金記冰室 (新港城中心4期) (Closed)

金記冰室是香港一家著名的冰室，以其豐富的港式茶餐廳美食和獨特的氛圍而受到大眾喜愛。它位於馬鞍山，是當地居民和遊客的熱門去處。金記冰室的招牌菜之一是絲襪奶茶。這杯茶的特色在於它的濃郁口感和順滑質地，給人一種獨特的享受。無論是熱的還是冷的，絲襪奶茶都是一個不可錯過的選擇。除了奶茶，金記冰室也提供各種經典的港式茶餐廳菜餚，如燒鵝飯、菠蘿包、雞蛋仔等等。這些菜餚以其豐富的味道和獨特的香氣而聞名，能夠品味到正宗的港式美食。

下午茶買左份咖喱豬扒飯，豬扒好細塊好薄，加埋d咖喱汁之後根本都睇唔到d肉🥩，咬落去既口感有d肥肥地，感覺有d奇怪，最後食到骨頭既時候先見到d肉竟然係生既!!!!咁大個人都未試過食生豬肉!打去投訴淨係識話退錢，態度惡劣！以後都唔會再食呢間野！對於呢d煮唔熟既食物，真好容易係會導致食物中毒等健康問題，如果唔嚴格控制食品既生熟程度，可能會對人們健康造成危害。茶餐廳應該認真重視這些問題，加強食品質量管理，咁先可以充分保障顧客既健康同食品安全。

今日比平常的早出門. 所以就到屋企附近新式茶餐廳食個快閃早餐(我定佢為新式茶餐廳係因為而家自助落單). 去到餐廳門外已經有2-3人係度等緊, 真係唔知道等外賣定等緊位, 又唔有員工招待, 所以就直衝入餐廳. 入到餐廳見到每檯都坐左人或者未拾檯, 因為我係1人快閃, 所以搵左張2人未拾檯既位置坐下. 不過好快有個員工(下寫為靚遮遮) 0黎 拾檯.  之後仲叫我用檯上 0既 QR CODE落單.話明快閃, 我真係決定得好快, 同要食個快早餐.因為我鍾意食公仔麵/一丁偏硬(或者叫生D), 所以落單時已注明生D. 不過黎到之後發展D麵好淋最後埋單用左HK$37. 

猶記得金記冰室在開業之初，食物的質素及性價比都讓我很滿意，心唸食物沙漠馬鞍山終於有間比較出色的茶餐廳了。但近半以來，每次光顧該餐廳後，總有點「下次不要再來」的想法，也許是因食物的質素每況愈下。已有一段時間沒有在該餐廳堂食，最近兩次因時間怱忙，所以在該餐廳分別買了兩次外買，但兩次都是極之失望。先別探討食物的質素，最大的問題就是在於白飯，兩次的白飯都是鬆散和硬的，像在吃冷飯，讓人感到很冷漠，簡直是在趕客。頭一次還以為是該餐廳偶然失手，但第二次也是一樣就不能接受。需知白飯在一碟飯的角色並不輕，靚的飯讓整碟飯錦上添花，劣質的飯會切底破壞了整碟飯的評價，讓客人不會再回頭。希望該餐廳能加以改善，別讓顧客失望。

嗌咗佢其中一款常餐，係豬潤通心粉，配炒蛋多士。豬潤通心粉足料，味道唔太鹹，幾多薑絲同杞子，女士可以食佢補一補。炒蛋好滑幾香屋企人話諗唔到食咩就會去嗌餸食飯，係平日食飯嘅好選擇。見佢Menu嘅菜式選擇唔少，而且好正路，可以再去試吓。平時行過都見到唔少人排隊，門面裝修光猛示正，食過就明白點解多人排隊同埋屋企人會翻兜。

晚餐去吃，點了二人套餐，因為只有這個套餐裡才有蔬菜。肉的份量很大，咖喱有點一般般。但是米飯有點硬！奶茶味道很正。喜歡。蠔油芥蘭也很不錯，油很少，新鮮好味😋。總體來說，性價比不錯喔。

星期二請左病假， 睇完醫生找野食， 選擇金記午餐。12點幾， 堂食8成滿， 有位。點了1）福建炒飯， 熱咖啡， 有餐湯（中式/羅宋湯）賣相唔差， 好有色澤， 只可惜是用雪藏蝦， 海鮮。如改用雞粒， 冬菇粒會好味d.原本有7分， 但雪藏海鮮雪味重，扣1.5分.得5.5分2) 咖哩牛肉飯， 熱奶茶， 餐湯同樣顏色賣相唔差， 好有色澤， 可惜牛肉份量少， 碟大，容量少。咖喱好有顏色， 但冇咩咖喱香味， 牛肉拿到 冇牛味。得6分總評： 食物 。。6分堂食食物靚d好食d？ 之前試過外賣， 好難食。今次食物質素唔差， 比6分。環境。。6分見到都乾淨。

朋友說這間經常排長龍，今晚排了二十多分鐘入座，座位不少，座無虛席。鐵板香煎雞扒配吉列魚柳 份量大，吉列魚柳炸得金黃香脆，雞扒大件，配上波浪形粗薯條，啖啖肉好滿足。鐵板西冷牛扒鐵板一定要夠熱，牛扒上枱約5成熟，切件再用鐵板加熱，啱好7成熟，粉紅色肉夠嫩，牛扒差不多大過鐵板，大件又抵食，都唔錯。炒蛋叉燒飯有驚喜！炒蛋非常嫩滑，近似入口即化，叉燒夠淋，加韮黃更香，正！黑牛 童年回憶呀，睇住可樂沖過朱古力雪糕好治療。餐湯羅宋湯足料，凍檸茶茶底唔差呀！

開張嗰時排晒大隊，今日見到晚飯時間唔使排，仲以為好好彩，點知中晒服。哥哥話要食海南雞，細佬就話要食西冷牛扒，老婆要回鍋肉，我同佢哋講，金記好似出名係食焗豬扒飯乾炒牛河同埋咖喱喎！不如試吓啲馳名野啦。不過佢哋都堅持，冇計啦。第一樣嚟係海南雞飯，正正常常味道都OK，不過叫得海南雞連酸菜都冇就奇怪少少。跟住老婆個回鍋肉，賣相就非常一般，似雜菜炒豬肉多啲，而且啲豬肉真係好鹹，唔好食囉，不過未至於難食嘅。跟住西冷就真係經典喇，分量十足，個鐵板仲有咋渣聲，好期待呀⋯⋯點知一切落去，我頂吖！使唔使煮到咁熟呀（有相為證）？原本都想叫個侍應過嚟投訴下，不過老婆話又唔係去咩扒房食，唔想比人覺得係西客⋯⋯呢餐飯真係好差，不過我見佢哋外賣接不停，會唔會係我哋嗌錯嘢呢？佢哋啲招牌嘢又係咪真係好得呢？不過相信短期之內都唔夠膽再去食啦

鐵板美式什扒餐配薯菜：雜扒餐無敵大份，食肉獸不得不試！雜扒包括有煙肉、牛扒、豬扒、雞扒和香腸，煙肉煎香兩面份外香口。薄切牛扒大件，絕不輸蝕西冷，豬扒鬆化好好吃，不會太鹹！雞扒值得一讚，雞皮香脆而雞肉多汁。配菜方面，有西蘭花、車厘茄和粟米，加上薯條能夠平衡一下肉肉感！此外，羅宋湯配料十足，味道保留傳統風味！鐵板西冷配意粉：識食一定叫五成熟！西冷肉厚且牛肉味濃郁，帶點點油脂，鐵板上的西冷能保持肉的熱度，淋上黑椒汁咋渣聲令人食指大動。配合意粉一定非常飽肚，因為意粉份量比一般雙倍，蕃茄炒意粉更有誠意！仿鮑魚絲火腿通粉：招牌通粉是必食之選，亦是兒童之選！通粉份量多不在話，鮑魚絲和火腿絲一樣多，最重要是味道一直保持實力！黑牛特飲、雪糕紅豆冰特飲：黑牛配有朱古力雪糕、紅豆冰配有雲呢拿雪糕，套餐加$10特飲絕對沒有令人失望，令套餐更添性價比！

One night, I came here for dinner . I ordered their Hainanese Chicken Rice , which I originally didn't have high hopes , but in the end... The chicken was aboslutely fantastic ! The skin was kind of chewy , and the meat was tender . It matched so much with the Chicken Soy Sauce and Ginger Oil ! If Maxim MX's Hainanese Chicken Rice is good, then this is extremely scrumptious Chicken !The rice was really good also , each granule separated from each other ! It was also seasoned well and had a

好日都唔去馬鞍山，嗰日約咗朋友，之後一齊食下午茶，佢話呢間金記OK的，於是我們點左乾炒牛河同埋西多士。完全沒有任何期望。點知發覺乾炒牛河好有鑊氣，又唔油膩， 10分驚喜。西多士都不錯。今日我喺大埔一間餐廳又叫咗乾炒牛河，十分麻麻。立即俾我聯想返金記的乾炒牛河，很回味。查了一下，原來金記的乾炒牛河是金牌的，唔怪之得咁好味啦。以後一定要再幫襯，唔知道有冇其他食物都係咁正。希望佢嘅質素保持落去🙏🏻 因為我好嘴尖的 😆

早幾年堪稱係美食沙漠嘅馬鞍山，陸陸續續呢幾年開咗唔少新嘅食店，金記就開咗兩間係新港城第四期同第五期。食物質素一般都係唔錯嘅，所以平時都唔少人排隊特別係下午茶時間，或者係疫情前用餐高峰時間。今日晏晝去人唔算好多，叫咗個午餐係豬扒配吉列魚柳粟米忌廉汁。豬扒多汁林滑好食，但係塊魚柳就好出事，食落去入邊係一pat pat好似魚漿咁樣…仲有一陣陣雙氧水味…食咗一半就已經食唔落。個汁係唔錯嘅，忌廉味濃。最特別係個白飯，食食吓中間有條綠色白色間條嘅物體，拎出黎研究吓係一條膠條嚟嘅，懷疑係包裝物料。不過食咁多次，都係第一次遇到呢啲咁嘅事，相信係個別事件。$58個午餐，有飯有湯有嘢飲，算係咁啦

可能紅假呀下午四點黎到都仲要排隊呀好彩唔駛等好耐呀大約10分鐘啦點左~咖哩魚柳意粉估唔到個咖哩汁又幾惹味呀唔辣既但幾香比我撈晒碟意粉呀魚柳算幾大件而且奄左既略嫌咸左DD~麻辣雞肉米線有幾個豆卜芽菜個麻辣湯算小辣啦味道OK冰室黎講算不錯既雞肉大件得黎唔會鞋口米線份量唔算太多如果男士一定唔夠呀整體呢個唔差呀

半年前發覺呢間嘢啲衛生變差，次次食完都呵。所以已經無去半年。早兩日經過想俾次機會，點知结果都係一樣。奉勸大家千萬唔好去。我哋每次都只係食啲普通嘢，例如猪扒飯，雞扒之類！