JP Cafe (Closed)

今日去了元朗做facial,因為早了1小時到元朗，又未到時間，決定揾下cafe坐下hea下時間，元朗cafe選擇太少,想起三聯JP CAFE，呢間好近我做facial個間 ,我來過2次 JP,給我幾好印象，今次來JP CAFE只是想hea時間，我点了抺茶鮮奶，我有些小失望，抺茶鮮奶味道好淡味，我覺得逞杯只是一般,抹茶味真的好淡，甜味亦都好淡 ，這裡勝在夠清静,十分容易找位坐,環境真的幾好,啱用來hea下時間

在三聯書店二樓, 空間寬敞, 一側有軟沙發, 買一本書, 點一杯咖啡, 便可以很悠閒的渡過一個下午。當然, 作為一個吃貨, 不可能只點一杯咖啡, 見蛋糕櫃(很小)有三文治, 兩三種不同的蛋糕, 選了感覺較健康的甘筍合桃蛋糕(其實是為了合桃), 配店內宣傳的綠茶latte似乎挺吸引。送上來的latte杯面是可愛的小熊, 因為事前無expect過, 所以挺驚喜。味道還好, 就是普通的綠茶latte, 比starbucks的淡一點點, 但配上甘筍蛋糕, 感覺就是很清新很健康。在書店裡享受這悠閒下午茶, 從腦袋到胃袋來一次refreshment, 不錯。

星期日去咗元朗三聯書店既 JP Cafe。因我去聽完個12:30講座。順便去咗JP Cafe食個tea。點咗mango juice 同埋Blueberry Cheese Cake。個mango juice好重鮮芒果味。個Blueberry Cheese Cake好重芝士味。 唔係好食得出藍苺味。個賣相唔錯。個場好清靜。適合書友去。但係收費同星巴克差唔多。

係元朗行得攰攰地諗住去書店hea吓，點知入面有個cafe仔，仲要啱啱好有位，對脚終於可以唞吓。 買左杯凍檸檬茶同latte, 原來加10蚊有個muffin, 口痕就試吓啦。 點知都幾有驚喜，muffin叮熱後隻碟上面畫左d公仔添，仲有cream。 食落微甜仲有濃濃既朱古力味，好正。 野飲就普通啦，所以相都無影，志在有地方坐吓。

早前去元朗時候經過三聯書店，三聯書店比以前大咗好多，仲有咖啡店給客人在店内慢慢看書，當然一定要光顧咖啡店才可以坐,其實已經去了2次,元朗以往咖啡店選擇不多,而家又多一個地方給人揀，不用來來去去兩大連鎖店,JP CAFE環境清靜好多，亦不會太嘈，人流不算好多，我每次去易揾位,今次點了三文治同抹茶鮮奶，三文治就一般啦,抹茶鮮奶好好飲,加上CERAM好滑,我覺得幾好，環境同服務都唔錯呀味道:抹茶鮮奶幾好飲，奶味同CREAM好夾,味道十分滑，又不會太甜環境:地方適中,十分清靜價錢:三文治就30,抹茶鮮奶就38,稍為貴咗Ｄ服務:我覺得OK番吃:應該再去

三聯書店的元朗文化生活薈開了好一段日子，到這個復活節假期終於有時間來見識一下 ^^同時愛蒲 cafe 的我們又怎會錯過 JP Cafe？在書架群中站了好一會，選購到喜愛的讀物便馬上過來一面看書，一面下午茶。我們都分別點了飲品加配甜品。其實吃的和喝的選擇都不算多，終於我貪新鮮點了芒果熱情果檸檬茶，老實說我只喝得到淡淡的冰紅茶和一點點酸味，說好的芒果、熱情果和檸檬都不知跑那裡了！是沖調師的手勢還是店家正在節省成本就不得而知了。反正夫君點的 Iced Mocha 也好不了很多 XDD不過兩款甜品都不錯，我的 New York Cheesecake 很夠芝士味而且很「實淨」，口感不錯。夫君的藍莓 Muffin 也有驚喜，不單配了些奶油，還有朱古力漿畫成的圖案，是在一般連鎖 cafe 未見過的。兩款甜品總算為這次下午茶挽回不少分數 ^^

上年年中左右，三聯書店在元朗開了一間旗艦分店，有大間書店在住家附近的地區開業對我來說是一件高興的事，不過最吸引我的是書店內會開設一間cafe(正呀﹗)我只知道除了銅鑼灣誠品書店內有Eslite Tea Room之外...(OMG，今時今日我先知道它已結業了!)，在香港應該沒有書店裡都設有cafe了吧﹖所以我對它很是期待哦﹗上年來過一次，不過那次只是齋看無幫襯過，地方小小的，約有十張枱，雖然地方不大，但由於人流不多，所以不會覺得迫迫的，環境亦相當幽靜，絕對是cafe應該有的。咖啡之外，還有咖啡﹑蛋糕﹑鬆餅，價位不貴，大約三十元一杯飲品，十數元一個餅食。直到今天再來元朗，在此書店內打書釘差不多有一小時，企到好攰了，於是便順理成章去cafe裡坐坐。發現到食物類加添了三文治，而非咖啡的飲料品種都多了不少。更增設了飲品的加配優惠，真的抵上加抵﹗我對新出的芒果熱情果檸檬茶很有興趣，因為所採用的三種味道都是我愛的，如果單一的凍檸檬茶就是$28，多了兩款味道都是多$2。另外加配了一個原價$18現在只需要$10的鬆餅，選了我愛的朱古力味。(另外的有藍莓味及香蕉味)在收銀處付錢過後，店員隨即製作飲品，取走

看書看到累了 買杯果汁和香蕉鬆餅歇一歇 這裡位子不多 剛好有個角落容得下我    雖然今天吃的是書卷味 但食評還是要寫的 草莓汁不錯喝 甜度適中帶點點酸 香蕉鬆餅是店員很主動的加熱了 入口鬆軟但略甜可能是坐角落的關係吧環境不會太嘈雜 柔和的燈光加上可口的咖啡或果汁和一本自己喜歡的書 絕對是一個人的浪漫呢☺️ 

星期日好想搵個舒服啲嘅地方歎下書同咖啡，而屯門又冇咩好咖啡飲，就近近地嚟到元朗嘞，喺大棠站落車，行前少少就到。原來係三聯嘅旗艦店，好大間，睇咗一陣就坐低咗，叫咗一杯cappuccino ，hazelnut latte 同埋blueberry muffin. 本身其實係想飮手沖咖啡，不過竟然係會賣曬，真係過份,招牌咖啡點可以喺下午3：00幾就無？！好算，見到佢地用外賣杯裝？心諗，連瓦杯都冇？拉花都慳返？！又唔喎，打開係有㗎喎～同之前嘅食評一樣，只有奶香，無咖啡香，坐喺bar枱前，全無咖啡味。好試下個muffin先，整返熱拎過嚟嘅時間好香，不過點解上面個醬係紅色嘅？裡面亦未見有藍莓，食落都只係有奶味。結論係，行書局行到攰攰地，坐下係幾ok嘅，不過如果愛咖啡嘅你，就無需要專程來了。

繼三篇試食後，也分享一下自己的食記啦~ 每到年底又是清假的時間，上週四甜魔媽媽就放了半天假，去錦上路幫囝囝交留位費 (是甜魔家最心儀的幼稚園，很感恩!!)，完成回到元朗，突然興起來到"三聯文化生活薈"內的JP Cafe享受悠閒一刻。位於"三聯文化生活薈"二樓的JP Cafe，以白色為主的裝修簡潔，賣的食物也很簡單，就是各款咖啡飲品，再加一點鬆餅、三文治及兩款餅食。為了配合書室的形象，店內牆中也擺放了少量書藉作裝飾，不過如果食客想將外面書店的書也帶進來Cafe閱讀，就非得要先付款，才可以同時享受書香咖啡香。　說來慚愧，過往挺愛閱讀的甜魔媽媽，在生下兩個寶寶後已經很少看書了，除了生活真的忙，智能電話的興起也是另一原因，將等車、等食飯、等人等等瑣碎時間也填滿了。這天來到，老實說我真的只是為食，逐在兩款甜餅中，揀出奶油曲奇芝士蛋糕 Oreo Cheesecake來。　蛋糕的芝味還算可以，襯以Oreo餅碎亦算吸引，而且餅底夠厚最令人滿足。如果面層的Oreo及餅底再脆一些，餅身再滑一些，就會更好。淨食原價$30件，惠顧任何飲品 (支裝礦泉水／果汁例外) 可享$23加配優惠，甜魔媽媽當然也有盡用優惠

元朗開左間好大嘅三聯，第一次行，發現佢有Cafe，睇完書可以係度hea，真不錯，於是就入去試下嘞環境幾舒服呀，不過星期日就好多人，難搵位我點左榛子意大利咖啡，加錢食多個藍莓芝士蛋糕咖啡榛子味唔係好夠，多少少就perfect啦，但都是好喝的至於件cake，味道啱啱好，不過如果對芝士有熱情嘅人，可能就唔滿足啦

期待已久的"三聯文化生活薈" 終於開幕! 四層高旗艦店地方超級寬敞, 每層分別有不同類型的書籍, 另有地方作講座 /舉辦活動, 更有環保/有機食品出售 非常多元化呢~來看了近一小時書, 肚子不餓但腳也累了, 發現角落有一CAFE, 馬上找個位置休息一下.這裡除了咖啡, 花茶, 果汁, 也有芝士蛋糕, 鬆餅等, 種類雖然不算多, 勝在可以靜靜地歇歇腳. 早上喝過咖啡, 不想再重覆, 便點了意大利香濃朱古力( $30) + $10 還有蛋糕一件, 但快要吃晚飯, 還是留待下次再試.店員很細心打好熱奶, 再畫上花花, 一杯很漂亮的朱古力便完成了~  香滑程度沒想像中高, 但也很濃郁,  如冬天喝下去一定很溫暖~~