石磨樂豆

Open Now

Now Closed

今朝經過見開咗門，lunch time同同事黎佢先😋聽講係星期六開門嘅，今日係試業第三日，排隊嘅人頗多，店員都有啲手忙腳亂，落單到出餐大概用咗15分鐘左右。有驚喜嘅係外賣用保溫袋，但問題係我入面有凍飲同熱食，擺埋一齊係保溫定保凍呢🤔⭐麻辣雞肉吐司買完行到返公司都仲熱，吐司係用三文治機夾出嚟，外面烘得香脆，入面餡料亦多，叫了呢個麻辣雞肉味，雞肉係免治雞肉，爆漿唔鞋口，但係麻辣味唔突出，當佢普通雞肉吐司食都ok嘅。⭐芋泥西米露自己再加多咗碗芋泥西米露，食落有椰汁味，將芋泥同西米露拌均一齊食都幾香甜，有芋頭香又有椰汁香啦。不過個人而言，都係鍾意傳統有一粒粒芋頭嘅西米露多啲🤣抵讚係呢個芋泥西米露只係微甜，食完都冇乜罪惡感。⭐芋泥豆乳沙冰同事揀左午餐餐牌上嘅幾款吐司，但都賣曬，果斷放棄淨係要咗杯沙冰試下，但係沙冰口味都係賣得七七八八，最後要咗同款嘅芋泥豆乳沙冰。芋泥下得很多，豆乳香滑，基本上無糖，同事話豆乳飲唔到甜味，芋泥就有少少甜。建議盡快飲完，由於係紙杯同紙杯蓋，放枱面放左一陣已經軟皮皮，加上係沙冰，啲冰溶咗會變得好淡😂店員都有提醒最好兩個鐘頭之內飲完㗎。新店開張未能盡善盡美，不過有新品牌進

早餐一份三文治加固定豆漿 價錢由廿幾到四十其他時間直正哥正可以唔食 五十蚊食你三文治傻的嗎？一份包只可以講填飽肚 味道超級普通 最正常係火腿蛋…但我講唔上好食 沙嗲牛肉似化學物質成$40一份早餐 絕對大把選擇 可以唔洗食佢！起碼一半錢幫佢交租 同用係買牌子同design 紙袋覺得佢咁樣落執肯定做唔長久 每次經過都冇乜人買 十分冷清店舖係以前渣哥個位置 老實講 渣哥更有吸引力 大眾化 多選擇 食過一次已經覺得曬錢 以後唔會再食！唔明點解要打200字先留到評價 但我真心想話比大家聽 唔洗食🥹

估唔到幾分鐘買嘢都可以有劣質服務店員掛住講笑冇人理鋪面，我嗌咗幾次「唔好意思～品該」佢哋都聽唔到可能得我一個客 佢哋覺得可以慢慢做？之後我落order啦，我闊佢係咪用到個快閃優惠，點知個店只要問返佢同事、同埋我，問係咪做緊呢個優惠😅好唔專業囉….唔通客人唔主動問，佢就唔知？已經唔係幫襯第一次，但次次放工遇着都係咁，一次就話算啫…..至於嘢食，豆腐花不攞介，而飲品只能夠合適重甜嘅朋友仔去飲，價錢唔平，不過九龍灣周邊都係咁～

見到德福廣場新開，幾多人推隊，有甜品嘢飲，試一試豆腐花先！🍴 鮮芋泥豆腐花 $30都幾大碗，好似一個桶咁，可以兩個人share，豆腐花係好濃豆味，質感滑但硬身啲，似豆腐質感，芋泥稀身，液體狀，已有甜味，芋香唔出，$30都食得過。推薦指數：7/10原來係新加坡舖頭，味道Ok的，價錢唔貴可一試，個人覺得芋泥偏甜冇口感。另外豆腐花送糖漿，唔落都得，原本已夠甜味。

最近發現德福有新餐廳😍原來係星加坡人氣豆品店Jollibean，擁有30年匠心工藝，仲要係香港旗艦店緊係要試下，餐廳除左主打豆乳同甜品之外，仲有咸食😋🔸沙嗲免治牛肉吐司吐司烘到外層金黃色，咬落好香脆，尤其麵包皮部分，好似食緊薯片咁，入面既沙嗲免治牛肉餡好juicy💦沙嗲味香濃食落唔會乾🔸芋泥西米露西米露個底係用豆乳取代椰汁，豆乳味濃郁，芋泥份量都幾多，豆乳本身無甜味，略嫌西米份量較少同偏甜🤏🏻🔸抹茶紅豆小丸子豆乳抹茶味香濃，同豆乳既比例岩岩好，紅豆🫘又粉又甜，加埋小丸子煙煙韌韌，口感更豐富🔸木瓜雪耳雪梨豆乳飲落好滋潤既感覺，有少少似食緊糖水😆味道清甜，木瓜、雪耳同豆乳既味道都幾夾

今日喺九龍灣，經過德福廣場，發現原來呢度有一間石磨樂豆，好多人排隊，原來九龍灣呢間就係旗艦店，所以感覺款色都特別多，裝修都係小清新風，店員姐姐更加係滿臉笑容，超有禮貌，值得表揚一下！睇完menu就係叫我最最最鍾意嘅奶蓋珍珠，呢到竟然有奶蓋珍珠豆乳茶500ml，而且口感濃郁，重豆味，珍珠都係QQ甜甜好好味！至於爆漿芋泥吐司就真係新鮮製作，超多又暖又creamy嘅芋泥，配埋外脆嘅toast，真心正。後來都買左樽裝咖啡豆乳同樽裝九度微甜濃豆乳返公司比同事試，佢哋都話超好味，甜度剛剛好。咖啡都好香濃。見今日星期五，當然要外賣埋三色芋圓豆腐花同同事分享啦！芋圓口感一流，豆腐花好順滑，以後一定要多來買！！

1.買咗碗“豆豆仙草”，芋圓得三粒，加咗半碗奶先有呢個份量，前面幾個客嗰d 係睇到有好多芋圓同滿碗，好明顯之前個d重手得濟，到我個碗就唔夠料。2.放料個位小兄弟同個疑似店長嘅人話：唔夠芋圓喎，店長話：求其加幾粒咪算囉。3.所有支付方法都有，但係比現金話唔收，因為無得找，除非啱啱好唔洗找。4.本來係想買“粒粒仙草”，但係佢話珍珠無曬，要等15分鐘，當我話ok之後，又話唔得喇，要等一個鐘。請問係咩珍珠嚟呢？要煮一個鐘？即係想我叫第二款啦。其實咁樣，我唔會再幫襯囉。

有30年歷史的新加坡豆乳老字號【石磨樂豆Jollibean】最近落戶香港，德福廣場旗艦店九月底開始試業。店內豆製品嚴選加拿大A級黃豆，每天於香港廠房石磨鮮製。今天經過當然要來試試。田園慢煮雞扒吐司 ($40)雞肉經慢煮肉質特別嫩滑，加上番茄生菜營養均衡。吐司熱壓四邊香脆，要趁熱吃才能感受到完美口感喔！豆豆仙草($44)大大筒份量十足，糖水以仙草及西米為基底，加上黑糖及椰奶甜而不膩。裡面還有綿密的紅豆、Q彈的芋圓和南瓜丸，最適合心多多的我。木瓜雪耳雪梨豆乳 500ml ($36)本來以樽裝，不過店員告知膠樽缺貸改用紙杯奉上。香濃豆乳配上含維他命 A ＆胡蘿蔔素的木瓜和富優質蛋白質的雪耳，好味又養生。芋泥豆乳沙冰 500ml ($32)沙冰打得綿滑，淡淡芋泥味不會蓋過豆香，整體甜度不高，炎熱氣來一杯非常Refreshing。

新加坡人氣過江龍嘅石磨樂豆係九龍灣都開咗，啱啱開嘅時候爆多人，今次撞正唔洗排長龍，又買其他豆乳產品試佢！麻辣雞肉吐司原來有得揀辣度，今次味道無之前果個麻辣蜆肉咁重口味，比較喜歡呢個調味！芋泥豆乳轉咗紙杯裝，呢個配搭實無死，芋泥又唔會太甜，口感幾綿～今次叫咗2個豆花，滋陰補血的紅棗桂圓桃膠豆花及巴旦木仁芋泥豆花，睇個名幾特別，係加咗巴旦木仁，有啲似杏仁口感～佢嘅豆花口感偏向實淨，唔係我地平時食開滑溜的質感，所以好有飽足感！

公司附近新開左Jollibean，原來德福廣場店仲係旗艦店，lunchtime同同事試吓新嘢先，點知去到發現有好多選擇，就決定買返嚟share食🤩🤩❥ 爆餡芋泥肉鬆吐司$38吐司主打即叫即整，咬落鬆脆，芋泥肉鬆足料爆餡，肉鬆配上入口即溶既芋泥，食落唔會好乾身，好好味🤤❥ 彩虹芝士吐司$42第一次見彩虹芝士，賣相好吸睛，芝士用咗食用色素整成彩虹顏色，食落鹹香味十足，仲有拉絲效果🌈❥ 芋泥西米露$38食完正餐梗係要食返個甜品，芋泥西米露食落椰香味十足，將芋泥同西米露攪勻一齊食，簡直係絕配😍❥ 奶蓋珍珠豆乳茶$42同平日飲開嘅奶蓋珍珠奶茶差唔多，但係就用咗豆乳做茶底，飲落都幾特別，同埋都好大支有500 ML，我哋share就啱啱好啦💕

之前喺新加坡Exchange食過一直念念不忘，知道香港開左店就急不及待要去食🤩發現款式多左好多，樣樣都想try~今次趁睇戲前去買左個quick lunch，呢間德福廣場店仲要係旗艦店，人手多，所以唔洗等太耐就有得拎🤓✨牛油果碎蛋吐司 - 賣相唔錯，好清楚見到一半牛油果一半碎蛋，味道同我想像中唔同，唔係平時食開嗰d沙律碎蛋，呢隻係比較清淡，蛋比較碎，啱晒注重健康嘅人🥑 🥚 🤗✨新加坡咖央吐司 - 呢款咖央係黃色嗰隻，吐司幾厚身，用左三塊麵包，薄薄兩層咖央醬，食到甜甜地~最欣賞係吐司個脆邊，脆卜卜好有口感🍞✨巴旦木仁芋泥豆腐花 - 都幾大桶，芋泥同豆腐花一層一層間住，幾貼心🧡芋泥口感綿密，豆花嫩滑，而且唔會太貼👍🏻✨火龍果豆乳 - 好鍾意佢嘅質地夠thick，火龍果好新鮮，食到果肉碎，同豆乳呢個配搭又幾特別，溫度好冰凍好fresh😋

今日同家人飲完茶剛好經過德福平台，見到這間新開的新加坡豆乳店，由於近排在網上見到有好多人推薦，於是便買來試試看。它有吐司加飲品套餐的，但套餐沒有我想食的吐司，所以我唯有散叫，點了：爆餡芋泥肉鬆吐司$38 ～ 目測是多餡的，但芋泥口感不太幼滑，肉鬆味道不太香口，整體一般，沒有驚喜，有些失望樽裝咖啡豆乳$24 ～ 本來唸住點正常味道不會中伏點知飲一啖，竟然嚐到人生的甜酸苦澀味道忍不住要講真係好難飲我已經無勇氣飲第3啖，最終成樽掉了。如果想挑戰甜酸苦澀咖啡的人可以試試。這店寫明是即叫即整，所以我等了差不多15分鐘。不過性價比太低，不會再有下次了！

👧🏻😋👅🍽✨一試新加坡過江龍德福新店-🫘 Jollibean 德福旗艦店租左以前渣哥個位, 方便一眾打工仔grab and go買健康輕食🫘 Lunch time經過塞滿晒人, 放工時間再去都仲係好爆, 但等左10分鐘左右都有得拎, 但可惜既係好多野都賣晒試唔到我最想試既野-🍞 爆餡芋泥肉鬆吐司 $38💯用個拉拉紙盒裝住, 兩件吐司整齊放係盒內, 就算係街食都好企理唔論盡💯芋泥軟滑冇加糖, 同鹹甜肉鬆唔撞, 吐司薄身香脆-🍡芋泥西米露 $38✨呢款芋泥反而有甜味, 但撈勻個椰汁西米露就岩岩好; 特別一提佢真係好大盒, 兩人食都好足夠-🧋奶蓋珍珠豆乳茶 $42💯豆乳好香, 同普通奶茶一樣咁滑; 奶蓋佔3成左右算係黃金比例但唔會太甜, 珍珠軟熟, 珍奶既健康替代品!

早前新加坡過江龍登港。我就去了湊熱鬧。請講食店主打每日鮮製的豆乳飲品、吐司、沙冰和甜品。店外看到品牌有多款不同口味的豆乳，如養生的紅棗桂圓豆乳，吸睛的火龍果豆乳等。今次我就選擇了火龍果豆乳，顏色粉紅，相當吸睛，甜度適中，有果香。除了豆乳還有沙冰，今天我就選擇了芋泥沙冰，芋頭味香，亦有非常冰凍的沙冰口感，適合天時暑熱時品嚐。但是飲品又怎會足夠呢？餐廳亦設有豆腐花和吐司。我就選擇了充滿本地風味的沙嗲免治牛肉吐司，即叫即烘，外皮酥脆，內裏免治牛肉餡料滿瀉，還有粒粒口感。至於豆腐花呢？當然都是芋泥豆腐花啦，上手時仲帶微暖，保留了豆腐花的豆香和滑嫩。

👧🏻Wodafoodie in Kowloon Bay德福平台最近進駐左新加坡過江龍，有30年歷史既著名豆乳品牌🌱主打新鮮健康吐司、豆乳飲品同甜品，早晨套餐同午市套餐最平$28/$45就有一份吐司連豆乳飲品，岩曬追求健康高蛋白飲食人士😍平日放工時間都要排隊，係最近既人氣No.1🏅✨ 🥪田園慢煮雞扒吐司 $40吐司有超過20款，健身人士可以跟我叫雞扒吐司🐥餡料仲有生菜蕃茄。慢煮雞扒已去皮，完全無油膩感，口感嫩滑又入味🤤吐司四邊夾到好香脆，好少係街買到熱壓toast麵包控一定鍾意🥰🥰成份吐司完全無加額外醬汁，輕鬆食曬一份都零負擔😋✨ 🫘白玉紅豆燒仙草 $44鍾意食仙草既一定要叫呢個！材料有小丸子、紅豆、椰汁、仙草。仙草份量超多，切成顆粒狀，口感彈牙，比台灣既嫩仙草，我更加鍾意呢款🥰撈埋紅豆同白玉一齊食口感豐富，想食得輕盈d仲可以好似我咁叫少甜😉✨ 🍧芋泥豆乳沙冰 $32🥉人氣第三位既芋泥沙冰芋泥綿密，同豆乳沙冰完美混為一體，豆香濃郁，即叫即製，夏天飲真係消暑一流！❄️✨ 🍐木瓜雪耳雪梨豆乳 $36/500ml品牌主打新鮮石磨既豆乳飲品，單係豆奶都有8款唔同口味。木瓜糖水食得多，但配豆乳一齊飲