金囍冰室

Open Now

Now Closed

今朝去食，早餐算係抵食的，因為加兩蚊有得轉魚柳同埋雞扒，雞扒煎得幾好食，但魚柳偏硬，落太多粉同埋感覺份量偏少同埋炸得太硬，所以口感麻麻. 另外沙嗲牛麵有少量藥材味，不知道是否獨門秘方，麵質我覺得係可以接受的，奶茶味道正常。餐廳面積細可以坐的坐位不多，我亦明白做生意搵錢的重要性，但係都唔應該容許員不停地催枱，太過頻密地收嘢，多次地騷擾本人用餐及員工眼神及態度不友善，整體上感覺已經非常差，而最後有位負責人沒有留意現場的前因後果行埋黎問我可否讓出座位，最後被我當場斥責！而本人用餐時間不算太長，其實主動問客人讓出座做到法有點過時及老土！其實一開始態度好小小正常地說出你需要翻枱，出面有客人等位而不用急速地收嘢而唔係趕客走的態度，我提早小小離開讓出座位是沒有問題的！

金囍冰室係一間令人感覺好悠閒嘅餐廳，入到去，待應唔會催你落單，你可以慢慢睇餐牌慢慢揀。而佢哋泡製食品亦唔會「趕頭趕命」，猴子今朝點咗一個熱狗做早餐，都等咗15分鐘先有得食。不過嚟得呢間餐廳嘅人都應該係「慢活一族」，佢哋唔介意等，事實上好多客人食完之後都喺度傾吓偈、玩吓手機。猴子今日食嘅係法蘭克福珍寶熱狗早餐。由於佢哋用嘅杯碟都幾別緻，所以一眼望落去都覺得幾靚，攞咗個印象分，雖然熱狗包同腸仔都同一般連鎖快餐店用嘅分別不大，但明顯地，個熱狗包係慢慢烘熱，唔會為咗趕時間而用高溫烘焗，避免咗烘燶麵包嘅情況，所以食起上嚟都幾鬆軟。腸仔亦係加熱得啱啱好，唔會烘到乾巴巴，保留返腸仔嘅嫩滑感。都係嗰句，幫襯一間餐廳有好多原因，呢間餐廳起碼可以令你暫時放空一吓。

非常難吃的一餐 裝修 門面好 以為食物質素會不錯可是真的令人十分失望點了一個對茶餐廳只屬於入門級難度的焗肉醬意粉沒鹹味 意粉普通煮起來 調味欠奉吃不出有「焗」的感覺品質十分差劣的出品 酸的要命 根本吃不下整個 不但吃完有點胃痛 而且之後還餓了一整晚家人點了這個「套餐」套餐沒有配飲品價錢 真特別的設定 是不配飲品的但剛才的意粉則有飲品 定價超奇怪不要以為看起來是雞脾則好好吃這是很硬的飯 雞也沒有很好的調味 就是白切雞一份整體來說！沒有下次，沒有下次，沒有下次重要的說三次冰室這兩個字已經被香港餐廳濫用還是等下一間再新開張的店鋪好了 真失望

今日跟老公在大圍午餐，見金囍冰室新開及有位 ，就決定在那裡吃，其實無甚麼要求，正常就可以就座後，叫了燒豬頸肉喇沙(金邊粉底)，老公叫蒜蓉汁牛排意粉底，餐飲熱㗎啡，凍檸茶喇沙先上，一睇就知中伏，只見一碗黃色的金邊粉，磅底有少於三分碗的湯，兩片很硬的炸魚片其實唔正宗唔緊要，正常味道就可以嘞，點知湯底無味，可能俾粉索晒，炸魚片酸嘅，這時候基本我已放棄跟住老公的意粉上，竟然係久違嘅茄汁撈粗意(煮得太耐，又淋又粗)，試問點配蒜蓉牛排食呢？牛排一般茶餐廳質素此刻已完全放棄，埋單離開，同向收銀講食物好差就走了可取地方-飲品正常 凍檸茶啲檸檬質素ok 餐湯羅宋湯夠濃食之前無諗住影相 現附上食剩照片

大圍 金囍冰室大圍金禧商場終於開返間茶餐廳，唔駛再食快餐了！食過好多次，同大家介紹下：食量唔大可以叫常餐或者撈檬都係多人選擇的常餐A瑞士汁雞肉撈公仔麵+午餐肉煎雙蛋配丹麥多士丹麥多士本身已經好食，仲加左牛油，又鬆又香！係平時啲餐包冇得比的瑞士汁雞翼撈公仔麵，略嫌麵的顏色唔夠，淡左少少，但雞翼值得一讚！超入味，又腍！一咬啲骨就甩岀黎常餐B羅宋湯通粉+ 豬扒煎蛋配丹麥多士羅宋湯通粉，通粉偏腍，羅宋湯夠味唔油，如果多啲菜會更好， 雖然睇落好似好細碗，但其實啲粉超多，個碗好深豬扒大塊，煎得香又唔會太乾鍾情炒粉麵飯的話，個人試過以下幾款：印尼炒飯上面有隻煎蛋同帶子，仲有啲肉鬆，炒得好香好乾身菠蘿海鮮炒飯好似冇乜顏色，但係食落好有菠蘿香味，有清甜嘅味道星洲炒貴刁香，有微辣乾炒牛河香，有獲氣，有點油餐牌好多人食海南雞飯茶餐廳嚟講算是高質，服務都幾好，年輕人做嘢好有魄力，而且好細心。 最重要係杯奶茶都好得！屋企人話呢樣先最重要！

於上周日原本想食泰國餐廳但因為倒閉就想試下新野點知一試就中伏諗住都係普通茶記出餐快無服務就一定架喇但啲服務差成咁就真係同澳牛無分別首先坐低我想要杯暖水佢竟然同我講無。難道熱水都無杯？我可以自己去調溫姐再黎等左大概15分鐘都仲未有餐黎湯又無，餐飲又未黎終於等到喇。嘩。啲野食劣食黎架本人叫左個喇沙金邊粉出到黎無晒湯啲粉比啲湯索到發脹定唔知點金邊粉食落去第一啖即想吐返出黎無任何味道。餐湯羅宋湯到左。飲一啖啲味呢？又去左邊？得面頭一堆肥油。好彩仲有個意粉有返啲茄汁既味只好拿拿淋食完就走食完呢次之後我諗我都唔會有下一次架喇。食三哥好過。