樂天大喜屋 (Closed)

真係少咗好多好多出街食🥺間唔中一餐好啦，難得出街食食盡佢啦🙈樂天大喜屋由細食到大，餐廳近排做緊優惠，2人同行-$100 ，變上好抵食，埋單唔使$200一位。因為放題可以係咁食刺身🙈超級低碳水，係我嘅至愛~疫情好返之後一定要再食🥺🥓🍣🍢🧃 點餐用手機掃QR code網上訂單，唔使周圍摸🤣實在太好。自助區可以直接去自助餐飲品區自己拎，款式好多仲有清酒、咖啡、茶、啤酒等等。自助區仲有小食，味增湯、小丸子、炸雞，仲有好多小食唔記得咗🙈雪糕雪條甜品都有得隨便拎。刺身款式勁多，油甘魚、三文魚、甜蝦、虎蝦、赤貝、帶子、希靈魚等等，常見嘅刺身都有。油甘魚係我嘅最愛😌🐟 魚味香。三文魚比想像中好，厚切肥美味道鮮美。帶子唔會太細，幾甜。壽司方面有好多創作壽司、卷物，超級推介鰻魚玉子燒😌鰻魚厚玉子甜炸物芝麻雞翼係我嘅最愛🙈十分推介，好好食外脆內軟有肉汁，食咗幾隻添。炸蝦天婦羅🍤中規中矩，脆口好食。串燒一定唔少得牛舌😌爽口，唔會太厚，加埋檸檬汁、黑椒好惹味。串燒燒菠蘿🍍上到枱仲熱辣辣，香甜又大件，忍唔住叫咗幾次。焗蠔真係由細食到大，最正係佢啲醬汁😋類似沙律醬加彩椒，好好味。