金祥排骨麵大王 (Closed)

食晏, 少左個麻煩佬, 就過黎食下d湯麵. 我要左個雪菜肉絲雲吞麵, 麵係上海麵, 有d厚度, 粗幼適中, 吃時有咬感. 雲吞係菜肉雲吞, 菜既份量幾多, 唔想多肉既都幾"urm"食! 雪菜味道唔係咁濃, 亦唔係好鹹, 本來都覺得食得下既, 所以我都食晒d麵至發覺唔對路! 當我正想食埋d雪菜之際, 我發現一顆貌似雪菜但size較大既物體浮緊, 我仲以為係雪菜tim! 點知撈起就見到有腳既, 睇真d, 烏蠅黎既! 仲幾大隻下!! 我無大叫, 亦無叫人過黎, 但變臉, 同事見到, 老闆亦見到! 我地都未出聲, 老闆已將麵拿走, 同事們都食完麵, 只差飲品order左未到. 我起初心諗, "老闆, 你唔係想毀滅證據呀?" 過左無耐, 老闆返黎拿走我地張單, 笑笑口又唔好意思咁樣. 同事估佢取消我個麵唔計, 亦有估佢全部都唔計. 未黎既飲品陸續黎齊, 我地飲完都諗住睇下老闆想點! 同事估中左, 佢唔收我地錢呀! 呢餐個個都free, 同事們就拍拍我膀頭話, "難為左你喇!"雖然我見到隻咁大既烏蠅係麵度係好反感, 但老闆咁識做, 就放佢一馬啦! 不過, 希望佢地留意下, 唔好再有同類事件發生,