樂天大喜屋 (Closed)

消費卷的魔力真大，各大商店和食肆滿滿都是人，幸好提前預約，12點門口已經有長長的人龍。幸好被安排坐卡位，2個人坐得鬆動又舒服。外面竟然有長長的人龍。自助區有多款食物，有韓式泡菜，醃蘿蔔、中華沙律和水果等等。還有小食精選，最多人揀的是炸雞和小丸子。除了有凍飲品櫃，熱飲品櫃、自助熱茶，還有清酒。喜歡喝清酒的你當然要試一試啦！還有甜品櫃。食放題當然要點選刺身，三文魚大大塊之餘又厚身，口感非常滿足。大赤蝦肉質鮮甜彈牙。壽司必點之選，芝士鰻魚玉子燒壽司，芝士蟹棒黃金燒、海鹽燒左口魚邊。炸物必點，芝麻雞翼，脆炸貓山王、紫心香芋丸、皇帝蟹棒天婦羅和甜蕃薯仔天婦羅。全部都是熱辣辣的，煎炸得很香，全部都是我最愛的炸物小食。每次食放題都會必點燒菠蘿，酸酸甜甜好開胃。點了一客極尚花膠盛宴，有兩大塊花膠，味道普普通通。

近幾天疫情好轉了，感染人數也少了，雖然冇得晚上堂食，但係留咗喺屋企咁耐都要爭取時間中午食餐好啲的機會，雖然只可以兩個人，兩個人都想食日本嘢今日就揀咗旺角樂天大喜屋任食放題，咁就可以乜都有得試，刺身，壽司，拉麵，串燒……今日刺身-油甘魚，帶子，北寄貝、虎蝦、象拔蚌壽司-海膽山，池魚，海膽帶子，火卓岩鹽燒左口魚，芥辣八爪魚軍艦燒物-燒菠蘿，鹽燒靖魚，芝麻雞翼料理-極品花膠雞窩甜品 -紫心香芋圓，刺身壽司，保持一貫水準好新鮮，最緊要仲要飲品好多選擇，又冷又熱，仲有sake , 大滿足的一天。

最近冇得晚市糖食，主要都係午市外出用餐為主，近期瘋狂去食午市放題啊，一嚟價錢比晚市優惠，二來晏晝胃口冇晚上咁大，唔使驚咁容易變肥😄近期發現佢哋多咗唔少新嘅中菜食物，例如係有將包炒牛柏葉同埋金菇青豆煮蝦球同埋西蘭花主花膠等等⋯老實講，一次過食太多刺身生冷嘢我寧願有埋啲熱辣辣嘅中菜小食兩樣一齊食^_^呢度真係值得讚！希望佢哋以後都再出多啲唔同嘅新食物可以選擇，咁就keep住有新鮮感，而且放題就係要好多種類食物揀乜都可以試吓～食到飽飽仲可以出出邊沙律吧度拎啲水果、雪糕、飲品同埋有啲生薑呀橋頭啊嗰啲可以消滯，消滯完再吃過～

旺角樂天大喜屋環境幾闊落，order既食物種類都幾多！任飲任食幾過癮，價錢唔貴，某些時段仲有做優惠，更加化算！場內大量飲品選擇，更加有sake放題區，值回票價！當然必點是刺身，都沒有漏單情況，叫幾多黎幾多，三文魚肥美， 牡丹蝦算大隻，膠質感幾重，新鮮彈牙！解凍程序做得幾好。翠玉瓜清新爽脆， 經過微微燒香更加惹味， 仍然保留到瓜嘅汁相當好食！西京燒比目魚， 燒汁好香，魚肉香柔，油份好足！再配沙律醬更加突出。榴槤波波，炸鮮奶都非常香口，質感creamy, 前者味道幾香濃，但又唔會太膩，炸鮮奶外層香脆內層柔軟。牛肉烏冬亦幾有質數，烏冬彈牙有質感，湯頭幾香濃吸哂牛肉汁味道！

呢間喺創興廣場嘅🤩樂天大喜屋勁💰抵食，食物飲品種類勁👍多元化，3小時午市放題🤤任食可以同朋友仔慢慢傾慢慢食😋，正呀！自助區除咗各式飲品🧃之外，仲有沙律🥗同埋熱盤🍲，當中我就最鍾意酸菜魚🐟同埋南乳炆豬手🐖，日式放題都有呢啲嘢食都幾驚喜😍，而且質素都👍唔錯。刺身🐟款式都唔少，我最鍾意嘅就係帶子同埋大赤蝦🦐，鮮甜美味🥰，encore 咗好幾次🤤，另外油甘魚🐟同三文魚都幾肥美😋。呢度仲有多款創作🍣壽司，各有特色🥰，而且仲有海膽🤩手卷添！另外鰻魚🤤香甜美味，仲有冷熱清酒🍶任飲，感覺好😋滿足！中式上湯燴大蝦🍤肉質出奇地爽滑，上湯🤤味濃，所以連入邊啲菇🍄都幾好食。天婦羅蝦🍤鬆脆肉爽，我哋食咗好多隻😂，鹽燒雞🐓軟骨鹹香🤤十足，牛脷都幾鬆化😋味濃。銀雪魚🐟好肥美，肉質超級🥰嫩滑鮮甜。依家放題都有😍花膠食，感覺好☺️滋補，花膠大大塊👍又腍又滑又鮮味，🥰好正！黃金😍燒蠔🦪勁好味，蠔肉🤤飽滿肥美幾大隻，醬料入面有三色椒同埋仿蟹柳，味道少少🤏酸甜好好食😋。日式🐂牛肉鍋水準同外邊餐廳單點差唔多👍，牛肉都幾嫩滑🥰，豆腐又入味。呢度雖然得一款中式🥣糖水，但呢款圓肉杞子燉雪耳🥰十分滋補，而且燉到有少少杰身粘口🤤，飲落香甜

今次黎到旺角創興又係食放題喇🤗 一試再試都係鍾意食大喜屋放題 最緊要係多件夾抵食 而且價錢~$200就可以滿足哂你既胃口唔知大家去到放題最少會叫既食物係啲咩呢？ 我今次好過份地食左唔少鍋類飽肚既食物😂 樣樣質素都好高 例如壽喜燒牛肉鍋 個湯底真係好好味味又甜甜既壽喜燒汁 牛肉加蛋汁滑溜溜好足料 仲有烏雞花膠湯 有時湯水先係最貴 花膠大大塊好似好補咁😂其他當然必叫刺身啦 仍然都係保持新鮮厚切既水準 而且每次黎都會清酒梅酒飲一鋪 又吃又喝係一件好幸福既事❤️📸 Credit to Instagram: @mroolong

上個週末終於放假，不用在家工作，於是同友人出去食餐飯抖下氣！原來下午時間都好多人去食放題，而且放題在下午2點後入座還有優惠呢！一直都好中意去呢個品牌既餐廳食放題，放題包括有刺身、壽司、串燒、一品料理等！刺身有三文魚、希靈魚、油甘魚、赤貝、帶子、赤蝦等，都好新鮮同埋足份量！壽司款式都有好多，分別有軍艦、刺身壽司、火炙壽司、卷物、手卷等，而咁多款當中個人覺得芥辣八爪魚手卷、吞拿魚他他壽司、花之戀比較美味！一品料理方面他們的黑椒牛柳粒不錯，牛肉味濃，肉質鬆軟又juicy！而且仲有蛇羹、花膠食添呀，會唔會太正！串燒最愛食雞翼，雞皮燒到脆口，鹽份好足，好味！煮物現在有個極品麻辣牛魔王，很適合喜歡食麻辣的朋友，入面有牛腩、牛丸和蘿蔔，味道又唔會太辣，很刺激！飲品可以係出面的飲品櫃拎，另外亦有一些前菜、生果、湯等可以係自助區拎！

上星期同屋企人黎左呢間位於旺角的樂天大喜屋，食左個午市放題，下晝2點後入座只係$198，所以都有唔少人黎食！飲品、小食、生果、少量熟食可以自助區自己拎，仲要清酒可以任飲！其他食物主要手機落單，上菜速度都幾快，而且都冇漏單情況！刺身、壽司、手卷、串燒、天婦羅、炸物、鍋物等多款選擇！刺身有愛最愛的希靈魚、肥美厚切的三文魚、鮮甜的帶子等！壽司有芝士鰻魚卷、加州卷、黑松露油甘魚、花之戀等，每件都唔會太大件，咁就可以食多幾款！手卷仲有海膽手卷添，海膽味道都唔會太差！第一次放題食蛇羹，味道又唔太差喎！食到最後仲食左蟹粥，有成隻蟹拑係入面，超足料！

真係少咗好多好多出街食🥺間唔中一餐好啦，難得出街食食盡佢啦🙈樂天大喜屋由細食到大，餐廳近排做緊優惠，2人同行-$100 ，變上好抵食，埋單唔使$200一位。因為放題可以係咁食刺身🙈超級低碳水，係我嘅至愛~疫情好返之後一定要再食🥺🥓🍣🍢🧃 點餐用手機掃QR code網上訂單，唔使周圍摸🤣實在太好。自助區可以直接去自助餐飲品區自己拎，款式好多仲有清酒、咖啡、茶、啤酒等等。自助區仲有小食，味增湯、小丸子、炸雞，仲有好多小食唔記得咗🙈雪糕雪條甜品都有得隨便拎。刺身款式勁多，油甘魚、三文魚、甜蝦、虎蝦、赤貝、帶子、希靈魚等等，常見嘅刺身都有。油甘魚係我嘅最愛😌🐟 魚味香。三文魚比想像中好，厚切肥美味道鮮美。帶子唔會太細，幾甜。壽司方面有好多創作壽司、卷物，超級推介鰻魚玉子燒😌鰻魚厚玉子甜炸物芝麻雞翼係我嘅最愛🙈十分推介，好好食外脆內軟有肉汁，食咗幾隻添。炸蝦天婦羅🍤中規中矩，脆口好食。串燒一定唔少得牛舌😌爽口，唔會太厚，加埋檸檬汁、黑椒好惹味。串燒燒菠蘿🍍上到枱仲熱辣辣，香甜又大件，忍唔住叫咗幾次。焗蠔真係由細食到大，最正係佢啲醬汁😋類似沙律醬加彩椒，好好味。

稱霸日式放題 好食到做到上市既日菜餐廳集團 - 大喜屋日本料理大喜屋可謂係日式放題既潮行始祖，多年來開設唔同副線品牌，仲做到上埋市，集團全部品牌都大受香港人歡迎。當中位於旺角既樂天大喜屋日本料理可以任食哂多款滋味日式美食如刺身、燒物、炸物及壽司等等。而且仲劃分多個不同時段，俾食客極具彈性，餐廳做緊最平低至$188就可以任食兩個小時啦 ! 一向以挑戰放題及自助餐為樂既CK我緊係唔可以放過呢個機會啦，所以就去左旺角分店去試下啦 !餐廳係以手機落單，簡單易用又環保，唔識用智能手機既話都可以由店員提供協助架！十分體貼 !食物種類方面分為刺身、燒物、炸物及壽司等等，餐廳外面仲設有飲品區、自助甜品區和沙津區！沙律吧有各式涼菜及水果、旁邊仲有各款港式小食、如魚蛋、小籠包、炒菜、薯蓉等。湯品方面除左味噌湯，仲有其他放題無乜機會見到既藥膳雞腳湯！飲品區亦相當多選擇，幾個大雪櫃放滿各式罐裝及紙包飲品，另一邊仲有咖啡、菊花茶、酸梅湯、熱茶、果汁、清酒等飲品任飲！甜品區方面，有個櫃放滿小巧的骰既甜品，份量少多試幾多款都可以，最緊要你食得哂！兩大個雪糕櫃、雪條櫃都好吸引喔！除左貴價既buffet必備既MOVEN

無晚市堂食又想食放題，就只好下午去食星期一至五$188一位一點左右黎到都幾多客，半滿座，比我想像中多人用qr code落單，簡單又方便冷熱飲品大量供應，汽水、啤酒、茶水等，清酒和梅酒亦無限任飲甜品有雪糕、雪條、豆腐花、蛋糕、奶凍之類，一應俱全先黎刺身有三文魚、甜蝦，赤蝦，帶子等，款式都幾多都幾厚切，刺身質素都OK壽司細細舊，都幾精緻個人最愛火炙系列，魚油出黎好甘香西京燒比目魚，魚皮燒到焦香仲有燒牛舌同翠玉瓜都幾好食！每次黎都會叫焗蠔個沙律酸酸甜甜，好開胃最後點會少得炸榴槤波波，真係食完一粒又一粒

而家餐廳越開越少，慶幸早前可以去食樂天大喜屋。餐廳有大量食物、飲品俾大家去選擇，當然重可以用QR code落單，選擇也不少。先食一啲冷盤，刺身點了大蝦、三文魚、帶子等，件件新鮮，入口超正，係外面拎左青口，件件肥美清甜。個人最鍾意食嘅壽司就係燒左口魚壽司，經燒過的左口魚，口感非常滑，帶一點焦過的香味。烤物方面，燒牛舌和翠肉瓜都相當有水準，牛舌肉味十足，翠肉瓜唔會燒到乾晒，而最令我著迷，一定係燒比目魚，皮脆肉嫰，我一個人都食左3、4件。焗蠔就用上沙律汁去烤過，入口熱辣辣，正。

今日約咗朋友食日式放題，在芸芸放題店入面，最終選擇左樂天大喜屋，除左因為口碑好之外，仲係因為有幫襯過，知道佢既食物質素高而且選擇豐富，性價比高！食放題當然要點刺身同壽司，刺身新鮮，寫幾多俾幾多件，特別要讚下佢既甜蝦同帶子，入口即溶，無腥味，encore左好多次！壽司好精緻，雖然每件唔大，但反而甘樣先可以試多幾件唔同款式既壽司。熟食就推介燒羊架，雖然大部分放題店都有提供羊架，但唔係間間都做得好食。呢度既羊架一黎名熱度，二黎唔會燒到太乾，鞋拾拾，反而仲食到有肉汁！

係禁足前食最後一餐放題，因為禁足之後真係唔知幾時先再有機會食了🥲今次同朋友兩個食，真係食到好滿足。呢度刺身款式好多，基本上想食嘅刺身呢度都有，例如三文魚、甜蝦、油甘魚、帶子、大赤蝦、希靈魚等。而且佢比嘅份量真係同我填寫嘅份量一模一樣，絕對唔會比少。基本上呢度所有刺身都好鮮甜，我最鍾意就係食呢度嘅甜蝦💓喺熟食方面，呢度都有好多款式。我最鍾意就係食呢度嘅芝麻雞翼，佢炸到表面好趣，但係內裏好軟好有雞味。牛舌亦都十分爽彈，再上檸檬汁好夾💓另外有蒲燒鰻魚 焗蠔 羊架另外有個牛肉窩都好好味，係壽喜燒湯底，甜甜的總括而言，呢度嘅午餐放題都抵食，而且坐得好寬闊，唔會逼住晒。最後想讚一讚呢度店員，佢哋嘅服務態度十分之好👍🏼

又係一間性價比高嘅日本料理lunch buffet，⭐️依家佢哋仲做緊優惠，下晝兩點第二位半價，為翻開$200都唔使一位，係咪好抵食呢😆但係已經可以大飽口福，而佢哋嘅位置非常方便，喺旺角地鐵站隔離嘅創興廣場。而佢嘅食物真係包羅萬有，我估唔到嘅係佢連花膠都有😱仲有酸菜魚，而佢嘅燒物同埋串燒都值得推介👍🏻👍🏻👍🏻吉品鮑汁扣花膠鮑汁夠鮮味，花膠夠入味，黏口膠質重。風味酸菜魚辣度啱啱好，魚肉夠鮮嫩，好味到連佢嘅湯汁都飲埋。紐西蘭香草羊鞍沒有蘇味，厚肉多汁。牛舌串燒牛味重，爽口，一串其實真係唔夠😬佢有嘅選擇係壽司🍣刺身，手卷，吉列，天婦羅🍤燒物，串燒，煮物，應有盡有，而出邊嘅buffet吧有沙律🥗甜品🍮雪糕🍦湯類，熟食等等。