K & H 雪糕店

Open Now

Now Closed

次次去深水埗西九都會幫襯依間雪糕，因為真係好抵食同埋好好味。今次叫咗荔枝、士多啤梨、雲呢拿、乳酪同朱古力。10蚊5球真係好抵食，雪糕味道唔會太甜，幾隻味道加埋一齊都唔會覺得突兀。仲可以儲印花換雪糕，真係搵唔到另一間咁抵食嘅雪糕啦～

窮遊香港-深水埗西九平價雪糕 $10 5球 本來西九有兩間平價雪糕 但見到西九美食廣場有一半裝修緊 唔知會唔會開返 所以而家就剩低呢一間啦 循例都要簡單分享吓.⭐️$10 5球 都幾多味可以選擇🥳可以免費加朱古力醬同彩針😋曲奇 個人幾鍾意幾多曲奇碎🤔芒果味 有少少似沙冰口感👍🏻蜜瓜味 係果隻假蜜瓜味 正😂👍🏻雲呢拿同荔枝味都幾滑 其實兩隻味好似.平價雪糕黎講 真係幾正 幾抵食每次路過都會買 過下癮 冇救啦 減唔到肥. #K&H雪糕店 (深水埗)深水埗欽州街37號西九龍中心5樓5K 167-168號舖.⭐️評分：味道：3.5/5環境：-/5服務：-/5抵食：4.5/5

深水埗區一向係平民嘅天堂,無論買嘢食嘢都係比較大眾化,連食甜品都唔例外今日就專程嚟到西九龍中心五樓呢間雪糕小店支持下佢哋。有時候唔一定要用好昂貴嘅價錢先至買到美味同快樂,廉價都一樣可以姐 佢呢度嘅日式雪糕都有好多種口味架,差唔多都廿幾款,任你叫,我選擇$10蚊五小球杯裝,就可以試五款唔同嘅味喇 🍦咖啡+🍦奶茶+🍦豆腐+🍦蜜瓜+🍦綠茶 奶茶算係特別口味所以要加$1蚊,咁我都覺得好合理嘅。 阿肥就揀咗$11蚊兩大球杯裝,蜜瓜+菠蘿味,仲買多一包懷舊糖蔥薄餅添 咁多隻味之中只係得蜜瓜比較甜,我冇咁鍾意之外,其他都好好味由其是係奶茶,所以加$1蚊真係好值得,仲有呢隻綠茶係我至愛,好重奶味咁。而阿肥話個糖蔥餅有驚喜,皮薄,唔會腍bat bat,好食。 所以真係希望可以多啲人支持番本地小店,等佢哋可以喺呢個舖租咁貴嘅環境之下繼續生存

在西九龍中心行街經過見到有間雪糕店，當然要試食下佢，佢賣平價路線，10蚊有4球，不過選擇口味唔多，但都有我最愛既簿荷朱古力，好好味，唔會淡而無味，下次我在附近食完飯都可以再幫襯下。

15蚊兩個大球 幫襯咗好多年 最愛嘅菠蘿味。 最近少黎，多左幾款新口味，加埋差不多有二十幾款口味，下次試下益力多同港式奶茶先得間鋪大左，仲多左零食同埋我最愛的酸辣粉，唔買都唔得啦，旺角賣＄22佢只係$10香港少有嘅良心店

而家d 有牌子雪糕下下都去到20/30元一球,雖然質素冇得比較, 但以15元有兩大雪糕球來說十分划算!上-榛子果仁入面真係有一粒粒榛子架, 好好咬口!下-雙重朱古力好香濃既朱古力味, 而且朱古力味最有保証^^ 上-薄荷朱古力朋友話薄荷味假左d, 但可以接受!下-芝麻雪糕真係有一粒粒好大粒既原糕芝麻架^^"

7元1個小球11元2個小球但已經比平常SIZE大,我要了2個小球,味道跟阿波羅的差不多但款卻比阿波羅多,有蜜瓜,士多啤梨,雙重朱古力,豆腐,綠茶雲呢拿曲奇,雲呢拿等..差不多有20款我最喜歡蜜瓜味,因為它有很重的蜜瓜味,喜歡喝蜜瓜奶的朋友一定很喜歡除了雪糕外.這間店鋪還有各式各樣的小食爆谷,綿花糖,士多啤梨冰等而且價錢相當合理

食飽就係西九龍散步 路經五樓蘋果商場 見到有檔雪糕好似幾抵食 自然忍唔住又去食番球啦 本身已經諗住食蜜瓜味架啦 但見到有多款口味可以任試 就梗係貪下便宜試下幾種口味啦 試左香芋味同牛奶紅豆栗子 其實睇住檔口個哥哥仔認真唔話得 見我想試牛奶紅豆栗子 把雪櫃中各個雪糕盒逐一拿出來 搵邊盒先係牛奶紅豆栗子味 幾經辛苦搵左成三,四分鐘 就連我都出聲叫佢唔使搵啦 佢都依然超有耐性幫我睇 最後睇到佢甘好甘抵諗既服務態度 本身已諗住食一球既我 就開口話要香芋味同牛奶紅豆栗子各一球($11) 味道雖然比唔上大型的連鎖雪糕店 但哥哥仔真摰既熱誠卻比樓下手作x店的姐姐仔多上千萬倍

試過呢度o既"日式"豆腐雪糕,叫o左個大size,點知真好大個雪糕球,味道就一般牛奶味雪糕啦!咁o既價錢食個cone實在抵到暈..