鐘路雞林辣炖雞湯元祖

Open Now

Now Closed

之前朋友介紹銅鑼灣開左間韓國進駐主打嘅燉雞湯店，喺韓國都好出名，於是今日就約埋另一pair朋友一齊試下因為之前睇食評話個雞湯份量都幾驚人，怕食唔晒，又想試多啲野，所以最後點左個3人份量雞湯，一份紫菜飯卷，泡菜煎餅同埋薯仔煎餅先講紫菜飯卷，好足料，撈完搓成一個圓形波波，每啖飯都沾滿左醬油香味，正之後到泡菜煎餅同薯仔煎餅，唔會油淋淋，咬落熱辣辣又夠脆，可以講係話我食過咁多間最正宗最好味嘅煎餅，個人推介，實在係必點選擇到主打嘅雞湯，真係好大盤，好香蒜味又飲到雞湯嘅鮮味，仲有年糕大蔥同薯仔，啲雞都滑同斬得好好，唔會食到有碎骨，飲得出個湯冇落味精，飲完一啲都唔口渴，果然係鎮店之寶，難怪喺韓國大受歡迎👏🏼👏🏼唯一美中不足係真係太飽，冇機會食到佢個邪惡芝士炒飯唯有下次再試了另外可能仲係新開張關係，人手方面唔係幾足，但見到韓國收銀姐姐都一腳踢，十分落力招呼客人，總好過有啲餐廳成場侍應但個個扮睇唔到你好啦總括一個字，！

今日同3位朋友係cwb揾韓國野食,見到呢間韓國雞煲係韓國幾十年歷史,價錢亦唔贵一於試試佢..2男2女點左佢个辣雞煱,本來見佢个湯底紅當當仲怕好辣,但真正飲个湯辣度剛好,適合一般香港人程度,加上湯底有蒜蓉混合,少少辣加少少蒜味,个湯幾好味幾開胃😋但最驚喜係个雞,雖然係雞煱開住電池爐滾住湯十下十下食,食左个幾鐘,但啲雞肉由頭到尾入口都係甘嫩滑,一啲都沒鞋口..同平常中式雞煲嘅肉口感好唔到,而且啲肉好入味,唔點醬油都好夠味. 值得一讚👍我地另外order 左个拉麵（其實就係辛辣麵啲friend), 浸左湯食好好味..打完边爐後再用湯底整个芝士抄飯..飽晒..个芝士抄飯ok一般,無特別驚喜...下次再來會試下个刀削麵,个韓國waitress話用來打边爐好正...講番地方,地方乾淨企理,啲枱唔會有一般火煱店嘅油漬,座位與座位有足夠空間,洗手間仲好乾淨,食火煱有一次性圍巾,kimchi 同芽菜食完會免費幫你添,幾細心. 員工亦好有禮貌,唔會趕狗甘.我地4个人只係order 3人分量嘅雞煱加个拉麵同芝士抄飯就已經夠飽..每人200唔使落到樓..以晚飯來計算好味又抵食.會翻焯試埋个唔辣嘅加刀削麵睇下佢

又有一間韓國過江龍餐廳進駐香港啦🤩🤩餐廳主打辣炖雞湯，好受韓國人歡迎～連白鍾元老師都有介紹過👨🏻‍🍳！鍾意食辣的朋友要試試❤️❤️🥘辣炖雞湯(S) $328✨黎到當然要點佢地的招牌辣炖雞湯！！上枱時已覺得好吸引！蒜蓉份量好多🧄，店員建議可以放少少落醬汁度～～蒜蓉溶化後可以中和返湯的辣味，味道更加爽口😋😋雞肉肉質嫩滑，啖啖肉～炖得好入味！！鍋內有年糕、薯仔等配料，我地仲另外加左拉麵(+$30)～拉麵口感Q彈，配辣雞湯一流🔥🔥🍙蟹籽紫菜飯團 $50✨餐廳仲有提供幾款小食，我地叫左手抓飯～～米飯面層鋪滿蟹籽、紫菜、芝麻同醃蘿蔔，將所有材料撈勻後再搓成球狀🍙就食得🤤🤤飯團調味啱啱好，好玩又好食！推介👍🏻👍🏻

銅鑼灣搵嘢食，搵新餐廳時搵著依一間主打韓國雞肉湯鍋嘅韓國餐廳就嚟try下其實主菜就得兩個鍋 — 辣簡單啲講就係辣定唔辣，價錢會按人頭收份量應該會跟返人頭配給今次同朋友點咗個辣嘅（香港人食韓國菜都係覺得要啲紅色😅）味道係唔錯，裡面有啲年糕呀 蔥呀同埋重點原隻雞放入去一鍋上，滾一陣就食得。味道幾清新，唔會覺得太heavy，都幾適合啲比較注重健康嘅人食（起碼比港式邊爐健康吧xd）此外仲有可以另外加拉麵、刀削麵等等，唔飽可以加嚟加料最後食完可以再追加個炒飯將湯底煮埋整類似濕炒飯嘅嘢完食成個體驗係相當唔錯—特別係人頭都係250HKD左右。係令人感覺到韓國湯煲唔係只係得部隊鍋嘅此外加分點應該係個環境度，新開張裝修乾淨，枱與枱之間空間足夠就算滿座都唔會有壓迫感。最重要係食完個煲件衫係冇邊爐味黐上衫度依樣嘢非常好如果咁啱喺香港島口痕想食啲韓國嘢，我覺得依間值得一試

#chowweisik鹹太耐冇去韓國好掛住嗰邊嘅清燉雞當中嘅湯底同埋雞肉，令人回味清甜入口 雞肉非常嫩滑😽見到香港咁難得有類似餐廳 就try try 星期日walkin 都有位～一🐾 韓式雞肉火鍋 ｜$328按人數選擇不同火鍋大小揀咗二人份量～湯底非常濃郁嘅大蒜味道對比起韓國所食嘅湯底，未算清甜配料除咗雞肉外，仲會有大蔥、年糕、薯仔雞肉份量都足夠兩個人食但係連年糕、薯仔就相對比較少如果鍾意嘅就要再追加+$$一🐾 刀削麵｜$40刀削麵屬於一人份量面度有筋性，口感非常煙靭配搭湯底一齊食就好夾好但係份量比較少，性價比未算高一睇返之前三月嘅食評，四月再去嘅時候已經加咗價🫠如果按份量比較，依個價錢性價比一般，試一次就OK 我🐈

好多韓國🇰🇷🇰🇷fans 到首爾旅行，都有去幫襯大名鼎鼎的鐘路雞林辣炖雞湯，這家鷄湯元祖級名店，終於趁開關衝出韓國，登陸香港。大家－定－定要試order 招牌辣炖雞湯🐔，我哋叫咗四人煲足足有兩隻雞肉份量，辣味恰到好處，不是勁辣之餘，仲添加濃鬱蒜肉調和味道，有齊香辣鮮甜的多種味道層次，韓國妹親自介紹等雞湯煲滾，先吃有咬口煙韌的年糕，跟住食鮮美的啖啖雞肉，－入口就知是新鮮雞，配合韓啤更是韓食極品，最後食薯仔，難得是薯仔吸收晒雞湯，入口即溶。果然韓劇大受歡迎，連帶食物都深得香港人喜愛差唔多食得大半就可以order 拉麵或神級超煙韌滑溜的刀削麵，真係仲好食過稻庭烏冬。最後要試食韓式糖餅，果然是大發現，有咬口及甜蜜蜜食到大滿足！

👍🏻韓國辣燉雞湯 $290/2人份新開冇耐嘅韓國餐廳，由正宗韓國人主理，當日lunch去到見到唔少韓國人嚟幫襯😯招牌主打韓國正宗辣燉雞湯，見隔離幾枱韓國人都係嗌呢個，另外有專為香港人而設唔辣版本食法都幾講究，上枱時燉雞已經煮熟，再放爐上滾熱滾起時先夾少少蒜蓉放入秘製醬汁度，再攪勻剩餘嘅大量蒜蓉溶入湯中🤪湯底蒜味非常濃郁，同時亦食到辣椒味，但辣度較溫和唔刺激，係香港人都接受到嘅程度😙食開辣人士甚至可能覺得唔夠辣，但整體調味係好食的，個湯都可以飲埋，唔會太鹹太濃味好口渴建議可以先試吓本身嘅辣味，覺得唔夠辣先叫店員加辣椒粉都得-除咗雞肉外，配料仲有年糕、薯仔、蔥段等老闆娘教路依次序先食年糕、雞肉，薯仔最後滾到入晒味先食😛雞皮比較腍身，雞肉就唔算好嫩滑，始終一路滾住雞肉醃料調味唔算好重，跟個人口味可以點蒜蓉醬汁，鹹中帶酸，或者連住湯一齊食又得😜年糕同薯仔就正常發揮二人份量嘅雞件都幾多，胸背髀翼所有部位都有，大大舊唔會斬到太碎，都幾厚肉二至三人食都OK，可以嗌下其他配料或者小食另外我地加咗個韓式拉麵+$30，雖然只係公仔麵好似有啲唔抵咁但放入去又的確超級夾，勁索湯好正🥹！不過要注意雞湯滾起會非常

第一次食呢款韓國雞湯，聽聞起韓國都出名，所以想黎試吓。坐低後會比芽菜同埋蘿蔔泡菜，唔夠可以再加。佢有兩款雞湯，有辣有唔辣，我地點左辣炖雞湯。上菜後忍唔住相機食先，因為有好多蒜呀😍個湯味道唔算太辣，但幾惹味，食得出唔係雪藏雞，點埋佢d豉油真係好食，薯仔同年糕都好食，連平時對年糕興趣一般既我都食不停口食晒d配料同雞之後就諗加炒飯定刀削麵，最後因為好想飲湯，都係加左刀削麵，估唔到味道咁夾😋我地全部都好滿意呢餐飯，感覺好新鮮，好食得黎又唔算貴，最緊要係夠飽而且坐得舒服😁