樂天大喜屋 (Closed)

好耐都冇食過放題，咁啱朋友講起，就話不如訂枱食放題啦，可以一次過食到好多款式。我自己都係貪心，鍾意每樣野食少少，就同朋友仔約咗呢間位於旺角創興佔咗成層嘅樂天大喜屋放題。唔使講咁多，坐低即刻拎嘢飲先，飲品櫃選擇多多，仲有自家製系列，總有一款適合。之後就到刺身系列啦，真係超過10款㗎，我哋就order左例如三文魚/油甘魚/希靈魚/鯛魚/蜜汁鮑片/北寄貝/蠑螺/赤貝/北海道鮮帶子！又真係幾新鮮，魚類嘅油香都好充足，食到魚嘅鮮味，而北寄貝/蠑螺/赤貝就相當爽口彈牙，所以食完都有再叫。唔好以為得刺身，壽司都有好多唔同款，同刺身嘅肉唔同，仲有啲好有特色。例如三文魚腩、劍魚腩、左口魚呢啲壽司，都係爆曬油脂，好香，舊飯唔會太大，可以試到好多。再得意少少嘅就有例如芝士鰻魚玉子燒/黑松露蟹肉帶子/魚籽拖羅塔壽司，呢啲個配搭都係比較獨特，其實幾好味。食放題一定唔少得燒物或者熟食，例如燒蠔，爆醬！仲有脆卜卜芝麻雞翼，好香但係估唔到裏面舊肉都仲保持嫩滑。完全冇諗過佢竟然仲有花膠，有咸有甜，想滋補養顏叫晒就啱：極尚花膠盛宴+滋補花膠燉鮮奶，裏面都係好大塊花膠，如果覺得唔夠喉又可以冇上限繼續叫，食得晒就得！夾雜着少

日式放題黎講食得最多次係樂天大喜屋😂學生時代開始食起，好有回憶。估唔到過左咁多年性價比依然高。二百幾蚊就可以任飲任食2小時。場內座無虛席。飲品齊全，酒精飲品、茶類、無糖嘢飲、汽水、果汁，應有盡有。刺身方便各款表現都好平均，個人就喜歡三文魚、北寄貝、榮螺、甜蝦 。熟食我就食得最多：蒲燒鰻魚、芝麻雞翼、雞軟骨、花膠、西京燒比目魚。放題必食芝麻雞翼，脆卜卜好香口，有肉汁好好味。最緊要夠熱辣辣咁食。蒲燒鰻魚係平時食lunch set 嘅鰻魚，有得食到夠好開心。西京燒比目魚，魚肉滑滑醬汁甜甜地，幾好食。花膠就覺得好抵食。出面啲自助area仲有好多野拎架，前菜，冷盤、小食，小菜，湯、甜品等等。發現佢個杏仁椰子雪條勁好食，外面脆皮裏面好似咬緊椰蓉咁，唔太甜，鍾意食椰子嘅一定覺得好好食。

一向都大食，放題真係一個好好嘅idea.有時食得量多都好肉赤個銀包，😬放題就無呢個煩惱嚕，可以大食特食。😝去得最多就係大喜屋，性價比高，食物有返一定水準，而且唔會點甩單。飲品區係門口，🤩幾個大雪櫃又有酒精飲品，總有樣岩你心水。自肋食物有熱食冷盤，就連糖都有得夾都幾喜出望外🫣。我會幾片刺身試下先，岩食就再叫多啲，咁就唔會浪費食物。幾鍾意佢切魚生嘅厚度，有厚度但唔會薄薄的。三文魚同油甘魚魚油香都唔錯喎😋。帶子同甜蝦都鮮甜。串燒唔少得牛舌，肉質偏硬調味唔錯。蒸龍躉肉都有，大大舊！除左有魚肉仲有豆卜同冬菇，冬菇味都好搶。抵食之選我覺得係花膠，大片厚身，芡汁都幾好味😋。

朋友又約飯局，揀咗食放題呢間每次去都見到條長長嘅人龍，好彩今次朋友訂咗位，唔使等好耐就入得去自助區～冷盤有蝦🦐、蜆同青口熟食有菜、魚、小丸子、鹽酥排骨⋯飲品款式勁多，支裝飲品、果汁、涼茶、燒酒、梅酒、清酒⋯連中式糖水都有😬刺身必點極品大赤蝦🦐同赤背，好鮮甜肥美🤩壽司🍣鹽燒左口魚邊、芝士軟殼蟹卷、魚籽拖羅塔壽司、芝士鰻魚玉子燒壽司都好好味😋而熟食芝麻雞翼、鹽燒雞軟骨燒得勁香脆，鹽燒牛舌好香口、燒菠蘿🍍勁鮮甜、翠玉瓜勁多汁，炸鮮奶Encore咗幾次😋食到勁飽，甜品都食唔落🤣🤣最後都叫咗杯雪糕嚟食🤭超滿足❤️有Häagen-Dazs/Movenpick揀

樂天大喜屋設於旺角創興廣場2樓餐廳位置方便 仲要地方好寬敞坐得好舒服 唔會枱貼枱咁用QR code落單 夠哂方便·放題任食2小時都只係$238 價錢絕對抵食刺身有極品大赤蝦｜油甘魚｜三文魚｜帶子｜北寄貝｜甜蝦｜泰國生蝦選擇種類都幾多 而且魚生件件厚切沒會有未溶哂雪既冰感壽司選擇都幾多 除左一般既魚生軍艦 仲有炙燒系列而且壽司飯都偏細少少 唔會咁易被飯塞飽炸物有芝麻雞翼 ｜ 貓山王波波 ｜香芋波波｜炸鮮奶｜天婦羅香芋波波口感外脆內綿密而貓山王波波更係榴連愛好者必點自助區系列海鮮自助區有青口 ｜ 蝦｜蜆肉熱食自助區有多款炸物味道絕對唔輸蝕·飲品區飲料櫃超多選擇 更有自家製既茶類除左左有果汁 ｜咖啡機佢地仲提供Sake實行比你飲飽食醉甜點除左有雪糕雪條仲有夾夾糖另外每位客人都有Häagen-Dazs雪糕一杯

食放題好處就係唔洗諗唔洗煩🤭總有野岩食只要準備一個胃同鬆開皮帶扣就可以·位於旺角創興廣場2樓既樂天大喜屋餐廳面積好多 · 絕對夠位擺你叫到成枱野食而呢度用QR code落單 餐單一目了然 夠哂方便放題任食2小時（$238/8:30後入座）一黎當然點刺身回回本食大赤蝦食到笑哈哈 · 大大隻肉質爽彈油甘魚同三文魚夠哂厚切 · 差啲食刺身飽左🫠壽司選擇都幾多有我最愛既左口魚同蟹棒最鍾意食壽司飯細細舊 · 唔會食飯食飽炸物必點既芝麻雞翼同炸榴連波波炸雞翼大大隻🤭外皮香口脆身榴連控必愛既炸榴蓮波波♥️仲有天婦羅唔會食炸皮咁熱辣辣 · 炸南瓜超推一品料理試左花膠盛宴花膠真係大大舊🤭不過唔敢食咁多 好易膩👻而湯烏冬質素都唔錯🫶🏻一定要粉麵落肚既可以一戰串燒一定要食羊架🤭唔會太羶仲要燒到微焦 · 口感好正·之後就講下自助區系列放題真係愈黎愈誇張有海鮮自助區 · 青口 ｜ 蝦｜蜆肉仲有多款熱食既炸物絕對可以食住等點餐既食物到飲品區一樣走浮誇路線一排排既飲料櫃 · 選擇困難症秒出現除左有咖啡機呢啲基本野呢度仲有大大枝Sake比你飲但為免未食先醉🫠決定臨走先飲番杯甜點有大量雪糕雪條有我最愛既榴連雪條每次一定要

同朋友行完街，佢話好想去食放題，見呢間放題$258 一位咁抵食，就同朋友排隊攞位，呢間放題咁爆場，員工都好快手送餐同收碟👍🏻唔錯！刺身拼盤叫咗油甘魚、三文魚、帶子、虎蝦、大赤蝦、赤背……刺身整體都唔錯，冇雪味，大赤蝦仲好鮮甜熟食必叫芝麻雞翼同炸鮮奶，炸得勁香脆，燒菠蘿好鮮甜，黑椒蜜汁一口牛都唔錯！呢度嘅飲品選擇真係好多，除咗罐裝飲品，仲有提子燒酒、梅酒同清酒、連涼茶都有，勁呀🤣最後每人仲可以揀杯Häagen-Dazs/Movenpick嘅雪糕🍦

大喜屋日日都咁多人排隊，今次嚟咗旺角店同樣人氣爆棚，差唔多坐滿晒！晚市放題食兩個鐘，唔同時段價錢會有少少分別，今次我哋book咗6:30，但要留意1.5小時就會last order，記得睇住時間落單！自助區有前菜、少量熟食、炸物，海鮮有蜆同青口。鍾意炸物嘅蝦多士，好酥脆！除咗食物仲有唔同酒類飲品、sake機、冷泡茶同果汁，好多選擇用QR code落單好方便，佢哋嘅壽司細細件但質素唔錯，最鍾意特色卷物系列，例如黑松露蟹肉帶子卷同埋芝士鰻魚玉子壽司，唔同口味配搭好新鮮。剌身都幾厚切下，而且都幾新鮮，特別係赤蝦又彈牙又鮮甜😍另外手卷有海膽同蔥吞拿魚，兩款都係細細件唔怕令你太飽，但質素都幾好唔怕腥！唔止壽司，連熟食質素都唔錯！烤菠蘿好香甜，鹽燒雞翼同牛油翠玉瓜都好香口。仲有燒青花魚，做到皮脆肉嫩，抵讚🙆🏻‍♀️

大喜屋系列旺角樂天大喜屋星期一至四晚市 每位 $258刺身多款選擇，就算是蝦，也有三種！壽司亦很多元化，創意卷物也很好吃！✨✨推介壽司：魚籽拖羅塔壽司白松露油甘魚劍魚腩壽司炙燒三文魚腩壽司鹽燒左口魚邊壽司吞拿魚蓉手卷一品料理、燒物、小食方面也很出色！款式夠特別！💥推介料理：芝麻雞翼上湯燴大蝦球極上花膠盛宴吉列牛乳炸鮮奶香草牛油煮煮鮮大蜆芝士竹輪卷天婦羅雪花牛肉鍋飲品亦很多選擇，雪糕甜品有Häagen-Dazs🥰雖然是平日，但人龍超長，人氣依然保持，相當受歡迎！總結：抵吃！多種類！好滿足！

自助bar 有前菜，熟食，海鮮同甜品熟食餃子，小丸子，蒸魚，瑞士雞翼，南乳豬手…海鮮青口，鮮蝦，蜆甜品豆腐花，和菓子，雪條，仲有得夾糖…飲品有4個大雪櫃裝滿唔同種類既飲品，好多選擇，有自家制飲品，果汁…仲有酒精類飲品涼茶，燒酒，梅酒，清酒，啤酒_______________而家放題都轉晒用手機落單👍，仲可以睇到啲食物出左未三文魚刺身油甘魚刺身鯛魚刺身蜜汁鮑片刺身北海道鮮帶子刺身北寄貝刺身蠑螺刺身甜蝦刺身一條小船放滿各種類的刺身，刺身好新鮮，無怪味花之戀細細舊花之戀，一啖就食晒黑松露蟹肉帶子壽司好多蟹肉，帶子大大粒龍蝦沙律拌櫻花蝦多士多士好脆配上龍蝦沙律同櫻花蝦，整體味道好夾，有特色炙燒三文魚腩壽司半熟的三文魚，味道不錯，如果再加少少鹽吊味就更加好醬燒帝皇蟹棒壽司大條蟹棒，一咬啲汁出晒嚟，good海膽手卷海膽好新鮮冇異味😁滋補花膠燉鮮奶燉鮮奶好滑，加埋花膠好有咬口鮮蟹粥蟹粥鮮甜有蟹味，粥入面仲有半隻蟹，可以食埋啲蟹肉🤤雪糕每人限定一杯雪糕，有得揀高質的雪糕品牌 Häagen-Dazs 同 Mövenpick我就揀左Häagen-Dazs的比利時朱古力味上撰松竹梅清酒松竹梅在日本非常受歡迎

香港絕對係一個美食天堂淨係看看這個放題已經包羅萬有魚生拼盤無論魚生同埋蝦 件件都係咁肥美咁滿足 再來幾盆壽司 所有壽司都係這麼有特色燒鯖魚 雞軟骨 不同嘅燒物、炸物 而且還有牛肉鍋 淨係呢一度已經非常滿足但係好嘅嘢點會咁快食完啦當然除咗日式食物之外還有其他食物例如西式嘅羊𣕧 中式大蝦 還有花膠、大蟹粥老實講真係多到一次都未必食得晒還有不同嘅飲品任君選擇含有酒精的沒有酒精的都有 仲有唔同嘅中西美食擺晒喺度真係法定時間之內都未必食得切一定要嚟多兩至三次先至可以一一品嚐仲有仲有甜品有大量唔同嘅雪糕甜品比大家選擇仲可以欣賞一下呢度嘅年青侍應們做嘢快手又準確簡直係視覺嘅滿足呀而家仲可以多啲朋友一齊嚟食真係非常開心啦性價比極高

一直聽過大喜屋嘅好評，疫情前或者而家緩和後每日都咁多人排隊，今次到我同老公終於去試吓究竟有幾高質！旺角店位於創興廣場，地點方便，仲可以扶手梯上去唔使迫𨋢今次book咗6:30，建議準時或者早啲到，因為已經會有人排緊隊入去，而且完結時間一樣係8:30！旺角店佔咗全層，要聽職員指示去到自己嘅枱號。用QR code落單超級方便，但亦可以去到自助區揀熟食同海鮮、竟然仲有我最愛嘅椰子煲雞湯，飲咗幾碗😆🔸刺身刺身份量一啲都唔吝嗇，都幾厚切！三文魚、油甘魚等等全部都好新鮮，最驚喜係極品大赤蝦刺身，鮮甜彈牙，encore左幾次🤤🔸壽司有齊魚生壽司同火炙壽司，鍾意左口魚火炙後魚油香出哂黎。除咗傳統選擇仲有幾款特色壽司，好似黑松露蟹肉帶子壽司、魚籽拖羅塔壽司等，估唔到放題都有呢啲創意選擇！🔸熟食食放題都要食麵，牛肉烏冬湯底都算唔錯，而且細細碗份量唔怕頂肚。另外試咗脆炸貓山王，榴槤味超級濃，好味🔸飲品酒鬼最鍾意嘅就係有部sake機，提供熱燗清酒🍶其他飲品亦可以喺飲品櫃自取，有好多款式選擇！

已經經過好長時間無食過樂天大喜屋，記得以前水準唔錯，唸住相隔甘耐可能會有進步🤔？不過佢同以前一樣都係甘多人食，所以一定要𝐁𝐨𝐨𝐤位！！千其唔好walk-in ，原本係想食晚市，都係𝐅𝐮𝐥𝐥晒😫午市放題：$228+1由12點可以食到三點，兩點半截單。👍👍最好食係羊架，半肥瘦，有啲肥肉係幾食😋😋唔係好蘇！可能佢多人，啲熟食都凍左啲…..天婦羅🍤都好脆，味道可以🆗鯖魚煎到好老，唔建議食⚠️但煎鱈魚好好食！！🤤煎得岩岩好！花膠就不過不失。鰻魚厚肉唔錯，但佢偏咸….🫣熟食如果可以再熱返d就好啦。刺身壽司就一般。。。🍍菠蘿燒得好好！！好甜🤤🤤服務就值得一提，就算人多出菜都快手，唔係好點漏單👏

成人$208一位的午市放題，任食任飲3小時，加上樂天的一貫質素保證和出餐快速，無論如何落單都會一定回本。我成日食放題，從不擔心回本問題，反而想試下如何可以食得健康些。今天我就嘗試從健康角度落單，享用美味食物之餘，還唔怕食滯。先在熟食區選了一些蔬菜墊肚，例如炒青豆、炆蘿蔔和拍青瓜，避開誘人的炸雞、咖哩角、章魚小丸子。刺身一般脂肪少，可以放心食。樂天的刺身選擇多，超級新鮮。我們叫了三文魚、油甘魚、鯛魚、北海道帶子、甜蝦和極品大赤蝦。壽司本來也不肥，但碳水較多。不過不用擔心，因為樂天的壽司全都小巧可愛，其中有一款芝士鰻魚玉子燒壽司是無飯的，可以食多幾件。燒物方面的燒香草羊鞍、西京燒比目魚、燒菠蘿和燒翠玉瓜，都是健康之選。尤其羊鞍和比目魚，在出面食好貴，絕對是回本落單之選。至於菠蘿，燒過後很清甜多汁，比水果櫃的西瓜更好食。甜品方面，焦糖燉蛋和雜莓啫哩都少牛油和忌廉，可以一杯起兩杯止。飲品就選無糖可樂或冷泡茶吧。可是，最後我卻功虧一簣，因為我忍唔住食咗兩條脆皮雪條。哈哈。

小學同學聚餐，老人家食得唔多，有些又唔食生冷嘢，不過我們卻特別愛放題。尤其是樂天午市3小時任食，長者還有有88折，足夠時夠又傾又食。位處創興廣場2樓，位置方便易搵。座位、飲品區、熟食區各據一方，井然有序。熟食區主要是炸物、煮物和涼拌。炸雞、咖哩角、南乳豬手、蘿蔔牛腩、日式螺肉、涼拌青瓜……如果食曬都飽了吧？我反而被醃蕎頭驚喜了，好耐無食，食完胃口大開呢。飲品區大冰櫃放滿各式飲品，此外還有熱茶、咖啡、清酒等，相信這三小時每人都至少飲了3種或以上的飲品。先來個刺身盛：三文魚、油甘魚、鯛魚、北海道帶子、甜蝦和極品大赤蝦。全部都新鮮肥美。這兒的壽司很精致，款式又新。芝士鰻魚玉子燒壽司、黑松露蟹肉帶子壽司、魚籽拖羅塔壽司、蟹蒜醬燒紐西蘭青口壽司等等，吃得出新鮮即製，非常可口。燒香草羊鞍更是每枱必有一大碟。的確燒得軟硬適中又入味，老人家也咬到。想不到日式放題也吃到蟹粥、古法蒸海龍躉王、滋補花膠燉鮮奶和龍眼銀耳露，誰說老人家不適合食放題？樂天大喜屋旺角彌敦道593-601號創興廣場2樓