽脆👏🏻

平時去開金馬倫道，都知道有間韓印紅，但今日去買野先知原來入面有間韓國餐廳！入都先發現原來店長都係韓國人，佢話材料全部係韓國運送。😳🥗有7碟前菜，除左泡菜、酸蘿白、仲有西蘭花、連藕、沙律等等，平時對食前都無咩興趣，或者總有1－2款唔中意食，但今次每樣前菜都好新鮮、而且唔會太酸或者太咸。店長話原來前菜佢地都係每日新鮮製作，如果當日食剩就會扔左去，所以食到個味道剛剛好。 🐖濟洲黑毛豬斧頭扒店長強烈推介我地試下，話係濟洲島直送，而且限量，咁我地就叫一個試下了。店長會在你張枱旁邊即時燒，又用剪刀又用火槍，好好手勢，食下前菜睇下表演，好快就有得食了。見到件斧頭扒肥瘦均勻，點上唔同的調味料，瘦的肉的肉味就香甜d，而肥肉位就好鬆化，果然無介紹錯。🐓半半炸雞見到隔理枱的炸雞好靚，忍唔住叫左份柚子拼甜辣的，佢個炸皮做得好簿身，但又好脆，而且好入面，柚子配上芝士粉，而甜辣配上杏仁片，食唔停口呀！🦐300度石板韓式海鮮炸醬麵最有驚喜的菜式！開初上枱，佢個樣都唔算好吸引，都係好深色熱辣辣的麵，見佢個鐵板燒左好耐，真係好熱辣辣！開初怕會好濃味，食落甜甜咸咸，個口感似係幼烏冬再滑D入味D，味道調較得剛剛好呀。一大盤

海陸空 (尖沙咀)尖沙咀金馬倫道33號The Cameron地舖喺尖沙咀一直都唔難搵韓國嘅餐廳，特別係有大家都一定識嘅韓國街。 今次見朋友介紹就去另外一間韓印紅嘅韓國餐廳試吓。眼見樓面大部份嘅員工都係韓國人，不過大家唔需要擔心，因為佢哋大部份都係識講廣東話或者中文。溝通上唔會有任何問題，同埋佢哋仲會好熱情咁介紹你可以食乜嘢。我哋叫咗半份菜包肉，半半炸雞（揀咗甜辣同埋柚子味）。落單嘅時候店員都已經話份量係會好大，點知嚟到真係超巨型，我諗可以一大班朋友嚟食。個菜包肉啲肉炆到已經超級腍，胖胖炸雞完全唔覺得油，加埋杯梳打特飲就啱啱好！

今天朋友介紹到尖沙咀海陸空享用韓國菜。入到去好多韓國式佈置，店員都好友善好快安排入座。今天點了柚子炸雞配白蘿蔔，原支蔘雞湯，宮廷炒粉絲，韓式煎蠔餅，韓豚泡菜湯，醬油蟹。前菜都幾好食，泡菜入味，白蘿蔔清新。柚子炸雞：唔會太油，又有柚子香味。原支蔘雞湯：雞肉質好，味道夠味，蔘湯配合得宜。宮廷炒粉絲：粉絲炒得乾身，夠香口好味道。韓式煎蠔餅：蠔味十足，夠香口。韓豚泡菜湯：泡菜味香，配飯食一流。豚肉都好香豚肉味。醬油蟹：醬油唔太濃味但好香醬油。蟹新鮮好味道，鮮味十足。

平時成日經過呢間韓國餐廳，見出面好似雜物舖，完全冇諗過入面係一間好大型嘅餐廳，提供好多唔同嘅座位比客人用餐。我哋試咗唔同嘅韓式特產，韓式又點？少得飲韓國人整嘅湯呢？呢款燉牛排骨湯，清清地，牛骨味又重，最重要係湯渣勁多，成份燉牛排骨放喺入面咁煲，先飲得出個湯味咁鮮甜。另外，韓式芝士煎蛋卷亦係我另一款必點，蛋捲入面有一層一層嘅芝士，成個口感層次好豐富。最值得讚嘅一定係呢個醬油蟹，醬料呢個甜豉油非常出色，蟹本身亦唔會好腥，餐廳用料水準一流。飲品方面，亦都好值得讚，我哋點咗黑豆乳同柚子味燒酒，黑豆乳有驚艷到我，一啲都唔甜，好適合老人家陪細路過嚟食嘅時候點。

今日同朋友去左韓印紅旗下嘅海陸空JJANG餐廳，餐廳內部感覺都幾似韓國，反而無諗到入面大部份員工都係韓國人，搞到我地都好期待啲野食會唔會係正宗韓國菜。食物方面，經理好熱情咁提醒我地，叫野食最好就叫一 兩樣先，唔夠食先再食，因為佢地既份量相對大份，所以我地叫左兩款菜式先再作決定。環觀餐廳環境既時候，發現到老闆娘好有熱誠，親自幫客人燒肉，而且仲會親自送上枱幫大家介紹野食，相當親切。半半藥膳菜包肉/藥膳豬腳，配辣拌蕎麥冷麵相當大碟！！配菜相對地多，而且中間既泡菜蘿蔔味道同韓國正宗泡菜近乎一模一樣。豬腳既藥膳味唔算太重，亦都保留到豬肉既原味，唔需要擔心藥膳味太重 ，白切肉係個種半肥瘦 比例很好，肉質帶點爽。用菜包住，再加上泡菜蘿蔔，簡直係絕配！當大家食到咁上下既時候，食返啖辣拌蕎麥冷麵，基本上可以重新作戰過，完全係解哂個種肥膩感或者飽肚感。海鮮蔥煎餅極大份既海鮮煎餅，蔥既數量相當多，而且咬落去既時候唔止有蔥香既味道，配合埋海觧既爽口彈牙既感覺，令到整體口感得到昇華。餅底唔算話好油，師傅煎到好香脆，蘸埋醬汁黎食，更是香口惹味。而且好鍾意佢哋呢度嘅小菜，特別係泡菜！而且可以無限refill!

- 尖沙咀｜海陸空 -▪️小菜有6小碟，除咗有泡菜同醃蘿蔔，仲有魚仔、西蘭花🥦等，每款都各有特色▪️半半 - 藥膳菜包肉 + 藥膳豬腳🐷 配辣拌蕎麥冷麵🍜超級大盤，包咗半份藥膳菜包肉同半份藥膳豬腳，再配一碗辣拌蕎麥冷麵。菜包肉肥瘦適中，完全冇肥膩嘅感覺，用娃娃菜包住，再加埋泡菜同沾啲辣醬，口感層次豐富。豬腳食落Q彈，滿滿嘅膠原感。配菜有啲醃辣蘿蔔，好爽口，仲可以解膩。而辣拌蕎麥冷麵好清爽，唔會太辣▪️半半炸雞 - 甜辣 + 柚子🍗炸雞又係好大盤，揀咗甜辣味同柚子味。炸雞薄薄一層炸粉，外皮炸得好香脆，入面保持嫩滑juicy，表面就沾滿晒醬汁，甜辣味夠晒惹味，而柚子味就比較清新▪️柚子梳打🥤▪️藍莓梳打🫐🥤柚子幾fresh，藍莓幾香濃，仲有唔少果肉喺入面海陸空📍尖沙咀金馬倫道33號The Cameron地舖