金記冰室 (新港城中心4期) (Closed)

偶然去馬鞍山行下街，在新港城中心行了一個圈都想不到吃甚麼，見到金記冰室好多人排隊，加上又未食過，就排下隊試下啦。2點多開始排隊，本是食午餐的，但排隊排了40分鐘，入座時已有下午茶供應。入座時枱面已有QR code，可以自助點餐，唔錯。兩個人叫了星洲炒米及日式海鮮炒烏冬的茶餐。星洲炒米很快上桌，份量都幾足，不過只食到咖哩嗰種辣味，唔夠香，亦食唔出其他食材的味道。日式海鮮炒烏冬份量少，感覺比星洲米少一半，又冇咩材料，唔係太抵食，如果肚餓就唔好揀呢個。食完之後，在商場來來回回經過金記冰室幾次，外面都係有條人龍

上次經過見好多人排隊又好香…今次我都排咗差唔多半個鐘㗎!!但係<<招牌鮮豬潤通粉配香滑炒蛋跟牛油多士>>($46)啲豬潤真係薄到冇乜好感之餘仲好老好嚡口👎🏻完全同維記冇得比🙅🏻‍♀️明明我喺電話落單都冇click 到要煮熟d😥湯底好似好有誠意擺咗好多杞子咁~但冇乜味嘅! 唔好FF會係鮮甜🤷🏻‍♀️<<招牌鮮牛肉米粉配西煎雙蛋跟牛油多士>>($43)又係喎🙁我個人覺得啲牛唔夠滑，有d overcooked!雖然我鍾意食粉絲，但我唔expect我點咗米粉但佢無論個樣同口感都似粉絲😗Sorry 可能有expectation 就搞到樣樣都爭咁啲咁樣🤨但我真心欣賞佢嘅落單方法非常方便又好detailed飲品嘅選擇亦都好多！隻杯都好有特色👍🏻但你愈係有咁多選擇俾人揀嘅時候~客人就愈有expectation🧸我揀多士要「少油」但我塊多士都仲係油淋淋令立立🥲我要熟蛋但啲蛋黃都係由如洪水咁傾瀉出嚟….Well…真係…nothing to say🤭

馬鞍山已經越嚟越多嘢食，今次就去咗金記食傳統嘅港式茶餐廳味道。點咗鐵板西冷牛扒意粉配燒汁、羅宋湯、仿鮑魚絲火腿通粉、煎雙蛋牛油多士、海南雞半隻，飲品有檸檬利賓納及雪糕紅豆冰。鐵板西冷牛扒揀咗七成熟，砌落去超諗超juicy，好有牛嘅味道，加埋燒汁食別有一番風味，配菜有蕃茄仔、西蘭花及粟米，燒汁落意粉上面食，兒時嘅回憶返曬嚟。羅宋湯入面就有超多蔬菜及紅蘿蔔，啱我嘅味道。煎雙蛋牛油多士，蛋係半生熟啱曬我口味，牛油多士沾少少蛋黃食又係一流。仿鮑魚絲火腿通粉，鮑魚絲同火腿絲好夾，加埋爽滑通粉及濃沃湯底好味。海南雞就完全唔肥，加上雞肉好滑，鍾意食雞嘅朋友一定唔可以錯過。兩杯飲品，檸檬利賓納及雪糕紅豆冰都係傳統港式茶餐廳必要嘅飲品，下次嚟我一定會再叫。

又同老公去食下午茶，今次近近地去馬鞍山搵野食，成3點見金記冰室有人排隊又去試下先。生炸雞髀即食麵配火腿烚蛋沙律食茶記緊係要食丁麵啦！我就叫左生炸雞髀即食麵，即食麵煮得岩岩好，不會過淋，生炸雞髀即叫即炸，香脆肉惹味，而且仲有配沙律，沙律有火腿絲、雜果、椰果，著仔同雞蛋，成個餐好豐富。金牌乾炒牛河乾炒牛河炒得乾身，不會太多油，有鑊氣，色澤均勻，顏色上比一般深色少少，牛肉都幾多。無骨海南雞因為唔想食飯所以齋叫左海南雞，仲叫左無骨啖啖肉，雞肉好嫩滑，可以沾醬油同雞蓉，可惜冇辣醬，不過有惹味花生😋

馬鞍山被謔稱為「美食沙漠」，其實區內幾個商場食店不少，只不過大部分係集團連鎖店，欠缺特色啫。今晚假期後第一日唔想屋企煮，行過商場見到金記冰室，即管試試佢同一般茶餐廳有冇分別。去到今晚都幾多人，需要排左大概10分鐘先入到。店員都OK Nice，入到去好光猛同乾淨，係加分既👍🏿今晚收工好肚餓，兩個人叫左幾多野下，呢度好先進，手機掃下QR Code 自助落單，勁快唔駛等又唔會有人催。招牌菜之一：鮮茄濃汁焗豬扒飯；豬扒係果d 傳統整法略嫌鬆肉粉較多，個炒飯底好食，整體味道同份量都幾好，如果可以再多d 芝士同汁就Perfect！鐵板美式什扒：見隔離阿姨叫左大大份我地又叫來試下，沙丹豬扒有少少燶邊幾好食，個牛扒都唔錯，性價比高，係d 薯菜有少少頹。椒鹽豬扒：唔知點解今晚係咁叫豬扒，不過呢個菜味道唔錯，一家大細叫餸食飯既話呢個都真心推介。沙薑雞（例牌）：呢個唔記得單獨影張相，可以睇返上面今晚個全餐相。雖然佢俾左份脾我地，不過比起佢餐牌，六十幾蚊來講份量真係差左d，味道OK。羅宋湯好足料，不過味道有d 假。奶茶都沖得唔錯，個杯設計好靚。白雪公主，即係雲尼拿雪糕加七喜，純粹貪得意試下。整體來講，d 野食

入座時 已舉手成十分鐘都沒有人理會 餐牌又冇 掃QR code落單又冇 d侍應全部圍埋一齊 完全冇意識去睇在場既人有冇需要 從未試過有咁既服務 D餐已經唔係平價 仲要咁既服務 要重新正視d員工問題 重新陪訓

在馬鞍山做得晏了，不如食埋晚飯才走。金記是近年冒起算快的茶記，只在這裡食過早餐，不如試試晚餐。晚餐選擇甚多，有好似早餐的麵加多士丶鐵板扒餐丶炒粉麵飯及小菜，眼花撩亂。見有二人套餐，價錢（$148）實惠，包2個湯丶小菜丶白飯及飲品，而小菜選擇也ok。湯是赤小豆煲粉葛，味道普普通通，不太濃，卻有少少咸。第一個小菜是客家沙薑雞，上檯時見賣相也合格。估唔到這個菜是凍冰冰的，雞是凍，沙薑汁又稠又凍。而更難食的是鷄的肥膏甚多，遠超過雞肉，難食又不健康。👎🏻👎🏻👎🏻韮黃义燒炒滑蛋份量很多，鋪滿整隻碟。蛋炒得幼滑，义燒厚身香口，一點也不靭，加埋韮黃及蔥，無論顏色及味道都提升了，絕對是合水準的小菜。👍🏻👍🏻👍🏻餐飲的檸菜正常，茶味香濃，正好平衡炒蛋的油膩感。

今晚同屋企人出去食飯，金記算係馬鞍山新開既餐廳。我地大約晚上7:30都要排隊呀！見有人排隊我地估應該唔差掛，所以一試！羅宋湯分量十足甜酸適中！蔬菜份量多😋我地叫左個魚香茄子肥牛煲，黎到果時介係炸炸聲！茄子淋身肥牛都肥瘦適中，汁都好濃味十分有中排檔風味🤤🤤😋之後我地做叫左個口水雞，雞肉份量都算多！個人認為辣度適中👍🏻最後叫左一個黃金炸豆腐，比我想像中好食！外脆內軟，豆腐好滑，味道岩岩好。👍🏻叫左幾個餸都好岩送飯！我地叫左二杯野飲，呢間餐廳竟然有黑牛同白雪！可惜屋企人太快手飲曬🤣🤣都未黎得切影相！童年回憶返返曬黎🤣🤣總結來講金記可以一試，家常便飯或者午餐我都覺得係一個好選擇！

今晚在馬鞍山附近工作OT，晚餐同兩個同事出左去新港城中心搵食～行過見到金記冰室招牌，二話不說就走左入去醫肚坐底睇下餐牌，好多選擇、花多眼亂，價錢都唔算貴，据個扒都係八、九十蚊，所以我地order左鐵板据扒、海南雞飯、炸雞脾沙律麵餐，share食鐵板海陸空扒餐-有豬扒、魚柳、雞中翼配薯菜，豬扒大大塊，魚柳都大大塊，幾乎大過塊豬扒魚柳夠厚夠Juicy，黑椒汁夠濃味、海南雞飯-海南雞好滑、好入味，油飯唔漏，軟硬適中，另外，花生脆卜卜雞髀沙律麵餐-沙律幾好食，入邊有薯仔、雜果、椰果，而雞髀熱辣辣，即炸好脆雞髀好Juicy，唔會炸到好乾～仲有依杯回魂凍檸茶，茶味不錯，出面天氣太熱，嘆番杯凍檸茶，一流總括來說，配合服務及價錢，下次可以再encore

今日可以準時放工,近近地同媽媽去馬鞍山搵食,大概只係1830見到金記開始有小小人龍,外賣亦有唔少,就過去望下餐牌岩唔岩食,選擇都頗多,飯 意粉 扒餐 小菜亦有,等大概5~10分鐘就安排入座媽媽食鐵板西冷牛扒餐,我想食小菜就散叫左魚香茄子魚柳煲同金磚風沙炸豆腐侍應好好提醒我有2人餐平d,但因為無炸豆腐所以無揀,誰不知豆腐已經賣晒,改椒鹽豬扒,侍應直接幫我轉左2人餐,唔會呃人非常好!!!!!鐵板先上,份量好足夠,扒亦厚身,不過餐牌係薯格,上菜係薯條好彩波浪薯條亦好食,另外因為加左洋蔥鋪底,薯條牛扒都多左陣洋葱既味道,好好食!而牛扒無用鬆肉粉,有咬口但唔會咬唔開魚香茄子魚柳煲,魚柳比茄子多,至少有8~10件,粉漿唔厚,好食,咸魚粒亦有唔少,不過略嫌唔多咸香我鍾意舊時好咸果d咸魚,整體都非常好椒鹽豬扒亦有好多件,豬扒炸得香口唔油膩,好惹味金記有自家辣椒油,媽媽話都辣,幾好食,飲品要左無冰奶茶&凍檸茶,奶茶茶味好出,我自己幾鍾意侍應服務100分,亦有主動比碗仔,會再幫襯

收工已很好累，在商場食個晚飯回家好了。無骨海南雞雞配油飯 老火湯 茶走 用黃油雞來做，肥瘦適中，肉質嫩滑，再配合充滿南薑味油飯，真係拍案叫絕。晚餐配送老火湯，飲落沒加味精。還有跟餐飲，點了茶走，茶味濃郁又順滑，值得一讚。新鮮菠蘿咕嚕肉 肉梅頭沾上薄薄脆漿炸成肉件，嫩滑多汁，配上新鮮菠蘿和酸甜度適中的咕嚕汁，令人胃口大開，是夏日最佳菜式。韭黃蝦球炒滑蛋 大大隻爽口彈牙蝦球，口感十足，滑不留口的滑蛋再配埋爽口韭黃，絕對是席上不可缺少的菜式。清炒菜心苗蔬菜當然不可少，菜心苗十分幼嫩，沒有渣。特濃羅宋湯鮮牛烏冬平時都是沙嗲配牛肉多，今次見有羅宋湯配鮮牛肉感覺健康又好味，嚐一口，果然絕冇添加，食得出蔬菜甜味和鮮牛嫩滑，烏冬吸收了湯水又入味，口感煙韌，好快便吃光光。我還用半價點了杯玫瑰火籠果，顏色吸引，帶有陣陣花香，味道清甜順喉，不錯。餐廳食物質素唔錯，我相信日後是我新的飯堂。

鐵板西冷牛扒薯菜：去傳統餐廳識食一定叫鐵板牛扒。牛扒送上枱賣相吸引，蒜蓉汁倒下鐵板咋渣聲非常過癮！記得一定要攤開紙巾遮掩避免沾到，所有這些都令人回味過去。牛扒分量十足大大件，生熟度恰到好處不韌，牛味濃郁，沾上蒜蓉汁味道一流！值得一讚是意粉另上，還要是大大碟的，抵食！值得一讚的是羅宋湯，配料十足之外，味道絕對是傳統的紅湯味道，大家記得點選紅湯！仿鮑魚是火腿通粉拼煎雙蛋和多士：晚餐都有火腿通粉食真難得！通粉細細粒又煙韌，火腿和鮑魚絲配搭很夾。兩隻蛋同多士絕不普通，雙蛋即叫即煎熱辣辣，多士脆又嫩，豐富又飽足。金粒西多配雪糕：西多士細細粒，軟綿綿，最開心見到餐廳提供煉奶和糖漿，任君選擇！吃完豐富的牛扒再吃點雪糕真是美味至極！

自從金記喺馬鞍山⛰開咗分店之後，也米😍一直冇食過，於是今日經過嘅時候，就決定去試吓！咁啱今日去到餐廳🍽嘅時段，係早餐同午餐都會有，所以就決定兩個都試吓😆！-🍴(早餐)招牌鮮牛肉米粉($42) - 鮮牛肉🐮嘅數量得好少，用咗薑絲去調味，不過由於薑絲有啲多，所以導致成碗米粉都好重薑味🤭。仲有唔知點解米粉食落有啲似粉絲🤔。-🍴煎雙蛋餐包(改炒蛋)(跟早餐) - 餐包表面有啲皺紋，唔係好靚，而且炒蛋有啲碎，所以一般🤭。-🍴檸檬菜蜜(跟早餐) - 檸檬🍋有三片，而菜蜜正常普通 。-🍴(午餐)芝士鮮茄焗炸雞脾飯($65) - 雞髀幾大隻🤩，而且炸到金黃色、脆卜卜！但係有啲邊位比較偏乾，啲肉偏柴🤭。焗飯係用炒飯底，幾香，當中用咗紅蘿蔔粒🥕、洋蔥🧅同西芹做調味，食得出醬汁係用新鮮番茄製造，而且仲放咗一大片蕃茄係面。

身為茶餐廳 常餐好食好基本 7點半夜晚就已經咩都冇 火腿通粉竟然cheap到用快熟通心粉 如果懶得自己開水 可以試 外賣仲要俾少野想點 轉叫2人餐 冇哂西蘭花就唔賣 叫轉其他野都唔肯 咁可以所有野都唔使賣 因為真係好難食 其他都唔想再試 馬鞍山雖然係美食沙漠但係唔係有野求其都會食

因為疫情，所以平時只會叫外賣焗豬扒飯食，最近疫情好一些，4月2號去了堂吃，叫了1個焗豬扒飯，加一個深海吉列魚柳薯條，就出事，條魚柳只有5cm咁長，重要好薄，薯條只有6條，真是太離譜，下午茶收40元都吳算平，太過份了，上次叫了一個外賣乾炒牛河，只有3片碎牛肉，都算啦！今次咁離譜，真是當馬鞍山的人好蝦！以後都不會再去也不明白為什麼還會有人去排隊去等，真是不明白為什麼要寫200個字才可以評分，希望可以改一下