快樂蜂 (豐裕軒)

Open Now

Now Closed

仲有冇人記得Jollibee曾經叫過祖樂比？出賣年齡系列😂第一次接觸已經覺得佢好食過另外幾間連鎖店，所以口痕時通常都會揀jollibee嘅。是晚買完嘢又嚟咗元朗分店度食炸雞，八點多鐘黎到，店內依然非常熱鬧。⭐樂脆雞配蘑菇飯叫了一份炸雞配蘑菇飯，炸雞就要咗辣嘅口味，即叫即炸雞件新鮮香脆，外皮炸到脆卜卜，但咬落一啲都唔油膩，最正係佢個辣雞辣味唔知係雞皮上面，連雞肉都有辣味，又香又惹味勁好食。蘑菇飯一大碗，菇汁菌味香濃，拌飯食好正。⭐樂脆雞配薯條另一分就叫咗炸雞配薯條，雞件同樣要辣味，個炸雞真係好好食🤤薯條同樣係新鮮炸起，細包裝裏面放到滿滿的，份量一啲都唔少，除咗點茄汁，個人都好鍾意點佢個雞汁食，咁算唔算係肉汁薯條呢？😆⭐可樂&芬達跟餐飲品就要咗可樂同芬達，食快餐梗係要配汽水啦。哈哈，識食一定係食快樂蜂嘅炸雞。

Jolibee係香港愈開愈多分店，好多人都推介樂趣雞~🍗最近我試咗樂趣雞，果然有驚喜✌🏻樂趣雞有原味同辣味，每件新鮮即炸，拎上手都係熱辣辣🔥炸雞皮金黃酥脆，口感脆卜卜，炸雞皮好邪惡但勁香口！肉質嫩滑多汁，即使係原味，滿滿嘅肉汁好juicy~😋而辣味炸雞堅係辣，比原味更加香口惹味仲可以沾蘑菇汁嚟食，味道更豐富！C2同C4餐各有一件雞胸同雞槌，啖啖肉好正C2 可選配細著條/著蓉/栗米/白飯細著條即使唔沾茄汁都已撒上鹽，C4預設配蘑菇飯，啖啖都有蘑菇汁，味道好香😌

熱香餅熱潮風靡全香港，最近先知道原來Jolibee有熱香餅早餐，一直都好想去試下！可惜住嘅地方附近冇Jolibee🥲今次專誠早起跨區去食早餐！熱香餅三文治早餐，三文治餡有蛋、芝士同煙肉。熱香餅甜甜地夾埋鹹味嘅餡料一齊食，鹹鹹甜甜幾好食。熱香餅熱熱地幾軟熟，煙肉就煎到非常脆，令到成個三文治口感層次更豐富。早餐仲有配一杯熱飲，今次就叫咗熱檸茶，熱檸茶好濃味道比較苦，唔太好飲。早餐供應時段係11點前，大家如果想去試嘅話記得要11點前去呀！

呢個做法都幾好，小朋友仔多數都愛吃脆香的炸東西還是炸薯條，但大人們次次跟他一起吃的話，難免會口鞋或是容易熱氣，那麼在小朋友仔上堂的時候，我們去吃麵條，然之後再帶他去吃祖樂比其實都可以接受。😂這間祖樂比都相當大間，內裏位置非常多，看到這一件炸雞腿，份量十足，外皮夠脆，肉汁多，垂涎欲滴。😝薯條份量你都不少，質地夠晒香脆，夠熱燙，不會是放了很久的那種薯條。☺️這間分店可能因為元朗很多傭人都是菲律賓人，因此顧客甚多，因此，遊人如鰂，食物亦夠熱燙夠香脆。😉

今日去咗食雞套餐，一大一小嗌咗兩個套餐！「C3餐」一個跟粟米一個跟薯條，呢間最好嘅嘢就係可以直接轉鮮榨橙汁啊，唔使加錢！啱晒唔可以飲汽水嘅小朋友兩個套餐喺晒度啦！睇落好似得一個餐炸雞🥇今日水準唔錯（原味）好脆好多汁粟米超細杯呢間快餐每個餐都會跟一個汁鮮忌廉通粉湯主餐牌單叫餐牌，橙汁單叫要$15，但可以免運轉加購餐牌，我加左個$10鮮忌通粉湯。鮮忌廉通粉湯唔錯，岩哂小朋友！媽媽最後埋尾試左都算好味！星期日太多姐姐去，等位連食嘢都用左成20分鐘，要試記得唔好星期日去。今日獎牌：🥇

好耐冇食jolliebee啦！本身都好中意食佢地嘅炸雞同薯條😋今次去到元朗分店唸住試下佢地嘅pancake包早餐~見好多人都介紹日本楓糖pancake包，等我介紹下香港會有嘅同款包先🤣▪️煙肉蛋班戟三文治🥓🍳(套餐$25)班戟好軟身又唔乾，不過唔算甜。入面仲有厚蛋同煎到脆卜卜嘅煙肉，超豐富✨估唔到車打芝士又幾濃味！▪配熱咖啡☕️係nutty嘅咖啡，十分香濃▪脆薯餅3件(+$10)🥔薯餅多薯粒，比起Mcdonald更香脆，不過亦較多油。▪鹹牛肉精選套餐($42)牛肉唔會好鹹，比起平時鹹牛肉三文治係肉絲唔係免治牛肉🤣司華力腸亦煎得好香！*早餐11點前供應.✍🏻整體:一早黎呢到食早餐呢到都幾舒服🤣坐位又唔會太迫，可以享受一個good good morning☀️

聽說快樂蜂的炸雞好吃，今天路過元朗分店便一試。星期日的快樂蜂是人滿之患，竟然需要等位，未知平日是否同樣人潮擠擁。選了最基本的炸雞套餐，隨機雞上脾和雞脾各一，炸雞粉漿未算太厚，食材質素比較一般，肉味不強帶點肉汁，傳說中美味的炸雞是有點過譽了，要特地來試可就不必了。至於荔枝爆珠特飲味道比較人工，而且太甜可以不點。快樂蜂的炸雞未算特別好食，也許是對家嘅炸雞特別難食罷了，試一次就夠了。真懷念那些年仍有Wendy's、哈迪斯的日子呢！

I visited Jollibee for lunch with my colleague. The spaghetti with chicken joy set consisted of spaghetti, chicken joy, and gravy. The spaghetti was sweet and tangy, with cheese, ham, and hotdog slices. The chicken joy was crispy and juicy, with a mild and savory flavor. The gravy was thick and rich, and complemented both the spaghetti and the chicken joy. The peach mango pie was flaky and fruity, with a warm and gooey filling.The spaghetti with palabok set consisted of spaghetti, palabok, and g

細細個已經聽過快樂蜂！一直都冇機會食，今次終於可以試下佢嘅炸雞啦！佢嘅炸雞非常香脆，表皮唔會太厚太多炸粉，裡面仲多汁，好食👍🏻叫左套餐仲有可樂同埋薯條！薯條就係有幼細薯條， 都幾好味，唔錯！整體黎講中意食炸雞，快樂蜂係一個好嘅選擇！

快樂蜂 Jolibee平日食得太多麥當勞同KFC係時候轉下口味元朗終於開返左jolibee唔洗出城都可以留返係新界到🤣🤣由於收工時間既關係又想快啲可以休息所以買左外賣返去食可能時間關係果陣係8-9點左右唔算多人一入到去都已經唔洗排隊就買到今次揀左兩個套餐🌟1️⃣ C2 - 2件樂脆雞翼及指定美食 $50 及 加配$5 凍檸檬茶雞翼都係兩隻口味 除左原味仲有辣味、個人喜歡吃辣所以選了辣味。其實佢都唔係大家想像中咁辣到要狂飲食、只係微微既香辣口感 小朋友都一定會食到🤣非常脆卜卜既外層，一咬落去肉汁慢慢漏出黎好惹味🤪 拎到返去都仲係好夠熱！！之後個指定美食分別 細薯條、粟米杯、薯蓉同白飯揀左細薯條，沒有炸過度、唔太鹹、好味🌟2️⃣N1a - 2件樂脆雞翼配意粉及可樂$59男朋友都同我一樣鐘意食辣味雞翼👏🏻所以上面提及過就唔多介紹。想講下個意粉、難怪啲姐姐咁鐘意叫比啲小朋友食，因為真心好好食手😂😂 男朋友平日唔食粉麵類。食過一次呢到既意粉都贊不絕口、就知道又幾吸引啦😂甜甜地都係開胃（甜味感覺會令人更加想食野）、裡面有少量肉腸撈埋一齊黎食真係突然好開口，會想再叫多個黎食😝

咁星期日晏晝入去，都有心理準備好多女傭會喺入面，結果真係有好多好多。叫餐嘅時候職員嘅服務都幾好，啲雞又話幾Juicy，但價錢好似比之前貴咗好多，環境算迫價錢算貴 偶然一次都幾冇咩所謂喇

耐唔耐都會有日想食炸雞，今次就去咗元朗嘅Jolibee，上咗樓梯之後，見到都有好多人排隊，座位比較少，所以餐廳好闊落，有部份窗口位都幾好環境。我買咗兩件炸雞，兩包薯條，仲有個大樹菠蘿批。炸雞皮脆肉嫩，點埋佢個醬汁，非常惹味，但其實都幾鹹，耐唔耐食下就OK，薯條正常，冇特別話好唔好食，跟住佢仲有個大樹菠蘿批，老實講佢好甜，而且原來熱嘅大樹菠蘿味道有點怪，不推薦。我記得佢以前有個芒果批嘅，個芒果批就好食啦。所以耐唔耐食一次就OK，經常嚟食就唔會啦。

無晚市成日要唸食咩…今次就試左元朗既jolly bee 點左唔辣既炸雞餐配薯條..外賣唔算太多人等..好快就攞得..留意返點餐可能要用英語..或者簡單講返餐既號碼都可以..返到屋企..薯條可能因為唔係好幼身個隻..即使唔係熱食口感都仍然唔錯..炸雞🍗真係估唔到重係好有肉汁..個皮凍左都重係好脆..加埋佢本身配個個汁一齊食..成件事昇華左…因為重有其他野食..所以留左一件炸雞夜晚宵夜..估唔到既係..炸雞放入微波爐整返熱都重係脆皮下次會再食👍🏻

第一次食Jollibee，價錢都幾抵。買咗四個餐先$175！芝士漢堡餐（跟薯條汽水）$29，雞堡餐（跟薯條汽水）$44，兩件雞餐（跟薯蓉汽水）$50，兩件雞配蘑菇飯餐（跟汽水）$52，全程都係等咗5分鐘！我見都好多人糖食，佢哋空間非常大，有幾張枱喺獨立空間，非常空曠！佢啲雞普通醃料，食得出係幾新鮮，但係味道來講係爭少少，可能我食慣比較濃醃料嘅炸雞，但係佢係合格嘅！尤其是因為價錢咁抵！我最有驚喜係個雞包！個醬好食，雞排又多汁！應該會再去！

首先一大問題是要全英文點餐，英文都無問題，不過職員講既英文不正宗，很難聽明白！買過4 ，5次外賣，只有1次有香港職員，作為一間做香港人生意既餐廳，不是每一個香港人都會英文，或者他們識但根本不敢講，所以大家都見到由餐廳初開張時大排長龍，到現在水靜河飛既改變。食物都一次差過一次，最初祖樂堡（双層牛肉漢堡）係好好食，而家比M字牌差！二片牛先係出面店嘅一塊，薄到呢～另外炸雞有點乾，一桶 $115 有6件，3件胸3件脾，可能乾係菲律賓既口味，但就唔多啱我！佢雞胸size 大過K 爺爺，脾就一樣大！