Joe椰

Open Now

Now Closed

大埔小店即叫即整椰汁🥥🌴主打唔同口味既椰汁用新鮮椰子整🥥🌴芒果椰子汁 $40芒椰係絕配,🥭芒果粒都多 size正常整體係覺得太淡,雖然即整用新鮮椰子🥥但唔夠椰子味,味道淡如水🥥🌴斑蘭椰汁卷$25因為我好鍾意食斑斕💚所以我每次經過都會睇有冇我第4次先買到,所以做人真係要堅持其實可以係social media預早一日同老闆留貨但我唔係住開大埔,所以我係咁啱經過就去睇係好煙韌,夠椰汁味不過唔夠斑斕味

好多IG post見到人哋介紹呢間嘢，去開大埔就特登過嚟買去到見到好多人排隊，諗住應該一定好好飲😂叫左杯芒果椰汁同牛油果椰汁，本身想試埋啲糕點，但係已經賣晒🙈兩杯嘅味都好淡冇咩椰子味🥲好似飲緊牛油果同芒果溝水😂不過芒果個杯d芒果係甜既👍🏾但椰汁底一樣都係好淡好似溝左好多水咁等左半個鐘同埋一杯四十幾蚊，完全唔值，就算唔使等到唔會想再飲😂亦都有樣好嘅就係佢整好之後會打電話叫你嚟拎等咁耐都咁唔好飲，唔開心到要係OpenRice特登打夠200個字先可以留評分😭

大埔一間小店專賣椰汁飲品/食品🥥🌴可惜糕賣哂 不過試下招牌椰汁都ok✧ 490次椰汁（$45）幫大家梳理好咗(•̀ᴗ• )舖頭出名椰汁有單獨賣樽裝所以椰汁 = 椰汁400次椰汁 = 椰汁+ 400次咖啡490次椰汁 = 椰汁 + 400次咖啡 + 焦糖脆脆其他味嘅椰汁 = 椰汁 + 其他味嘅toppings味道方面本豬覺得椰汁嘅椰味其實唔算好重但有個優點係唔算太甜 入落易入口啲而400次咖啡老闆以前係手打但而家都係搵電動whisk打👨🏻‍🍳收到杯嘢嗰陣咖啡嗰part係暖不過味道就係偏酸嘅咖啡☕️雖然老闆話焦糖脆脆都易溶🍬但本豬飲到差唔多底仲有一半脆脆喺度所以最後變咗少量椰汁+冰水+焦糖脆脆=勁甜嘅水..所以建議大家試原味椰汁/400次就夠了

四百次椰汁🐈 因為唔飲凍 所以擺左一陣先飲🦎好香濃嘅椰子香 同埋椰子好甜 飲得出係椰子嘅清甜(⁎⁍̴̛ᴗ⁍̴̛⁎) 下次應該試下佢個牛油果椰子🥰 個奶茶好香又唔會苦澀 茶膽好出色

大埔良心店🫶🏻即叫即整椰汁.11月日頭都仲係好熱，今日介紹一間大埔墟站附近、區內響晒朵嘅良心小店💛主打即叫即整唔同口味椰汁：芒椰🥭 、椰子咖啡、牛油果椰汁🥑等不定期出現，另外仲有限量斑蘭卷、紅棗卷、黑芝麻卷等⚠️日日都唔同⚠️‼記得上佢社交平台「Joe 椰」睇有無開店同埋當日有咩食品賣‼️.1️⃣400次椰子咖啡（$40）⛑唔肯定仲有無⛑佢個咖啡打到好foamy好輕盈，開蓋食少少🤏🏻比得上cappuccino咁泡泡，帶有latte味，撈埋下面順滑嘅椰汁好夾呀🫶🏻超好飲2️⃣芒果椰子汁（$40）行到去身水身汗，整返杯真係透心涼😭gosh芒椰絕配唔使講，佢啲芒果仲係有果肉有咀嚼感，甜味突出嘅芒果汁對味蕾零負擔，加埋無渣香甜嘅椰子汁真係巧c服～3️⃣斑蘭椰汁卷（$25）緣分食品，最期待係呢個，賣相吸引，想買記得☝🏻當日朝早睇定FB講有無開✌🏻有無你想要嘅卷👌🏻最好早少少去，因為佢唔會整太多盒✋🏻必要時WhatsApp定老細留貨不負所望，椰汁同斑蘭味都好出好香甜，煙煙韌韌，買到嘅話一定要買.性價比：🌕🌕🌕🌕🌑美味度：🌕🌕🌕🌕🌖獨特性：🌕🌕🌕🌗🌑

之前睇米紙介紹，知道呢度有間專賣椰汁同椰子糕點既小店，今日放假就慕名黎拜訪一下！.黎到既時候大概4點幾，問左老闆就話糕點已經賣晒，真係好可惜；佢話客人多數會whatsapp落單，下次想食真係要做多啲準備！🤓椰汁沙冰 ($40)🥥🥛✨今日就試左佢既椰汁冰，大大杯，而等緊既時候見到佢地真係榨緊啲椰子肉，真係真材實料🤩✨椰汁冰味道好重椰香，飲到椰子甜味而唔係糖漿既死甜，沙冰既大小剛好，夠晒細滑，大熱天時飲一杯真係透心涼呀！🥰🥰.老闆態度好友善，仲問我地係喺邊度聽到佢地呢間鋪。下次一定要試到佢既糕點先得！👍🏻

好耐冇幫襯過呢間小店啦🤗呢間小店每樣出品都試得出係誠意之作今日叫左佢其中一個是日限定濃濃菠蘿椰子汁沙冰 $40大大杯，好抵飲佢用新鮮椰子汁打出黎味道天然清甜，少甜唔人造味另外叫咗杯什莓汁 $30同樣好足料唔好睇佢細細支，其實係幾飽肚好似食咗成斤什莓落肚咁抗氧化超級正❤️另外一個必要order既一定係佢嘅手作甜品仔想食要預先留定，唔係既話通常都好快賣晒呢個椰汁班蘭卷$25好香😍🥰，淡淡班蘭味口感十級Q彈最鍾意佢嘅出品完全唔會太甜👍👍👍

｡✩*:ﾟ･⑅*॰¨̮♡•͈౿•͈ 芒果椰子汁 $35 (4/5)自從許留山執咗之後都好耐冇飲過芒果椰汁~ 今次去開大埔特登去試試呢間街坊推介啲椰汁啲 係即叫即製嘅所以都要等一陣🫶🏻 芒果好夠甜🫰🏻椰汁就唔算太甜🥥 所以兩者都balance得好好 而且大大杯.ᐟ.ᐟ 性價比好高🥳 夏天飲透心涼 口感幾好所以最好同朋友仔share🥰 店家啲糕點都好出名㗎~ 不過今次就冇試到 下次再試吓佢😌

一間好唔起眼嘅舖頭，但啲甜品有質素，我最最鍾意就係佢個斑斕卷，有分特濃同埋斑斕椰汁卷兩款，其實2隻都好好味，但特濃斑斕卷會有少少少少苦味，屋企嘅小朋友就唔係太鍾意食，而另外一隻斑斕椰汁卷連小朋友都鍾意食，最重要佢唔係太甜，仲有一盒有兩條，$20/盒，超抵又好味，不過老闆係不定時開舖，仲有又唔係成日整，所以最穩陣就係社交平台落order咁就唔會白行一趟。另外我都有食過佢另外一款叫做黑芝麻糯米糍，個賣相都幾靚，不過我本身就唔係太鍾意食芝麻，只係見又係$20一盒，所以試吓，但如果係芝麻愛好者可以一買。

最近見到網上有人介紹呢間大埔小店主打椰子汁同中式榚點所以放假就滿心期待諗住去試下點知第一次去，(可能太早啦)椰子未有貨、榚點就要早一日訂所以兩手空空而回不過店主都好好，好有耐性同我講下一次可以喺FB inbox佢地落訂先黎.過咗2日我就決定要再試下呢間小店既名物所以就依店主所講早一日喺FB落訂第二日去拎.開鋪一個鐘內我已經去到不過已經開始有人排緊隊因為鋪頭得2個人，加試野飲係每杯人手整(開椰子...ect)所以都等咗20分鐘左右先到我天氣熱真係少D耐性都唔得！最後我買咗椰汁班蘭榚($20)、特濃班蘭($25)、黑芝麻榚($25)、紅棗榚($25)同埋一杯椰子汁($35, 唔記得影相)(每個味道既榚點其實有2條)整體榚點味道濃郁、彈牙又煙UN食得出落少咗糖榚點幾厚身，對得住知價錢～椰子汁好大杯無另外加糖，所以飲落味道好天然同埋係好大杯！.我覺得呢間係值得一試既小店不過如果要買榚點記得早一日訂！去到預咗可能要等10-25分鐘(人手有限)同埋記得留意佢邊日休息/開幾點以免摸門釘呀！

行到身水身汗 原本想去飲蔗汁點知個朋友都唔知間蔗汁喺邊度所以我去咗問途人 大埔人真係幾抵讚👍🏻帶咗我同朋友行一段路 話俾我地聽大約邊條街🙏🙏🙏不過好可惜⋯原來間野已經冇咗😞😞好在一向bookmark 咗想飲咩結果plan b 黎到呢到🥰🥰🥰Joe「椰」即係出名飲椰汁我見佢都有幾多選擇有啲係椰汁溝果汁有啲係水果梳打全部都係新鮮即榨我叫咗一支大嘅椰汁係純椰汁🥰🥰🥰我估佢係有落🥥椰漿同🧊一齊Blend飲唔到佢有另外加糖有飲過椰汁都知佢係鹹鹹地應該係椰子本身嘅味道口感都幾厚實 飲落去都幾飽肚30幾蚊大大枝 飲到一半先記得影相

我最喜歡新鮮即日的飲品和食品，這杯鮮荔枝椰汁，乃此店新產品；每日店長只限賣3杯，因為他每日也是人手拆椰子🥥和荔枝肉，入口鮮甜，其實新鮮又靚的椰子根本就不需要再額外加糖，比起外面的珍珠奶茶和鮮果汁都會健康…紅豆斑蘭糯米糍 ～店主順便向我介紹唯一一款現貨甜品，我在等待鮮椰汁製作的過程中，就有一個婆婆走過來嚷嚷要買「糍粑」，店主就一點即通，知道她是為了這個糯米糍而來。我不免會多嘴問問婆婆為什麼會捨得買這些糍粑，因為價錢都不算是平。她豪邁的表示沒什麼捨不得，想吃就吃…對，人生就應該是如此…

大埔名物除左滑嘟嘟之外，都可以行遠少少，過條馬路去拜訪呢間中泰合壁既小店🥥。呢間去之前最好去社交平台睇下佢會出啲咩同預訂左先，咁就唔會好似我一開始咁撲空啦😂我都係咁而發現左可以訂貨。🐒 黑武士(黑芝麻糯米糍)💰$30@3粒🐒白武士(白芝麻花生糯米糍)💰$30@3粒首先欣賞左佢既糯米糍無椰絲先😂出面係好似煎堆咁沾滿芝麻😍 黑武士真係勁黑，完全睇唔到啲餡咁，食落係甜既芝麻醬白武士入面原來係包花生芝麻同砂糖，無咩特別，可以去買翻滑嘟嘟😂2款糯米糍都係厚皮啲，質感係實淨啲，所以好好咬口，但鍾意皮薄嘅就要自己斟酌啦。🐒椰汁班蘭卷💰$20@2條無限回購左5/6次，真係好chewy，班蘭味都好真，我係廳食，我媽咪係房都聞到我既椰汁味問我食緊咩😂真係好推介💯👍🏼

🐭 米奇老豬Vol. 147 🐷 ［Joe椰］@cake_joe.lam2628 呢間係‼️真‼️隱世街坊小店💛IG連location tag都無😂係喺富善街市附近 鐵路博物館隔離話說之前機緣巧合地試過一次Joe椰嘅班蘭卷就被驚艷了 🤩因為之前爬post發現每日嘅味道都係隨機而且小店主要係果汁/椰汁 🥥呢d椰汁卷都係made to order 無擺出來賣所以今次特登提早whatsapp定老闆 ☎️問定有咩味 「我全部都要！」老闆仲好好人比我合併味 🥳.大家向➡️拉睇video就知道個口感無得厄人 🥸用盡九牛二虎之力先切得斷唔單止煙韌 覺得直頭係彈牙 🤩🤤😋完全唔係好似某d糕點舖果d咁 又削又鬆散 🤨放左喺室溫全日都完全無變質琴日中午買完 今日食都勁煙韌🥸.⚠️以下排名分先後⚠️.🐖🐖《斑蘭椰汁卷》$20/2 🐖🐖未食已經聞到超濃班蘭味 🤤🤤咬落去陣斑蘭味喺個鼻腔、口腔、喉嚨到好似噴泉咁爆出來 🌋椰汁係味道助攻 將斑蘭嘅甜味帶出來兩種味相輔相成 👯‍♀️可能係因為係雙味卷 所以口感係4條入面最煙韌嘅 🤩評分：🌕🌕🌕🌕🌖.🐖🐖《紅棗卷》$25/2 🐖🐖近幾年都開始迷d養生味 例如紅棗、薑所以知道有呢個味

係大埔有間小店，行過見到試下。買左盒斑斕卷，好煙韌的斑斕卷，不會太甜，又有斑斕香味同椰香味。另外都有其他味。小店仲有野飲，好似椰子汁，咖啡等等，夏天行過再試下。