Joystick

Open Now

Now Closed

我由你地未轉menu之前已經有幫襯開當年52蚊有肉有菜有飯真係好抵食😋減肥期間幾乎日日幫襯到之後轉左menu+開始轉形雖然加哂價翠肉瓜麵要加錢、沙律菜又轉左要加錢先有但我覺得味道質素都keep到 所以都冇乜所謂但到今日，我叫左個香茅豬肉飯黎到個豬肉仲薄過紙🫠又細塊，仲煎得好乾就係貪呢個飯肉類份量比較多我先叫如果知道肉少到咁我寧願叫返日式豚肉飯🫠希望老細睇到會改進下🫠🙏🏻真係唔想你地愈做愈衰

係D2 place間機舖入面 唔係好多位好多都係叫外賣 有健康餐亦都有其他小食同飯 有set都可以自選叫一個餐仲有飲品送 送完即止自家製無糖紅棗桂圓枸杞茶無糖更加飲到紅棗桂圓枸杞原味都幾好飲👍🏼墨西哥烤雞配希臘乳酪醬 ($58)可以揀紅米飯/椰菜花飯/沙律驚唔夠飽所以叫左紅米飯 寫明大約220g😂都幾多下 呢個除左雞肉之外仲有半隻牛油果、菠蘿、三色椒、粟米同醃洋蔥 全部食埋都幾清新不過本身就冇咩味 要靠個乳酪醬乳酪醬少少吊起個味 但唔係好重味個飯仲撈左d黑椒粒 呢個我唔係好好但整體都好大份 食到好飽呢個價錢真係好抵食！👍🏼👍🏼👍🏼煙燻三文魚配油醋汁 ($68)另外都試左三文魚呢款煙三文魚份量比較少 不過都好食另外有番茄青瓜蛋毛豆 都有半個牛油果呢個配椰菜花飯 食落相對飽腹感冇咁大😂整體十分抵食😎

我覺得呢啲外賣餐單好安全同埋健康。每道菜都有蔬菜、肉類同主食，營養均衡，而且價錢合理。我特別鐘意韓式烤牛肉飯同慢煮鴨胸配意式香醋醬，味道好豐富，分量足夠，有時一餐可以食兩次。蒜香蝦仁配自家制XO醬同烤美國牛板腱配阿根廷青醬都好好味，食材新鮮同調味用心。呢啲餐單令我食得安心，既滿足口腹之欲，又可以保持健康，非常抵食。

近排更新左menu，不論主食定配菜份量都越嚟越少，品質重明顯退步，例如烤南瓜冇左以前種香甜，牛肉越嚟越乾柴，鴨胸越嚟越細件。之前真係好鍾意食。希望老細見到努力把關。

外送速遞要揀健康嘢真係唔係好多，仲要係我自己住嘅屋企派送的情況更加選擇好少，有得揀椰菜花飯嘅店舖就更加少本身個人食嘢都好揀擇，以往休息去另外一間嘅，不過好貴，啲健康嘢通常都好貴，百幾蚊一碗，又細細兜唔夠飽好怕叫咗返嚟唔好味我見到今次個外賣平台有張優惠券，就是咗呢一間鹽燒豚肉配日式醬油佢有220克嘅椰菜花飯，豚肉都好大件，仲有一隻流心蛋，我備注左叫佢多汁，佢就俾咗兩盒汁我，配菜我揀咗新鮮雜菜，真係好新鮮，索索聲～整體來講，呢個價錢呢一個份量一個內容已經好唔錯，味道方便我就鍾意另外一間多啲不過依價錢黎講呢一間就經濟好多

🥑墨西哥烤雞配希臘乳酪醬+椰菜花飯+新鮮雜菜+汁醬需要🥤［跟餐］自家制特色飲品（羅漢果牛油果核茶）熱weekend 經過d2 place 見到尼間主打健康的菜式見到價錢是平時的一半 諗都冇諗就入左去食🥰牛油果🥑有半個 用來送飯真係好正好fresh 同埋佢地有切到好薄唔會食到好膩😝雞肉係慢煮的 一啲都唔鞋菠蘿🍍好鮮甜 成塊食好讚👍雜菜係彩椒 顏色好豐富😚羅漢果茶甜而不膩 好養生的感覺評分：🩷🩷🩷🩷🩷環境 🍃🍃🍃食物🍡🍡🍡🍡🍡 性價比💰💰💰💰💰 推薦🌈🌈🌈🌈🌈 回頭🙋🏽‍♀️

@hk.joystick Joy Stick.味道：😋😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤/5..自己studio喺荔枝角 想食啲健康嘅嘢經網上外賣平台 叫咗 呢個健康外賣返嚟食~同朋友叫咗一樣嘅餸 配唔同嘅配料非常之清新~ 超級健康😆 想減脂嘅人非常啱份量係非常大 一望到好開心😂..✨健康能量碗 .墨西哥烤雞配希臘乳酪醬 $691. 紅米飯 羽衣甘藍2. 椰菜花飯 新鮮雜菜自家製羅漢果牛油果核🥑茶🧉 (送完即止）.-烤雞正常 如果再大件啲就好了-希臘乳酪醬真係唔錯 酸酸甜甜味道 開胃-紅米飯紅米偏少 不過不減口感～-如果唔怕羽衣甘藍苦 唔多地方有 揀呢個好～-椰菜花飯 喜歡呢一個選項 因為碗野真係幾大 細食嘅人可能要同人哋share~-茶 幾清新嘅感覺 配呢個健康碗唔錯...💫 #jotstick #荔枝角 #健康能量碗 #烤雞 #希臘乳酪醬 #羅漢果牛油果核茶 #紅米飯 #椰菜花飯.#米吃 #香港探店 #健身人士飲食 #管理體重 #飽住瘦 #健康餐 #foodiehk #減脂飲食#跟米吃出瘦身材 #kukeepfiteat

夏天同男朋友一齊減肥，唸住出去食poke架啦 但點知係OpenRice搵到間隱世勁抵食勁高質既店！埋單先個$60有找原來係D2打機店入面。一向都知健康野食Pickabowl個d 少少貴又好多時食唔哂，但joystick份量啱啱好，仲要係有肉食唔係生冷野！！佢嗰啲慢煮牛超級有牛味，仲可以轉椰菜花飯底，我最鍾意就係佢會計埋卡路里俾你，等你可以計返數。仲要送埋飲品 個羅漢果茶幾特別 飲得出佢唔係加糖水。 除咗健康嘢其實都有啲邪惡嘢，例如炸薯條同burger，我覺得勁啱要減肥，但係又要同朋友一齊食飯嘅時候去佢地食邪惡嘢我就食健康餐 🤣 希望佢長做長有

今日去睇車仔展，順便行下d2 place 1 & 2期。入到1期2樓遊戲區里面見到依間美式餐廳，幾得意。即刻睇下食評，見到豆腐奶昔勁想試。Scan qr code join member， online order 仲有得減$10 勁正。Order左牛油果燒雞扒漢堡、炸燒賣同埋豆腐奶昔，全單$88，依家有啲質素都係差唔多價，ok 落單。等左十零分鐘度有得食，份量都夠飽。同場有小朋友生日會，所以支竹籤上有小皇冠😆今日行d2 place睇到好多一家大小，仲有好多狗狗，原來依度係pet friendly 既商場。好多精品鋪同香港原創設計，行得好多開心，食野都好好味😋

叫左個外賣 拎出黎好驚喜～ 好大碗 透明膠杯既飲品好吸引🫣 餐具仲可重用！油封雞髀滑到不得了！ 第一次食椰菜花飯 原來咁好食😋 叫左3個椰菜花飯 全部都覺得好抵食好健康好推薦希望你哋越做越好～

突然想食poke bowl，特登OpenRice搵。嚟到餐廳無相，叫咗兩款原來都唔係嚟😂！一個係串燒飯、一個係雞肉飯，其實都幾好食，不過如果有圖比人揀會好啲。薯條幾好味不過無影相。

行過D2 2期，係遊戲天地竟然隱藏高水準美食，挖到寶咁開心雖然唔多位置，但係見到d外賣單都幾多，係遊戲角落都唔影響生意火爆～果然係好菜不怕巷子深睇完Menu，見到有生酮飲食餐，果斷選擇啦油封雞髀配油醋汁揀咗椰菜花飯，菜就揀咗羽衣甘藍，上到來個擺盤好吸引🤩，勁有食慾。雞髀超級嫩滑，去除左雞主骨，食起來好方便。入面仲有三色椒🫑，西紅柿🍅，牛油果🥑，枝豆，羽衣甘藍🥬，豐富既膳食纖維搭配番，口感唔會單一，揀左椰菜花飯，份量都多，我以為係會好碎個種，原來唔係，尼個會差dd，不夠都算係美味可口。仲免費送一杯羅漢果牛油果核茶，健康又下火。算係我食過最抵食既健康餐。

好少地方搵到健康午餐同用附近價錢，附近差唔多嘅健康餐廳用$80以上先可以食到，但係佢比佢地平$10-20仲有野飲送，外賣唔收加1，同選擇比較多，食物質素新鮮唔差

烤牛肉/雞肉bowl 有大大件牛油果，可以配椰菜花飯同櫛瓜面都唔錯，羽衣甘藍份量亦都好多。係低糖飲食既好選擇飲品包一杯羅漢果煲牛油果😂可以選凍飲或熱飲。真係從未飲過~~暫時試左烤牛肉，雞肉都幾好， 遲啲試埋其他主菜再update返comment。漢堡餐就比較貴，有興趣先再試。grove sandwiches唔知執左定裝修，仲以為無咩健康餐可以食，好彩搵到間好野❤呢個價錢有咁既質素，份量算係幾抵唯一要挑剔既就係鋪頭喺機鋪入面，堂食面積細，比較嘈，一般建議叫外賣。

之前食過幾次佢嘅健康飯盒都幾好。今日再用openrice order外賣，首先等咗好耐都冇人接，我喺同一棟building 返工就行落去睇吓啦。出面order area 冇人，企咗一陣間望下廚房入面（佢有個出餐嘅小窗口），就見到恐怖嘅一幕！入面果位廚師一路煮嘢一路喺個爐上面食煙…其實佢個位都幾開放，我唔知咁樣會唔會觸犯啲咩條例，同埋真係好嘔心。咁當然就係即刻cancel order and forever black list !!!