快樂蜂 (力生廣場)

Open Now

Now Closed

細細個香港仲有jollibee 就已經覺得好好食 我嘅回憶就係工人姐姐帶我食嘅 到咗大個之後jollibee再次回歸我同朋友叫咗兩個餐 一個係意粉配炸雞髀 喺回憶入面我覺得佢嘅意大利粉係最好食 對於佢最出名嘅炸雞 我已經忘記佢既味道 第一啖食就覺得皮薄而肉嫩 因為平時食嘅炸雞都係好厚粉同埋冇雞肉味 再配埋炸雞汁 真係別有一番風味 意粉同我地平時食既有唔同 相對較甜 但味道都算不錯另外個餐係雞柳餐 如果唔想食大量炸雞的話雞柳個份量相對較少 又可以滿足食炸雞的感覺 而薯條都係正常冇話特別好食或者唔好食

星期5 同同事去開荃灣路德圍做野，同事話想食炸雞，咁我就帶佢去我好鬼鍾意食既Jollibee! 自從佢回歸左之後，我久唔久都會去食，我鍾意佢d雞係炸唔係焗既，選擇貴精唔貴多，主力賣炸雞，仲有漢堡食！荃灣呢間鋪，地方幾大，位置寬敞，有好多'工人'姐姐幫襯，足見證明幾有佢哋家鄉風味！我同同事各自點左自己鍾意既野食，有雞，有磨菇飯，牛油栗米，薯蓉，同蜜桃批等等。。非常豐富！炸雞未食已經聞到陣陣香味，炸到金黃色，賣相吸引！呢度d磨菇飯好有特色，就係自己落汁，d汁唔會因為擺得太耐俾d飯吸晒！飯同磨菇份量都幾多，唔錯！另外兩個小食份量貴精唔貴多，啱晒好似我同事呢d 又想食薯蓉/栗米又怕食唔晒既朋友！栗米香甜，都脆口！牛油味香濃！講返炸到金黃色既炸雞，外皮香脆，肉質尚算嫩滑，唔太油膩，連埋醃得帶點咸香既脆皮嚟食先好味！最後不得不提既香芒蜜桃批，唔會太大過，唔駛怕食到飽食唔晒，外脆內流心！甜度恰到好處，食到少少芒果同蜜桃味！

食過佢 唔會想再食香港既kfc!星期日晏晝黎到，好似去左菲律賓咁。落單果陣諗緊係咪應該講英文？😂😂😂其實都係用廣東話order。叫左個2件雞 薯條汽水加個蜜桃批。薯條同汽水正路野唔多講。個蜜桃批幾好味唔會太甜又唔會太似藥水咁既味😜炸雞熱辣辣，外脆入面仲好juicy! 脆漿唔會太厚，岩岩好。雞既大細，都比kfc 既大少少。香港既kfc 越做越頹。真係唔係幾想去食。佢好似貴kfc 少少。但我以後食炸雞會寧願食佢多過kfc。

一家大細到荃灣新開的室內兒童遊戲室玩樂，玩完便到附近的玩樂蜂吃午餐。點了個歡樂桶套餐B，有各式各樣的食物，囝囝見到都開心。歡樂桶炸雞炸雞新鮮炸好，熱辣辣很Juicy，雞肉嫩滑，每一啖都有濃濃的雞味。肉醬意粉醬汁酸酸地帶點芝士香，意粉軟硬適中。粟米及薯蓉粟米有濃郁的牛油味，薯蓉香滑，是囝囝的至愛。薯條薯條很香脆，沾上一點茄汁，完美無瑕的味道。白飯及蘑菇汁白飯整成飯團形狀，很有特式，蘑菇汁帶香濃的蘑菇味，與飯的味道很匹配。芒果批脆口的口感，散發著陣陣的芒果味。芒果新地及朱古力新地大大杯之餘雪糕很香滑，小朋友都吃得滿足。汽水汽水有各種款式，我們都一致點了可樂。聽說餐廳會跟Yahoo 團購合作，於12/11 起，購買Jolibee可享有50% off優惠，等有團購優惠再來大吃一餐。

食平價炸雞🍗唔一定去K記嘅！今日就同大家介紹下尼間Jollibee快樂蜂，香港已有幾間分店，越做越出名，而且食物質素絕不遜色，我地今日一行三人就來到荃灣力生廣場分店試試喇正值星期日，變左姐姐勝地，真係非常熱鬧，這分店都算闊落，仲有落地玻璃位非常開揚，店員仲非常熱心幫我地揾位，真係好nice值得一讚點餐區員工非常勤快，發揮團隊精神好有效率多款套餐選擇，有肉醬意粉好吸引最後我地揀左份歡樂桶套餐A share食如果兩個人的話都有二人套餐揀，一樣咁豐富嘩好豐富啊！有粟米，薯條🍟，汽水🥤，而且賣相吸引薯條🍟比較粗身有口感，又香又脆粟米超甜美多汁主食有兩大碟意粉，顏色奪目，香氣撲鼻，味道調教得好好，辣辣地，好惹味，仲有肉醬同腸仔粒做配菜，口感豐富主角炸雞🍗有六件，三雞鎚三雞胸，三個人食剛剛好外皮黃金，令人垂涎🤤，仲熱辣辣，小心燙手啊皮好脆，裏面肉質好嫩好juicy，仲要好入味，我地三個一致認為正過K記嘅炸雞🍗，千真萬確，信我仲配左一大杯汁比我地點雞食，令味道更有層次最後我仲忍唔住加左碗蘑菇飯試試味道拍得住K記，仲無咁咸添，好味來張快樂蜂🐝🐝🐝合照好可愛呢！走時發視原來有lift搭，非常方便，好野！

I initially came here to donate blood at the Tsuen Wan Red Cross Blood Donation Centre, but turned out the centre is under renovation now... Disappointed and hungry, I went up to Jollibee for a quick lunch 🤦🏻‍♀️This environment here is unexpectedly nice! Very bright and spacious.I had the C4 set, which consists of 2 pieces of fried chicken, a small rice with mushroom sauce and added bucks for a ‘black cow’.The fried chicken is amazing!! Super tender meat wrapped by crispy skin dipped in their fam

I finally realize that there is a Jollibee in Tsuen Wan. Actually, it is located in a pretty isolated building. A lot of local Filipinos were there. The fried chicken is super hot, literally right out of the fryer. The hot sance and gravy are a perfect match for their chicken. Very juicy inside!

今日突然心血來潮，好想食炸雞，咁啱見到jollibee，就去食下啦，夜晚7點多，客人只有10多個，叫左兩個餐一份兩件炸雞加薯蓉，凍檸茶(加$2)$45，一份兩件炸雞加蘑菇飯，凍檸茶(加$2)$49，最後另加一個蜜桃pie ($8)炸雞好嫩，但略嫌炸皮不夠脆，薯蓉唔好食，好粉，蘑菇飯味道一般，蜜桃pie味道夠甜，桃有d少，size太細個。

祖樂比實在令人勾起不少童年回憶, 見它在香港強勢回歸, 改名快樂峰開了幾家分店, 打著一試心態也許閒日關係，是晚力生商場分店非常冷清, 只有廖廖幾枱客。倒是很欣賞它家不發手套, 有寬敞洗手盤作洗手之用, 環保又衛生 ✔點了漢堡包餐和雞餐, 比較下去還是連鎖店麥記和肯記更勝一籌.. 包類餡料味道欠奉, 雞腿不夠惹味, 表層炸得太硬了, 盒伴汁也稀和淡得像水.. 唯薯條不過不失, 入口仍是脆口。最重要是價錢也不便宜啊, 老實話這不是一次滿意的餐食, 想必不會再有下次了

最近呢幾年，快樂峰係香港不斷擴張版圖，而家已經越來越多地方可以食得到。友人提議不如搵日晚餐去食下雞，咁我地就揀左平日放工之後去！或者可能當日係平日晚上，我們輕易就能找到位置，並點了2件樂脆雞配蘑茹飯和熱狗套餐。明明已經一開始就食熱狗，但係食落口時已經係微暖，真係唔係好掂。蘑茹飯係熱的，但係個汁就比較淡，同平時食的蘑茹飯有少少出入。重頭戲炸雞就真係無得頂，同友人一人一件，大家都覺得係好Juicy，同埋唔太油，重點係佢真係脆！

上次食佢既炸雞，今次同Mr Wong再戰目的係試佢啲飯、意粉同薯條但炸雞都要食，因好味先講雞，哇⋯⋯堂食不得了，熱辣辣，啲雞汁bi晒出黎，係KFC做唔到既（上次係外賣同炸雞只有一種味）同加唔加個汁，都一樣好食肉醬意粉方面：一打開啲色⋯⋯好似⋯⋯螢光色，汁內仲有少少腸仔，不過⋯⋯好粉好淋，唔好食蘑菇飯：望落似KCF既蘑菇飯，但食落口，唔似⋯⋯係無咗個種黑椒既辣味，個白飯就正常薯條：哇，滿有驚喜，好味呀！係粗薯條，夠口感，又夠熱（下次我會試佢既漢堡同熱狗哦～）

🔸C2 2件樂脆雞 配指定美食 $43指定美食可選細薯條/薯蓉/粟米/白飯-炸雞個皮好薄好脆 雞肉仲係好嫩再點埋佢地個醬😌 好味呀 我覺得好味過K記-薯蓉比起K記嘅實小小 無咁滑 但薯味就濃d-可能位置問題 餐廳都無乜人 又播下英文歌 都幾舒服 雖然價錢黎講唔算抵食 但絕對會有下次分數: 7.5/10

荃灣多好嘢食就大家都知，但係我平時行過呢個力生廣場都冇留意其實有咩餐廳係到，不過咁岩今次見到個到有大大個 快樂峰 招牌，朋友就話記得好好食，所以就拉大隊上黎。 我地大概夜晚9點幾上去，個商場好奇怪，除左有少少殘舊，上去最上個層(餐廳個層)條電梯block 左，又搵唔到第二條路上去，但係間餐廳明明仲營業中，所以都照上去。我地4個人叫左份歡喜桶套餐，份量好多好夠，我第一次食，覺得脆雞真係好味，外面香脆，內裡嫩滑但唔油膩。開始食之前，餐廳角落頭仲有個洗手盤位比大家洗手，安排唔錯。

那天第一次到Jollibee吃午餐聽聞那裏的雞很好吃，很新鮮很炸很脆!炸雞外脆內軟，很新鮮，是剛剛炸出來的。炸油從雞裏流出來，非常好吃。雞肉很滑，果然名不虛傳。另外要一讚的是薯條，薯條也是剛剛炸出來的，很熱很脆。完全沒有變軟，非常好吃。另外叫了一個雞柳餐，有得選擇三條/五條.我們點了五條,有很多條雞,很抵吃. 兩人分享也足夠。炸雞餐的蘑菇飯也不錯，蘑菇很彈牙可口，醬汁不會太鹹，剛剛好。另外還有沙律醬給我們點炸雞，不會太單調。總結這裏的炸雞真的不錯，很喜歡新鮮炸出來的那種熱度。

菲律賓人的家鄉雞，平時見到以間鋪會有好多菲律賓人，今日冇咩人，梗係要去食下，平時都係食開其他餐廳既雞，以間主打炸雞，所以我地叫左6件雞，兩包薯條6件雞（3件雞胸+3件雞槌）$90岩岩炸起，熱辣辣，一路食一路出煙，本身唔食皮既我，今次連皮都食埋，個皮好脆唔淋，見到雞胸就會諗到應該會好鞋，點知一d 都唔鞋，仲要好滑好多汁，一路食一路d 汁都流緊出黎，另外仲可以點埋個蘑菇汁，未試過食炸雞食到想返轉頭再食。兩包薯條（原味+芝士味）$24薯條幼幼的，岩岩新鮮炸起，原味薯條灑左蒜粉，所以食落會有蒜味，好特別，而芝士味薯條，每條都有好多芝士粉。