金豐雲南米線

Open Now

Now Closed

冇得再食好傷心呀😔椒C腐乳炒通菜福建炒飯生炒牛肉飯菜遠牛肉飯酸辣米線（個炸醬同豬紅仲有好大塊的豬扒）真是好好食😔會唔會開返呀😭😭😭依家已經好想食了😭😭😭

嗌咗魚腐腩肉生菜紅薯粉 酸辣 凍檸茶 份量大 餸嘅數量多 腩肉厚有啲肥 魚腐幾好食 凍檸茶好飲 食嘢嘅環境一般 係街市入面 職員友善 整污糟左個口罩 職員俾個新嘅口罩更換 整體來講很不錯

今晚喺屋企同老婆食飯，諗住食米線，喺Deliveroo睇睇下見到呢間野，一個米線底已經$38，都未計我叫其他餸食，咁我揀咗三樣餸見到呢碗米線要成70幾蚊，諗住應該都會有幾多餸囉，點知送到屋企收到之後，食食吓發覺唔對路，每樣得兩舊仔！肥牛仲要係碎上，完全理解唔到點解呢間鋪頭可以賣咁貴，我俾得錢就唔怕貴但你應該要俾返同樣質素我，中肯地講，個味道係唔錯嘅但係有啲嘢可以改善都好啲，例如餸嘅份量，同埋可以唔用發泡膠碗，總括而言沒有下次。

呢間呢真係唔好去，早餐沙爹牛無味，面又太淋，叫佢凍咖啡少甜好似飲糖水咁，店員阿姐態度又差，食物上齊野飲未到叫佢追又唔理，同我講叫我等陣，跟住又唔去廚房追剩係掛住同客個女玩，食到成肚氣，以後一定唔會再去😡😡😡

今日難得阿爸🧑🏻放假，於是我哋就一齊去食早餐！唔知係咪太耐無食港式早餐，有啲掛住沙嗲牛肉公仔麵添！雖然知道公仔麵唔係好健康🤭，不過間中放縱吓自己😛。-🍴沙嗲牛肉公仔麵($31) - 濃濃嘅沙嗲汁，配上牛肉，簡直係絕配😋！沙嗲汁唔會好少，而且好夠味💛！牛肉亦都唔會好少。一口沙嗲牛肉，再嚟一口公仔麵，完全係平民美食🤤！依間餐廳主要都係做街坊生意，所以食物都係街坊價🤩。-🍴火腿奄列牛油方包(跟餐) - 方包中間搽咗啲牛油🧈，也米😍因為怕會熱氣，就無烘底，如果唔係會好好食。奄列好滑，入面充滿蛋汁🥚，仲有唔少嘅火腿，幾足料㗎👍🏻！-🍴凍咖啡(+$2) - 朝早飲翻杯咖啡，人都醒神啲☀️！

因小朋友参加了田徑課，係馬鞍山運動場上課2小時。空盪時間要揾靚早餐吃。可惜馬鞍山乃香港出晒名的美食沙漠，要揾餐吃真不容易。最近，美食沙漠中出現了小變化。頌安成了這沙漠中的綠洲。運動埸與頌安商場只一橋之隔。自然要去睇下有乜食店話說頌安成為沙漠綠洲，皆因這裡有馬鞍山人日盼夜盼，三恭四請才出現的吉野家。根據非官方非正式統計資料，哩間吉野家係全球第一間分店係下午5點就賣到清倉要落閘嘅分店。但竟有馬鞍山街坊係F B上推介頌安街市的一間不知名小店的早餐。好奇之下，放棄去吉野家吃早餐，而去嘗試這小店。點咗馬友推介的沙嗲牛麵早餐，其實食物賣相味道皆平凡過平凡，普通過普通。但服務招呼親切，與街坊傾談，相互問候。小店賣點是濃濃人情味！人情味係宜家食市中少見的味道！