嘉寶漢堡 (和益中心)

Open Now

Now Closed

終於有機會試到嘉寶🥰 今次同朋友叫咗兩款burger，兩款都加$16 跟套餐，會有飲品同埋小食～ 為食嘅我哋仲加錢upgrade咗小食🙊⭐️烤菇芝士牛堡 ($57) ❤️8.5一見個burger已經覺得佢份量幾大! 首先個包已經好有誠意夠曬軟熟❤️ 中間嘅烤菇十分juicy，配埋芝宜同牛肉十分惹味👍🏻 牛肉都幾厚身幾多汁，配埋生菜同蕃茄平衡返整體嘅油膩感，以呢個價錢嚟講真係冇得輸🤤 ⭐️蜜糖芥末菠蘿豬堡($40) ❤️8.0呢個漢堡又唔同路線🙊 菠蘿烤過後超甜超Juicy😍 配埋豬肉餅又幾夾同埋幾清新! 蜜糖芥末嘅味道反而唔算突出，因為菠蘿先係主角🤣 $40 嚟講真係好抵食! ⭐️烤紫菜魷魚(套餐+$15) ❤️7.0本身對佢有啲期望，但可能我哋嗰包擺耐咗，所以食落淋咗同埋唔夠熱😢 其實個紫菜味都夠，而且魷魚質感幾好唔會太韌👍🏻 希望再試時可以食到脆卜卜嘅魷魚啦🥲⭐️番薯條(套餐+$5) ❤️7.5番薯條剛炸好又香脆又熱辣辣💕 番薯味好突出甜甜哋好正，唔使點茄汁都好好食👍🏻 個人認為上面唔使落鹽，落咗反而鹹咗啲🤣以後自己行過路過應該都會忍唔住嚟獨食吓🙊 有機會再試吓其他款先!

嘉寶漢堡已經唔係第一次食 可能好多人都已經食過架喇 脆薯牛堡 牛肉煎得岩岩好 keep 到juicy又夠香 咬開見到個牛都有返咁上下厚度 足料！ 另外強烈建議如果想叫牛堡既要加呢個脆薯 新鮮整起既薯餅咬落脆卜卜 連埋個牛一齊食可以提升口感泰式蝦堡蝦堡既配搭好簡單 蝦餅夠厚 食落去夠彈牙 配搭蕃茄同生菜 簡單得尼又fresh 又好食 炸芝士麻麻地 芝士味唔出 食落乾爭爭 好似食緊一嚿咋粉團咁 唔推介總括嚟講，佢抵食又高質， 唔怪得啲外賣冇停過喇

想講幾點1. 價錢好抵，好過隔離金供門。2. 蝦堡都唔錯，係個包乾左d，牛油同醬重手左3. 小食價錢都合理，$16轉餐。$10加小食，試左bbq雞翼，炸燒賣同芝士條。4. 環境都算大，食完最好自己拾返垃圾。5. 唔知係咪無人會抹枱，透明膠版同台面好多漬，見到收錢哥哥身兼兩職拾野，唔係好見到有人清潔，門口玻璃好多污漬，可能咁岩今日係咁。6. 有個洗手機好方便7. 醬/牛油真係要少d，食得健康都好緊要。8. 埋單2條友$140 好低食。因為選擇多下次可以試吓其他包。

今日兩三點鐘去到，都坐滿晒人。如果平日用膳時間應該好多人。香辣煙肉蘑菇芝士牛堡朋友話小辣，食唔到其他材料味道黑松露芝士牛堡超重黑松露味 首推👍🏻開頭以為佢會掩蓋晒其他材料食食下覺得係啱啱好另外我哋仲加咗炸燒賣同番薯條番薯條有啲淋反而炸燒賣有驚喜唔係度度地方有得食，同埋價錢ok連埋飲品平均每人$7-80唔算好平或好貴，下次可以揀普通burger試試📍嘉寶漢堡 (和益中心) (尖沙咀)尖沙咀寶勒巷9-11號和益中心地下

嘉寶之前食過，但呢間尖沙咀店同埋堂食真的未試過，好期待可以最新鮮咁食到佢🤤🍔🍟同朋友一人一個餐（包+ 小食 + 飲品）我叫左BBQ 菠蘿雞堡 🍔🐔🔼 雞堡一口咬落去都好多汁，bbq醬加埋菠蘿🍍都係酸酸開胃。雞扒皮下脂脂比想像多，都有啲啲筋位，個人唔太歡喜，但整體都係野味 🔼 另加炸燒賣😋 原來都幾多粒（大約8粒）而且外脆內煙韌，抵食🔼 同朋友各叫左一客薯條🍟&蕃薯條🍠🍠蕃薯條咸甜味濃，覺得好味🍟而薯條因為食過分店係粗粗既一塊方形覺得嗰款正啲，所以覺得呢個正常朋友叫左Impossible Burger，佢都覺得好味😋💭總結：CP 值高，會翻兜，但下次會食第二款包，小食都好值得加🤤🤤

————————————————————————嘉寶漢堡地址：尖沙咀寶勒巷9-11號和益中心地下G/F, Wardley Centre, 9-11 Prat Avenue, Tsim Sha Tsui (葵涌旺角上環都有分店～)黃色經濟圈一定有聽過的漢堡，終於吃到了，burger 🍔combination超豐富，性價比也很高！套餐小食不算太過出彩，但burger本身十分驚喜有層次！🟠推薦食物 Recommended 🔹蜜糖芥末菠蘿雞堡🐥🍍（$40）：非常驚喜，很有層次，熱辣辣的雞排很大一塊，外脆內軟，加上蜜糖芥茉和juicy的菠蘿相輔相成，burger外皮也十分鬆軟，十分推薦🔸香辣煙肉蘑菇芝士牛堡🥩🥓（$52）：相對雞堡熱量略顯不足，但是非常惹味，煙肉脆口略辣，加上磨碎的蘑菇，口感很豐富🔹套餐：包一份小食和一杯飲品（+$16，特飲e.g. if椰子水需要另+$5）：小食order了薯條🍟和炸燒賣，炸燒賣酥脆，但點醬較為普通，薯條普普通通不過不失，但勝在厚切熱辣辣炸起！🟡不推薦食物 Not Recommended 🔹 無🟠員工 Waitresses 基本上是self-serve🟡環境 E

嘉寶之前尖沙咀分店舖頭好細 得4-5張枱左右 每張枱之間都冇乜位置 好逼夾 轉左新舖之後 地方闊落唔少 坐得舒適啲 雖然環境變左 但味道一啲都冇變 一樣咁好味 我地揀左最basic 既牛堡 配薯條/炸燒賣 嘉堡漢堡價錢平出面唔少 但用料一樣十足 塊漢堡扒十分juicy 薯條實心好食 燒賣亦唔係溝好多粉個啲 而係有煙韌口感個種😋另外 呢度仲有水俾食客洗手 十分貼心 如果大家揀加左菠蘿既包 應該避免唔到洗手🤭因為真係爆哂汁 試過流到成手都係汁🤣

自從麥當勞質素愈嚟愈差，都冇咩地方可以食漢堡包同薯條，好彩仲有嘉寶😆依家係我最鍾意食嘅快餐店！佢每一個漢堡包都好足料，我今次嗌呢個係芝士牛堡，啲牛又有誠意，真係有牛味，加埋漢堡包入邊嘅蔬菜食落都新鮮，唔會好梅咁，所以真係好正。另外都好鍾意佢啲薯條係厚切薯條，同埋炸燒賣佢表面有啲椒鹽，的確有誠意。不過如果入邊可以再軟熟啲，就更加理想。

Kabo is famous for its tasty, freshly made, yet affordable burger. We’ve order two mushroom burger set. Both of them are freshly made. The cheese melted beautifully, and meat is cooked perfectly. For the sides, we have chosen the fried sweet potatoes, and fried siu mai. Both of them were well seasoned and steel hot after we finished the burger.

終於可以食到嘉寶啦！最想食嘅時期經常大排長龍，到唔洗排又無經過呢頭！睇到menu樣樣都想食，第一次黎就識最classic嘅芝士牛堡〰️鋪頭大左，落完單要拎beeper返位做，整好就響架啦🤭[]$40+$6見到溶緊嘅芝士，食慾大增，醬汁有兩隻，橙色同白色，稍微多醬左dd，煎蛋熟得滯，完全無流心🤪不過牛肉搭救，煎得香脆，又夠juicy。[]$40+$8蘑菇量都幾多，但可能無咩調味，存在感唔太高。整體感覺係性價比高嘅港式漢堡。牛肉有厚度，唔會死實。蕃薯條非常值得嗌，軟糯口感，而且甜甜地，非常過癮。

終於試到香港人製作漢堡包！！！嗰日去完尖沙咀恐龍展咁啱經過冇乜人排隊 即刻衝入去食～我哋第一次是兩款漢堡包+炸燒賣+炸紫菜魷魚香辣煙肉蘑菇芝士牛漢堡 $52 +套餐 $16成個配搭賣相都好吸引有厚身漢堡扒、生菜、蘑菇、脆煙肉、自家香辣燒烤汁牛肉漢堡扒咬落去好Juicy 成手都係肉汁煙肉煎得好香脆 不過蘑菇就略嫌欠缺味道但係整體都好滿足～蝦牛堡 $62+套餐 $33我個人都好鍾意呢個漢堡包！炸蝦餅仲大塊過MOS Burger嗰塊配搭Juicy嘅牛肉漢堡一啖都咬唔晒咁多層漢堡包炸燒賣炸得好香脆 入口好煙韌 正炸紫菜魷魚係Secret Menu嚟㗎 大家喺餐牌見唔到 要問店員先得略嫌紫菜味唔太夠 All in all嘉寶漢堡CP值超級高！怪不得佢長期都排長龍～比任何一間連鎖店都更好食！一定會再次瘋狂encore🔥整體性價比：🦖🦖🦖🦖嘉寶漢堡 Kabo Burger地址：尖沙咀寶勒巷9-11號和益中心地下

我其實唔係太鍾意食burger，尤其是最驚油膩得嚟個包又乾爭爭果種感覺。嘉寶應該係2019年後最大發現，由葵芳店食到尖沙咀店不下10次每次都唔會令我失望。而我個人最鍾意食就係加左烤brie cheese嘅牛堡！比起就咁牛堡，加左brie cheese成個burger會再多一重口感，就係軟棉棉滑溜嘅芝士，因為其實我本身係鍾意食bacon多啲，但burger入面加bacon好多時會令個burger更加乾身，而嘉寶嘅burger本身個包已經好棉，再加埋brie cheese真係好出色。配菜方面，除咗薯條仲可以揀蕃薯條、ceasar salad等等，野飲唔洗加錢都有大量茶類可以揀，好啱我呢啲唔飲汽水同甜野嘅人🫂

香辣煙肉蘑菇芝士牛堡$52 (轉套餐+$16 薯條加飲品) 好味指數：8/10嚟到嘅時候其實有啲意外，個包🍔竟然咁大個，仲好足料，啲醬汁辣辣地配埋煙肉🥓芝士🧀好好味，蘑菇好明顯食得出佢係烤過，有陣焦香味，再配埋塊漢堡扒真係好Juice💦。薯條用薯仔🥔切成粗塊去炸，咬落非常有口感。菠蘿雞扒堡$40好味指數：8/10菠蘿🍍大大塊，配埋醬汁雞扒🐔再加少少腌菜，鍾意食香口嘢嘅朋友一定會好喜歡，唯獨是略嫌個包烤得硬咗少少，但係呢間嘅漢堡包絕對係性價比高👍🏽。

鍾意食漢堡包🍔的話一定要試香港嘅嘉寶！無論係漢堡、薯條，都有啲似港式快餐外賣店嘅味道，非常適合香港人口味。 佢唔會好似出面嗰啲咁多汁同埋油膩，麵包好鬆軟，而且餡料選擇都好接近香港人鍾意食嘅口味。佢地提供嘅麵包鬆軟，有烘到個面，最重要係夠熱，裏面嘅料有好多選擇。個人覺得餐廳嘅煙肉同埋香菇做得好香，大家不妨試吓！醬料同埋餐具紙巾都會擺咗喺餐廳嘅角落，方面你要幾多攞幾多！好啱鍾意食蕃茄浸薯條嘅我！每次都會好開心咁樣攞一碟醬料返去慢慢食👍🏼😄 餐廳入面有一個自動洗手機，好耐冇見過餐廳有擺呢一款嘅機，方便客人食完漢堡包要洗手。真係細心！今年多咗好多中高價位嘅連鎖漢堡包快餐店，喺幫襯美式快餐店嘅同時，都多啲留意吓有本土特色嘅漢堡店啦！

星期六下午2點，餐廳比較多人，自助形式，等位大約5-10分鐘。揀好食品就可以出去收銀處點餐，之後會有個電子機，食物準備好會響提示可以出去拎餐。叫咗個蜜糖芥末豬堡（$40）+$16 可以有套餐，有飲品同小食，都多選擇，揀咗薯條同熱伯爵茶，加$10 要咗兩隻 BBQ 醬雞翼。另外單點一杯凍鴛鴦（$17）。食素嘅朋友都有素食漢堡可以揀，可以加錢加配料。蜜糖芥末菠蘿豬堡🍍🐷🍔：包好軟熟，暖暖地，🍍菠蘿有煎過，增加菠蘿嘅甜味同汁，香甜得黎又唔會乾身。🐖🐖豬柳好有厚度，食落好多肉汁，唔會過份熟，剛剛好嘅感覺。漢堡底少少沙律醬，有生菜🥬同蕃茄🍅墊底，新鮮爽口，減少膩感。蜜糖芥末醬唔多，唔太食得出醬汁嘅味，但本身食材新鮮，配搭好平衡，就算醬汁少，都覺得好好食。食漢堡嘅時候要小心啲肉汁係咁滴落黎，有帶濕紙巾會方便啲，餐廳都有部洗手機，食完可以去洗手。一個有質素嘅漢堡，套餐價有埋飲品同小食，$56 唔算貴薯條🍟：係粗身嗰種，熱辣辣，好食～ 一包份量一個人食啱啱好😄😄BBQ 醬雞翼：醬汁覆蓋全隻雞翼，好均勻，雞翼上面有啲香草，好入味，皮脆肉嫩，唔會因為脆邊而入面肉地乾身😋熱伯爵茶：正常想飲熱飲嘅朋友，嘉寶都