百樂門囍宴 (Closed)

百樂門 X B團購 Joy Cuisine環球海鮮自助晚餐 騙案！！買團購都諗住以平D嘅價錢去試新嘢，今次真係中伏！！團購所寫嘅賣點：HK$178享Joy Cuisine海鮮自助晚餐 (價值HK$388)每位BEECRAZY會員尊享半隻波士頓龍蝦加拿大長腳蟹無限量供應，啖啖蟹肉，滋味無窮環球冰鎮海鮮及刺身冷盤澳洲西冷牛柳、即煎西班牙極黑豚肉、紐西蘭羊鞍每天直送築地壽司我見到之後，計落加埋一，（以原價計加一），都係二百幾蚊，諗住酒店buffet晚餐，點計都抵啦，就買咗十張。。。我哋一行十人準時到達，一問之下，Joy Cuisine自助晚餐，竟然係百樂門酒樓！！聽到後，我已經驚一驚，點知入到去！百樂門竟然只係間一D地方俾人，收二百幾俾人用中式圓枱食到會！！用D普通嘢去俾人食就話築地壽司！用普通朱古力蛋糕話係72%朱古力蛋糕！我見住佢哋喺D星座蛋糕紙盒拆D蛋糕放出嚟！真係離晒大譜！！你有無諗過俾二百幾蚊，排長龍竟然係為咗拎煎雞排？佢哋仲用生嘅雞排嚟煎，咁你諗下要煎幾耐？？到我返到位一切開，都未熟，唔食得！（有圖為證！！）至於服務，待應們嘅對話夾雜大大細細聲嘅粗口！絕無誇張！我哋十個有大有細，

之前團購買左，食前一日睇食評全部喊面，都咪話唔驚呀，所有冇抱住任何心態去食，下午6:10左右到達，成大個中菜廳得一枱，以為跟住侍應行去西廳啦，點知帶我地去中菜廳圓枱到坐低。。。暈了，自助餐坐圓枱，算，即刻行去西廳到拎野食，由於好早所以冇乜人拎野食，趁冇人就可以映下相啦，其實食物味道ok的，刺身竟然係由一個操唔正宗廣東話姐姐夾比你，係夾唔係切，只有三文魚及吞拿魚，我見個兜有啲淡紅色水所以唔要啦，只係款式比較少，一個熱薰盤可以放到2味中菜，但佢竟然一邊放班塊，另一邊成個盤放粟米汁喎，係咪整多樣出黎都唔得？另外唔討好仲有羅宋湯，冇料都算，最大問題係杰身架竟然，我做落左好多生粉水呀，冇試唔呢樣，紅豆沙唔熱，其他野食都ok，7點半有個師傅出黎用gas爐煎牛扒，雞扒喎，我仲以為係切肉添，生果只有西瓜一盤，食哂唔refill，呢間團購講得幾好，不過試一次就夠喇

西式自助餐團購, 只提及荃灣帝盛酒店Joy Cuisine, 隻字不提係百樂門, 唔熟餐廳名既就會被誤導為酒店咖啡室, 以為酒店新開張攪團購, 點會諗到係中式酒樓攪自助餐團購?由公司行左廿幾分鐘去到, 一上到去一樓發現原來係百樂門, 仲要坐酒樓內圓檯, 雖然係BALLROOM格局, 但咩MOOD都冇哂, 又冇清水招呼, 之後要轉入去一個較隱閉位置放食物, 睇見就會覺得好搵笨, 係有魚生, 凍盆, 不過D蟹腳幼到你都唔想試去夾開佢......熱盆呢, 有椒鹽豬扒, 粟米班塊, 茄汁芝士腸, 酸齋, 炒雜菜, 燒味.....冇咩食慾其他有炒粉麵飯, 蒸陳村粉, 壽包糕點, 紅豆沙隔左陣搵個廚師阿叔響樹用平底鑊煎牛柳, 呢種食物居然吸引十幾人黎排隊, 可想而知其他食物有幾不濟另外團購每位送半隻龍蝦, 食唔出係上湯定白灼, 冇味, 我老公嗰碟仲係唔新鮮既......最後坐左半個鐘老公要求走人, 仲要俾佢話我唔睇清楚係邊間食肆就買團購, 嗰$54現金服務費差D唔想俾佢地, $158既團購, 應該唔止食呢D野囉.....茄汁芝士腸同酸齋, 雖然係食得飽, 但你估我係咪傻架........總之整個感

同gf慶祝生日為左1/7港島區淪陷 簡左朋友話幾正既Joy Cuisine海鮮自助餐去到先知原來要昆蟲網客人先有得龍蝦送..好彩同經理講話gf生日佢送左兩份半隻比我地!先講龍蝦, SIZE大過手掌多D, 好好肉同埋頭有膏！味道就OK啦, 當然唔夠本地龍/澳龍好食至於重頭戲海鮮盤,蟹腳有海水味, 新鮮!但gf話D較咸翡翠螺, gf話認真最抵食既item!!!咁都真係幾大粒, 同埋乾淨有鮮味三文魚, 一般放題質素, 不值一提凍蝦, 所有海鮮盤最鮮味既, 不過SIZE認真細-_____-, 經理解釋過係特登簡呢隻蝦種, 我就覺得唔似平常食開果D蝦, 壽司之類無咩印象食過咩, 大概都係鰻魚呀螺呀玉子之類, 呢d飽肚野一舊起兩舊止熟食較好既有羊架 (幾好肉), 炒蟹, 海班件.甜品係3-4星酒店質素, 麻甩仔冇咩要求覺得算係咁, gf就話用料唔及香格里拉.....鬼唔知!飲品無限飲, 可自己整咖啡奶茶果D, 亦有mj同罐裝汽水雪糕就係雀巢細杯裝!黑芝麻好正!!!

酒店間隔不正常。Joy Cuisine 在酒店一樓. 地方可是寬敞。清潔。但是以下各樣都令我失望。所有的waiters都叫有禮貌不過大牌檔水準。食物的選擇真是可怕。有大量的超小型下仔。鏍都算OK。每人只可以囉三小塊三文魚無味嘅吞拿魚無味嘅。長腳蟹細個我手指尾所以無上師。有椒鹽豬扒不過係雪藏未很重。燒鴨幾好味，叉燒好乾好tough。有少量沙律生菜少量泰式小菜不過冇特別。有石班塊不過batter多個魚，好似食𡘾湖。炒飯炒麵食唔落。dry到七彩。所有甜品見到無胃口。最好是一杯雪糕，雀巢雪糕。認真失禮下次比錢我都唔去。在離開至時，想去洗手間落了樓下，但係侍應話我要行番上樓上去用洗手間。我不能用樓下洗手間。這是一間大酒店但是他們的管理經驗超級九流。

本人早前經團購購買了<Joy Cuisine荃灣帝盛酒店>既自助晚餐,琴晚到場兌現,簡直氣忿難平,絕對絕對絕對...貨不對辦。刺身得三文魚和吞拿魚，無羊排，只得少少牛排，豬排 ，雞排，而波士頓龍蝦無鮮味，d肉死實實，翡翠螺和蟹脚只出一輪，之後完全冇其他蟹的踪影，粟米斑塊差到痺，要吃肉只有燒鴨是唯一選擇，忌廉湯冇料的生粉糊。重點．好多基本食物都唔再refill，總之一個字...差！

刺身得三文魚和吞拿魚，無羊排，只得少少牛排，雞排，而波士頓龍蝦無鮮味，d肉死實實，翡翠螺和蟹脚只出一round，完全冇其他蟹的踪影，粟米斑塊差到痺，要吃肉只有豬排，切雞，豉油雞，燒鴨味道還可以，忌廉湯冇料的生粉糊，好多食物都不refill，總之勁差！