Video
Above information is for reference only. Please check details with the restaurant.
狗公園就係左近，嘆個靚茶再慢慢行過去爽呀 ﹗竟然會係 133 號檯，好有回憶，突閃過年青時在酒吧醉生夢死的生活，哈哈﹗有張四人檯係最入面電視機底，真好無人騷擾，私人空間坐得舒服。望望點心紙，無咩特別，是但點幾個。錯字不算多，迷您珍珠雞的迷你、上海菜肉飽的肉包，楊州炒飯？揚州先係架麻。XO 醬炒銀針粉，都唔熱既又無鑊氣，微溫送上。淡荗荗油淋淋，有咩好食呢？無肉食，齋炒的嗎？只見芽菜、生菜絲、甘筍絲，漏落 XO 醬還是少到完全感覺唔到？蒜蓉蝦春卷，蒜味特强，質地黏黏的，真係非常溶，真頭係蒜泥來的 ﹗食不到蝦肉、食不出蝦味，淋上大量喼汁，酸酸甜甜脆脆，食其香口。蜜汁叉燒腸，粉皮肉厚，質地粉粉帶鞋，少少肥叉燒粒，不喜歡。豉汁蒸鳳爪，甜甜蠔皇醬汁黏著炸爪，一啜骨肉鈖離，重口味損損腳趾過足癮，味道平凡。點心併盤，何解會係微暖的呢？不是即叫即蒸的嗎？百樂門蝦餃皇、鮮蝦燒賣皇煙都唔煙下，翻熱的嗎？微溫品嚐，啖啖肉的燒賣多汁有肉香，肥豬肉太多，香口但油膩鬆散。蝦餃皮厚蝦爽甜，不過不失。上海菜肉包，特厚包皮有著一丁點肉碎，我只愛皮薄餡靚餡多多的包呢 ﹗潮式靚粉果，油皮成隻跣落口，芫茜？芹菜？嚇死朕咩 ﹗我最怕，幸好未至於反胃啫。脆皮鮮蝦腸，仲諗住同大陸紫米腸一樣修長幼細，點知巨形大大碌，鬼佬黎喎 ﹗勁搞笑。腸粉捲響鈴，一條腸兩種質地、三種味道。香脆響鈴、嚥韌蝦碎、黏濕粉皮、甜美豉油，併合在一起，蠻好的﹗紿終深圳東方園出品既最高質好味。滷水鵝掌翼，濃烈八角味道非常嗆喎，朋友勁鍾意，但我不喜歡。沾上甜醋遮掩一下，暖暖的皮滑肉嫩，酸咪咪散發滷水味道，可口滿意。安蝦咸水角，什麼是安蝦？有蝦的嗎？先脆後嚥韌，肉鬆醃味甜美，更多餡就更開心啦 ﹗微油不膩，沒有討厭的蔥或芫茜，合格。雪山叉燒包，凍既？焗一焗翻熱都懶。失望地塞入口，菠蘿包外不鬆脆、內不乾塾，叉燒醬不夠濕潤，趙感乾乾不香甜。上湯鮮竹卷，味道淡如水，一夾散晒不夠結實。餡料太少，芹菜味霸道。魚肚棉花雞，麻麻地免強合格。湯汁不足，整體都有點乾，乾魚肚、乾雞柳、乾冬菇、乾蟹柳。薑蔥牛柏葉，Albert Yip 新鮮出爐熱辣辣，被厚厚薑蔥濃芡包到實一實，少少爽、少少韌，合格。鮑汁炆鳳爪，遲遲都未到，已經賣晒嗎？其他點心都已經食晒喇，臨埋單終於到步。豉油花生浸雞腳，剛剛急做？水汪汪淡荗荗，雞腳甩皮甩骨，劣質。
continue reading
一行5人去飲中午茶，入到去第一個感覺是：服務態度欠佳開左茶，填好點心紙想落單。搵個人幫忙簡直難過登天侍應睇到都扮睇唔到，結果要親自走去「請」他們幫忙落單點心：唔好食加水：又係難！叫極都無人會幫手整體感覺差到爆炸
continue reading
流沙包大小不一 包皮仲有油抑味 啲蛋黃爆唒出尼搞到個包皮都係黃色 賣相超差 珍珠雞D陷又爆唒出尼 D飯少到根本包唔住D陷 個陷又剩係得肉 完全冇蝦米蛋黃個啲仲有d侍應服務態度超差 個個都求求奇奇是是但但咁 我叫左菜乾廋肉粥 點知尼到係皮蛋瘦肉粥 問番先知原來張點心紙係舊既 早就冇唒菜乾廋肉粥 得番皮蛋瘦肉粥一款 點解唔收起D舊既點心紙？仲可以唔同客人講聲就咁擺低碗粥就走左去？唔怪得午市都係得咁少人啦！冇下次！
continue reading
晨早三個人飲茶，是日仲要係公眾假期，想諗間間都會收正價，貴就貴喇!原來假期都有特價，叫左6個點心，炒米粉，柴魚花生粥，鳳爪排骨飯，梅菜肉餅飯，仲有貴價既鴨腳扎同燒賣，非常大件，梅菜肉餅用甜梅菜，多左一份香甜味，令肉餅鹹度岩岩好，讚!燒賣蝦肉爽口又大粒，食到飽飽埋單都係83蚊咋
continue reading
星期六日最岩一家大細去飲茶架啦因為成日去飲荼所以好多荼樓都試過同埋驚其他荼樓好多人等位呢間tea時間比其他既酒樓少人排,所以試下呢間我覺得最好食係呢個三寶,蘿白糕,紅豆糕,腐皮卷,係tea個張紙到,價錢相宜同埋好好食個紅豆糕雖然係甜食,但煎左之後香脆得黎又有紅豆味,好過癒因為得牛肉腸有特價,所以就叫左呢個,冇乜特別,但個略微厚,如果薄番d就好另一亮點係個炒飯,因為只係10幾蚊,以10幾蚊黎講個量都ok,但如果再熱d就好再講,甜品識食一定係食蛋散,因為一黎脆,二黎熱,而且又唔係間間酒櫻有如果再黎恬間食一 定會再叫呢個桂花蘆薈糕,唔係話真係好好食,因為個質感mama因為呢間唔係話好多人幫襯,所以服務都ok,起碼叫到人'針'水呢間酒樓會再幫襯的
continue reading