再興燒臘飯店

Open Now

Now Closed

出品差，不再是以前的再興😡😡😡😡我今天外賣60盒飯盒，千叮萬囑有15盒要肥义燶邊，但最後收到的是叉燒瘦到阿媽都唔認得，絕對冇誠意絕對冇質素😡😡😡😡以後不會再幫。正所謂細洋服店，講一套做一套。

外賣叉燒及豬脷垃圾很失望叉燒如食柴豬脷又過喊又硬食之難受棄之不環保之前經常幫襯覺得有風味近幾年因疫情及keep fit 以經沒幫襯今日途經買個外賣諗住等家人開心些結果弄巧反拙－般街市燒味檔都不如

一直無意欲幫襯再興，單單睇見門口成日人山人海等位，已經怕怕，今次因為去集運分柝點攞淘仔，花去不少時間，Lunch 時間剩餘不多，再興又有位，即刻快快趣食個雙併飯算數.叉油雞走翼，多蔥唔該!優點 : 1, 叉油雞一上枱，即刻後悔! 後悔無指明要肥叉!外表無咩肥肉嘅叉燒，以為硬叉叉一舊，慶幸口感仍算鬆軟 Juicy，有甜味但對於我哩D重口味人士，當然會感覺味道淡咗D.2, 油雞雞肉嫩滑，滿意!缺點:1, 不論飯或餸，份量太少! 偷工減料得過份！有相有真相！2. 要求多蔥油無俾多蔥油！3, 環境極差! 首先太迫! 二來太嘈，細細間舖頭竟然有兩個收銀一共九個店員，九個店員不停嗌叉乜叉物，切叉燒把刀又噹噹聲! 仲有店舖不停發出好奇怪嘅 "挑挑" 聲! 而我又食到挑挑聲! 食到好唔自在，快快食完快快閃! 唔敢再幫襯！

初出茅廬時喺度工作, 再興燒味飯已經係灣仔好出名, 今日再來回味一下舊日惜懷, 裝修同又多年前一樣冇變, 有點舊。三寶飯 ($52) N年後的今天, 呢碟三寶飯有點難食, 燒鴨入口是凍冰冰的, 豉油雞也是凍冰冰的, 只有叉燒及飯有少許微暖, 叉燒、油雞及燒鴨味道唔見突出, 亦不覺美味, 叉燒仲有點硬, 呢個世界不進則退, 定律是對的, 好彩啲叔叔嬸嬸都非常和藹可親, 否則真的一無是處了, 又原來我而家覺得唔難食嘅定義, 一定要系熱. 好似熱奶茶同蛋撻一樣, 只要上枱凍冰冰的, 我已經覺得唔會好食, 唔會好飲! 只是會唔會難飲及難的分別。

今天做冬特登去咗灣仔再興買了一斤乳豬，但吃了非常失望，皮唔脆，又肥，肉又韌兼冇味，斬得又大件，吃了一件都唔想食第二件，剩下了一大盒，從未食過咁難食嘅乳豬，完全唔掂。

义燒得個名，用大量蒜頭闢味!肉的質量不好，才要這樣處理，難食！價錢又偏貴，靠個名來賺錢。燒肉又乾又唔夠脆，調味料又唔好，買了3百幾元中伏了，之前回家在車上给蒜頭味薰到暈了

真係好耐冇去再興食燒味, 咁啱今日有時間行開灣仔就再去回味一下之前好鍾意食嘅蜜汁叉燒同燒肉午餐時間阿姐在門口落力叫囂邀請進入內裏堂食,因為太掛念著以前好味嘅叉燒就入去回味一下,點了例湯及叉燒燒肉飯/湯面.枱面上有各式醬料及叉燒汁比你方便使用,常溫的普洱茶配搭油膩嘅燒味是好嘅標配,如果茶可以熱啲會更加好...因為唔知啲茶放咗幾耐都已經冰凍!先說例湯是有名的西洋菜湯,味道還是非常好的！畢竟唔係每個地方都有西洋菜湯飲,唔算太多味精!期待已久的叉燒燒肉飯及湯面出現的時候感覺义燒已沒有以前那麼明亮可口, 給人感覺有點硬及乾的感覺.白飯沒有很熱亦偏硬,湯麵湯底非常咸,感覺上面的葱應該原本是葱油來的因為非常咸同油.燒肉可能是比較瘦的部位味道亦偏鹹同乾, 叉燒部分已經沒有蜜汁的感覺,肉也是偏乾同偏咸,已經沒有了之前記憶中的蜜汁叉燒感覺!服務部分確實比以前好好多,座位亦是已經沒有太迫,但畢竟食物是一間餐廳重要的一環,味道不好還是很難令人想再次光臨! 我想大概只有他的西洋菜湯還令我有意欲再去光顧!

好多年前，大概係2012左右喺灣仔返工，嗰時成日食再興叉鴨飯，又平又好食。今日難得經過，咁多年冇嚟就打算買半邊燒鴨返屋企，點知出事啦個師傅攞咗最燶嗰邊比我，唔係少少燶而係大範圍燶！真係黑色㗎！我於是問呢隻係咪我張單，結果個伙記九唔搭八話：「呢隻係鴨，唔係鵝」喺呢個時候師傅已經切咗....我只能焗住要事後我喺門口check咗一陣，個收銀阿姐死都同拗話冇燶，仲話佢地d貨好靚添估唔到自己嘅第一編食評就係負評！但冇辦法，呢d嘢真係不吐不快！希望大家唔好中伏

-{灣仔港式燒味店🍖}之前好出色嘅燒味店 去完書展就係附近食個燒味🤤燒鵝叉燒飯🤤 ($62)燒鵝有點乾啲肉 不過皮夠香脆又有油脂香🤓不過叉燒有啲肥嘅瘦嘅不一 還可以接受 而飯就有好多👍飯粒偏硬身👖褲評: 7.5/10普通啦質素有啲參差 個環境唔太乾淨🥲食到最尾開始抹地啲味搞到冇曬胃口🫠性價比: 8/10服務: 7/10環境: 5/10🚩 再興燒臘飯店 🚩地址: 灣仔軒尼詩道265-267號地下C座#fuudjai #fuudjai港式 #fuudjai灣仔

半年前曾幫襯過再興嘅叉燒油雞飯，覺得好好食，但因為距講公司遠，之後都冇特登去買外賣！半年後嘅今日再次幫襯，特登去買外賣，想食返半年前嘅味道，可惜味道卻不似預期，叉燒普普通通，油雞也一般般，冇以前咁好味，而紫菜湯好鹹，好失望

早兩日晚餐尼幫襯左個叉燒飯，四寶淨餸（店員話其實menu係冇四寶，將d墨魚丸貢丸魚蛋執埋一兜比我地）再加個雞翼，綜合所有餸菜得出一個字：咸！係極咸！最難得係除左白飯，佢竟然可以叉燒雞翼連四寶入面既紫菜都統一地咸。一路食一路知出事，最後兩個人都食唔哂以上既野，一味搵水飲。最正係食完第二日不停飲水，飲得比平時既量多，但竟然可以全日（去到收工六點）接近冇小便，嚇餐死上網睇話係食左過咸既野身體既平衡反應（降低鉀離子），證明衣間野咸到去咩地步。之後聽同事講衣間野攞過米芝蓮？？？？唔係呀嘛，先唔講佢極咸，佢真係冇一樣野好食，叉燒又老又鞋小小蜜糖既甜味或玫瑰露既香味都冇（因為淨係有咸味…）總之最後一句忠告：愛護個腎就唔好尼食。

今日下午請咗假，陪爸爸去灣仔覆診，我自己先在灣仔附近食Lunch；突然諗起好耐冇去「再興燒臘飯店」，去看看多唔多人先約13:50去到餐廳，見餐廳唔係好多人，一於入去食個燒味飯，記得對上一次食已經係2020年5月，當時叫了雙拼飯 -「叉燒燒肉飯 $36」，但兩年後 (2022年7月) 、叫相同的雙拼飯，價格已經調整左至 $42🙈今次我都係叫了「叉燒燒肉飯 $42」，至於味道方面，和之前差不多，味道都OK埋單💰：$42 (免收加一服務費)

在香港生活，市區商戶每隔幾步之遙，便總有一間便利店、涼茶店、又或台式飲品店。只有走進郊區，酷熱天氣下，才能體驗到汗流浹背口渴苦楚。今天要感謝再興燒臘店！讓我認識古書所云之望梅止渴是那樣境界？平日傍晚五時許，公事路經灣仔再興，突然掛念市井燒味飯，便進內一嚐也當作晚餐。再興自己並非首次光顧，每次吃畢都總是疑惑，它爆年憑甚麼取得米芝蓮食神鑑賞。坊間較它優勝的燒臘店，多如天上繁星。市井燒味，我沒帶半點貶意。這是香港特色，平凡與高貴食物共處，自由選擇，各有擁躉。市井燒味特點是與酒店級數食肆出品，講究優雅賣相、優質貨源、舒適環境，各走極端。它粗糙激情，光顧者都為男士為主。落單後，師傅盛一勺白飯，隨心所欲地斬幾件燒味，置在飯上再淋豉油薑蔥等汁醬。食客將飯攪勻汁醬來吃，一匙飯、一件肉，吃來十分滋味。內進後，沒細看餐牌，也沒理會價錢，反正所賣的都是大路款式及合理價格吧。選擇燒肉切雞飯，侍者再問明要例湯或是飲品。炎炎夏日，當然選擇凍飲奶茶。這時候沒太多客人，侍者可大聲向著企檔方向唱出「燒肉雞、涼茶」，隨即食品飲料送達。賣相合格正確，這兒白飯不會預先加豉油，而要客人自行拿桌上豉油樽自行添加汁醬。燒肉皮肉相連

女朋友成日都嘈生晒話好耐無食過燒鵝髀瀨粉🔊都嘈咗幾個星期好煩😡我唔係唔想同佢食，之不過屋企附近無燒鵝賣，如果要食燒鵝，我都想同佢食間好質素啲，畢竟我都想食𡃁燒鵝😋今日同女朋友去灣仔麥當勞領取 Mirror 紀念品，路經一間燒臘飯店，個門面相當之陳舊，個名叫再興，個名好熟好熟，就上網 Check 吓，原來係當年的米芝連推介😱勁👍🏻今日終於可以找數同女朋友食燒鵝瀨💪🏻我哋剛剛食咗麥當勞，雖然唔係好飽，但係又唔可以食到太多嘢，但係又為食想試好多種類，店員姐姐知道就俾意見我哋，叫個义燒瀨套餐再加四分一隻燒鵝要下莊，就可以滿足晒我哋要求，然後我再加碟白菜仔、例湯、燒雞潤，好豐富🥰我對食义燒有一個要求，在市面上有兩種义燒，一是橙色皮，無深淺色無燒燶的，這種义燒係絕對唔好食，在超市買到嘅就係這種义燒，我認定這種义燒係工場交貨，所以見到係唔會買🤢另一種紅色皮，會有部分位置燒燶咗，有深淺色，我認定呢種係人手燒，味道會好好多😋而再興嘅义燒就係好味的那一種。但雖然係好味的那一種，但係佢嘅味道都算麻麻地😞义燒皮不夠甜不夠蜜糖👎🏼肥肉口感不夠爽，瘦的位置又大鞋，真係有啲失望🙍燒鵝皮部分脆部分淋，只係不過不失，距

如果當年米芝蓮食到我碟燒排骨拼燒肉飯，我唔信佢有米芝蓮。2015年攞米芝蓮，個名食到而家，如果真係做得咁好，就好似人哋咁年年都咁keep住攞米芝蓮啦。清醒下，各位。我食到嘅呢碟飯，我真係最多只能俾2星。平時屋企斬料返嚟，出街食過嘅燒味鋪都好過佢。燒排骨拼燒肉飯燒肉，層皮完全唔脆，未食見到佢層皮燒到唔起化都知佢得個韌字。再加上，切都無切斷都繼續上碟，有冇尊重下自己作為斬料師傅嘅頭銜。同埋，超級鹹，死鹹，本身燒肉偏鹹我知道！自己已經重口味，但真係鹹到要飲好多水，食咗兩嚿唔想再食。燒骨，啲肉好柴，又無蜜味。啲飯嘅質地，就同出面茶餐廳一樣，鬆散。油雞拼叉燒飯叉燒，普通，平時屋企斬料加餸啲燒味舖仲好食過佢，如果想食有蜜汁味嘅叉燒，對唔住，無。油雞，無乜味，都係好普通。如果選擇食，請不要抱著食米芝蓮等級味道，不然，失望而回就太無癮。