純寿司 (Moved) New Location

打邊爐要食芋絲，YOHO要食純壽司🤘🏻🤘🏻🤘🏻好幾次想食純壽司但因為人太多都放棄左，今日放工即興去食，10張飛等左約1小時。太多款想試，2個人嗌左好多。帶子唔夠香。刺身好食d只試左海膽，唔會腥。想試九洲鮮魚壽司盛合，但海老賣晒，唯有散叫。 其中兩款加左柚子同薑，僻左魚生腥味。鮮味，推薦吞拿魚及油甘魚。最後想食熱野 叫左個蝦天婦羅烏冬，細細碗兩個人share岩岩好。2個人連加一$803。嗌左咁多野唔算貴🤣

Lunch time 想食壽司 今次黎到形點既純壽司 午市時間都要拎飛等幾張枱 同某間連鎖壽司店一樣都有部機比你自己點餐 食物款式都幾多春季推介餐牌春之三文魚盛三款都配有唔同既口味 一d都唔單調 食三文魚都有新意 覺得抵食厚切三文魚 表層有櫻花蝦同海螺飛魚子 口感豐富 三文魚腩配上明太子鯛魚同櫻花蝦真係同肥美既三文魚好夾仲有三文魚卷 面層有既係海膽墨魚🦑 叫左個小食芝士薯蓉 好濃芝士味兩個人食一碟好足夠 有少少膩但係會繼續好想食 外脆內軟 流心芝士好正$28 有3款蝦 鮮甜又抵食鰤魚係冬季至春季最肥美既魚 要把握時機去食油脂豐富有濃郁魚油香味烏冬偏咸味道好濃 適合喜歡濃味既朋友

所謂特大北寄貝，一點也不驚喜，跟普通的北寄貝差不多炸蝦竟然有粉狀的感覺，蝦炸得不夠透徹，一點也不脆身，而且分量少，價錢偏貴軟殼蟹超油，一咬便滿口都是油飛魚子非常冰凍🙄應該都係我既第一次同最後一次

以它的價位來說，我覺得純壽司應該係水準較穩定和不錯的壽司店，基本上每晚都要等位，所以我會選擇外賣回家吃，比較省時，還慳了加一。我和家人都喜燒點它等貝三盛、蝦三點盛，幾抵食，而且不用煩惱點甚麼。貝三盛有帆立貝、赤貝和馬刀貝，全都新鮮大壽，壽司飯的調味和握得不錯，最少不易散開。蝦三點盛有甜蝦、熟蝦和千尋海老，千尋海老口感最好，甜蝦就最鮮甜。辣八爪魚也不錯，很新鮮大粒，芥辣味濃，只可惜拿到回家紫菜淋了。軟殼蟹卷有三件，超喜歡它足料，唔會得小小係入邊，睇相就知。

今天跟朋友去了元朗形點純壽司一起吃晚餐，我們二人點了春季限定壽司－春之三文魚盛丶帶子壽司、鹽燒油金魚鮫丶豆腐沙律和迷你烏冬來吃。令人驚喜的是春之三文魚盛，共有六件，其中兩件是厚切三文魚壽司，另外兩件是花之卷，最後兩件是厚切三文魚腩壽司。春之三文魚盛十分美味，三文魚滿有口感，上面還鋪了少許墨魚粒，爽脆新鮮，值得一試！鹽燒油金魚鮫味道亦不錯，即叫即燒，鹽味亦剛好。至於豆腐沙律，凍豆腐配胡麻醬一定很美味！

間唔中就會口痕想食壽司，而當中純就係我久唔久會想去食下既好味壽司店之一。純壽司係yoho mall 入面，對元朗人黎講一點都唔陌生。開業到宜家一直維持到食物質素。不過去食之前就最好係app到拎左飛先，因為成日都要等位架！室內坐位寬闊坐得舒服。必點佢既手卷，有吞拿魚蓉、海膽同三文魚子，鮮味十足，食完真係好滿足阿～ 另外佢既壽司都非常新鮮肥美，咁既價位咁既質素，收貨啦。帶子同三文魚都好厚肉，食落油香四溢，推薦。

香港有好間集團壽司餐廳，但我食過呢一間後，以後都專登黎元朗食😆 因為真係低食又好味。裡面係用平版電腦黎點菜，圖文並茂好方便。另有實體menu 看，可以睇清楚後order😋北海三點盛 $58螃蟹羔醬軍艦 $22好鮮味，紫菜都好脆口，唔係咬落去已經濕濕地，好難咬斷果種。壽司飯微暖，好味！純玉子 $14必叫既玉子壽司，即叫即整，因為d 蛋係熱到出煙架😋火炙厚切明太子三文魚 $28咸咸地既明太子醬配上油脂豐富既三文魚，比想像中好味，下次黎要encore !!本鮪魚兩味 $38有手握緊壽司及軍艦，可以試到兩種食法。活帶子兩味 $38帶子壽司好肥美🤤 但軍艦裡就有一隻細帶子+群邊。軟殼蟹卷 $32千尋海老 $24魚背 $28海老新鮮鮮甜，魚背好爽口。油甘魚腩 $38三文魚麵豉湯 $26最後來一碗熱既麵鼓湯暖暖胃，好舒服！大滿足不過我weekend 去，次次都好多人排隊，我就會6pm 前就到，食個早飯，就唔駛排了🙈

為朋友慶生，一行五人到元朗Yoho的純壽司食飯。星期日的Yoho Mall, 到處都是人。六點半來到，已經人山人海，門口大排長龍。等了大概一小時，終於能夠入座。店舖的座位都十分寬敞，我們五人被安排坐卡位，坐得也闊落。唯一唔好的，是坐角落位置，侍應經常都看不到。點單的方法，是用平板電腦點叫，分類清楚，操作簡易。海鮮沙律：沙律份量也挺多，海鮮也有不同種類，包括三文魚、帶子、吞拿魚等。純壽司盛合（$178）：純壽司的壽司可以單點，或者選擇不同的盛合。這個盛合包羅萬有，有三文魚、甜蝦、吞拿魚、鰻魚等，雖說不上很新鮮，但已這個價錢來說，已經很能接受。三點刺身盛（$98）：有三文魚、油甘魚及帶子。這些刺身頗為肥美，帶子有鮮甜味。三文魚刺身（$45）及吞拿魚刺身（$55）：，分開散叫，但餐廳上菜時就放在同一碟。蔥粒吞打魚腩細卷：顧名思義，的確也頗為細。略嫌魚腩份量不足，像只是食壽司飯。明太子薯蓉（$38）：味道不俗, 薯蓉炸得剛剛口，配上明太子醬，不會太鹹，味道有驚喜。朋友很喜歡明太子醬，還會用來撈沙律食。雞翼餃子（$38）：本來想叫雞翼，但剛好售罄，所以就叫了雞翼餃子取代。雞翼炸得剛剛好，內裏釀有

又想食壽司🍣😂近近地去yoho試下呢間純壽司我地個日下午約2:30到，安排左係落地玻璃窗旁邊，有日光環境又寧靜，坐得好舒服😌呢到係電子點餐，我地叫左個午餐壽司set 同幾款單點壽司呢個雞翼非常好食外層好香脆入面有肉汁，雞肉仲係好滑壽司整體質素唔錯，特別係燒鰻魚同蟹膏壽司😍😍雖然樣貌唔討好但蟹膏味濃郁但午餐set既壽司魚生明顯較薄身，都係散叫較好另外到讚下服務十分好，待應有禮而且勤快，香港少有

今日又去左Yoho mall 食午餐，揀了未幫趁過的純壽司試試看，睇下同元氣有無大分別。去到好快已經有位，並安排了入座，同鄰座的位置都有點近。這間餐廳係用平板電腦落order的，睇完餐牌便用平板落單。叫了數款壽司🍣，但每次都只會到一兩碟，然後隔了好一陣先會再有一兩碟，感覺上菜有點慢。唔知係咪新年關係，枱上有好運籤，幾特別，很好玩。食物質素方面不錯，新鮮不冰凍的，唔錯。炸雞的味道出色，配合自家醬料很好味。另最後要埋單才到最後一碟，希望可以改善下。

壽司癮又起了😍 依間餐廳魚生類既食品較好☺️ 新鮮🤤 魚既款式亦多😛 熟食就有好有唔好😂～ 整體質素都唔錯😆😆😎 價位就大概係元氣同穴之間～ 不過假日都好多人食～ 係APPS拎左飛都等左9個字... 🔸特上壽司盛合 | $145 推薦！❤️ 🤓 一次過可以試好多款既魚😆 當中有海膽、虎蝦等...👍🏻🔸名物！等等蒸蛋 | $32推薦！❤️ 係好大個燉蛋 入面有蝦、三文魚... 都幾多料 仲用蒸籠上 好新鮮😄🔸嚴選盛（明太雙重蝦、厚切三文魚、厚切油甘魚）| $48🔸寒鰤魚兩味 | $32推薦！真係厚切💕 亦夠鮮味👍🏻🔸明太子牛油烏冬 | $38明太子份量都多🤩 辣辣地 幾惹味～ 但份量偏少🤕 性價比略嫌不足～🔸香蔥火炙三文魚扒 | $38伏！☠️ 好油🤮～ 成塊鐵板、成舊三文魚都係油🤢🤢🤢🔸千層蛋糕（芒果味）| $26都幾好食😛 雖然唔係好多層 但中間有一層果肉 都幾有料😊

Yoho mall呢間純壽司同vcity既峰壽司係同一集團，但個人覺得呢間好食d~次次到飯鐘門口都係大排長龍，所以我會預早少少用app拎定籌等位，慳返呆等既時間。呢到點餐係用電子板既，點左純玉子壽司，同玉子壽司既分別就係玉子面頭多左個「純」字，飯會小dd。吞拿魚蓉小卷又名鐵火卷，呢個第一次叫嚟食，完全係大伏，中間得好小吞拿魚蓉，無乜味既！呢到既三點盛最吸引，三件不同壽司以優惠價出售，啱哂貪心想食多d唔同款既人。貝三點盛一如以往爽口好食，火炙三點盛+火炙三文魚帶出魚油脂既美味。以前最愛食呢到既南蠻炸雞，可惜而家只有炸雞，炸得都好食，雞肉仲係juicy，只係無左南蠻個醬失色唔小！

這家店一直都有朋友推介，今天經過有lunch set就入去試試！😎😎它lunch set都有幾款選擇，我們選了一個壽司餐，一個炸雞定食。兩個餐來到都有很豐富的感覺，兩個餐都有湯、沙律、漬物和茶，炸雞定食買有碗蒸蛋。🤤壽司上的刺身新鮮，唯一是紫菜很淋身扣分。炸雞上面有少許蛋沙律淋面，雞件炸得很嫩滑，炸粉有點炸蕃薯的感覺，甜甜的，不過略嫌有點多，但都還算脆身，蛋沙律配起來可減低油膩感。😋碗蒸蛋不算很熱，但很滑很香！下次過來想試其他刺身壽司，但總括午餐來說，地方很好坐，環境幽靜，而且店員服務很好，算不錯！😍

呢間壽司真係好抵食 價錢中等但係質素偏高 係其中一間我成日會去食午餐嘅壽司店 午餐有set既時候仲抵食 最鍾意食嘅係佢個蒸蛋 真係好高質係每次必叫既item! 個人覺得佢啲三點盛幾抵！

今天下午休息，決定去純壽司享受一個悠閒午餐。1:45入座，被安排坐落地大窗旁的四人卡位。那個卡位剛好被廚房出口的牆遮住。侍應帶位，我馬上表示要一份刺身定食（每次午餐都會叫這一個set）。10分鐘後，有一位較高級的侍應問我，是否order了一份刺身定食？！心想不是漏單吧😰再看一看電子餐單，真的剛剛下單😱😱再等了15分鐘，仍未有食物送到，我舉手找侍應，但所有人都無視我這個卡位，唯有跑到店舖經理查問，5分鐘後，才送上沙律、湯。再過7-8分鐘，刺身及飯才送上。飯味普通，勝在溫熱香軟，珍珠米本身就得天獨厚，跟各款刺身都配搭得宜。刺身其實性價比甚高。今次魚子比平時少，而且無吞拿魚，但換上三文魚腩，香甜肥美，是我大愛。帶子亦肥美厚實。最正應是鱆紅魚，非常鮮甜，令人回味。20分鐘後，享用完枱上食物，蒸蛋仍未送上，我放棄了，結賬時告訴經理：「一份蒸蛋要等差不多一個小時。」當然我亦有溫馨提示經理多關注一下那張孤兒卡位。