韓圈 (Closed)

今日我們約咗四姨媽一齊去天水圍嘅天一商城做蒸足浴按摩，做完之後我們再埋表姐一齊食晚飯，表姐揀咗去最近新開張嘅「韓圈」食韓式燒烤晚餐！入到去見到店內嘅環境裝修都幾舒服，坐位與坐位之間都幾寬敞，擺放食物嘅地方都幾乾淨衛生，可能係因為新開嘅關係，抽風系統都幾好，唔會有好大油煙！但用嚟夾燒烤食物嘅夾就比較短，好容易會辣到手！食物款式種類都幾多，燒烤類嘅肉類牛仔骨、牛肉、五花腩、魚柳、串燒等等等等⋯⋯當中嘅五花腩嘅脂肪分佈好平均，肉質相當爽滑！壽司就唔算好新鮮，好似擺放咗好耐咁，所以無攞到嚟食！人參鷄湯嘅味道比較清淡！羅宋湯嘅味道相當鮮味濃郁！另外有多款自家製嘅甜品，味道仲非常唔錯，唔會過甜！