韓圈 (Closed)

如果想係天水圍食韓燒，過往係完全無選擇，最近都要去元朗，但宜家就唔同講法喇，有間高質韓燒食店值得推介鋪頭都算闊落，相信坐滿人都唔會好迫，而且通風系統做得好好，大部分座位都有抽油煙喉，唔會成間鋪都係油煙，而且仲留意到有間房，房內有一張長枱，坐十幾人都唔會有問題，一定好岩朋友同事同學聚會食材方面先講熟食，有雞翼春卷仲有好多壽司刺身，但壽司刺身，刺身仲要幾厚身下五花腩，牛舌，牛肉，魷魚，金菇等大量供應咁俾你慢慢燒，而且都算係差，飲品就汽水任你裝，唔想飲汽水？唔緊要，有人參湯或者是日餐湯可供選擇除此之外，不得不讚店員服務，你燒到咁上下，店員會主動幫你換過塊煎pad,非常細心體貼服務食完呢啲主食，仲有啫哩雪糕甜品價錢非常貼地，好適合成班人坐低聚會吹水

又嚟【天一商場】搵食啦，閒日午餐時段，1百蚊左右有韓國燒烤自助餐，算係抵食，燒烤食品新鮮，選擇都多，有牛，有雞，有豬，有魚，有蔬菜，特別推介：牛仔骨。。。簡直是我的最愛，熟食就無乜特別選擇，炸雞翅比較好食吧，每次嚟親都會整番幾隻，韓式前菜應有盡有，喜歡食的前菜都不缺，魚乾仔，芽菜同甜醋蘿蔔都好好食，人蔘雞湯都幾夠味，甜品就係酒店自助餐入面細細件果啲蛋糕及甜品仔，重有雪糕食。飲品係汽水機，綠茶幾好飲，其他就無乜興趣。

多野食揀，價錢算平甜品唔太ok但熟食 小菜 生肉 蔬菜 湯 飲品都好值生肉分有調味同冇調味就算有調味都唔會太咸食物新鮮職員動作快 禮貌都好 見客人拎得唔穩都主動幫手換盤都冇要一催再催剩係職員都已經好高分加埋食物真係值得再同親人朋友去忘記講番句辛苦哂!

肉品種多，醃得好味，肉嫩，好好食另外推介咖啡同曲奇味雪糕午市$108任食個半鐘服務態度都好好，會主動過黎幫你換燒野塊鐵板，同埋幫你教火地方闊落，通風都幾好，甘嘅環境甘嘅食物質素呢個價錢真系好抵推介推介輕鐵站天秀落車，行過黎好近

今年中秋節與我屋企人一齊度過搵左天水圍一間既韓燒 第一次試食，諗住附近有天秀公園，順便賞月啦呢間上電梯就會睇到，入面地方夠大唔洗等位就入得。有汽水機，酸梅湯，而汽水機既7喜，汁出黎比較多泡，幸好味道只是一般，唔系太難飲牛仔骨唔錯架～不過有個細圓碟裝住，通常都容易俾人拎哂蜜糖雞翼好味又系好快俾人拎哂要襯熱食啊。小菜反而比較多款，熟食都系得5-6款小菜令我驚喜，多款而幾好味，仲有生菜，可以整出韓式生菜包肉，但缺少韓國辣醬而燒烤既肉就有15-17款到啦 但肉類唔算多，仲有幾款未解凍就拎出黎，變左好難夾。仲有兩三款海鮮，都系一般般，壽司外表一般，冇試食到，仲有豆腐花，啫喱，維記雪糕同乳絡，但豆腐花冇再加了元貝海蝦麻麻地～不過好在佢脫埋蝦頭，容易食燒肉類只有覺得牛仔骨同牛肉好食～ 台號比較入 ，服務員唔系成日望到呢台但服務都唔錯～可惜食物款類一般，而試過一次就夠只能說平既野就系咁！

因為之前食過隔離嗰間木八，嗰時就見到隔離仲有一間韓圈，所以下次再食韓燒時再過嚟幫襯，佢啲價錢比起出邊韓燒餐廳來講，入邊嘅認識都係自助餐形式咁樣食，自己鍾意食咩就去攞咩，環境好大間，冷氣超級凍，如果你去嘅話記得帶番件外套，侍應服務一流，啲經理都超級有禮貌！食物質素上我覺得對得住呢個價錢囉，唔會抱有太大嘅期望，正正常常咁樣～如果筆直唔係太高嘅話，我覺得你平平哋去呢間餐廳食都好好啦～～～～大家有機會去試吓啦！

近這一年，天水圍開了很多新食店，但韓燒在這區，仍是佔很小的比率，做得出色的真是寥寥無幾，而這間韓燒坐落在落成不久的酒店隔壁商場中，打正旗號做韓燒自助餐，就給住在話區的朋友多個選擇。一進門感覺空間比區外做韓燒的餐廳寬敞(可能租金始終比外區便宜😄)，侍應安排好坐位後已即時幫我們開爐並禮貌告知可隨便出去拿食物了(咁有禮貌，加分呀)！重點來了，食品選擇和其他餐廳的韓燒自助餐不煌多樣，燒肉、熱食、前菜、韓醬、海鮮、甜品..一般韓燒有得，他都有，但重中之重是不會所有食物也同一個味道，吃完亦不需要狂喝水，味精不重呢～我將燒到香噴噴的猪腩肉、再加點泡菜、再加小小韓辣醬用塊生菜包住一啖咁放入口，好好味呀～~~滿足到呢！只是我覺得飲品選擇比較小，如想飲啤酒的要另外加錢，你知麻...韓燒+啤酒真係無得頂ga ma，是晚小女子不知是否早到，(大約6點半)啤酒竟然有買一送一，我怎會放過呢！任吃兩小時大滿足啊～一定會再來支持

一入到嚟，環境寬敞，午市90分鐘任飲任食，食物及飲品都選擇多，又有雪糕食，小朋友都由頭食到落尾！而且呢度啲肉類都醃得很入味！以呢個價錢食到呢個質素的放題，抵呀！（最重要係食飽都無話一陣味，抽風效果唔錯喎） 牛肉望落'碎飲飲'，但醃得好好味！ 竟然會有雞子，打邊爐就試過,韓燒未試過喎⋯點知⋯會爆㗎，好彩彈唔到我熟食方面：人參雞湯味道比較淡。炒粉絲唔錯（細仔添完又添），我就不嬲鍾意食大荳芽菜（要多食蔬菜嘛），而雞翼就乾咗啲⋯壽司就一般般啦，唔算新鮮！整體來說，都是，會再去！

尋晚又同屋企人出街食飯，今次去左天水圍開餐，食韓燒，屋企人好鄭重咁提醒我，一定要由流浮山方向先去到，如果唔係要兜好大個圈先去到，好彩最後都順利到達🤗🤗🤗上到去，可能係平日緣故，所以唔係好多人，我地一行5人被安排坐卡位，開頭有啲擔心會唔會好焗好煙，但燒到最後都冇呢種感覺👍👍👍出去夾野食，同一般出面相差不大，令我有驚喜嘅係竟然有雞子🤔？仲有扇貝😫？仲有牛舌😲？即刻唔輸蝕，拿拿聲夾幾舊返去燒，仲有雞翼，牛仔骨，金菇肥牛卷，金菇豬肉卷，雞腎等等……太多不能盡綠熟食亦有：燒魚，炒雜菜，薑醋，炒蜆（超惹味！👍🤘🤘），仲有幾款，不過我冇試，另外冷盤有：壽司，凍蝦，凍螺……我只夾左凍螺試，好彈牙，唔會超級凍，不錯👏👏野食已燒左好多，食落口味道岩岩好，唔會淡而無味，亦唔會過咸，要比個like😗😗😗👍👍牛仔骨亦比到我驚喜：肉好彈牙，好juice，我食左4塊，正！！👍👍最令我有驚喜嘅係：………………雞翼！😍😍😍我見佢出面個食物牌係寫黑椒雞翼，我本人怕辣的，不過又得一款雞翼，咁夾兩隻試下啦，點知第一隻燒完比我男人夾左嚟食😂😭😭到差唔多燒到尾我先有機會試另一隻雞翼，好好好好好好味！好入味，好香，真係好香，當時嘅

今天同吃過精緻曰式午餐，好食到有點兒魂不附體，晚餐決定隨意一點。行經這韓國餐廳，$198任食，又好似好抵食，見人唔多，一試無妨。餐廳感覺好pop 好hip hop, 枱與枱之間空間十足。嘩！可選擇的食物頗多，有供燒烤用的各種肉類同海鮮（廿多種），熟食如豬腳薑、炒飯、韓式粉絲、炒飯炒菜、炸蝦、燒魚，還有各種壽司、醃菜、湯品同甜品。一向以為任食的質素一定差，點知烤過黑椒牛仔骨、中蝦、韓式豬扒等，立刻改觀，無論味道同肉質都好ok噃，感覺同平曰散點的差唔多。平曰點一客牛肋條也要百幾二百，今晚大可吃到夠。其他的如串燒雞、帶子、鴨胸同豬頸肉也相當不錯，醃到剛剛好又juicy. 而那些無醃過的，就真的無味，吃韓燒還是吃醃肉好。而甜品方面有紅豆沙、糕餅、雪糕等；紅豆沙軟綿、椰汁西米露椰味十足又奶滑。整體而言，食物質量ok, $198 是抵食的。

早幾日老公話屋企附近個新商場開咗張，想去試吓呢間新餐廳, 帶埋d細路試下去到發現幾大間，幾旺場甘，裝修幾靚，d位幾闊落，一家幾口帶埋小朋友都坐得舒服野食好多種類，不過大家都攞得好快，好彩Refill 速度都ok，d侍應見到無哂都會主動refill人蔘雞湯幾好味，值得一試。平時唔鐘意食泡菜，但呢度果d整得幾好，好開胃熟食都有好多揀，有海螺，正！燒左幾隻大蝦，好新鮮，食完感覺扺番！d肉類幾多，overall 肉質鮮嫩，又幾入味個人覺得牛肋骨最正，肉味幾好，醬汁幾野味，有水準d細路最愛始終係甜品，尤其係自助軟雪糕機，每人食咗3杯！整體食物質素幾好又好多選擇百幾蚊食到好飽，好抵！海鮮種類再多d就好作為一個合家歡、唔想煮飯既開餐地點相當唔錯！

今日我們約咗四姨媽一齊去天水圍嘅天一商城做蒸足浴按摩，做完之後我們再埋表姐一齊食晚飯，表姐揀咗去最近新開張嘅「韓圈」食韓式燒烤晚餐！入到去見到店內嘅環境裝修都幾舒服，坐位與坐位之間都幾寬敞，擺放食物嘅地方都幾乾淨衛生，可能係因為新開嘅關係，抽風系統都幾好，唔會有好大油煙！但用嚟夾燒烤食物嘅夾就比較短，好容易會辣到手！食物款式種類都幾多，燒烤類嘅肉類牛仔骨、牛肉、五花腩、魚柳、串燒等等等等⋯⋯當中嘅五花腩嘅脂肪分佈好平均，肉質相當爽滑！壽司就唔算好新鮮，好似擺放咗好耐咁，所以無攞到嚟食！人參鷄湯嘅味道比較清淡！羅宋湯嘅味道相當鮮味濃郁！另外有多款自家製嘅甜品，味道仲非常唔錯，唔會過甜！

嗌咗午市精選招牌韓式牛肉石鍋飯。一上枱，發現啲牛肉係熟晒同扭埋一舊！加上石鍋熱，攪兩攪牛肉燶晒同好硬！成碗飯又無味。叫侍應加豉油，豉油又淺色又無味。$58仲要加一，又貴又難食，唔會再幫襯！我未食過啲咁難食既野，簡直係浪費食物

天水圍又開多個新商場，叫天一商城今日放假就去逛下有咩睇，全部都係小店，都係好事黎兜左一圈睇下有咩好食，同層有兩間韓式食物，見另外果間好多人排隊.. 又見呢間韓圈好似都正正常常，就入去啦自問對食同服務已經唔算太有要求，但今次真係有D失望..首先叫野飲已經話唔知有無熱檸水，因為水吧放假...我心諗不如你幾片檸檬我自己整侍應同收銀都係唔係太知自己做緊乜...個前菜會唔會Hea左少少？幾條白菜仔，而且無咩味...好淡味.. 都有少少雞肉我個豬頸肉定食就係一塊勁厚豬肉加一碗飯最離譜係呢紙巾，唔係抹完口呀，係抹完佢俾果隻碗仔架！！

很少去天水圍，上星期拜完年同老公經過這商場，看見這間新開的韓燒店，見店面很乾淨企理便決定試試。侍應的態度殷勤有禮，一坐下來便給我們倒茶。我們吃韓燒一向主攻牛肉。這裡的牛肉質素出奇地好，醃料味不太濃、有牛味。肉質也不太靭，雖然不是最上乘的牛肉，但以這價錢來說真的物超所值！👍🏼另外refill食物的速度也快，沒有供不應求的情況。衛生環境亦理想。除了牛肉，我們也吃了少量海鮮，品質也不錯。估不到在人生路不熟的天水圍也能吃到CP值甚高的一餐！