珍寶王國 (Closed)

夠哂大, 又吾多人, 普通飲下茶咁, d window 夠大, 夠光猛野食都ok果d載客船仔幾過癮, 又吾使錢

一眨眼，我對上一次到珍寶海鮮舫飲早茶，已經是七八年前的事，印象中的珍寶又貴又難食，只是遊客到此一遊之地，對我們這些老香港來說，它沒什麼吸引力．今早，遠道由澳洲回來的親友們，相約我們到珍寶嘆早茶，結果令我對它的印象有所改觀．裝修後的珍寶予人金碧輝煌的感覺，一改以往黑沉沉，破破爛爛的舊觀，龍袍及龍椅是唯一保留的舊有賣點，最驚喜的是食物質素的提高，比起同區的其他茶樓，這裏地方寬敞整潔，不會有喧嘩嘈雜，煙霧彌漫之情景發生，我平生最怕的，就是去飲茶要吸隔離檯的二手煙．再加上有周到的服務，更令人滿意．我們曾多次要求侍應為我們拍照留念，他們都帶著微笑地一一做到，親友們都讚口不絕呢！以這級數的服務及裝潢來說，價錢更是驚喜，我們一圍六人都只需三百多元，真是物超所值呢！從此，香港仔區又多了一個飲早茶熱點喇！

小妹前兩日帶了幾位朋友去飲茶，由於有朋友未去過．加上係小朋友，以前去都係食晚飯，而飲茶都係第一次，抱住一試心去．去到要等位，二樓貴ｄ唔洗等咁耐，冇所謂，我因為我門口傾緊電話，所以傾完入去見到佢地７個人坐１２－１５人ｔａｂｌｅ，我見到問下隔離ｓｅｔ緊ｔａｂｌｅ的侍應，我同佢講”唔好意思，　我想問下有冇另一張細ｄ的ｔａｂｌｅ”，佢好冇禮貌回應我話”張ｔａｂｌｅ有人家”，　我只係想問佢有冇其他ｔａｂｌｅ，　唔係問佢ｓｅｔ緊個張，跟住我話我地得７個人，有冇其他細ｔａｂｌｅ，佢好冇禮貌話張ｔａｂｌｅ有人，我好ａｎｇｒｙ話，　我只係問你有冇其他ｔａｂｌｅ，你為什麼咁惡，咁冇禮貌？跟住佢答我”冇呀．自己問出面呀”我好興坐返自己位，個帶位小姐立即走來好禮貌問我係咪想換ｔａｂｌｅ，我話唔洗啦．好想走，唔係得我一個人來，要諗下朋友感受，跟住好嬲咁飲完餐茶。食物普通，價錢一般，但服務非常差。我真係唔明，你可以答句幫我ｃｈｅｃｋ下都好．問非所答。仲咁冇禮服，太過份。

all food is salty. deep fried chicken is not crispy. i think tourist would like the grand entrance.

今朝收工返來,訓左朝早,洗埋d衫.之後同姨媽姨丈阿爸阿媽一齊去左珍寳海鮮舫飲茶.去到第二層,個知客話呢層靜d,食物精緻美味.服務會較好d, 佢話第三層好多旅行團到,會嘈d, 多人d, 但係就傳統的中華美食. 之後我地諗住想食得清靜d, 豪一次啦. 我地一行五人, 個知客話我地得四人台, 五個人要出露台,我姨丈唔熱得, 一定要有冷氣至食得舒服.都唔知個知客係迷趕客,裹面明明有d四人台,只要加個位迷serve 到我地啦. 仲要一係要我地出露台,一係坐sofa飲茶,佢都傻既.我地一於去返三樓的傳統中華美食.之後我地叫左干蒸燒賣,小籠飽, 蜜灸金華腿, 京式素鵝, 菜遠牛河, 瑤柱蛋白炒飯.干蒸燒賣,小籠飽都幾好食菜遠牛河, 瑤柱蛋白炒飯都炒得好好味小食: 京式素鵝都幾開胃但係蜜灸金華腿就唔掂啦, 都未整熟就拎出來比客人食, 但仲要係差唔多食完所有食物先上台. 應該整左好耐至真架,點解會甘差既? 之後再拎番入廚房煮多陣, 但都係麻麻地好食, 但我姨媽仲意食呢!埋單325.6, 有恆生吉,有九折!唔計二樓個女知客同碟蜜灸金華腿, 整體來講都算幾好,有避風塘景同新裝修的中華傳統海鮮舫飲茶.

星期六晚，一家人都這裡為母親大人食飯祝壽。除了在大半年前在這裡飲喜宴外，都有好多年沒有到過這裡食晚飯。坐船從香港仔碼頭出發，到達海鮮舫時，除了外圍沒有大變外，內部已有八成用了新裝修格局。二樓是專給商務客的廂房設計，以前的酒樓格局已完全沒有了。晚飯是三樓的大廳，除了大堂兩端的龍椅仍在之外，以前的大水晶燈、紅紅的掛飾已給拿走了；換來是現代的中菜廳格局，已沒有自己的特色了，很懷疑究竟遊客是否接受這一套。講番食物，在呢度當然唔會叫d遊客套餐；這裡現在提供喜記小炒，當然就散叫幾個小菜。叫了金銀蛋筧菜、乳豬燒鴨雙併、椒鹽九肚魚、沙拉骨、水浸大蜆、清炒A菜、九菜花炒咸肉及肉片炒河。整體來講，味精放多了一點，豬肉好像不太新鮮，燒鴨太肥了。其他的都叫可達到標準，但就與一般小菜館分別不大了，但價錢就差不多雙倍，是預計中事。另外，叫了兩支珍寶啤酒，牛奶公司出品，原本諗住會有驚喜，點知d 啤酒一開就冇汽，以為係第一支唔夠凍，但第二支都係咁，而味道就太淡了，比Blue Ice更淡，唔得！其實，以這樣的旅遊點，應該盡量保留一點特色，遊客印像才深刻吧！

外地朋友出的題目:1.食海鮮2.同時有地道風景同節目玩下3.全程舒服唔駛捱要一次過滿足晒佢地三個願望，竟然俾我稔到這個多年未到的老套地方。開車去接佢地，好彩游艇會停車場對外開放，一出黎就係駁艇個碼頭，大熱天時唔駛捱。凈係碼頭影相己經令到佢地好興奮，原來咁易湊。抵達的時侯見有些裝修在進行中，睇怕將來又會面貌一新矣。循例帶佢地去魚池參觀一下，同西貢鯉魚門真係無得比。係無乜選擇之下揀左芝士焗龍蝦伊麵底，蒜蓉粉絲蒸扇貝，辣酒花螺再加點心同炒菜。好吃嗎? 應該咁話，係魚池自己揀，新鮮係絕對無問題，而且三種海鮮同整法都係穩陣派，任何廚整都衰極有限。果然不出所料，中中地啦! 芝士唔夠香濃，蒜蓉好少少，辣酒辣得黎無酒味，海鮮熟但唔算過火，連埋點心炒菜同甜品都係不過不失啦! 如果係西貢肯定好好多。但係兩位朋友卻吃的非常開心，足見香港海鮮水平，閑閑地中中地，己經到外地食客。當然少不了扮皇帝拍拍照。落樓行樓梯才知道二樓開了全新新派豪華裝修的新地方，恐怕是要拿大刀斬遊客的頸矣。幸好剛才看不見，避了這一劫，其實此類食店，我覺得裝修都係娘D好，咁遊客先會有旅遊feel。戲肉是轉乘小機動船到避風瑭兜風，兩位朋友仲開

今日我和家人一起去飲中午茶，我們一共九個人，都要等位，但我們眼見有幾張大枱走了，也沒有叫我們入坐，是因為唔夠人做嘢，連支客都要執枱，我們就有位坐。食物質素一本，連美心、漢寶、稻香也比不上，而價錢好夠，因為這種食物的質素，是不配這麼高的價錢，所以本地人真的不值得去，這裡只是遊客去的地方。

呢到既野食唔係好突出除非戚係叫SEAFOOD啦不過?既煎堆我好鐘意係呀個黃金糕都係食物係比一般RESTAURANT EXPENSIVETEA COMMODITY 都8蚊個不過ENVIRONMENT幾好丫FOR TOUR影下相OR傾下生意呢都係唔錯既

都o吾知幾多年冇o黎食飯，因為平時都o吾會無端端o黎。上星期有日本客，佢好想o黎呢度食飯，所以就揀o左呢度。食物o吾掂，價錢就梗係貴嫁o拉～！魚翅羹冇味，好淡。片皮鴨普普通通，隻鴨好肥，見到Ｄ肥膏有Ｄ驚。炒鴨鬆就好Ｄ，幾香口，o吾錯。芒果布甸好難食，連我鐘意食甜品的都只係試o左一啖。最好味應該係皮蛋酸薑...對遊客來說，呢度又係幾有特色o既，影相靚，裝修又有中國感覺。有外國朋友o黎香港玩都可以帶佢o黎試下～！不過o吾好期望食到靚海鮮囉！

We joined a half day firework tour on Oct 2 w/seafood dinner at Jumbo. We have lobster soup without one piece of lobster. You cannot imagine we only got shrimp and fish for seafood dinner. All the dishes are cool and the taste is extremely bad. I also find that the tour from CTI ate the same thing. I don't know how other tourists feel about HK's restaurants except the high prices.

帶個客去食lunch，個客就好鍾意食中國菜同海鮮，老細咪車佢去香港仔食海鮮囉！去到個客覺得好特別(非常雀躍)！佢地話好有中國味道又好靚喎(環境)，佢地好鍾意！而食物方面叫o左兩三個點心、海鮮(龍蝦、大頭蝦)當然唔少得la，叫o左唔係好多，只係普通貨色！但係埋單要成千幾蚊！好唔值！！

年初一朝早去飲茶, 可能今年香港仔比較多酒樓開啦, 所以都好易搵位. 坐o係窗口位個景都唔錯. 食物質素一般啦, 但就坐咁耐都冇蝦餃同燒賣都冇出現過, 服務就唔錯既, 但就真係幾貴, 間唔中去就OK, 因為除o左Location比較特別之外有乜其他特別好既o野!

呢度D 糯米雞餡料足,好好味,大家不妨一試.

呢間海上食肆,係旅客必去之處,街渡不絕,有日去o左食魚,入魚池揀料,裡面d魚蝦蟹隻隻都好大隻,唔食都嚇你一跳,揀手清蒸星班同龍蝦,功夫有到,食落滋味不同凡響,英女皇都去過喔,食完可以坐龍椅扮皇帝同皇后,服務算稍好,一分錢一分貨,當然影番幾張正相而留念一番啦！