津味雲吞麵 (Closed)

琴日day off同朋友相約行旺角，竟然見番以前成日幫襯開既津味雲吞麵，忍唔住又入左去幫襯，叫左三樣懷念既小食，牛腩陳村粉、勁辣魚蛋同豆卜串。三樣依然系甘正！軟綿綿既陳村粉，配上美味多汁既牛腩，真系絕配，平時我系好唔幾仲意食腸粉既，因為覺得d腸粉好黏口，食落好似會痴住喉嚨甘~.~但系e個陳村粉真系唔同d，唔會好黏口，而且好滑，絕對唔會痴住喉嚨。另外，咖哩魚蛋都同系其他小食店買既唔同，仲意食辣既人一定仲意，魚蛋辣中帶香，入口好有層次，真系係其他地方食唔到！最後就系豆卜串，千其唔好睇小e串小小既豆卜，雖然同樣系炸出來，但系真系做到外脆內軟，仲可以保留番豆腐入面軟滑既質感！下次真系要再幫襯！

前幾天因著某些原因三度光臨，發現食物都保留著當年既「香港味道」，值得一再回味。１　雲吞河蝦味實在非常的鮮甜，連湯底都蘊含著啖啖既鮮蝦味，幸運既話仲會有兩片浸滿湯水既清菜送上。２　牛腩陳村粉軟綿綿既陳村粉，連埋牛腩同其他野一齊食，不知不覺就全碟食哂，係我讀書時期最愛食既luch！３勁辣魚旦你冇諗過魚旦都要介紹，堂食既魚旦比起街邊食嚟得私文，竟然會覺得魚旦其實同普通點心一樣有特式，慢慢咀嚼粒魚旦，發現咖哩同魚旦之間可以咁完美咁混合，一食就停唔倒口… 

前幾日去完迪迪尼後,出咗去旺角...我同男友沖入去呢間野度食,一坐低無幾耐就嗌住韭菜豬紅蘿卜 ﹑豆卜﹑車仔米線。3種唔同口味既小食...實在太吸引..唔可以唔試下xDD韭菜豬紅蘿卜 : 豬紅很整齊一塊塊,入口即溶既感覺,蘿卜唔會話乾蒸蒸...豆卜: 炸出來都可以咁軟心,仲保存到豆腐入面既質感!車仔米線: 呢間d份量比較多,餸方面又多選擇性,湯底仲好入味添..3餸加埋野飲都係31,真係抵 跟住我同男朋友唔夠喉啦,再叫咗呢間最出名既勁辣魚蛋,哇...辣得尼好香口,魚蛋又彈牙,唔會多粉。最後我們辣得太過引...話下次如果得閑再來幫襯E間野…

上網睇話搬左之後唔好食，但係我都忍唔住拉左佢入去試下。今次係佢搬左之後我第一次入去食，張餐牌上面依然係咁平，叫左幾樣以前成日食既野。重慶酸辣粉、韭菜豬紅蘿蔔、勁辣魚旦，豆卜串…個fd都係叫左個重慶酸辣粉。酸辣粉冇乜點變，大大碗，多花生，酸辣。韭菜豬紅蘿蔔，幾入味，蘿蔔好甜，豬紅好食過車仔麵檔。勁辣魚旦呢…其實都係好好食，一樣彈牙，一樣咁爽口，唔粉，咬到入去都有食到辣味。個fd話佢中意食個酸辣粉，多花生大碗又抵。我諗下次係佢拉我入去食，唔係我拉佢入去！勁辣魚旦，我下次再番黎搵你啦！

因為系旺角行得攰關係,坐咗入去食野,叫咗份勁辣魚旦食住先,又彈牙,起碼唔會起粉。跟住再叫咗個豆卜串,間野用好濃既上湯煮 ,好入味,同埋d辣椒醬係勁好味 。最唔話得既就系支冰鎮奶茶,唔會俾水溝稀。隔離台更豐富,見到豬紅﹑牛腩陳村粉,下次真系要試下,最後我買埋都唔洗30蚊添!!!

同男朋友行旺角,我想掃街,但佢又話要正正常常咁坐低食...得!!!去左呢間津味滿足哂我地既要求 都係個小小下午茶,所以叫得好小野..叫左個勁辣魚旦wa,真係好辣,但食得好過癮 同埋係彈牙,起碼唔粉先囉 仲叫左個豆卜串佢d辣椒醬係勁好味,同埋唔知佢係咪用好濃既上湯煮就咁食都好好味埋單都係三十幾,得!!

以前成日幫襯, 我一直以為佢係執左, 原來搬左黎呢度,平時多數係行到麥當勞就止步, 都唔知轉角不久就係津味今日行到最前面欄杆位見到有幾塊板指示津味三寶, $ 10有魚蛋, 燒賣, 豆卜 , 見咁耐無食過津味辣魚蛋 , 一於一試魚蛋有五粒 , 同以前一樣, 細細粒 , 但口感相差勁遠 ,以前係好煙韌彈牙 , 而家變得好淋欠口感, 亦毫無味道 ,除辣味同咸味 , 可以話係唔知食緊乜 , 咬開入面都仲係辣燒賣染上辣汁 , 好在我加左少少甜豉油落去中和返, 反而燒賣口感同味道都唔錯 , 唔會蒸得太軟腍 , 仲帶有魚味豆卜除左係長長地型幾好趣之外就係普通豆卜, 大約有四件吧吸晒辣汁同甜豉油 , 食完成面紅晒成頭汗 , 變左孖潤腸咀## 或者係個人口味問題, 我真係覺得魚旦辣味太過霸道而另外兩寶都只係一般, $ 10 三味食落口變成左一味勁辣食辣野本黎係一種小刺激 , 若然食到辛苦o既, 真係有 d 講唔過去

以前去開花園街行街都一定要去食津味嘅辣魚蛋，佢好出名架，成日有雜誌登同推介，連閒日都有人排隊買魚蛋食，佢啲辣汁好夠辣仲有少少甜味，好正我每次都鐘意買四五串裝落個碗到同友人慢慢拮黎食，起碼唔怕啲汁會滴到周圍都係。去花園街行街就算唔買嘢都無關係，但如果去到唔買辣魚蛋黎食，個心會唔舒服之前發覺佢搬走咗，我仲失落咗一排，後來得知原來係搬咗去街尾開，當然要去食啦。不過唔知係轉咗嘅位置人流無咁好定點，無人排隊仲幾冷清咁食我最愛嘅辣魚蛋，試咗幾次，辣味還在，可是呢幾次,大部份時間啲魚蛋都係軟身嘅，好似浸咗好耐咁，我諗係人流少咗嘅關係掛。搞到我都提唔起勁去花園街lu,隔咗好一段時間無去啦，今日行開嗰頭，都係有啲情意結想去食，希望食返以前嘅嗰種感覺。晏就一點，鋪內有位所以入去坐低黎食，佢地比以前多原化咗推出咗好多產品。叫咗兩串辣魚蛋$ 12，同試咗佢嘅重慶麻辣粉中辣（通街都買重慶酸辣粉，見佢係麻辣粉所以試下）連嘢飲$ 21，都好抵。魚蛋都仲係有一半係軟身的，唔知佢啲魚蛋係叫貨嘅定自己打嘅呢，如果叫貨可能係啲質素差咗，如果係自己嘢，可能真係因為浸得耐掛。麻辣粉用咗扭紋嘅薯粉，有一啲花生、榨菜，（

與太太一起, 在這間店舖進膳. 要了魚蛋, 炸豆腐, 韭菜豬紅, 牛腩陳村粉. 魚蛋比起豆腐還要淡, 幾乎完全沒有任何味道可言. 炸豆腐反而有味, 是一種"油益"味. 韭菜豬紅, 那些豬紅有點酸酸地的味道, 試了一點點便沒再吃下去. 牛腩陳村粉, 牛腩還好, 夠"淋", 但陳村粉很硬, 好像一些沒有蒸熟的沙河粉一樣, 吃不下了. 之後給太太罵了一頓, 還是到麥當奴吃八蚊的豬柳蛋漢堡. 天堂與地獄的分別. 總括來說, 我們以後都絕對不會再來這間店舖.

牛腩陳村粉，一字記之曰：堅－硬，味道只需平平．凍華田，糖水似的．初見粉麵連冷熱飲品只需三十雞，勁抵！但品嚐完需打折．但朋友話凍奶茶同車仔麵ｏｋ喎，本以為有緣再會，豈料殺出程咬金．臨走前有小老鼠道別，算吧．再會，再不要會！

呢個小食亭,有好重國內感覺.字是簡體.賣的水同小食也是國內食品.賣的食物有酸辣粉.車仔麵.小食同珍珠奶茶,環境普通茶記的格式.仲有一些粉紅色小椅子.重國內感覺有時也不錯,可有不同的飲食經驗...服務,也不錯...魚旦:12元.唔辣的一面.只是好普通,辣的一面.辣到流眼淚,至於魚旦只是來貸.無魚味,等如吃粉....車仔麵3餸29元..6元凍華田.....凍華田似水...什至是糖水.無水準.....車仔麵:豬紅什有咬口...魚腐.魚味重而不腥.芝士腸只是來貸.幸好湯夠熱.份量也加大碼...飽到上心口...若無錢.呢間店是不錯選擇.

以前很喜歡到旺角吃魚蛋，每次總是要排隊，一買就是一碗，粒粒爽口彈牙咖哩魚蛋，超讚。今日突然想吃魚蛋，去到才發覺原來津味早已搬遷了，幸好搬得不太遠。咖哩魚蛋 $18 / 24粒廿多粒裡就只有幾粒像以前般爽口彈牙，可能是因為沒人排隊，魚蛋浸得久了，都發脹大了；咖哩汁沒太多咖哩味，就只有辣味。魚肉燒賣 $10 / 10粒魚肉及粉的份量適中，燒賣質感彈牙，加辣椒豉油，不錯。但仍然很懷念以前的粒粒彈牙的咖哩魚蛋~

星期日本想到旺角找人氣旺的"乾炒牛河"吃, 但滿座, 不願等之下, 四周尋找有無其他好食物或特別餐廳; 正在徬徨之際, 看見"牛腩陳村粉"的食物牌, 香港比較少食肆特意做陳村粉, 所以決定入內試一下; 叫了套餐 (粉+飲品)1) 牛腩陳村粉 首先-賣相不錯, 牛腩大大舊, 又有花生, 榨菜&幾條生菜畔住, 即時引起食慾, 味道-牛腩煮得入味又腍, 牛筋都不黐牙, 陳村粉亦好滑溜(不過有些邊位較硬, 需要改善), 只嫌它的汁, 味道似一般的鹵水汁, 如果換為牛腩汁就Perfect喇. 2) 跟餐的湯奇怪, 隨陳村粉, 居然奉上一碗湯, 其實同跟撈麵上的湯完全一樣, 只不過當中加了件白蘿蔔&豆腐卜, 可有可無 3) 飲品 - 凍奶茶當侍應在面前放下凍奶茶時, 有些驚奇 (可能我見識少啦), 不是一杯充滿冰的奶茶, 而是一樽凍奶茶, 睇真D, 原來係採用"捷榮"茶葉出品之奶茶, 捷榮咖啡聽得多, 奶茶係第一次試, 雖然食店搞到個樽外表比較 "烏糟", 但飲落, 絕對有茶餐廳即沖的奶茶味, 唔錯, 係額外的發現 不須要永遠跟住什麼推介,廣告去找吃的, 嘗試不刻意, 隨意, 有時都會帶來些少

中午, 為了買些小東西, 來到了另一邊的花園街. 所以, 用餐地點也就選擇在呢一頭. 旺角道的一方邊, 就只有這一檔雲吞麵未有食過. 行到入去坐低, 發現此店有一個小特色, 原來她的雲吞麵, 酸辣粉, 可以好似車仔麵咁任你配. 原本想簡單雲吞牛腩麵的我, 知道可以配一些平日你唔會諗得到既配搭, 咁我就亂咁來, 配了一個雲吞豬軟骨麵. 有菜, 爽脆肉腍的豬軟骨, 大大粒的鮮蝦雲吞, 份量同賣相就相當好. 不過, 我所食的豬軟骨, 是日式製法, 而雲吞湯底是港式製法同味道, 配起來, 味道的確不太習慣, 而且令到豬軟骨, 食落起初帶一點酸, 但後來又覺得冇事....當時, 真的有點怕那些豬軟骨是臭壞了的, 後來食食下才知道只是兩種味道撞出來的怪味. 整體上, 算是食得過的一餐. 來個總結, 亂配是不一定是好的, 傳統的配搭, 才安全.....

這間小食店以前位處花園街內巷，每次經過均是人山人海。搬了新舖之後，墟冚情況已不復當年勇。該店喬遷後第二次幫襯，原來食物已悄悄漲價，找錢時才知道魚旦盛圍$6/8粒，阿姐說這是十年來首次加價。以前幫襯過勁辣魚旦，嗆口程度直達十級，那種辣是「陰D陰D」在喉嚨回吐的，我實在是受不了。所以今次乖乖的吃了普通魚旦，沒有雪藏味，加點甜醬尚算可口。另外追加燒賣，$1/1粒要了五粒，與甜豉油同吃味道一般。肚餓時填填胃口還不錯。