JoA 조아

Open Now

Now Closed

早幾年興起的兩餸飯，估唔到尖沙咀有這個韓式的版本這個韓式版本，午飯時都需要排隊等車他們吸引之處是：除了白飯之外，可以選擇韓式炒粉絲，甚至乎白飯加粉絲都可以，而且炒粉絲味道幾好，唔會太鹹午餐68便可以選擇兩個餸，同時送上一個海帶湯餸菜選擇大約有10幾款，肉類和沙律各佔一半，喜歡食肉類的，也可以不點沙律菜，因為每盒都會附上少量的西生菜，而且份量都唔少可以選擇堂食，他們有吧枱可以方便大家輕便快食萬一唔夠食，可以買紫菜壽司飯，只是$18，性價比非常高

見到新開張，有個韓式雙餸飯。 即管試吓。裏面環境唔係好大，有一啲座位可以坐。 通常都係外賣多。 餸菜方面都算多選擇，基本上沙律豬牛雞蔬菜都有齊。 仲有一啲飯卷。飯類方面，可以選擇 飯 + 韓式粉絲 咁就可以試晒，$68就有兩個餸 都OK 。仲送多一碗海帶湯。食咗一個韓式牛肉 （都OK正常味道 ）+ 唔辣嘅豬肉 （呢個真係一般般） ，另外再加多咗一個沙律 🥗裏面有薯仔番薯南瓜 不過有好多洋蔥同定紅蔥頭。總括嚟講外賣嘅選擇都算唔錯。 又快又方便。味道亦都唔差，亦都唔算太貴。

網上見佢開第三間分店，立即去試試先，可能星期日加上已經下午3:15pm，去到望到有2款食物已經賣哂，唔緊要，試下其他先，員工極有禮貌，語文能力好差既我，都耐性充足簡單介紹，食物水準一流！一定返轉頭幫襯！

$68真係超值👍🏻step1我揀咗韓式炒粉絲（japchae) + 飯，份量都好多，之後餸可以揀2樣，我揀咗韓式炒牛肉同豆腐，牛肉好好食，我本來以為橙色的豆腐是南瓜，點知原來係豆腐😅呢個餸比預計似中菜，不過都好味。廚師俾咗好多生菜，之後佢仲送咗西蘭花沙律俾我試！其實本身我係因為佢嘅沙律吸引我去幫襯，但原來要沙律只可以減少一個餸，所以最後只係試咗少少沙律，下次一定要試吓佢啲沙律😊成個飯盒份量好多，佢仲送多一碗麵豉湯，真係好抵食👍🏻不過因為舖頭細，堂食比較少位，所以我只係買外賣冇堂食，呢個是唯一的缺點吧！