K-Pop snack

Open Now

Now Closed

🚂東鐵有咩好野食⁉️ 🚂火炭站韓風👅辣豆腐湯鍋🍲 | 🧀雞蛋芝士卷🍳由韓國人小本經營嘅韓式餐廳，家庭式營運🙈好容易就可以撞岩一家大細都幫手開舖。午飯時間都幾多OL過黎食野，座位有限遲左就要係門口等位啦～辣豆腐湯鍋即叫即整，原煲係爐上面燒到滾哂先拎上枱，個湯會跟個白飯，飽就一定飽嘅😌佢仲會拎小菜俾你食，今次係辣白菜泡菜同豆芽菜，不過佢一時時會轉嘅～ 個湯入面係滑滑嘅嫩豆腐，仲有雞蛋同少少海鮮，不過湯底用辣椒切碎黎煲，所以比較多渣，個口感就差左少少啦🤔芝士蛋卷本來以為是片裝芝士個款，點知原來係拉絲芝士，本身我都唔太好拉絲芝士，因為我覺得好滯有時仲食落似香口膠，不過今次食落都唔錯嘅～，唔係為加芝士而加，個雞蛋卷仲剪得好好好鬆軟😋不過係貴咗少少🙈整體黎講都幾好食，係火炭嘅韓國野算係咗架啦～ 全間野都係講韓文嘅，煲完韓劇煲上腦都過去感受下氣氛都唔錯㗎～📍火炭 K-POP snack推薦：🌝🌝🌝🌚🌚價錢：💰💰💰外觀：📸📸味道：👅👅👅👅-------------------------🤤想Keep住睇下chingching食左咩⁉️記得like & follow 🐷 #foodie #hkfood #h

去咗火炭搵朋友食午飯工廠區附近其實都冇太多嘅選擇，難得朋友話有家韓國要想同我一齊去試吓😋😋其實係工廠區多數都係茶餐廳，所以我對依家韓國餐廳亦冇太大期望不過結果竟然係十分驚喜雖然鋪頭細細裏面只有三張枱，主要做外賣生意老闆係韓國人，唔識廣東話，不過簡單英文絕對冇問題價錢平，分量多，質素好👍🏼👍🏼紫菜包飯 $35好足料😋價錢比出面平，味道雖然偏淡，不過都幾好味炒牛肉飯 $55一大碗嘅牛肉+飯肉質非常嫩滑，加埋洋蔥紅蘿蔔菇炒香簡單但係十分好味，牛肉汁深入個飯令軟綿既白飯更香炸醬麵 $49分量非常多一大碗炸醬麵🤤味道啱啱好，唔會太甜，而且好有內涵好足料麵質唔會太硬或太林身，好彈牙

北上完，回歸途中已超餓，剛巧火車經過大埔，本來想落車食個豬扒麵，但諗起好似好早收工，諗多20秒已趕唔切落車發呆的我坐著到大學站，完全無野好食，沙田又爆多人，唯有火炭落車了。平日晚絕少到火炭，入夜後極似郊外咁少人，正發愁落錯車時遠處望見有不少人係門口等外賣，過來就發現有這韓國小店！店內超細，只有7個位置，聽店內對話已極有家庭風味~剛好今天晚上較冷，點了個滾辣辣的辣嫩豆腐，以前就最喜歡以這道菜喝個辣湯驅走寒氣~等食中不停有客人來買外賣，也不停傳來烤肉的香味…好想偷食…但1人點一盤肉太多了，只好静静吃我的前菜吃到一半，豆腐湯也上枱，來的時間還是滾著的~~還拍到熱氣泡！太餓食左啖飯先記得影相所以d飯紅色左，原裝係成碗白飯來的xdd辣味剛好，亦不會咸，除嫩豆腐外湯內還有蜆，魷魚，小蝦，應該是辣嫩豆腐海鮮湯才對。這樣$60真的不貴！老闆娘還給我外賣紙，可惜唔係附近上班，唔係可以收工黎食埋其他野，唯有等再次北上再黎過！吃飽疲累盡消，明天再努力！

見好好評又最近聽人講去韓國個度食d牛骨湯飯包你話正，咁心諗香港應該都唔差得去邊就叫左個la, 65$,點知中伏，超唔抵食，只係一碗好清徹見底真係純粹兩3舊骨加d湯加d飯，有小小蔥粒仲有些小羅白，飲落毫無過人之處，超級單調，肉雖則兩，3舊，但得一舊叫大有dd肉，其他都骨雖然見到似一家人打理成間鋪，男個個亦操流利英語同好有禮貌，不過仍然難以單天保至尊

其實我係呢間食過幾樣個野，例如韓式rice roll，牛肉飯，泡菜薄餅，燒牛肉飯，飯糰，什錦牛肉飯，辣炒年糕，芝士辣炒年糕等首先講下果個rice roll 先，佢黎面有d 韓國蘿蔔，甘荀，青瓜，腸仔等，食落去其實好好食，不過味道就會清d，都可以一試！牛肉飯，個人認為牛肉飯係我提及中最好食既，不過有時候d牛肉有d 「un」，但係佢d汁好正，d菇都ok，雖然賣相麻麻地，但係味道一流✔️泡菜薄餅，個人覺得好伏🤕🤕，食落去好似d野叮飯熱咁，味道一般燒牛肉飯，其實係3個飯糰裡面有d牛肉碎，而d牛肉係好少，但係舊飯有d紫菜碎包住，同埋鹹鹹地，都ok 既，但係我覺得唔係好抵食😖飯糰，呢個......，唔建議大家食，冇乜味。淨係得d飯香什錦牛肉飯，有d芽菜，菠菜，椰菜 等，d牛都ok，飯少餸多，佢d韓國拌飯既醬係自己整架，有一次真係見到阿豬媽係到整，味道都ok，但係開頭會覺得怪怪地，後來食下食下又覺得幾好食😚辣炒年糕，味道一流，中意食辣野既人一定要試！，會感覺上愈食愈辣，年糕好「yin un」幾好，d汁都ok😋，總之好食🤓PS唔會話好辣，食到辣既都可以試呢個😍芝士辣炒年糕，唔係話唔好食，價錢唔係好合理，

有日放工懷住空虛既肚子。同老公諗唔到食乜。佢諗起單車舖後面有咁樣既一間小店。。。其實已經食左幾次。豆腐湯。幾熱都好。我食韓國野都鍾意點既。☺️足料。煎菜肉餃。感覺似炸多d。不過唔會太乾。個汁幾特別。炸雞。我老公睇住佢即炸。冇乜雪味。好似韓國食既一樣。😍

放工前去左火炭練歌，晚上嗰度附近得呢間店開，所以就試下。三心兩意....就選韓式芝士年糕吧！年糕嚟之前，有個前菜：泡菜食，應該係店自製的，泡菜有少許脆同較酸，減啲酸就更好了！開心！因為有很多芝士！香口的拉絲芝士黏住年糕隨隨拉出！ 年粒尚算“淋”身，少許咬勁！唔夠香米味。唔太辣，和綿綿芝士食，件事夠平衡，無搶到大家既味！如下次再響火炭練歌，都要來試食其他的款式！

琴日突然想食韓國野，唔係韓燒個啲，而係韓國料理個種。打算由火炭揸車過大圍睇下個間外賣自取的店，撞正放工時候，臨轉彎個陣去大圍的路塞哂，又好肚餓，趁住停紅燈的時候搏一搏睇下火炭有無咩類似的舖頭(揸車用電話唔好學)😂係度要讚下open rice,紅燈未轉就有結果，仲趕得切轉彎去火炭工廠區。坳背灣街？熟口熟面即管去睇下，舖頭開係一個好當眼的位置，好易搵，放低架車就入去睇下。舖頭唔大，得兩至三張枱，最多可容納8個人。諗左陣，嗌左原味炸雞半隻、炸醬面、必食紫菜卷、五花肉、牛肉粉絲拎番屋企食，抱歉無影獨照，野食等左20分中左右就有，因為都係新鮮做的，一共都係270蚊鬆啲。炸雞皮脆肉嫩，同pizza box的炸雞有得媲美。價錢適中，外表炸得好好味，80蚊，抵食。一直記掛住韓國彈牙的炸醬面，雖然外賣佢已經面同醬係分開裝，同埋拎番去有段時間，可能係凍左的關係，我覺得麻麻地，醬唔夠濃味，面一條條斷開又唔夠彈牙，應該唔會再試，呢d好易伏。中意日本野的我，紫菜卷當然就唔少得啦！料都好豐富，有咬口，正！👍🏼 五花肉係燒好的，同去韓燒個啲無分別，認真，70蚊來講，我真係覺得已經好多，同韓燒食個啲分量都唔同既，

之前係其他網頁SEARCH韓式美食,咁啱俾我見到一間位於火炭嘅鋪,叫K-POP SNACK,我好好奇咁CLICK左入去睇,睇完之後,我就好想試下,所以我就約我個FD係我生日去試下。原本以為要等位,但我一去到就有位,而且有個超有禮貌嘅男店員招呼我地,不過佢係韓國人,唔識聽廣東話,但係識英文,所以點餐都要用英文講完服務態度,係時候講下食物,我果日點左三樣野,有紫菜飯卷,牛肉粉絲麪同埋原味炸雞！首先講下個紫菜飯卷先,佢入面包住黃瓜,火腿等等,材料好足,而且味道不會太濃,食完都唔會影響之後嘅美食；跟住就係牛肉粉絲麪,啲粉絲好有口感,牛肉、冬菇&蘿蔔都好正等得最耐係炸雞,因為係即叫即炸嘅,炸雞有唔同味嘅,我同我朋友就叫左原味,因為我會怕辣炸雞一到,我就即刻夾左一件黎食,皮脆肉嫩,正呀食完呢餐之後,超滿足！！！！！！！！！！！！(P.S.好難得發現到一間咁好嘅家庭式小店,希望大家多多十卜佢地啦！)

原味炸雞,  好香 外脆內軟 份量都幾多件雞比相像中滑，唔會乾身配啤酒一流  下次會試下其他味 因為呢過有點單調果汁 唔錯 可以解口渴不過唔識行火炭既我,  呢間野有點難搵 

之前在韓國當地餐廳吃過蒜頭炸雞，覺得好好味，响香港嘅韓國餐廳都食過，不過又貴又淋，雞又乾。無意中發覺呢間韓國人主理嘅小店，試過原味炸雞，覺得好味！至少無味精又唔咸，返到屋企仲脆卜卜！今次試韓式醬蒜頭雞，呢間比其他韓國餐廳嘅更加好味！個汁剛剛好，好香蒜味，雞好軟滑，一d都唔乾，而且外賣返到屋企食都無話淋曬！價錢合理，希望多多支持呢類小店！

收到朋友的短訊，說他要到火炭見工，問嗰頭有咩餐廳係必食。坦白講，必食的，就真的沒有。但硬要推介該區既餐廳，都唔係唔得既。如走性格路線的伙食工業，隱藏在工廠區的樓上西餐廳Fresh & Green，以及韓國家庭式小店K Pop，也是選擇之一。後來，朋友再Whatsapp我，說去了K Pop，很不錯，多謝介紹。呢隻小鬼，一定係睇得韓劇、K-pop多，中左韓毒。聽到我話有韓嘢食，即刻仆倒咁去。這店子，不花巧，賣點就是家庭式的味道，如是日我吃的韓式炸醬麵餐。跟餐的兩小兜前菜，正是大豆芽，以及韓國泡菜。平時我是不吃呢啲小食的，但係這的出品，很出色，尤其是韓國泡菜，酸辣兼備，感覺清爽，我是史無前例的完全吃光。再喝碗湯，沒太多料，幾清淡的，家庭式的味道。韓式炸醬麵，那黑漆漆賣相，令我以為會是重口味的創作。然而，大口吃下，味道沒有預期的濃郁，麵條也比想像中的腍身得多，談不上精彩，卻已是可接受的水平。看見隔桌兩個妹妹，吃著炸雞，邊大笑大叫好味喔…真的覺得，我~老~了！

之前和朋友來過一次，吃了招牌的韓式炸雞。。。一試難忘。今天和朋友再來，決定試別的菜式，依然沒有令我們失望 😎這次我們點了：紫菜飯卷，韓式甜酸炸雞粒，泡菜麵團拉麵，泡菜薄餅。紫菜飯卷：簡單的配料，味道沒有某韓食連鎖店特色飯卷的美味，但味道都👌。韓式甜酸炸雞粒：這個看上去跟平常吃的咕嚕肉很像，但味道完全不同。炸得香脆的無骨雞粒再配上韓式的甜酸醬，味道酸酸辣辣的，非常開胃，惹味👍👍。泡菜麵團拉麵：拉麵配上泡菜及麵團（像韓式年糕），口感及味道一流😍😍只是對於吃不到辣的我們，略為有點辣🙈泡菜薄餅：除了炸雞外，這個絕對是我的第二最愛👍每一口都有淡淡的泡菜，不道不算辣，所以非常適合吃不到辣的我。下次～要再來試試其他的美食❤️

在工廠區，午餐其實沒有太多選擇。閒時自己做便當還好，如果不帶飯，便要外出用餐，工作忙時，便只能叫外賣。我們公司有接近70人，每朝早田姐都會繞場一圈，看看有沒有同事需要叫飯。有的話，只需寫在飯紙上，一到12:30pm，午餐便會準時送到你的檯上。田姐最厲害的地方，是可以記着每位同事的喜好，檸茶少甜少冰、喜歡A餐還是B餐、大辣還是走辣，都不會搞錯。外賣的賣飛佛一向只有兩間，一間是吉野家，另一間便是威院的查理斯。可惜後者的老闆因為太遠，最近停止做外賣了。吃了多年工廈的快餐，一眾同事都厭悶了。最近聽田姐說附近多了一間韓式外賣店，於是打算一試。午餐的選擇一共13款，除了飯和麵類，還有紫菜卷、炒年糕和炸雞粒，價錢由$30~50不等。午餐包括兩款前菜，一杯餐湯和主菜，以我的食量來說份量有點多。餐湯用紙杯盛着，打開只有半滿。入口覺得溫度涼涼的，除了洋蔥粒、蔥花、就只有芽菜，外表有點像味噌湯，味道有點似清淡版的洋蔥湯。前菜有芽菜及泡菜兩款，小小的一盤，款式是固定的。前者爽口，因為加入白芝麻，所以能嚐到輕微芝麻香，不過感覺有點乾。後者夠爽夠辣，味道很正。主角牛肉飯的賣相不差，飯盒設計成上下兩層，上層透明淺盤

是由一位阿朱妈主理，非常正宗。韩式酸辣酱炸鸡（$30)很香，很脆。伴饭($45)很重韩式麻油味道，有肉、萝卜丝、芽菜、波菜、鸡蛋、翠玉瓜，如果多加紫菜就好了，而且使用纸碗，材料堆在一起，卖相差一点，不过同样美味。紫菜卷($30)一贯韩式口味，么有那么惊喜，但很新鲜。店内播放着SBS电视，很有风味。