聚福樓 (Closed)

呢間餐廳環境係好靚，網上見到係黃店先支持下。但好可惜，我未試過食一間完全唔飽既餐廳，味道又好一般，食物質素同價錢 完全唔成正比既餐廳!!!!!! 。。總之吾會再黎，同我best friend 都好失望。haha，吾怪得 社交平台上都咁多負評＝_＝。唯一值得讚個場景佈置好靚，有啲員工都幾好。最後埋單 差唔多$800（ 二人價錢），但我地好似食緊啲出面普通500-600既野。 好垃圾囉。。。。希望你地繼續加油

位於屯門置樂既聚福樓以非常精緻既裝修造賣點。但好可惜佢座位唔多，晚飯時間最好book檯先。龍蝦湯。龍蝦味好濃，但湯入邊欠缺龍蝦肉。反而係有兩隻蝦。呢個炸物拼盤有炸蝦，炸蕃薯條，炸雞，炸餃子。炸蝦好有水準，炸粉唔算好厚。仲保留到蝦嘅爽口。但餃子就比較硬身。龍蝦汁帶子意大利飯。呢個龍蝦味冇龍蝦湯咁重，帶子煎得好香。依然保留到帶子嘅鮮味。三文魚班尼迪蛋。呢兩隻蛋整得幾靚，配埋新鮮三文魚感覺好Fresh。

這是家披著中菜館皮的文青小清新cafe，店內裝潢感覺被植物包圍，感覺是市區的休閑好去處，還有適合打卡的霓虹燈，喜歡拍片的朋友一定要去一去。還有聽聞有著屯門最好吃的All Day Breakfast，便決左去一探究竟。-🍳All Day Breakfast 全日早餐有芝士蕃茄、煎蘑菇、薯餅、火腿、煙肉包香腸、炒滑蛋多士、黑醋藜麥沙律菜及玉米片雜莓乳酪。.基本上每樣食物都感受到廚師有認真處理食材，巴馬臣芝士配上蕃茄一如既往是完美的搭配；蘑菇雖然只有一小個，但調味絕不馬虎；薯餅炸得香脆；煙肉有點燶，但不會過咸，香腸用的是德國豬肉腸；滑蛋奶味重，而且真的很滑，可惜是放久後，滑蛋令麵包有點軟爛，有點扣分；沙律菜很新鮮，而且是我喜歡的黑醋，還用心地加了藜麥；難得地有乳酪，而且加了點玉米片增加口感，加分！-☕️玫瑰拿鐵淡淡的玫瑰香配上香濃的拿鐵，味道簡直一絕。美美的拉花加上玫瑰花瓣乾，少女心爆棚，超級適合打卡。-❗️店內面積較小，如果要去最好提前訂座。

今日喺屋企附近揾野食，見到一間小店個餐廳名叫聚福樓，仲諗住佢係食中菜，點知原來佢係食西餐。餐廳裝修好靚，幾有特色，我地叫咗個all day breakfast同一個pasta,再加兩杯咖啡。咖啡賣相好靚，而且好香All day breakfast 好豐富，炒蛋好滑意粉質感好好

早兩日入屯門搵個好朋友食飯,朋友介紹呢間玩味重嘅黃店cafe,重到連菜式名都唔知講乜😂。。🔘威靈頓牛柳 (我個牛皮包係邊到) | $288評分: 🌕🌕🌕🌕🌑評語: 威靈頓牛柳大約5至6成熟,完全啱啱好,肉質好幼嫩,依然保持到肉汁,一切開就流晒出嚟。外層酥皮非常酥脆,仲有啲杏仁碎,所有野一次過食,放落口已經有一陣衝擊🤤。。🔘白酒煮青口 (青口先生又(走)左路！只係帶條麵包就夠？) | $98評分: 🌕🌕🌕🌑🌑評語: 青口啱啱夠熟,唔會煮過龍,白酒味剛好滲入左青口肉入面。食落唔覺有沙或污糟野,但份量唔太多。。。🔻💛🔻睇英文先知係乜菜式😂推介指數:⭐️⭐️⭐️

開頭睇到聚福樓呢個名，以為佢係中菜，點知係一間西餐廳，啲菜名全部都好搞笑，要睇英文先知佢係乜😆 餐廳嘅上菜速度好快，但我地食唔切所以啲嘢食擺到凍咗😥成餐飯只係用左大半個鐘就食完喇~ 另外餐廳有個心思位係每張枱會襯返同一隻色嘅碟上菜😗•🥢 唔知媽咪今日會煮咩湯呢? (是日例湯) $68/碗龍蝦湯嘅🦞龍蝦味好濃🤤小小可惜係無落龍蝦肉，不過每碗都有兩隻大蝦🦐爽口彈牙！正！跟湯嘅麵包原來係酸種麵包，似法包咁少少硬身，食落有淡淡嘅麥味，但烘得脆啲會更加正～•🥢 小豬仔好慢好慢咁去打排球 (慢煮醬燒豬肋骨) $2481份有4-5條豬肋骨，肉質好淋而且好入味😋•🥢 真係米收埋隻雞 (意大利飯釀燒春雞) $248上枱時原隻上畀我地影左相，然後再拎返入廚房切6份，好貼心～ 雞皮燒到脆卜卜，肉質算嫩～入面嘅意大利飯唔算太硬，而且都吸收左雞味，不錯～•🥢 估你唔到的一盤野 (炸物拼盤) $148有炸蝦、炸番薯條、日式炸雞、炸餃子，種類真係有啲估唔到😂 最特別應該就係炸蕃薯條🍠😋 上枱嘅時候都新鮮熱辣脆卜卜，而且唔太油～•🥢 阿蟹肉同埋蟹膏你想點呢？ (蟹肉蟹膏忌廉長通粉) $158長通粉煮得有點太硬😣蟹膏

要數屯門黃店cafe, 相信聚福樓一定榜上有名每逢星期六日總係大排長龍今日好好彩，同朋友大概3點嚟到，只係等咗10分鐘左右就有得入去Menu選擇唔算好多都係意粉egg benedict all day breakfast依啲大路cafe嘢我同朋友都揀咗all day breakfastAll day breakfast $148賣相好正雖然唔算堆到好豐盛，但個scramble egg好吸引我另外加左杯茶，嘢飲要散嗌整體嚟講，食物質素唔算差但依個價係屯門嚟講，都真係貴貴哋😂唔會話唔去會後悔，但嚟支持黃店都唔會失望嘅

在網上搜查到這家咖啡廳，看到相片中的環境不錯，經過附近所以想去打卡一下。去到的時候看到門面與相片中的有分別，不打緊吧，反正來到就進去飲杯東西休息一會兒。進到去發現咖啡廳的環境不大，幸好有一點裝修配合感覺好一點吧。由於我們不肚餓，所以只點兩杯飲品而已，但職員的面貌有點不太好。有點口乾想拿杯水飲，自己去取也被女職員盯著眼的樣子望寶，好像怕別人會偷東西，令人感覺不太好，難道不想麻煩你們也有錯嗎？💥榛子咖啡 HKD$43(熱飲)，咖啡有心型拉花賣相不錯，咖啡杯用了黃色和藍色配著，感覺挻特色呢。咖啡味道挻香濃，味道不會太甜剛剛好。💥蜜桃水果冰茶 HKD$45，點了少冰版本所以不會太冷，飲品味道略為淡了一點。桃味不突出，茶味很淡，可能用得太多水沖泡了。由於沒有寫不准拍照片，所以期間去了拍照片，但卻被女職員問著還要拍多久😅。其實不可以拍照片可以張貼告示，不用這個憑度吧，難道因為我們只飲東西而不吃東西就這樣？另外也沒有寫明最低消費的，特意行過來打卡卻令人很失望。

看到食評好壞也有，但畢竟每人想法不一，於是上星期訂位決心一試。看看是否和評論一樣 。當初店家已確認一次booking，但後來再多打一次給我，原來剛好下雨，怕我訂了outside位置會淋雨，所以多打一次給我。本人早了半小時到達，心想應該要等到原訂時間才能入座。但與老闆傾談後，原來早已替我預留位置。所以馬上可以入座。看看餐牌，其實食物名稱超搞笑，真虧老闆想到這些名字，真的會令人會心一笑。本人叫了一個牛皮包係邊到，估你唔到一盤野和三文魚塞我塊臉。原來牛皮包即威靈頓牛柳，三文魚塞你塊臉即三文魚漢堡，估你唔到一盤野則有炸蝦，炸番薯條，炸雲吞和炸雞。威靈頓牛柳做到岩岩好的熟度，加上汁醬同吃，味道剛好。炸盤剛好可以配搭酒類飲品同吃，一流。特別一提，店家有雞尾酒，生啤，手工啤，咖啡，特飲可選。老闆還會在有空時候和客人交談，問問客人對餐飲滿意與否，老闆知道我愛重口味威士忌雞尾酒特意為我特調一杯特別版給我，還問我對這個特調版滿意嗎…說真的，不論老闆還是服務員真的很好。一個努力改進和客人交流的店家，下次再有機會定必再嘗。

【支持黃店】這家餐廳好特別！(๑˃̵ᴗ˂̵)و 裝修好有風味，有點七、八十年代的復古感，很有特色！ 這份煙三文魚藍芝士扁意粉都不錯，意粉有點硬身較有咬口～本來以為藍芝士的味會好強烈，但味道方面不算很濃，反而覺得有點淡，最好就加帶咸味的煙三文魚一齊食，味道會剛好～飲品點了GingerBread Mocha，不是很飲到有薑味，但朱古力算濃郁，不錯的。ᴗ͈ˬᴗ͈ ♡ 食物質素還好，但環境裝修加分！ 

襯住幾日連假一於去下遠離市區嘅小店支持！黎到屯門好耐之前都有留意呢間打卡小店終於可以一試😛.我地早左到等佢一開門就可以入坐.我叫左個all day breakfast 友人就叫左個pasta.一路都有人入黎過左15分鐘，小店已經坐滿左嚕.等多一陣我個all day breakfast 黎喇！Presentation 好靚💛💛佢竟然有cornflakes 配yogurt!!好特別！第一次見喎除左塊bacon比較燶之外，其他都好味！薯餅夠脆好重要😂炒蛋好滑，擺左晌多士上面所以多士淋左少少🤏.友人個pasta就好creamy!!煙三文魚都唔吝嗇有4塊😛.之後我地一人一杯咖啡我就要jasmine latte 友人要iced mochaJasmine latte對我黎講甜左少少不過都好味嘅Mocha就standard 啦.總括黎講都唔錯嘅呢間小店👍🏼

屯門置樂呢一帶呢都有好多食肆今次就嚟咗一間黃色小店呢度嘅裝修好別具特色好似身處喺歐洲，裝修好有歐洲風情！呢度係餐牌好有特色，改嘅名呢都好特別㗎！今日試咗佢哋嘅漢堡包🍔同埋benedict蛋🍳牛肉漢堡包嘅賣相好靚，麵包經過翻熱，咬落去嘅牛肉仍然有豐富嘅肉汁值得一提嘅就係佢嘅漢堡係配薯條，剛炸起的benedict蛋🍳就配上沙律菜，以多士做底，中間仲有羽衣甘藍添，食落去較有口感！雖然座位唔算多，價錢略高，但係可以輕輕鬆鬆渡過一個下午時光，的確一個唔錯嘅選擇！

Despite the Covid-19, this cafe was open. I felt comforted to know that they have taken the measure of asking everyone to wear a mask to enter the restaurant and must have their temperature taken prior. My lunch was surprisingly lovely and my dirty chai was great. Happy to have gotten a table today to meet a few friends. I would come back for sure

當日我同朋友倆人打算4點幾去食個tea，結果行到過去，員工就話佢地落緊場未夠鐘開，但亦冇同我地講幾點會開返。之後我地上網睇，唔見佢個網有寫落場時間，只見6點開始有得book位，咁就估佢係開6點。6點零鐘返到去，好快就坐低咗（室內位）。間餐廳嘅裝修係幾靚，同埋佢亦好多文宣，不過就略嫌比較逼同細，同網上show出嚟嘅有差別。原本朋友想食all day breakfast, 結果店員話冇得食，已經有啲無奈，呢碟咁普遍嘅菜式我都係第一次聽到cafe話冇得賣。同朋友每人叫咗個意粉，等嘅時間好短，但上菜時，賣相唔係特別好，同埋份量真係好細。諗住佢味道好的話都仲值得，但一試，真係非常之普通嘅意粉，仲要有點硬，啲餸亦好普通好少。我同朋友嗰碟都係唔好食，仲要每碟都成$160，真心唔值。另外，餐廳店員嘅服務態度真係有好大改善空間！坐低後一直覺得店員冇乜理顧客感受。我同朋友飲完水，從未試過主動幫我地加水，每次都係要我地叫到先識加。但當時大約4-5個店員（未計廚房）都只係大部分時間係度傾計，更加見到有一個係出咗去坐低食煙，令我地覺得感覺不太被尊重。食完意粉，店員極速收咗我地嘅碟，加水又唔見佢地咁主動.....

見呢間野係黃店，都多人比讚就諗住去試下，店員問左我地有冇book位之後叫我地等左陣，我地係walk in，就安排左個枱比我地，然後斟左兩杯水放係枱面。入面真係有文宣海報，裝飾都幾靚，個menu 菜式D中文名好有創意，但都係睇個英文會快明好多😂。我地叫左個pesto portobello with spaghetti 同spicy garlic spaghetti with prawns，等左冇耐就有得食。等緊野食同食緊途中飲水飲得多，店員除了係我地一入黎果陣主動幫我地斟過水之外就冇再主動幫我地斟，次次都要叫到先斟。但D店員唔係好忙，都係企晒係度吹水，我哋一食完就即刻收左我地隻碟，但又唔幫我地斟水，都唔知係咪別有用心想趕我哋走，咁的服務都要收人服務費真係唔多合理😕總結黎講，雖然係黃店，但食到一肚氣，唔會再幫襯，屯門有更多值得幫襯的黃店。