金記冰室 (Closed)

早前到家住西環的朋友家中吃飯，和友人談起現今的月餅五花八門，什麼口味也有，例如：榴槤、綠茶、雪榚、朱古力.....等等；但自己還是最喜愛傳統的雙黃白蓮蓉月餅。飯後陪友人到金記取月餅，他説上年吃過金記的低糖雙黃白蓮蓉月餅味道不錯，知道我喜歡傳統月餅，特地送了一盒予我；那就卻之不恭了！低糖雙黃白蓮蓉月餅 ～ 白蓮蓉不會太甜，蓮蓉味幾香，蛋黃油香滋潤，巳加入下年必買月餅之中。

年紀越大，其實越來少食月餅了。因成份大多不健康，多吃無益。我們家平常都比較喜歡金腿伍仁月餅。今年試了金記冰室的金腿伍仁月餅，八月時訂才$228，價錢合理，但質素超乎所望哩!低糖雙黃白蓮蓉月餅 $296(before 21/8 early bird price: $168) 金腿伍仁月餅 $336(before 21/8 early bird price: $228)外間有些金腿伍仁月餅很乾，但這款金記冰室的金腿伍仁月餅有果汁在內。食時有絲絲金華火腿的咸香，再加少許果汁甜，合在一起就味道非常獨有。金華火腿月餅又含多款果仁，口感豐富，感覺亦是比較健康。食落又不覺乾，足料又傳統。想不到茶餐廳制作的月餅，都有此水準。絕對是下年中秋 encore 之選。

故事是這樣發展的，記得上年我在金記買了一個五人仁月餅。就講到今年。未到中秋就已經問我記得買。好彩做左early bird . 未到中秋四個已經食曬。其實金記點解咁好食，原因係足料。真有落金華火腿，真係有陳皮甘香。真係有油香咖。至於今年同上年相比，質素依然keep 到，味道香又夠結實，媽媽話: 最好嘅始終係金記。今年又係好快賣曬，下年要孝敬媽媽，記得請早啊！媽媽話唔洗諗，一定係揀金記五仁。

一個兵乓球拍餐牌，又幾特別😆食個出名嘅咖喱牛腩包，雖然唔辣，但牛腩淋而入味😁再叫雞脾，估唔到唔乾又好味😏但去厠所就要小心呀....因地濕又滑😒希望有所改善啦😂

西營盤食飯地方不算多，這間好味又如此近地鐵站當然要食下。兩個人食，只是叫了以下菜式share茄汁焗豬扒飯 $68，肉質鮮嫩，香氣撲鼻，飯粒都好軟熟。馬來咖喱牛腩農夫一口包 $89，牛腩好有牛味，新鮮，軟硬適中，咖哩醬都好惹味，不算辣但有種獨特的香濃。今餐好豐富享受, 都只是$80有找。

在公司旁邊，所以久不久都會幫襯。其實算係看著他開門，都租埋旁邊店舖。店舖大左後，明顯東西越來越搵笨，叫外賣d飯越來越少，每次都要叫‘多飯’才剛剛吃飽。送越來越小，但味道ok所以都還可以接受。但是最近幾次，越來越離譜。今天43蚊買個‘馬來咖哩雞球飯’，但最終回來後，整個飯盒都是薯仔，得一塊雞！我覺得無論如何都無任何藉口，40幾蚊叫人買薯仔飯，平時唔夠飽都唔洗咁啊！上次買個雞排火腿飯，又得快火腿，雞排都唔記得放！今次都真係好過份！以後唔去啦，呃人錢！

中秋節到了，又是應下節食番件月餅，每年中秋，我多數都是食雙黃白蓮蓉月餅。上個月我家人買了一盒「金記冰室」的金腿伍仁月餅，在8月21日買有 early bird 優惠，原價是$336，現在只是$228。盒子上的圖畫是一幅古裝的嫦娥，她拿著一碟月餅，圖畫都帶出中國傳統風情，盒子上面寫上「金記冰室自1967年」，也寫上了香港制造，讓我們食得更放心。一切開已經看見月餅的餡料都好真材實料，皮薄餡多，果仁一共有五款，都是佈滿在金華火腿內，還有一些鮮果乾，一咬已經感都好香口，啖啖都是金華火腿的鹹味甘香，加上有五仁，口感相當有嚼勁而煙韌，同時也有果仁的香味，更有齒頰留香，美味可口。一家人過時過節，中秋也是人月兩團圓的大日子，一家人一起賞月品嚐月餅，感到幸福滿瀉了......

家中兩老每年都喜歡食蓮蓉同埋奶黃月餅有平有貴一般包裝都幾唔環保今年一於試吓新野金記冰室😍香港製造👍🏻包裝有好懷舊風情老公愛吃金腿伍仁月餅🍻今年即管預訂一盒價錢都好抵下金腿伍仁月餅原價大概係 $336我之前黎食下午茶嘅時候姐姐已經話早D 訂啦～平啲咁 early bird discount 之後係 $228基本上唔係每個人都鍾意食金華火腿金腿味道甘香伍仁口感鬆脆我就覺得少少肥 同埋鹹鹹地但老公就好鍾意食今次我就幾滿意金記金腿一啲都唔算膩有人反而覺得佢太乾唔夠油啊傳統風味都幾值得一試食完月餅嘆番杯龍井茶賞月更是一流

月餅離不開蓮蓉蛋黃，冰皮，但個人較喜歡吃金腿伍仁月餅，上次行過金記冰室見到早買有優惠$228，反正要吃當然要買自己喜歡的伍仁金腿啦！等到中秋節同家人一齊慶祝，切開見到月餅充滿果仁，平時唔嗰d 伍仁較少，肥糕粒多，但金記呢款伍仁相比較瘦，而且材料十足，係伍仁混埋金華火腿絲，入口時充滿口感！重有係香港製造！咁質素有保證！食都食得放心！

歲月如梭，轉眼又中秋。 市面上的月餅，選擇有如天上的繁星。金記冰室月餅盒採用懷舊「娥奔月」的設計，相信可以勾起老一輩人的集體回憶。果然，老媽嫌棄K帶回來的文華餅店奶皇月餅，說不夠體面。拜神，首選小妹這一盒的蛋黃蓮蓉月餅！白蓮蓉油潤細滑，蛋黃漏油之餘且夠鹹香，中秋佳選！

金記冰室．低糖雙黃白蓮蓉月餅  甜而不漏懷舊月餅，吃得到的老香港味道第1次試到朋友推介的金記的月餅懷舊的紙盒裝，實在非常吸引懷舊包裝：——盒上印著嫦娥，WOO 懷舊味甚濃感覺似在月光下吃到兒時的港式滋味有內涵：——餅皮夠薄，切開非常完美對稱的蛋黃滿滿的蓮蓉餡，與美麗的雙黃月蛋黃品相極佳，充滿油香健康好味：——蛋黃的鹹香加以蓮蓉尤其細膩香滑入口是香甜而不膩，整體口感是細密而不油膩最重要是低甜、低油感覺健康配上熱茶與咖啡，真是甜蜜的滋味WELL 本人不知不覺.......就這樣吃了整整1個！

今年的中秋節說會打風甚麼的，但到了迎月的晚上還是很平靜，倒是天上出現了有點粉紅色的月亮，很特別呢。每年中秋亦會收到很多不同種類的月餅，說實話實在很浪費，親戚間人人一盒，那吃很那麼多，傳統的，新派的，朱古力的，雪糕的，統統拿會公司與同事分享，只留下伍仁跟雙黃跟家人食，家人只喜歡傳統月餅。今年收到較少見的金記，不是大牌連鎖店的，包裝用上紙盒，質感不錯，大大個香港制造，令人食很安心點。打開後油水不錯喎，好吸引呢。金記冰室，一個已很重，好有份量。伍仁月很硬很難切開的，金記的亦是，切下相當有手感，切開後亦不會散，但咬落柔軟碰不死硬。十分香的瓜子，果仁味，少少甜，仲有好多金華火腿，口感煙韌，味道一級棒！除了大X老餅家，金記的伍仁算是吃過中最不錯的。

我作為一名90後，對香港的冰室和茶餐廳文化並不了解，而且閒時也甚少會去留意，會到金記冰室進餐也是受朋友之邀，但是結果卻出人意料。雖然我沒有看過以前真正的冰室，但覺得這裡卻帶出香港懷舊的感覺。飲品很快就到，由於我不喜歡凍飲，所以還是叫了熱檸檬荼。一場來到，當然要試試這裡的招牌菜農夫包！果然名不虛傳，外皮鬆軟有口感，飯不會太多剛剛好，很有特色！最值得一提的是這碟豆豉鯪魚炒油麥菜。油麥菜很入味但是又不會太油，連平時不怎麼吃菜的朋友也吃得比我多呢！

最近流行懷舊元素，於是在某晚去了60年代的金記冰室食晚膳，雖然這冰室曾經結業，但幸好2013年重開，讓更多年輕人感受60年代的冰室，由於當天是平日，店內食客也不多，但店舖裝飾簡直一流，牆身掛滿了算盤，座位也跟足以前的冰室，讓人有份格外溫暖的感覺至於食物方面，我和友人叫了幾set晚餐，但最令我們滿意，是咖哩雞扒公仔麵，一來咖哩汁味道配搭恰當，又不會太辣，適合不太吃辣的朋友，二來雞扒也煎得香脆脆，淋上咖哩汁令肉質更加柔軟，三來公仔麵口感,又不會太硬，值得推介總括而言，香港已經很少這種冰室了，也很希望可以一直將這種文化可以延續下去

Lunch時間12點去食，未係好多人，我叫左常餐「鮑你好味」$42，入面有鮑絲火腿通、火腿奄列、牛油多士、餐飲。 通粉分量極少，幾啖就食哂，價錢貴過早餐好多但分量少一半，好唔抵食！多士好似無焗過咁，唔香脆，好失望。友人食既飯都係唔熱既，好似攤左好耐開始變硬咁！服務又嘛嘛，waitress落單心不在焉，經常要重覆，希望會改善一下！