火間土 (Closed)

好耐冇去呢間喇﹐依稀記得以前次次都要等位架﹐不過上個星期二去食唔使等喎﹗不過食物數質亦下降左﹐冇以前咁好食。我諗我應該唔會再去。個d 串燒一般啦﹐但個牛舌鍋燒就太鹹喇﹐銀雪魚味噌燒幾好味﹐不過軟殼蟹沙律卷就除左沙律味乜都食唔到。另加兩個竹筒冷酒﹐埋單$382.80

聽好多人講話呢間好味, 所以就試下啦叫左4碟野, 其中一個芝士蟹肉焗飯, wah....只食到好勁既芝士, 食唔到蟹肉~好\"漏\"...麻麻地! 手卷, 己經即到即食, 但係d 紫菜好\"林\", 不過味道都ok...其餘d 野都不過不失啦~~ 可以一試既, 環境仲好好tim

臨時臨急俾個friend call出黎食晚飯, 周五銅鑼灣度度都要等位, 唯獨是火間土可以即刻入座, 生意麻麻播?!叫左蟹籽沙律-- 係貴左d, 但好味無計啦!吉列生蠔x 2 -- 好細隻, 乜唔係時令咩?吉列中蝦x 2 -- 好味, 蝦肉好鮮甜!海鮮炸豆腐-- 比上次o既豆腐扒好食!汁燒蠔-- 蠔唔新鮮, 有陣味.

第一次食，覺得ok。兩個人食，唔太肚餓，叫左三樣餸:1) 軟殼蟹沙律卷: 好好食，軟殼蟹唔油2) 炸魚餅: 唔覺得係食緊魚，好似魚旦3) 海膽意粉: 好多醬開頭以為星期五夜晚會有好多人，點知8 點上到去唔洗等位之餘仲有好多位剩。可能佢個熱潮已過，下一次試下佢O既包廂先，兩個人minimum charge 要$380 + 10%

放工後同朋友o係灣仔行完街, 黎到火間土食晚飯. 火間土曾經叱吒一時, 訂位要提前兩星期, 但係而家熱潮已過, 周五黃金時間都唔滿座.可能無咁忙, 服務員輕鬆d, 態度幾殷勤, 同前評所講o既有d出入.食左:蟹籽沙律-- 好細碟, 不過調味好好, 好味.豆腐扒-- 豆腐好滑, 熱辣辣幾香口.吉列生蠔-- 不過不失啦, 蠔唔係好juicy鮮味不夠, 但係炸漿夠薄身, 唔油膩.軟殼蟹拼三文魚-- 三文魚好滑, 我好鍾意! 但朋友嫌味道淡左d. 炸軟殼蟹調味就好好多, 好味! 是晚最鍾意呢味!樓下有九折咭任拎, 折左都okay抵食!

2005/11/07自從去過尖沙咀個間, 對火間土冇咩好感, 不過朋友提議黎呢度慶祝我既生日, 我都不便推遲, 一行三人黎左cwb既分店點左:任選三款魚生盒(三文魚, 帶子, 甜蝦) $100 - 好新鮮軟殼蟹沙律卷$90 - 味道ok, 如果軟殼蟹係岩岩炸好就仲perfect三文魚芒果卷$80 - 估唔到呢兩種味道加埋出奇地夾鵝肝扒壽司$98 - 大件就大件, 不過口感乾左的白汁焗蟹肉飯$48 - 的芝士好好味, 不過太"流"喇, 如果食左佢就食唔到其他野焦油鐵鍋粟米$29 - 真係好好味, 不過份量太少喇鐵鍋八爪魚丸$38 - 味道不俗炸黃金魷魚圈$50 - 成晚唯一唔好食既野, 好咸同唔熱呢度既service同食物都好過尖沙咀, 不過如果為左個view既, 就冇計啦~ 不過我個人就寧願黎呢度都唔會再去尖咀, 同埋呢度最好就係易book同唔駛等咁耐位

尋晚同3個朋友聚會, 因為真係唔係太熟CWB有乜野好食,就上左呢度search下,見呢間野幾好評就打去訂位, 我同佢講話要房, 佢話8:15之後既booking先俾到房, 咁我都ok啦. 我地去到樓下都只係7:50左右, 諗住冇位咪坐o係出面等一陣, 點知上到去就有位喇(仲要門口冇人等tim). 我地坐o係一間4人塔塔米既房, 因為我地係坐條巷最後一間, d人行出行入都唔會望住哂, 間房都好舒服, 但係隔音都真係差左d, 而且仲好應聲tim!我地叫左8樣野:凍豆腐: 不過不失芝士焗蟹肉飯: 好味, 4個人食岩岩好海鮮春卷: 賣相靚, 都ok好味煎三文魚:佢話係今日既special, $35, 好好味呀, 條魚好鮮, 唔會煎得太乾大蒜牛莉: ok啦, 但係我覺得'un'左少少雞軟骨: 因為有朋友鍾意食, 我覺得冇乜驚喜串燒: 叫左今日精選(5串), 普通啦, 因為覺得呢d野食係必叫所以先order海鮮pizza: 因為大家都好似未夠飽, 所以先叫左呢個, 普通啦. 如果可以再揀我寧願叫試多個飯or意粉.甜品方面選擇唔多, 睇黎睇去都冇乜想試, 所以就放棄左, 埋單$484, 價錢合理得黎

同識左好多年0既中學朋友仔行完街，一共四人黎呢度開餐，大約8 點鐘坐低，食左2個鐘度。原來佢0既房係咁0既，同想像中唔同。叫左炸椎山、吞拿魚魚蓉飯、什錦刺身飯、焗蟹肉飯、軟殼蟹卷、火間土沙律。d野食特別，我覺得同魚一丁各有千秋，但魚一丁平d。火間土沙律d味普通，不過有魚生係裡面，但覺得魚一丁或和民0既沙律好食d。不過火間土d食物幾特別，有d係其他地方搵唔到。侍應很有禮貌，主動幫我地合照，好開心！價錢就貴貴地，唔可以成日食。唔係好飽，緊緊咁啦，所以後來要去樓下食雪糕。想問下大家，火間土銅鑼灣同尖咀係咪一樣價錢架？同埋2個人如果無最低消費，可唔可以坐房架?

久仰大名,終於有機會和朋友來試一試. 裝修令人失望,唔覺得有何特別之處,都是一樣的逼,一樣的嘈,唔知尖咀店會否好一點.叫了芒果三文魚壽司,一個魚生沙律同凍鳥冬. 沙律菜同魚生都係麻麻地新鮮,唔係咁得,壽司都ok,不特別亦好似唔值$80咁貴. 凍烏冬好有趣,看menu 中的相片烏冬混有一些白色的醬汁,問侍應是甚麼,她答是沙律醬再混上該店的特製醬汁. 一食之下我和朋友都覺得唔係沙律醬,估該應是用cream做的,但是味道淡淡的,個人唔係咁欣賞,好彩烏冬都算彈牙,不過真係試過一次就算. 呢度無論環境、食物同服務都無甚突出之處,銅鑼灣選擇太多,呢度相信唔會係心水之列

有次去，訂左檯但佢地mark 錯時間，有個高級d 0既叫Alice就不停道歉，招呼周到，送雪糕，又肯幫我地轉檯，態度誠懇，攪到我地都不停講唔該，真係無得頂!食方面，唔錯，又係細碟囉! 好快食晒! 可能我地大食。。。

我地一行3人來呢度食lunch，各自叫set：焗芝士海意粉：好香、d汁好甜，好似有d南瓜味，可惜海唔係咁新鮮，不過好彩d汁搭夠，我差唔多食哂，都幾漏架，同埋要趁熱食（因為本身唔係太熱）；雜錦魚生飯：保持水準，好味又多料，值得推介；其他跟餐既食物都唔錯：蔬菜沙律夠新鮮，煎魚餅好味，鰻魚卷都ok（可惜我已經俾個意粉’掙’到冇mug胃口去細味品嚐）我地會繼續來幫趁(^o^)，lunch hour 唔太多人，可以即興walk in都有位。

昨天晚小妹生日,一行四人坐榻榻米，叫左以下食物：芝士蟹肉焗飯：面頭一層厚厚的芝士，個人認為感覺上芝士重多過飯，一般紫蘇牛脷鐵板：稍微韌左d三色刺身：三文魚、帶子、甜蝦都幾新鮮魷魚xx ：唔記得個名，但係有少少咸咸地，幾得意煎餃子：幾好食串燒：有雞腎、腸、蝦、魚仔、雞翼燒餅：好似食緊平面版o既八爪魚丸，都係得一粒八爪魚，不過都幾好食衝上雲霄：有4色雪糕，口感幾好，有粟子(唔凍的，我都唔知佢係咪雪糕，除左我，其餘三人都杯葛佢唔食)、芒果(好食)、綠茶、士多啤梨拖肥多士雪糕：全晚最欣賞，一個雪榚球下面係一塊厚厚的熱多士，又熱又凍的口感，非常好吃食物不過不失，但服務真係一流，我地坐係三條一路個waiter好好服務，又風趣，會話俾我地聽邊樣好食，又同我地討論食物，好nice，成晚都食得好開心

年三十晚日同男友食lunch 去到出奇地仲有房坐^o^ 我地一人叫左一個set d set成$78一個lunch 講都唔算平不過一年最後一日食貴d都冇所謂啦!我叫左炸鰻魚烏冬定食我男友就叫左炸魚餅烏冬定食d 炸鰻魚好好味好脆烏冬好滑跟餐仲有兩件金龍卷,三件壽司,甜品同埋一杯飲反而我男友d炸魚餅就好普通仲唔係好夠味tim 不過整體講都算ok好味p.s. 日我坐三小路負責度d侍應好有禮貌好nice 優質服務態度值得嘉許

冇book位，亦即管走上去試試，竟然有wor!!!but當然冇房位坐，只有普通餐桌。order了：1) 蜆肉意粉--- 用巨形的碗盛著，反顯的麵很少。2) 沙律醬帶子--- 極多的沙律醬，封著兩隻原整的帶子。3) 炸蓮藕--- 蓮藕切件沾脆槳炸了，咬開有藕斷絲連，有趣！4) 酸汁炸雞--- 賣相有點像上海排骨，味道不錯!!5) 鐵板牛柳--- 牛柳切厚片配日燒汁~6) 蛋炒飯--- 其實名字不是這個，其賣相頗有氣勢，大大的方形窩，內有一個西炒飯(一碗份量)，另有一碗蛋槳，上菜時在客人面前將蛋槳淋在炒飯上，藉鐵窩的熱量在你面前將蛋及飯拌勻........結果...其實就正正是個周圍有得賣的“西炒飯”！！不同之處是份量少很多罷了~!整體味道不俗，只是每碟的份量甚精巧，大家不妨order多幾款！服務一如大家所說，很好!!全店的缺點是洗手間，通道非常窄，多兩個人連轉身都不行！

一行十五人花了三千三元，但吃的東西令人非常滿意！若地方較寬闊會更理想！