金風小館 (Closed)

之前中午食過呢間金風小館幾出色，見佢夜晚有做任食雞煲同打邊爐 2個鐘都係188蚊+1 好似幾抵食，於是就趁禮拜日同有friend 生日拉埋佢地黎試下。因為係禮拜日8點食飯時間去到，所以餐廳果陣都幾爆，好彩樓下有張4人檯咁就唔駛等可以即時坐低。店員同我地講4個人只可以揀一個煲或烤魚，咁我地就揀左金風招牌雞煲，另外佢仲會送一個冷盤。打邊爐料都幾多野揀，但店員就建議我地食完雞煲之後先嗌~費事擺到成檯都係~個雞煲上左之後仲煲緊既時候其實都聞到幾香既香料味，食完之後發現真係幾高質，d 雞煮得好入味同埋都好滑，同埋真係十分足料~我同d friend 4個人食一個煲食完都已經微飽。唯一美中不足就係第一次食唔知嗌咩辣好，於是就揀左少辣 但食落冇乜辣味 下次可能嗌番中辣會好d~火鍋料就因為我地本身已經飽飽地於是唔係嗌左好多，但比較欣賞佢個即炸既響鈴，一碟有六七條，食落口好鬆脆，雖然要加錢嗌但都覺得幾值最後老闆娘發現左我地有個朋友生日，於是送左個好有特色既肥牛蛋糕俾我地，仲要本身個場既音樂都轉埋做好yea既生日快樂歌~雖然我個fd 拎住個cake 影相時有d 尷尬 但又真係幾搞笑總括黎講暫時淨係食過招牌雞

我都唔成日寫評論，但今次真係好委屈，食飯點解要食到咁受氣？同朋友一共四人，試下嘅心態去呢家食任飲任食雞煲，入到去已經有個擺住西面的高高廋廋女人，命令式的叫度體溫，感覺已經好差。諗住兩個鐘，快快趣食完就走啦，坐低就立刻點咗個雞煲，因為只有兩小時，再點左大約十幾款小食和打邊爐料...點知打邊爐料上曬枱，我哋足足等咗15分鐘，上咗個爐但係個煲一直到未見。見唔對路就同個小姐講叫佢跟一跟張單，再等左十分鐘個煲都係仲話整緊。限時兩小時其實只係得嗰一個半小時係可以食嘢，仲要時間去烚熟啲生嘅打邊爐料，加埋根本都唔夠一個鐘食，呢間味道一般但係呃鐘嘅限時雞煲，以後唔會再去幫襯

之前食過一次係外賣豬骨煲都覺得唔錯，今次試下堂食，堂食係有分任飲任食或者散叫，我哋今晚試咗任飲任食，第一次堂食就覺得佢地態度差啦好似唔休做咁唔講態度，食物質素其實係OK的，每枱有個海鮮拼盤送，花蛤、蝦都真係好新鮮好大隻，如果有得refill就好啦我哋叫咗椰子雞鍋，湯底鮮甜，雞都新鮮大隻。飲品係自己出去拎，都係道地牌多，荔枝玉露、烏龍茶等等。打邊爐來講呢間算係幾好，但職員態度有待改善，真係好唔friendly呢

上水雖然有好多間餐廳食雞煲火鍋，但任食嘅就無。所以搵到呢間金風小館有得任食3個鍾、價錢又唔貴就試下。🤩因為係假期前夕，所以$188加一。8點幾去到都爆滿，所以訂左位都要等一等。我地一行三人叫左個招牌雞煲，佢落左八角、芹菜同芫茜，超級惹味😋，而雞嘅份量都好多，我地都係岩岩食得曬。😂每張枱可以揀一款小食同是日海鮮。職員見我地個雞煲差唔多食完就幫我地加湯，跟住就可以加剔紙要其他食物打邊爐。食物種類都好多，亦都無漏單，但肥牛偏肥。大家記得要早啲去食，如果唔係有啲配料就無得叫啦😜同埋佢嘅野飲有解茶、汽水、啤酒、檸檬茶、荔枝紅茶等等，都係有質素嘅飲品！整體黎講我地好滿意呢間餐廳嘅食物質素，特別值得一讚老闆娘嘅服務態度，會對客人微笑。我地等位個陣仲叫我地可以拎住野飲先😂下次會再幫襯，試下佢其他湯底同烤魚🐟

話說第一次去呢一間食雞煲，21:00去到都有少少夜，唔係剩返好多嘢，我哋就諗住快啲叫野食，但係我哋又唔知道應該點樣叫，就問老闆娘收費係點樣，老闆娘服務態度十分好，好細心同我地講解，之後我地想食雞煲，點知唔小心叫錯咗個台式麻辣煲都冇發現，後尾老闆娘走黎問我地結果叫左咩食，先知原來叫錯咗，老闆娘二話不說即刻幫我改單轉返做雞煲。而加係香港真係好難再搵到d服務態度咁好既食市👍🏻👍🏻真係要比個like呢間金風小館👍🏻👍🏻👍🏻

利申：本文屬自費文 非打手！前陣子工作比較忙 所以到今日先至有時間出POST前排因為疫情既關係唔敢係出面食雞煲同埋打邊爐 所以就叫左個外賣雞煲上朋友屋企慢慢歎啦 我地4個人食 叫左個價錢＄688既招牌實惠套餐 本人個餐係for 2-3人用既 但我地4個人食 份量岩岩好 個SET跟一款小食 我地揀左涼伴皮蛋 因為我地本身都好鍾意食皮蛋 所以一定覺得好食個煲我地就揀左金風招牌雞煲 有成隻雞既 因為有朋友唔係好食得辣 所以只係叫左小辣 但已經夠晒惹味喇肉類同海鮮方面 個SET包左5隻大蜆 4隻流水蝦（大大隻的） 肥牛 黑豚腩片 同埋羊肉卷 肉類質素唔錯 而且款款都大大盒 唔係每樣得幾片果D 而海鮮就好新鮮 食得出個鮮味 最誇張既係蝦仲識得跳既手工餃子同雜錦丸都高質的呢間野真係唔錯 等疫情好返D既時候會去幫襯佢地堂食！ 

我經常周圍去搵嘢食，包括新界港九離島，平日係上水搵嘢食，多數去開嗰幾間，今日想去一D未食過既其他地方，又打開open rice search一下上水有乜好嘢食，我本身都幾鍾意食火鍋，所以見到個位置距離火車站也不遠，見到個價錢都幾抵，所以就決定去呢間食。入到門口，見到有個女人有點唔優做的感覺，我知佢忘更外賣，但佢既語氣同神態，令我嗰一刻好hard feel，我有想即時走的感覺，幸好有一位男士，我估是他的朋友，佢話唔好意思，而且說了很多次，所以我又看看怎樣，佢朋友仲緊張過佢自己D生意😅————————————————————後來入座後，D伙記又係問親乜嘢都好似乜都唔知咁🤫🤫🤭🤭🤭🤭其實火鍋都係客人劃咗紙比廚房出食物，之後拿比客人，比起其他食肆已經係小咗好多其他額外事情，好似有好多嘢無有唔會同客人講話無，剩係落極單都唔出，所以我都無去再追同問，因為問咗同無問既結果都係...........🤭🤭🤭🤭🤭後尾食食吓，老闆娘都有走過黎講兩句說話，但就好似只有係佢先識答D客人咁🙄🙄🙄🙄🙄🙄🙄🙄🤫🤫🤫🤫🤫🤫🤫🤫🤫食物方面：🥣鍋底——我㨂咗招牌雞煲鍋，味道相當惹味，有薑.葸、洋蔥🧅⋯⋯等等配料，炇得又香又

朋友介紹呢間既火鍋放題，於是就去試下原來呢度除左放題，亦可以散叫。而今次我就試左放題先，叫左個藥膳雞鍋，嘩～湯味濃，人參味甘香，鍋裡既雞都好滑，服務員態度好，用膳環境感覺舒服

首先我叫左個烤魚，想講任食嘅嘢食種類唔多，你叫烤魚起碼要等半個鐘我覺得時間係一個好大嘅問題，另外佢啲餸例如：魚皮餃一黎個皮好厚二黎冇乜肉，佢嘅種類真係唔多囉，個收費又貴又唔抵，我求其去一間食任飲任食火鍋點都仲抵過佢又好食過佢，湯底果方面我覺得好差囉一啲都唔好食，條魚又唔入味，另外叫佢攞啲調味料唔係加咗一揀咩叫人出去拎一啲服務都冇，我唔明點解成間鋪冇乜人但係都好似好忙好唔騷我哋咁。一啲招呼嘅態度都冇，一個字差

第一次嚟… 服務好好環境舒適，我們嗌左個豬骨煲勁足料，難得嘅驚喜係任食的食材全部新鮮及係自己買開嘅好貨式，囝囝最欣賞它嘅超甜栗米，因為真係好甜好好味，滿足又開心嘅一個火鍋夜！

今日黎左食任食任飲2小時既火煱，環境好，坐得舒適，人流不算多，樓上有雅座，價錢晚上8點前結帳，或9點後黎食就最優惠，不過夾唔到時間就食正價囉平均一人約2百蚊，今日試左3. 6牛乳雪耳什菌湯底， 重奶味，第一次食到甜既火鍋，特別但有啲太甜！建議加湯時要清湯中和一下。 特別推介， 黑毛豬肉同 章魚丸， 在單上有一啲特別嘅菜式 配料 ， 例如：霸王丸，時令海鮮及小食只可點一次及限量， 感覺食材新鮮，但羊肉今日無貨都通知，已經係第2次光顧。

好好食！芝士響鈴入口即溶，咋雲吞都好好食好趣！老闆娘好友善！雞煲夠味！好正 ！我唔會太辣！下次會再黎！海鮮唔錯好新鮮！雞煲任食，好抵食！又有啤酒飲！坐到夜啲啲都唔驚。

入到去舖頭坐低，我揀咗酸菜味烤魚，係魽魚阿!條魚肉質鮮嫩，仲要大大條，煲入面都好足料，有菇、薯粉、金菇等等，個湯底香噴噴，淨係賣相已經好吸引，配料方面可以揀任食或散叫，我揀咗任食啦!任食都有海鮮送，係大大隻嘅花甲，好鮮甜，仲有好多配料可以揀，豬紅、羊肉片、鮮腐竹、午餐肉、肥牛、響鈴等等，有好多講唔哂😂，最重要係佢哋嘅配料好新鮮，我最鍾意係佢哋嘅薯粉，堅堅韌韌好好味道，而且飲品種類都好多，真心推薦大家去試，😊

近日見上水新開咗一間食雞煲火鍋，仲有烤魚㖭，款式很多選擇，味道很好，可以選擇任飲任食，又可以散叫，餐廳服務態度很好！如果以上水嚟講，呢間雞煲算係唔錯，值得推介！

在上水區找一間放題放題店基本上是很難的，剛好跟朋友看到新開張的招牌貼在馬路旁便找朋友一起來試食，來到環境開揚，類似酒吧的格局令人晚上去會很舒服，雖然店面不是那種大型放題會有十幾張大枱，但一早在手機訂枱還是很快很便利的拿到位置，而且裹面飲料有多種，不像一般放題那樣限死只有西梅汁之類，坐位上腳長的人可能辛苦一點，但是義我就沒什麼影響，我叫的是走麻辣魚煲，份量十足，而且手制的芝士響鈴美味也很易上癮，魚肉認為也夠滑，吃不完，最後你可以摸著肚子滿足離開的感覺。