純寿司 (Closed)

沙田新城市想食壽司 又有咩好選擇呢醒起食開個間峰壽司 係一田個邊有間分店叫純壽司試下有咩唔同先黑松露帶子日式燒餃子炸軟殼蟹 要成碟上🦀🦀🦀見到排得咁靚 有啲唔捨得食再黎多轉壽司先夠呢間特別多款色食 炸物又多 熟食都多啲如果鍾意食壽司既人 可以試試👍🏼👍🏼

原本諗住去吃元氣壽司，點知無咗，門口一望加裝修不太差，應該不錯吧！平日沙田六點半都應該多人的，但我估d人未放工，所以入左去，點知一試第一轉，完全唔明白點解一間咁大間壽司店賣啲壽司，完全唔新鮮好似完全係擺咗成四至五日咁樣，因此諗住叫一轉來試一試啦，怎麼第一轉已經超級難食，跟住再嘗試搏一搏叫多一𨍭，比次機會，諗住可能只是有d唔好食，第二轉一食點知都係非常之失望！以後不要再去幫襯，否則浪費金錢，浪費時間，浪費個胃消化時間！

好耐冇食過日本野啦！一直都覺得香港嘅壽司店點都唔夠日本嘅好味但係呢間我真心推薦有底又好味佢呢一間壽司店都算好多嘅選擇而且價錢非常合理同埋有好多款三食選擇帆立貝帶子非常厚身赤蝦都非常新鮮呀叫埋佢呢個和風薯條感覺好似食緊M記Shake Shake 薯條真係大滿足呀！提提大家如果星期六日來呢度食快啲download新城市廣場app 預先攞位

整個一田都裝修，可能因為咁所以好多食店都唔多人排隊，等左5分鐘就入得😁三文魚籽好鮮味！！！不過海膽唔夠新鮮.......帶子肉質鮮甜，夠厚肉！！！魚背使好鮮甜，佢地有好多3件組合嘅款色，一個人去都可以試多幾種口味，值得一讚嘅係壽司飯，醋味剛好，唔易散，硬度適中，大小剛好，可一啖一件左口裙邊真係我嘅至愛！！！好有油香好鮮味！！！除左壽司，仲有好多小食，同烏冬麵食同兒童餐選擇，而且坐位闊落，值得推介！！

行商場不知不覺行到2點幾肚餓，但大部分餐廳都轉晒下午茶餐牌，淨食下午茶唔夠飽肚，諗緊點算好既時候就發現呢間仲有午市套餐既純壽司。本身愛好三文魚既我入到去第一時間點左份 蒜香三文魚飯餐，驚唔夠飽於是再點一份時令九州3點盛。蒜香三文魚飯分成2邊，一邊係蒜香三文魚粒，另一邊係4片三文魚刺身，滿足晒食客想食蒜香三文魚又想食魚生飯既欲望。午市套餐跟一碗麵鼓湯，都係$50左右但三文魚唔係薄薄地小小地俾你，而係滿滿咁鋪在飯上，可以見到三文魚同飯一樣咁多五十零蚊既飯真係冇欺場。而時令九州3點盛分別係櫻鯛魚、文旦柚鰤、大尾墨魚櫻鯛魚上有三文魚子裝飾，口感清新，賣相都唔錯文旦柚鰤就好似有啲腥味，個人唔太喜歡柚鰤既口感而最後食既係大尾墨魚，見有火炙海膽裝飾，忍不住就一啖食晒成件壽司海膽同墨魚配搭有啲怪，口入面我只係食到海膽鮮味，墨魚好坦白講真係試唔出，更難過係，咬左到海膽味都散晒，件墨魚仲係un到咬極咬唔碎咁如果唔係貪新鮮一定唔會叫時令三點盛如果只係想平平地沙田食餐飽，一定要去純壽司食一次，一個午市套餐都夠飽肚。一份蒜香三文魚飯餐+九州三點盛（$48）加埋一都係$117。如果單叫午市套餐既話會更平。

三個人去完澳門，翻屋企前經沙田順路食個飯。 刺身拼盤十件168，特別係帶子好新鮮！三文魚腩都好大件。火灸三文魚更加係超厚切。火炎灸玉子調味合到好處。不足之處係蟹柳一食就知平價貨，海鮮豆腐湯太咸，炸蝦有點過火。

我真係好鐘意食壽司，係一田附近又發現平民推介！同好多新城市廣場既餐廳一樣，呢間純壽司都係可以用app攞飛既，咁就可以一邊行街shopping，一邊等位啦☺餐廳有迴轉帶可以拎壽司食，不過識食就梗係即叫即整啦！餐牌上面每一款壽司都有編號，係點餐紙上面寫番編號同數量就得喇👍🏻唔好以為平 水準走差，呢度嘅刺身壽司都一樣好有質素！我特別鍾意食佢嘅火炙甜蛋壽司，甜蛋好滑，加上火炙效果令質感更加豐富！兩個人食都係每人＄100咋🤗

一田裝修大減價，今日就同屋企人去咗睇下有咩買。行咗一陣之後覺得有啲肚餓就落咗去地下搵嘢食，本身諗住去翡翠食嘅，不過沿途經過見到呢間就試咗呢間啦。點餐嘅方法係自己寫食物代號同數量落去張紙，然後遞比店員。有啲驚訝竟然一間日本料理係咁樣嘅落單方法，不過其實都無乜所謂嘅。呢個烏冬麻麻地，烏冬唔夠煙韌，湯既味道有啲似福字麵。個鱆魚餅一啲都唔好食，完全唔覺得有章魚嘅成份。呢個迷你海鰻魚飯真係好迷你，女仔淨係食一個飯都未必夠飽，不過如果係當下午茶食都OK嘅。唔知係咪海鰻魚係咁，啲鰻魚好薄，同埋啲飯係凍既。唔知三文魚腹腩同三文魚腩有咩分別呢？不過呢個三文魚腩好似煙三文魚咁，佢一啲都唔肥美，食落唔係好好食。呢個海膽壽司算係最好食嘅嘢，雖然海膽嘅份量唔算好多，不過勝在比較新鮮，食落都幾甜嘅。呢個刺身入邊有油金魚腩、帆立貝同三文魚。我覺得帆立貝同三文魚比較好， 唔算好好食但都OK。油金魚腩我覺得有啲腥，不過同行嘅媽咪覺得唔算好腥都幾好食。呢個龍之卷比較特別，上面鋪咗塊鰻魚，中間就卷左條炸蝦。鰻魚唔算10分好食，不過比海鰻魚飯嘅鰻魚好食好多，厚好多，但係比海鰻魚多骨。下面舊壽司係幾好食嘅。軟殼蟹手卷就普普通通

一個月最少會係依間日本餐廳食兩次不過今次第一次寫食評，覺得要推介一下😋😋👍🏼每份午市套餐都包一個麵豉湯同日式炖蛋麵豉湯一般，唔熱既，不過味道岩岩好👍🏼炖蛋非常香&滑，裏面有三文魚，冬菇，日式魚旦👍🏼D set 共12件壽司 $78👍🏼抵食B set共9件壽司 $68👍🏼新鮮總括我食左咁多次既經驗，佢地既食材幾新鮮，我覺得最好食既係貝類e.g.海螺，好爽口吞拿魚拖羅，北寄貝沙律一般😋😋👍🏼😋😋

今日朋友去到沙田，當然諗住行下街順便去開飯啦，咁我朋友又冇咩所謂當然係選擇我最愛的壽司啦，係openrice選了間好似食評一般但樣吾差就心諗一試啦，但去到都要等1個鐘先有得食喎，整體食完其實都吾差，類似元氣咁..每人大約$150左右都OK啦。這裡的飯講真吾錯但比較易爛同好似冇咩落過醋咁。係門口見到有新春特別野喎，3款三文魚都係$98都幾抵食喎，首先中間食左超厚的三文魚都好鮮甜同新鮮，肥度都吾錯添，而火燒過的三文魚魚油出晒黎..係3款最好味，反而最後粒果款就好普通冇咩特別。蟹腳好大條同肉質都吾錯，入面配料都吾少好味道。劍魚厚肉和新鮮但魚肉味吾夠油的感覺。三文魚腩刺身好失望好薄身但仲有肥魚油感覺。帶子厚肉都正常吾錯。鰻魚比心目中細但味道好味。魷魚勁粗同新鮮，紫菜都脆口不錯。

最近都不知怎了，同肥膏二人放假，總想外出行行食食！今次我地又來到了沙田，一個離我們好遠的地方。哈哈，可能是有點誇張，但的確是遠的。難得來到一個不是常去的地方，當然不會希望食連鎖店。所以，在經過這間「純壽司」時，就二話不說地走了入去。其實大致上，跟一般的迴轉壽司店間格差不多。我倆被安排到了迴轉吧檯上，當時店內只有三成滿。但客人與客人卻要迫著一起…而且店員們比較懶散，何以見得？第一，杯沒有茶包，客人只有飲水？第二，有時在玩電話，睇訊息。第三，面無表情。雖然我明白，有時候會做到盲痲木，但對食客來說就有點兒…說回食物吧。先來是炸蝦卷不錯喔！因熊炸蝦還是熱辣辣的。而且上面又加上蟹籽，一口吃下去，又有蟹籽脆卜卜的口感。三文魚腩壽司又再一次就明圖片只供參考。這件三文魚腩比圖片上的少了一倍吧，一上檯我同肥膏都靜了。而且三文魚腩沒有很新鮮，肉質也不是很好。牛舌壽司好…韌…之餘，沒有味道。其實我是喜歡吃牛舌的人，就算韌，只要好味都沒有問題。但是又韌又無味，都真係好難下嚥。從左起，蟹膏軍艦。原本肥膏說點兩客四件，但我阻止了，我說要看看好不好吃，好吃再點。的確，跟我心中的疑惑成正比，不會想點第二次。因為蟹膏壽

純壽司次次都勁多人排隊，難得下午茶時間冇咁多人，終於食到。啲魚生都新鮮，仲有唔同嘅特色醬，但係有啲都幾伏個人覺得柚子醬三文魚係幾唔錯，但其他，例如麵鼓就中了伏最正嘅係佢啲魚生全部都勁厚身，魚油好豐富。唔多人嘅時候都值得一試嘅

去到沙田想吃壽司，諗起呢間常常大排長龍嘅純壽司。由於平日晚去，而且6點已到達，所以不用等位。坐落立即單點我最愛嘅壽司，厚切三文魚，人氣三點盛，呑拿魚。好喜歡純壽司季節性嘅壽司推介，一向頗有創意同水準。今次就叫左秋季推介嘅「旬海鮮紫菜包」試下。「旬海鮮紫菜包」其實就係將幾款魚生連飯，放喺紫菜上面。賣相一流，食落海鮮都算新鮮，不過筋子較咸，建議豉油份量要小心，紫菜都比較淋。賣$32(另加一),都可一試嘅。人氣三點盛同呑拿魚壽司就不過不失。飯始終比較少，對比起價錢嚟講，多啲飯會成返正比例。而成餐最愛，當然係「厚切三文魚壽司」，無得輸！新鮮嘅三文魚，加埋厚切嘅口感，非常滿足。呢個就係一再光顧嘅原因。食飽飽就離開了，全程侍應態度都唔錯呀。順帶一提，6點半左右已經需要等位了，不過等嘅人不算多。另外，秋季限定到11月30日止，想試要快！

星期六晚來到～ 等位大概1小時 不過好在可以用app排隊 所以其實並沒有浪費很多時間。因為我和男友都是三文魚喜愛者 所以每次都會叫這個三文魚盛宴～ 裡面有三文魚刺身、壽司、小卷還有花之戀很有滿足感！😍 可美中不足的是，因為是厚切的關係， 火灼壽司的口感欠佳。感覺上跟普通厚切三文魚壽司沒差。海膽壽司不過不失 海苔不算脆，但是海膽還算新鮮。份量中等。

店裏的環境比較逼夾，食物不是那麼新鮮。食物的種類較為少。很容易人多要等位等好耐，但最終又沒有很大的驚喜。創作壽司的款式外型奇怪不吸引食慾。所以我建議，這間餐廳都是不光顧為妙。