快樂蜂 (葵涌廣場) (Closed)

炸雞快餐！有時候行葵廣，唔知買乜嘢小食掃街，都會有衝動想就咁買個快餐食就算。第一次試呢間快餐店，感覺都Okay。肉醬意粉配一件樂脆雞$45- 肉醬意粉嘅醬汁偏甜，冇新鮮蕃茄，好似食緊茄汁撈意粉咁，面頭灑上好多芝士，非常邪惡。平時食嘅肉醬意粉會係免治豬肉加牛肉，呢度用腸仔代替，變咗茄汁腸仔意粉。如果分量再多少少會更好。- 炸雞鎚入面都有肉汁，點上燒肉汁更加惹味，食咗少少炸粉雞皮，口感都好脆，唔錯嘅！

我有食過旺角同呢間嘅快樂蜂，旺角嗰間好過呢間好多好多，葵涌廣場這間啲雞又鞋又乾，完全係overcook，件雞又比旺角細好多，一路食一路覺得中伏，點解葵涌廣場咁多嘢食，偏偏揀中呢間，食完之後完全覺得不能滿足同唔飽，本身我都好懶唔喜歡寫食評，但實在不吐不快！

之前有唔少嘅video介紹Jollibee呢間菲律賓連鎖炸雞店🍗 網上介紹話呢間係咁多間連鎖炸雞店呼聲最高 聲稱係最好食嘅炸雞今日我同友人嚟咗食個下午茶餐 嚴格嚟講都唔係下午茶餐嚟㗎 只係一個王牌產品嘅必試推介😂 我地一人嗌咗一份 餐廳環境都算闊落 食下午茶來講都叫幾舒服2件樂脆雞配細薯條呢啲熱氣嘅煎炸食物就係我最鍾意食嘅野 啱啱嗌完熱辣辣咁堂食就最好😺 的而且確不得不讚嘅係外皮炸得好脆 咬落口裏面都仲有肉汁 但係成件雞整體味道欠奉 只有好弱嘅鹹味 可能因為佢係設計嚟點Gravy 呢個燒汁嘅味道同隻雞好夾 搞到我好似食個汁多過食隻雞咁🙈 薯條份量還好 因為係細薯條 味道冇話特別出色正正常常咁啦🍟整體嚟講雞嘅質素其實都還好 但係本身喜歡原汁原味嘅我略嫌佢件炸雞冇乜調味 食第一啖係有啲失望🙍🏻‍♂️ 但係佢全個餐嘅精髓係佢嘅Gravy 點雞食真係一流

下午去左葵芳行下，去到葵廣習慣都會上三樓望望有冇啲咩新嘢食😂結果行左個圈走左入去快樂蜂食雞😅係因為見佢出左辣味所以好想試🙉下午茶一件樂脆雞跟杯汽水$20好正呀！獲得雞胸一件！仲有得揀辣味😍辣味比走之前嘅原味更正！唔可以話十分辣，係惹味嘅辣！而肉質依舊滑溜！加多左個鮮忌廉通粉湯試試～食少少OK嘅，因為我覺得幾重味精，同埋好膩🤣不過試下無妨！

好耐冇食Jolibee，前排同朋友經過葵涌廣場行過Jolibee，聞到炸雞既香味就忍唔到拉朋友一齊入黎食🤣🤣😋😋🔸炸雞外皮好香脆，一D都唔油膩！！肉質好嫩滑好Juicy😋😋炸雞係會跟埋蘑菇汁比大家蘸，但係我比較鐘意就咁食唔蘸汁🤣🤣🔸雞堡入面炸雞都好脆，係辣辣地既雞塊，包都烤過好香👍🏻👍🏻🔸意粉🍝好多醬汁，上面仲有芝士粒添！！但係唔係好鐘意食，個醬好甜好奇怪🤔🤣🔸薯條分量比較細同埋淋😅😅

今日同🤴🏻去工展會，去之前係葵芳食個快餐先😊😊～～～辣味樂脆雞🍗～～～唔係好辣嘅脆雞🍗，肉質多汁嫩滑，炸皮炸得香脆唔油膩👍🏻👍🏻但就係唔夠辣😐😐～～～雙層芝士漢堡🍔～～～乾咗啲冇乜肉汁😶😶，漢堡扒厚薄適中，算有少少肉味！😃😃～～～大樹菠蘿🍍香蕉🍌批～～～我未食過大樹菠蘿🍍，唔知原本係咩味！佢係一個唔酸嘅菠蘿批、冇乜香蕉🍌味，反而容易入口☺️☺️唔會’確‘喉😃😃Jolibee最好味嘅都係佢嘅炸雞🍗，好味過KFC😋😋

呢度嘅炸雞真係冇得頂，外皮十分之酥脆，而且送到上嚟嘅時候係熱辣辣，咬落去嘅時候啲雞肉之間會滲出一啲油，食落好香，配埋佢嗰個醬汁，食落去就唔會太鹹；同埋呢度嘅意粉都好好食，佢唔係一般我哋喺香港食到嘅茄醬意粉，佢係菲律賓嗰種茄醬意粉，味道比較甜，但係就啱晒我口味食過一次之後真係回味無窮！上面仲會有一啲芝士令到佢鹹啲，仲有幾粒好軟綿綿嘅腸仔，冇平時西餐廳嗰啲咁複雜嘅材料，但係食落去真係好好味。希望之後會開多啲分店，去到邊都有得再食

今日夜晚同左朋友去食Jolibee，叫咗一桶歡樂桶（六件雞）、祖樂堡套餐。樓面姐姐超好人，見到我哋三個人就即刻幫我哋拍枱，係咁講多謝、唔好意思，真係超級熱心同有禮貌，我真係要比100個讚姐姐👍🏻👍🏻👍🏻另外六件雞照舊肉質超級嫩滑，非常juicy，塊皮炸得啱啱好。祖樂堡亦都令人好surprise，第一次食，都有兩塊肉，醬汁酸酸地，真係唔錯。套餐亦都只係$36，有埋薯條，雖然少咗啲，但幼薯條好好食。

琴晚同朋友喺葵芳廣場嘅Jolibee食嘢，叫咗歡樂埇有六件雞，同袓樂堡餐，食物新鮮製作，每樣野都熱辣辣，值得讚。炸雞keep住多汁，漢堡包夠熱好好食，而細薯條份量唔多，但口感幾好。負責清潔樓面嘅職員非常友善，對每一位客人都熱情有禮貌。

等咗好耐 Jolibee終於開到嚟葵涌廣場😂 記得細細個去菲律賓旅行嘅時候好鍾意食佢嘅肉醬意粉🙈咁今次佢去葵芳開咗我就試吓啦😏可能係人大咗嘅關係，我覺得佢個意粉無細個個陣咁好味嘅🙈但係佢同我炸雞真係好出色🤡外邊啲皮好脆，但係入邊啲肉質好滑好Juicy 唔怪得越開越多分店啦😂

收工之後去咗葵芳睇吓有咩好食見到樓下有講過話出咗個新口味忍唔住想去試吓先試咗個新口味嘅辣炸雞味道都唔錯炸雞同薯條都好熱同好份量都好足夠 食完一個餐都夠飽嚕員工服務態度都好好

聽聞Jolliebee係姐姐的首選餐廳，今日順路經過，試一試呢間究竟是何方神聖？Jolliebee同平時食開的連鎖炸雞餐廳唔同，它有提供下午茶優惠，相當於一份正餐價錢叫到兩份餐，但我未食過，所以唔肯定份量有冇減少到，但肯定係便宜之選。最後，我以正價試試雞堡，只係想食黎比較同另一間有咩分別。咁個雞堡塊雞係比較大塊，而且會更辣，可以說是重味一點。值得一提既係漢堡塊皮有烘過，香口好食！炸薯條其實都唔太新鮮，對相比某店的柴皮薯條已經好得多，至少唔會軟到唔食。

I have been a fan of Jollibee for years. Their technique for frying chicken in a way thay achieves a perfect balance of crunchiness and moisture, without being soaked in oil, is something that has always enticed me to come back.The Kwai Chung Plaza outlet however seems to be a pale imitation that managed to produce something worse than everything I've had in fast food chains.The result: cold and dry chicken that isn't even crunchy...My advice, stick to the major locations such as Central and avo

今日去左葵涌廣場，想靜靜地坐下見jollibee 冇咩人就決定食佢啦！兩個人叫左兩個餐唔算貴唔知質素係點呢？😃😃第一份2件雞+ 肉醬意粉+中汽水第一印象見到2件雞同意粉咁乾嘅？雖然幾大件但都心知不妙，食落又係兩回事wo ,雞件外衣係乾仲有d硬，咬落雞肉嫩滑又多汁，真係睇佢唔出😂😂肉醬意粉🍝好在肉醬都算多夠撈意粉黎食，味道正常😆😆第二份祖樂堡+薯條+中汽水祖樂堡🍔有兩塊肉扒，好香肉味口感亦都好飽滿，讚👍🏻👍🏻係塊包就乾左少少薯條🍟望落好幼但幾脆口🙂🙂總結：味道唔錯，但外表有待改進

一直唔知道來咁近開咗一間，以後中午放飯又多一個選擇餐牌同之前差不多,就不多介紹了。今日叫了套餐C4。套餐有一個蘑菇飯，2件炸雞（上脾同雞鎚），一杯中size汽水🥤另外仲有一兜仔蘑菇汁。由落單到開始食大約隔咗20分鐘左右，焗咗咁耐啲雞仲係好脆，表皮冇話濕笠笠👍🏻炸雞咬開仲熱，仲好juice😋只係略嫌咸咗少少。同事另外叫咗盒炸雞柳，一盒有4塊，係塊😂好似肉片咁，配埋沙律醬係幾好食。如果炸雞既辣度再提升多少少就更好，期待中😙