嘉道理農場素食亭 (Closed)

今日朋友話想去嘉道理農場行下，好似中學黎過之後都無黎過喇，咁就入左黎睇下啦，入場費位位$40, 驚行上山攰仲可以觀光巴士$10, 園內都好多動物可以睇仲有觀音山可以行下，行到攰仲有間素食亭，原來係間社企黎，不過就要坐戶外既，好彩佢啲坐位都有太陽傘，可以遮遮太陽無咁熱，咁我就點左個田園pizza $40同有機落神花$20 黎飲下，凍冰冰即時消暑，pizza 黎到個樣都唔錯，味道都ok 既，價錢都唔貴又可以休息下

一大早起身，緊係未食早餐，仲要山長水遠搭勁耐車去嘉道理農場。估唔到平日早上都要排隊入場，一入到去，二話不說要揾野食。咁就㨂咗最近門口的嘉道理農場素食亭。佢係似蘑菇亭，叫完野食就係對出嗰幾張枱自己揾位坐，全部露天，會有蚊有太陽。食物方面，就係d簡簡單單的選擇，例如，三文治，omelette 咁。不過，飲品方面，有d 係農場出品，local 野，可以一試。質素方面，唔好有期望，叫做有野食，填飽個肚，有力氣開始今日的行程，參觀農場。

入秋了，去嘉道理農場行一轉，探下4隻小豬同睇下雀仔麻鷹魚魚蜥蜴，行完臨走前便去這間露天素食亭醫醫肚，小休一下。小食亭與新生精神康復會合伙經營，以社企模式營運，亭內賣的都是有機食物，提供農家菜，麵包，有沙律、漢堡包三文治、意粉 pizza、小食和甜品等，蔬菜瓜果都由嘉道理農場種植的。咖哩雜菜紅米飯：不是太辣的咖哩，是清清淡淡的味道..Muffin：這個比較似蒸蛋糕，個人覺得麻麻地..豆漿：好香豆味，可以一試

Visited the Kadoorie Farm today with the sole intention of eating in the cafe there. The setting was idyllic with outside seating, amidst nature and the food was delicious. We ordered the daily special, spring rolls, tomato cheese toastie and one each of iced mint and lemongrass tea. Would definitely visit again.

放假這幾天，幸好天氣不太冷、不太熱，帶小朋友到郊外活動，是最好的選擇。很多年沒有參觀嘉道理農場，於是今日邀請朋友，我們兩家人一起去探望農場小動物，大家目標是農場有名的幾隻大肥豬，趁嚟緊豬年行個大運。農場內有一個素食小食亭，雖然係素食，但食物水準相當高，選擇種類亦比我預期多。「蕃茄炒蛋紅米飯」本人偏愛吃十穀米，例如紅米、黑米、糙米等等。番茄炒蛋味道剛剛好，唔會太鹹、太酸，非常適合小朋友食。不過對某些吃慣濃味的人士來說，可能要額外自己調味。「蒜蓉蘑菇炒意大利粉」意粉跟紅米飯一樣有水準，餐廳標榜全部有機食材，無添加額外色素、味精，食得安心放心。「Pizza」自家製pizza，新鮮熱辣辣出爐，非常美味可口！另外，特別欣賞他們對小朋友的照顧。場內除了提供高質素的BB櫈之外，亦有IKEA彩色BB膠食具提供。

參觀嘉道理農場，行吓行吓想飲杯熱啡，睇地圖發現有食肆就過去睇睇。食肆好似平時公園入面的小食亭咁，外面放咗幾張有太陽傘的大木枱同長木櫈，周圍有青BB 的植物，感覺似坐喺郊外野餐，部份用餐位置近馬路，間中傳嚟風馳電掣的飛車聲。飲品以外，有賣意粉、三文治、沙律，有機菜式究竟有唔有機，信就有，不信則無。難得嚟到，即管叫個有機豆渣蔬菜漢堡試吓，店員講明要等 15 分鐘。等食期間周圍望，留意到小店係由精神病康復者打理。幫襯等同支持佢地就業，有意思喎。咁單憑食物質素，值唔值得支持呢？漢堡賣相靚靚，攞上手夠熱，手感好；菜，冇啡邊，揈得夠乾身。咬一啖，估唔到用咗香草包，包包仲烘咗底，好香。菜咬落清脆，番茄有肉汁，食得到的新鮮；豆渣漢堡扒入口唔會散收收，味淡就預咗，配埋香草包、蔬菜同醬汁一齊食，個味好夾喎。好彩冇貪食叫多個鬆餅，食晒個包已覺飽。好想知小店用的蔬果同雞蛋，喺咪來自嘉道理農場呢？呢度點餐、取餐係全自助，食完嘢，將餐具攞返去櫃枱交俾職員，咪誤會去咗餐廳噃。

第一次去嘉道理農場食素食。點咗茄子洋蔥彩椒茄汁燴意粉。加埋杯即磨咖啡，總價$70。個意粉好彈牙。素菜料好爽口。入口清新。加上個環境好清靜。杯咖啡好飲。如果無去過呢個食亭，值此推介。

秋風起，最適合郊遊。🍂同屋企人一齊行下嘉道理農場。坐車上山，行路落山。行到落山已經差唔多5點，屋企人有啲肚餓又想坐下，所以就去咗素食亭搵食。素食亭喺入口處的右手邊，屬戶外型式，即係幾張枱凳、幾把遮嗰種。可能晏咗，有啲食物已經暫停供應。Daily Special 有三款，選擇較少，好快就下到決定。注意:不設外賣。田園沙律配黑醋($48)🥗沙律菜+三色椒+車厘茄+洋蔥。蔬菜好新鮮，咬落‘烚烚’聲。唔需要太多調味，就係蔬菜天然的甜味同埋黑醋味，已經有好清新的感覺。有機薄荷茶($14)有機香茅茶($14)戶外環境加上自助型式，衛生方面都係靠遊客的自律。🍃

行完上山頂落到嚟超肚餓,即刻衝去素食亭睇吓有乜好食. 有部分食物寫明”有機”,價錢亦唔平. 正值午餐時間,見個個都叫午餐,於是都點咗個午餐茄子洋蔥彩椒燴有機意粉丶有機磨菇茸湯丶有機微糖豆漿.素食亭係露天嘅,親親大自然,仲有提示大家唔好亂餵動物磨菇湯雖然好稀,但磨菇味好香濃,好滑口,好好味 意粉賣相不錯,蔬菜好新鮮丶好甜,尤其矮瓜特別好味,但意粉煮得太耐,發漲晒,個汁好味精,仲有啲搶喉,令成碟意粉錯晒...豆漿不過不失雖然好欣賞呢度致力提倡素食丶環保同協助精神病康復者重投社會但希望都可以提升一下午餐質素,令嚟呢度遊玩嘅朋友有個快樂回憶

I have been here to take photos of plants. As I have lunch prepared already, what I really want is only a good cup of beverage. I never tried their coffee before and I ordered mocha which was freshly brewed. Great smell! It costed only $24 and even the family sat next to me said it smelt so good and they would like one! I will definitely try their snack and lunch next time!

即叫即弄算是比其他食菜套餐好, 等了約8分鐘便弄好. 飛碟其實即三文治烘底, 要了磨菇粟米, 味道不錯, 惟獨是它與薄餅也略少饀料. 面包烘得算是夠脆, 可惜份量只夠作早餐. 香草薄餅的皮當然不是即搓, 而是收到order便在上面加材料放入爐烘. 全靠有芝士才能比較飽肚, 下次還是多加二元要有菠蘿的, 希望再飽些. 兩者加在一起要多喝杯豆漿才夠, 可惜我已超額, 沒有叫飲品. 若叫香草茶或咖啡也不會真的更飽肚吧. 

希望不是讚壞了! 今次的飯雖然不是焦黑, 但似是飯煲底硬了那種, 又有點似隔夜翻炒得唔夠鑊氣. 由於不是炒飯, 所以估計原因是前者. 加上又是不夠熱, 感覺不太好. 餸汁的味道這次較濃, 可是有味精的感覺. 這次要凍薄荷茶了, 因為冬天時叫的熱茶都只是微暖. 這次沒有冰, 味道反而比熱的茶濃, 真奇?!下次希望試迷你薄餅和飛碟. 

咖哩夠香但不辣, 紅米飯亦不會硬. 由於以前吃過知道一般份量我是不夠, 便聲明要加底(不用加錢, 但若無必要, 切勿浪費). 由於無肉而且澱粉質類食物不多, 太快會餓, 若有濃湯或可解決. 以前吃意粉, 加底了仍不能捱長多久, 今次吃飯反而好些. 雖然黃昏時還是要吃些零食. 飯餸夠熱, 雜菜大至有南瓜和薯仔. 餐茶則選了熱薄荷茶, 可是每次也是水不夠熱. 即使當時天氣很冷, 煱爐裡的水也不可能只是微熱吧. 就算蒸餾水機的熱水也更高溫. 我們猜是店裡用電熱水瓶煲好便沒再讓它保溫. 喝了除了不能令身體暖些, 茶包根本未能沖出茶味, 浪費了. 

上星期日到嘉道理農場郊遊。午餐時間到唯一的小食亭進餐。這次遊人不多，食物的選擇多了，不會像上一次般很多食物也售罄。嘉道理農場提倡素食，所以小食亭（素食亭）也只提供素食。不過，部份食物含洋葱。我沒有在意此事，否則會先向職員查詢才點餐……太大意了！菠蘿田園有機薄餅（5吋），$32。有洋葱。番茄醬和菠蘿的甜味，再加上西椒的鮮味，令薄餅清新可口。但我略嫌烤焗程度不足，餅底薄而不脆。吉列雜菜餅，$25。炸得香脆，口感很好。餡料包括有西芹和洋葱。應該有薯蓉，但稀的質感令我懷疑薯仔的份量不多，薯仔味也不突出。熱招牌咖啡，$18。咖啡味道不錯，微苦而不澀，順口。朋友也點了菠蘿田園有機薄餅和這份有機雜菜芝士三文治，$23。其實是誤點的。她原是點有機雜菜奄列（$35）。但食物做了出來，不想浪費，所以她不要求更換。飲品點了有機香茅茶（$12），她說味道不錯。另一位朋友則點了正餐 — 菠菜蘑菇洋葱汁螺絲粉（好像是$45）。多付$10才有餐飲。看這份量好像少了一點。請留意，素食亭不設外賣。如有需要，可自攜餐盒和水杯，便可外帶食物和飲料了。

每一次踏入嘉道理農場，素食亭總不會被我走漏、每每便是我歸途之最後一站要漫步嘉道理農場，不能吃得過飽、因此我會選擇在市內上車前吃過早餐才上山跟往年一樣，素食亭便是臨走最要好之(义電)小休歇腳地．．亭子就在(入口)右旁很容易找上，全戶外模式、一草一木也連接着嘉道理農場絕對有郊外開餐之感覺，價錢才來得合理、而且在沒有(便利店)之供應下你亦無可選擇今次選擇人棄我取的歲晚日子到訪，沿途不是太多人、連帶(素食亭)也沒多旺埸人潮不多，倒也落得舒服自在．．．價錢跟往年沒有大變動，三文治亦只有$二十餘元起(素食亭)內當然以售賣素為主來一個有機雜菜芝士三文治$23. 做下午茶選擇不錯咬一口慷慨之沙律白汁滿嘴皆是，夾上新鮮之生菜絲及芝士雖則沒一點肉類之質感，但口感充實、野餐不一定要啖啖雞肉又或是腸仔才算味美取之天然才最重要Cappuccino$20.濃郁豆香下、奶泡略為偏薄但處於郊野，夫復可求? 一杯熱騰騰之咖啡在手、呷一口感受一下週邊大自然陽光氣息理應是城巿人減壓之好地方、放慢步伐，聽一吓郊野之迴響是可等寫意不用多分文，要的是你身上寶貴之時間你又會怎樣揀?