珍寶王國 (Closed)

昨天星期日在朋友介紹下，一家大細１２人去了很久沒到過的珍寶王國飲茶． 經香港仔隧道開車不消２０分鐘就到達旁邊的珍寶閣停車場（用膳有２小時免費泊車），再步行３分鐘落條樓梯便到畫舫碼頭，非常方便． 因為是家中小孩第一次到珍寶，他們覺得要坐船去食飯好新鮮，途中經過遊艇會的船泊也可欣賞一下豪華遊艇，只可惜船程不到１０分鐘太短了．我們是訂了二樓的龍軒，裝修走高級路線，服務也非常貼心．我們只是點了廣東懷舊點心，部長沒有"提議"高價菜餚，甚至建議我們點乾炒牛河，說是好味夾大碟所以很多熟客點．點心的上菜速度很快（蒸點不是用蒸籠上，而是碟另加蓋子上），水準也非常不俗，比較一般茶樓明顯優勝．帶子腸粉是用鮮帶子，蝦餃的蝦也很新鮮． 價錢方便只是貴過翠園一點，但明顯平過聘珍樓，西苑之類高級食肆．我們１２人食飽飽（含２杯可樂及３碟甜品）埋單不用千一，以裝修服務食品整體水準來看是非常合理．以後多了選擇，不用在鬧市茶樓同人逼．

已很久也沒有和家人在周末喝茶，因為時間真的很不夠用，今天想抖一抖，和家人到了這喝茶。坐船到了這也要上十多分鐘，幸好等位也只用上大約十分鐘的時間，也到我們入座了，坐下不久，也開茶喝喝，茶點了鐵觀音及普洱，鐵觀音味道不錯，喝起來有回甘，去到第二至第三轉的茶最棒，濃得有點功夫茶的味道；普洱也是很濃，是濃濃的黑色，喝起來有回甘，但那份甘香，跟陸羽的比又差上一截，但也算是很不錯。點過喝的，要點吃的了，此處的小食攤檔有很多東西吃，有錦鹵雲吞、牛什、豬皮魚蛋蘿蔔、豬腳薑，甚至酸辣湯也有，但只是假日才有的，全都可在點心紙中點，不用走出來自己拿，而另外也有點心紙及點心車，雙管齊下的賣點心，真的既方便，又有以前喝茶推點心車的傳統，非常不錯。先見到有腸粉車，也立即上前先要一客煎腸粉，腸粉煎得不夠脆，所以不夠香口，腸粉皮不薄，但也算滑，其中有點蝦米，但少得作用來得不大，而抵讚的是有米香，腸粉點上麻醬及甜醬來吃，也不錯。然後也有牛什吃了，牛什以煲仔上，熱騰騰的，在酒樓吃也只四十多元算是很便宜，而在內也有四片其中最值錢的牛膀，膀沒異味而很有吃膶的感覺，但本人本身不愛吃膶，所以吃了一點也不吃了；牛腸也有數條，但不夠

這裡的環境感覺都非常好,坐接載船好有遊客feel,上到去望到張龍椅好有感觸, 想起小時候係上面抓下抓下同小朋友玩!平時飲茶通常吃點心,他們的點心就一般般,情意結無辦法la,但佢地個排骨炒麵好好食,麵底脆而香,排骨無乜乸過,好有豬肉味,食起上嚟好有懷舊感!! 正

老遠走過黎香港仔, 原本想去"香港仔魚市場海鮮餐廳", 可惜十一點半前都滿座, 唯有下次吧!反正未去過珍寶海鮮, 於是搭了免費船上去飲茶!酒樓有2, 3樓, 上了頂層, 地方頗大, 佈置古色古香! 點心有畫紙仔, 有推車亦有梗位煲緊雞腳, 豬腳等等...樓面有好多後生女仔, 相信暑假工吧, 不熟手, 但有禮! 車仔經過...叫了蒸蘿蔔糕及馬拉糕, 前者好硬, 少蘿蔔! 後者粗糙, 不太甜, 一般吧! 在點心紙上選了老公至愛點心 - 豬腳薑, $45, 份量不少, 兩隻蛋也頗硬, 豬腳不夠腍, 但亦可接受, 醋汁可再濃一點吧!點心水準一般, 不會再老遠跑來, 此處屬遊客區, 本地人試過後...止步!

食物的味道, 其實就無什麼驚喜.... (跟普通酒家無兩樣) 但環境跟服務尚可!! 片皮鴨 $350 (只係片皮果個 Waitress, 片到個皮好厚 - 唔夠專業)西蘭花炒帶子 $170 (份量好小)蒸石班 $360 (ok)乳豬 約$130 (唔夠脆...唔係想像咁好食)整體70分

2009年1月25日下午茶 (年卅十) – 珍寶海鮮舫經常都聽到親友提及從前其中一項家庭日活動, 就是到珍寶海鮮舫一遊…對童年無甚記憶的我, 真的對珍寶亳無印象…幸得男友帶我到此一遊, 否則就無緣品嚐到這些高水準的中式點心了…1. 蝦餃 – 皮做得真得薄而通透, 蝦唔會只係大隻而冇蝦味, 反而新鮮又爽脆, 絕對係即刻用新鮮蝦包既, 坊間酒樓既招牌蝦餃皇都不能相比美… 2. 蛋撻仔 – 好耐冇食過蛋撻仔了, 已經唔係好多酒樓有做, 是預期的味道...3. 香芒糯米糍 – 好好味, 芒果好甜好香, 糯米皮薄得黎夠煙韌, 係珍寶的推介點心之一, 果然冇介紹錯… 4. 义燒包 – 一般, 男友話之前既水準好D…可能今次唔夠熱, 影響左質素…不過內裡既醬汁都幾香幾濃郁, 亦唔會好似有D坊間的义燒包咁甜…5. 鴨胸明蝦角 – 呢個配搭幾新穎, 不過味道唔算好特別, 都係預期之內…6. 海鮮明蝦筒 – 超好味, 黎珍寶真係要食海鮮, 就算點心內既蝦都係咁新鮮既, 配埋蝦筒米紙做既外皮, 再加少少沙律醬, 好鮮味… 7. 五柳炸雲吞 – 雲吞既涵都係蝦肉黎, 涵少少, 最怕大大舊肉個D炸雲吞…配襯炸得

Tried this place before (~400 for 2) so decided to go again last weekend for lunch dim sum.Arrived around 12 noon, already 40 numbers behind, didn't want to wait too long, so checked 2/F the high-priced floor, waited another 5 min.The only thing which is nice (within expectation) is the service / attitude is very good at the front door, that young man led us in really is up to the service standard...!BUT almost all other people inside there do NOT understand what's service, and it's a big shame

師傅大大話話都有成十幾年冇黎過呢度, 難得放假加上該日都係一日值得慶祝嘅大日子, 所以師傅決定食好d啦; 由於太耐冇黎過, 所以差d都唔識去!起初師傅都有d擔心會唔會冇位呢? 但去到後發現地方好大, 所以大把位! 伙計有禮招呼入坐, 一坐底師傅就即刻睇下有咩好食, 既然黎到呢度, 當然係食海鮮啦; 睇左一陣就柯打左龍蝦沙律, 半斤白灼基圍蝦, 金銀蛋菠菜同埋清蒸黃衣! 點知過左一陣個部長就行埋黎話條黃衣賣左, 於是就介紹另一條比師傅, 而師傅諗左一陣就決定要條海紅班啦!飲下茶, 吹下水, 頭盤龍蝦沙律率先登場; 龍蝦沙律賣相相當之靚, 再試下個沙律, 沙律唔係蜜瓜就係哈蜜瓜, 係鮮果而唔係雜果, 鮮果夠清夠甜, 好好味, 而另一主角龍蝦嘅份量都好多, 肉質爽口鮮甜, 加上啖啖肉又冇殼, 勁好味; 清晒碟龍蝦沙律後, 就即刻開始食白灼基圍蝦, 基圍蝦夠鮮夠甜, 入口勁爽, 好正!金銀蛋菠菜又係好大碟, 菠菜好嫩好綠, 都好好味, 而金銀蛋嘅味道就冇咩特別, 可以啦; 最後試埋條海紅班啦, 魚身真係蒸得好滑, 一d都唔老, 而肉質好鬆但冇咩魚味, 呢度就要扣少少分喇!總括黎講食物質素頗佳,

晚飯避風塘炒蟹 蒸蝦 炒飯 前菜...避風塘炒蟹味道不錯..不太辣幾野味蝦都幾新鮮大隻總括是還可以的(若沒有特色景點這個價錢是不可以)黎之前聽人講好貴騙遊客好難食但好似裝修後食物質素都改善左，加上較有特色既景觀，值得一試

兒時，祖父母住在香港仔田灣；每逢大時大節，爸媽總會帶著我到祖父母家過夜做節的。到了翌日早上，一家人便會浩浩蕩蕩的到珍寶飲早茶。小時候，只記得要坐船才可到珍寶。但對食物的味道，可說是吃而不知其味啊。月前，帶女友再到珍寶飲茶。印象中，碼頭的位置稍為更改過，但這變化，在與珍寶所走的路線的變化相比之下，可謂小巫見大巫了。二樓異常豪華，根本不像酒家；三樓那所謂的傳統茶樓，裝潢也甚有氣派。貴一點，也不應該肉赤了。兩個人點了：1) 蝦餃- 爽！2) 叉燒包- 非常不俗，可吃到一片片叉燒3) 帶子腸粉- 不油，淡淡的味道4) 鯪魚球- 夾雜著蝦米，鯪魚肉爽口彈牙，有心之作5) 芝麻卷- 大概甜點不是珍寶的強項罷，有點粗糙，又吃到糖粒6) 馬拉卷- 不俗的馬拉糕，淡淡的，卷著奶皇夾心，又是淡淡的，故又吃不出奶皇味，馬拉糕的味道又被奶皇味稍為蓋著，有點畫蛇添足之感。價錢是不便宜的，但，以旅遊熱點來說，又加了點同情分；至少環境舒服，服務也算是殷勤啊。

好細個好細個0既時候0黎過海鮮舫的最上層飲茶食飯, 一般平民茶樓的派場, 最記得係佢個火焰雪山~今時今日, 大個0左喇, 去佢中間果層龍軒食, 門面0既氣派同樓上果然唔同, 一望就知佢走貴價路線...點心選擇唔多, 碟碟0既價錢都真係有返咁上下@0@" 不過普遍0黎講, 一分錢一分貨, 有返咁上下價錢的確都俾返咁上下0既食物同服務質素! 事隔一星期多, 我仍然能記得呢度0既食物係點!素腸粉: 侍應話內藏齌鮑, 素鮑魚惹起了同檯的uncle auntie的爭論---究竟d鮑魚係真定係假(素)0既呢!?!?!? 因為論質感與味道, 真係同真0既鮑魚不相伯仲!! 所以佢地都討論究竟"齌"0既意思係"only"還是"素食"!?!?五柳雲吞: 原本都唔諗住係, 因為係油炸, 不過難卻auntie的盛情, 只好接受食0左佢. 食落口先知係正0野!! 雲吞皮炸得脆不在話下, 雲吞餡漲卜卜的, 一咬開先知係原隻大蝦! 爽口彈牙呀~! 絕呀!蝦餃: 同樣地, 當坊間的蝦餃都係塞滿肥豬肉0既時候, 呢度0既蝦餃係用大一大隻0既蝦做餡0架!! 豬肉0既蹤影的確唔係好覺! 皮亦夠薄!八寶飯: 甜品, 好好食~

還記得小時候父母帶我來過數次飯局, 因為家住得遠的關係, 又要搭車又要過海, 還要轉乘駁艇, 每次來記憶中就像去旅行一樣, 想起也開心. 趁天氣好, 和家人來個午飯, 懷甸一番. 在珍寶閣泊好車子, 一出停車場已經見到一絛有中國特色裝飾的樓梯, 拾級而下就到達轉乘駁船的小碼頭. 咦? 以前的船好像是要企的, 現在有得坐囉. 沿途風光不錯, 我們也映了不少相. 到達珍寶門口, 氣派依然. 上到酒樓坐下, 望望四週, 多數的食檯都是西方來的旅行團. 再看看餐牌, 價錢又不是想像中的昂貴. 我們點了菠菜餃, 鮮菇素腸, 芝麻炸蝦筒, 蓮蓉包, 山竹牛肉, 金栗百花球, 帶子餃, 瑤柱蛋白炒飯. 食完以上食品, 沒有一樣是必吃的. 全部都是一般酒樓水準, 其中最差的要算是帶子餃, 蒸到爆口, 汁都漏乾了. 服務方面也是一般水準, 漏單情况也有出現. 望望窗外景色, 閒談一下生活上的鎖碎軼事, 輕鬆得很. 還可以和屋企人去"龍椅" 拍大合照呢. 來這裡食飯, 醉翁之意不在酒, 食物的質素我也不會太注重了.

到左星期日FAMILY DAY, 於沙田搭170巴士到我地一早PLAN好的行程- 香港仔. 第一站係到珍寶海鮮坊飲茶. 搭專船影左好多相，好似遊客咁. 去到都幾多人，等左大約15MINS就有台. 對住個海景都幾舒服. 我地只叫點心: 鮮蝦松子餃- 松子同蝦其實唔係咁夾上海小籠包- 包湯味道清甜帶子腸- 帶子幾新鮮蟹籽燒賣- OK豉椒鳳爪- OK脆皮豆沙餅- 其實個脆皮係春卷皮所有點心的水準都不過不失，都係食佢個景點.

本人於昨晚到貴舫參加一位好友的婚讌，真令我大開眼界，什麼是代客之道，還是【似熟賣熟】，因聽說女家的主人家是那裡的什麼經理。 當晚入席後，可算是千其百怪盡出，坐下二十多分鐘沒人上來問飲品，上了頭盤乳豬亦沒有幫我們分菜，亦沒說各位起筷，那也算吧，可能她認為我們不需要分菜，但連拿走前，碟內還有食物亦沒有多問一句，有那位還要，打後我每個菜都是放下便轉頭走，飲品亦沒有幫我們加添，我們吃下了四、五個菜，也沒有幫我們更換個一只碟，看著自己面前的碟子滿是肉骨與菜汁，真是不知嬲還是贊嘆，原來這就是現今的服務。 上述還未是整晚的經典，因為當晚的菜色中是有沙律吃的，但那位服務員竟然也沒有幫我們換碟，亦是放下便轉身走，令我們整張檯的嘉賓都不知怎好，那麼我看，我如有下次到貴舫參加婚讌，是不是需要到廚藝學校上一課【怎樣分菜】，免得不知怎好。 本想看看找個穿西裝的【經理、主任或部長】人投訴，怎知一看下去，原來全站在主家席左右兩旁，只招待著主人家與遴近的賓客。這是不是說，只要主人家覺得招待滿意，就不用理賓客呢？最後，本人對這次婚讌真是只可說一句【悲哀的婚讌】，亦需想想主人家那個經理是不是真的

環境都算上華麗, 有宮廷既感覺, 牆畫夠大夠精緻, 地方清潔都幾ok, 服務都無咩大問題,叫左個人蔘雞湯飲, 覺得味精都幾濃,舊雞無肉,擺唔上口, 仲有果個甜酸蝦球,多就幾多,又大舊,不過好似無咩味咁,應該改名叫唔甜唔酸無味蝦球,仲ok都係個上湯菜心,夠新鮮, 最後個紅米帶子炒飯, 等左好耐都仲未黎, 咩都食哂d野仲要等10分鐘先到, 大大牒仲好多帶子,好似好抵食, 不過食落口真係差好遠, 第一次同老婆黎先知原來珍寶"重'量'不重'質'" 真係要改良下先得! 我認為同茶餐廳d食物質素差唔多......