金祥排骨麵大王 (Closed)

公司剛剛o係附近，食午飯前上黎睇下北角附近有咩好食，咁o岩就睇到呢間。普通一間茶餐廳咁，不過果d排骨真係幾好食...唔會太乾，有肉汁，麵同菜都幾好食知道係茶餐廳，都估到唔會話好整潔果d不過都比想像中好廿幾蚊杯麵都叫可以接受，起碼都食得飽...如果o係附近返工，可以黎食晏。聽日可以再去試其他款。

金祥排骨麵，自然要吃排骨，不用多講，有水準，好味！麵也好吃。我一定叫排骨麵加菜，這間舖的菜很好吃的。一如其他上海麵舖，味精都幾重，吃完會口渴。早幾年經濟差時，很多食肆無客，但金祥仍然客似雲來。那時覺得廿幾蚊一碗麵都幾貴。不過最近去過，都無加價。又係賣廿幾蚊。

卒之等到太座收工。已係接近九點，唔想行咁遠，就近近哋去呢度攪掂餐晚飯...貪心D叫個炸排骨及紫菜腐皮卷雙併麵。排骨炸得皮脆，難得肉不韌之餘仍留有少許肉汁，亦不見得太油膩，絕對係水準之上嘅滬式炸排骨...其餘嘅嘢食味就普通...下次試吓齋叫一盒淨炸骨外賣，攞返屋企用嚟送酒睇波，大樂也..^_^

金祥十年沒有加價，最近「市好」都沒有加，皆因金祥做的是街坊生意。甫入金祥是普通的茶餐廳格局，地方略為不潔，有小強走動。但其招牌排骨麵真是一絕，排骨大大塊，十分足料，不似其他地方的排骨好像未發育，炸得剛剛好，不會太焦，金黃色，還保留肉汁，味道很香，其後買外賣回公司，都惹得同事食指大動。上海麵夠彈牙滑口，而且份量足，飽的程度與飯相約。其他的雲吞、魚卷也很好吃。每天早上也見到店員包雲吞，是菜肉雲吞，包得滿滿的，又是很足料，入口雲吞皮滑口。魚卷不腥，炸得很香口。只是廿多元一碗，實在抵。

居住在近，肚餓二話不說的選擇。欣賞她們的排骨面花款倍搭也超過數十款。目不暇給。恐怕吃多久也不怕生厭.此外不得不承認該店潔淨程度有時教人吃驚，對於自己吃了多年事後末有事故，所以也叫本人不得介懷得多。當然仍需改善。看了此一頁的食家推介早餐之一沙嗲牛肉麵，肉真的很惹味，醬料應記一功了!

諗住去隔離買外賣，諗全快快手手食完至去買。點知坐低時少人，越坐越多人，要了碗炸豆腐排骨麵，都要等了近十五分鐘才有得吃。炸排骨散滿一碗，似是忙中放下的，完全感受到廚房那份忙碌。炸得熱而不太脆，是沒有時間瀝乾油份的結果，作為「招牌」食物，應該可以再好一點。味道不錯，醃得入味，亦不會「死實實」，有點鬆化而有肉汁，也吃不到化學品的痕跡；炸豆腐是上了醬油的兩塊三角型豆腐，想像中的有一點差別。吃落實實吃，不太夠熱，溫溫吞吞的，配上一樣是不太夠熱的「師傅」湯，都是叫人棄之可惜。麵底是上海麵條，口感不錯，不會太腍，亦夠多，至少夠飽。唯一的加分位，是檯上的「一辣三傑」，辣油、豆瓣醬及辣椒粉都有，雖然不是什麼好品質或自家製，但至少有心。個人喜愛是辣椒粉，較香又不太油膩。埋單好像是32蚊，拿起外賣便走。快快手手一餐，亦無不可。

某日午間，十二點鐘有多，Papanana 行經金祥。金祥：“Papanana 先生，看您還未吃飽的樣子，不如來我這裏吃碗馳名排骨面罷！”Papanana 望了望金祥，是在一橦舊樓的一間小地鋪，裏面用光管照明，好像光綫不足的，也沒幾個人在裏面，正猶疑之際，金祥說：“非常好味的，包您一試難忘啊。”抵不過金祥的密語，味蕾的驅使，走進去，眼睛適應了，店內也沒這麽暗了。只見兩面墻都裝上了玻璃，小小的店鋪感覺頓變成無限闊落，十數張檯頓變成了數十張。看見墻壁上的食品牌，明明只是排骨，雞球，牛腩，雲吞等四五種麵食，加埋菜膽，雪菜，竹笙，冬菇等四五種配料，配來配去，變出了幾十種的配搭，Papanana一下子眼花繚亂，不知如何叫食才好。金祥見Papanana毫無頭緒，便說：“可以來個菜膽排骨面，我d野好好食架，尤其是排骨同菜膽。”“好吧。”解决了食乜的問題，Papanana 環顧四周，突然發覺圍繞著他的，是一團糟的污穢物，皺起眉頭便跟金祥說：“嘩，金祥先生，您看看您的鋪子，檯面都是濕瀝瀝的，抹檯布又周圍放，報紙，用過的紙巾，牙籤，之前客人吐出的骨頭，檯面椅子地下，到處都是……..”還未說完，金祥便打斷說：

I could say, the 排骨is quite good.BUt the soup is 冇味.It is a big bowl of noodle, only $22. However, it is extremely dirty. The floor is dirty, the waiter's nail has 黑邊ALSO, I saw the cook, 把一件剛炸好的魚卷跌落地執番再度放入油浸一浸就上碟....the oil is polluted! The person who eat that must 中毒...the floor is extremely dirty! If you dun mind eating dirty food. That's OK

經老公仔推薦，試過呢度嘅排骨麵，真係好好味呀，啲麵好味，湯比較淡，不妨加3蚊加榨菜同埋食嗰陣如果加埋啲豆板醬就會更加好味啦.....其他小食都好抵食，好炸豆腐、炸腐皮卷、煎餃子等......仲有，飲品order凍檸都係5蚊，勁抵。服務方面，態度殷勤、親切，一入舖頭，就叫你靚仔、靚女，直至你埋單出門口，都係咁好口

之前係北角返學,聽個老死講話這裏的排骨麵好好食,於是專登去試下~~~~~去到我叫左一碗排骨雲吞麵加荳漿,排骨肉夠厚而且炸得非常鬆化,雲吞就一般,麵由於是粗麵的關係,勁有口感,美中不足是個湯底比較清冇乜味道,荳漿都係淡左少少(可能我食開濃味),我睇見人地食既炒麵都幾好,下次試下~~~~~

因有學員極讚此店排骨麵,今晚返學前順便行過黎試試.要左碗排骨雲吞時菜麵$25.碗麵份量比日式拉麵還要多!排骨的確做得相當不錯!同大埔世紀一樣系高質素!雲吞則吾多掂,上海粗麵口感一般啦!白菜菜心份量亦夠多!$25其實吾系貴!但普通女仔無咩可能食得晒!環境及服務跟一般上海小店差不多啦!可以一試.

哈哈~~~今日lunch又同同事出黎搵食,大家都唔熟呢頭, 所以想間間都試下我同個女同事都係叫左時菜雲吞排骨麵,$25wa~~~大大碗,嚇死我地$25好似貴左少少,不過水準的確有番咁上下,排骨唔會話太肥,唔錯,雲吞只係菜肉雲吞,不過都係大大粒,味道算幾好,時菜即係白菜,幾新鮮,不過大大棵好難咬碗麵真係好大碗,所以我地都食唔晒, 同埋o個度都幾迫,坐得好辛苦,而且食食下就覺得好熱...我地著住套裝黎食...真係有d唔方便...p.s. d 筷子好鬼死污漕

以前係北角返學時成日都去食排骨麵架！大大碗都係$20，好抵食！！次次去都食唔晒！排骨即叫即炸，正！下次去西環個間試下先！

麵身彈牙，湯底很普通，不值一提。豬扒果真夠軟，大大碗麵都幾抵食。其實都幾好食，仲可以試下小食，又平又即整，唔錯。

食晏, 少左個麻煩佬, 就過黎食下d湯麵. 我要左個雪菜肉絲雲吞麵, 麵係上海麵, 有d厚度, 粗幼適中, 吃時有咬感. 雲吞係菜肉雲吞, 菜既份量幾多, 唔想多肉既都幾"urm"食! 雪菜味道唔係咁濃, 亦唔係好鹹, 本來都覺得食得下既, 所以我都食晒d麵至發覺唔對路! 當我正想食埋d雪菜之際, 我發現一顆貌似雪菜但size較大既物體浮緊, 我仲以為係雪菜tim! 點知撈起就見到有腳既, 睇真d, 烏蠅黎既! 仲幾大隻下!! 我無大叫, 亦無叫人過黎, 但變臉, 同事見到, 老闆亦見到! 我地都未出聲, 老闆已將麵拿走, 同事們都食完麵, 只差飲品order左未到. 我起初心諗, "老闆, 你唔係想毀滅證據呀?" 過左無耐, 老闆返黎拿走我地張單, 笑笑口又唔好意思咁樣. 同事估佢取消我個麵唔計, 亦有估佢全部都唔計. 未黎既飲品陸續黎齊, 我地飲完都諗住睇下老闆想點! 同事估中左, 佢唔收我地錢呀! 呢餐個個都free, 同事們就拍拍我膀頭話, "難為左你喇!"雖然我見到隻咁大既烏蠅係麵度係好反感, 但老闆咁識做, 就放佢一馬啦! 不過, 希望佢地留意下, 唔好再有同類事件發生,