金雅餅店 (Closed)

因為家住大圍村所以買麵包買開櫻X，好平。呢間曲奇有驚喜。原本寫住合桃唔知咩味，忘記了請見諒。原來係咖啡味。超濃咖啡味。我鐘意佢唔會好甜。老公嫌唔夠甜。有朱古力咸。咬落有口感。唔係藍罐嗰D機做。我鐘意有d粗糙感喺呢個熊仔曲奇泛濫下，好開心無意中搵到呢個拍得住車厘哥夫曲奇又唔太貴嘅曲奇。$33一盒。食剩幾塊先心血來潮寫食評。另外有個三角葱餅以為只係普通葱餅點知有雞肉咸。當然係白汁居多。但都好味。睇返之前食評原來叫雞角。

今日早餐去左金雅買麵包食。金雅既麵包同平時一樣，早買就係新鮮出爐，夜少少買麵包就硬曬。每次食金雅既麵包都係因為貪佢平。味道其實一般，冇咩特別，不過食完一個就夠飽，所以好唔好味冇咩所謂，最緊要醫胃。因為價錢一般，所以成日早餐幾乎同佢買，希望質數永遠唔變啦！

一朝早起身慣左要食得飽飽食包包食飽😂😂😂有時小店麵包都唔錯架，又平又好味好似依個提子條咁$6.5影得唔係咁好佢實係我估有大半把間尺咁長，大概18-20cm度其實小妹個人唔係咁鍾意食無餡既包依個包都係朋友仔介紹估唔到幾好味，外層塗左層好似蜜糖或糖漿包身有好香既牛油味，好鬆軟雖然提子唔多粒，而且會食食下跌咁幾粒出黎不過淨食個包都夠，提子🍇只是陪襯吧😆.

好可愛的「Mini雜果蛋糕」！簡單就是好味！！喜歡食甜點的我，亦是麺包西餅迷。「金雅餅店」係大圍已很多年了，它的麵包一向都不錯，價錢又合理。今天就買左一個「迷你雜果蛋糕」$28，外型好可愛！細細個....人少少食就最好不過！生果眼看未食已知。。好新鮮！食落去D cream也好多！質感好幼滑！生果係非常之新鮮（連士多啤梨都係甜架）！反而內面的蛋糕底質地略嫌粗鞋咗少少，但都可以！（相比起蛋糕底的及cream的質量（除生果外）都是「櫻桃麵包西餅」比較好。）

周不時都會幫襯下，今日算我唔好彩，見阿姐將撻由餅模＂反＂出黎時，撻邊有啲黑，仲以為係少少算數，點知俾完錢時聽到另一個阿姐問，呢盤蛋撻係咪好燶。 返屋企望一望，確係好燶呀，食落個皮係苦嘅。

在反完通宵更放工好肚餓了..附近的店舖幾乎未多鐘開..只有這間麵包店..於是什麼都不理..醫飽肚先算晨早新鮮出爐既果然唔同d..揀左芝士腸仔包..熱辣辣個包仲軟既..芝士同沙律醬介乎溶與唔溶之間..加埋包既口感..好味!至於材料方面..面上有少少什豆..令觀感無咁卦..有d色彩開心d..由於新鮮出爐既關係..腸仔亦無巢哂皮乾爭爭..仍然保持腸仔原有既肉汁..好味

d 人成日話 , 無錢要捱面包 , 其實面包咁好食 , 點會叫做捱 ?食得多粥粉面飯 , lunch 唔食得多 , 偶爾食下面包, 都好滿足o家大圍站一出 , 過左馬路最就近o既面包舖就係呢間金雅餅店 , 兩個包加盒大麥精 , 十零蚊一餐 , 平靚正 ^^ 仲好飽添 1. 豬柳漢堡~ 芝麻飽面好香 , 豬柳唔會太乾 , 幾好味 ^^好夠沙律醬 , 但唔會攪到個包太濕 , 中間有少少蛋生菜又係得少少 , 如果多返 d 會清新 d 更好食2. 芝士腸仔包 ~ 大大個幾抵食 , 有 d 什豆o係面 , 好攪笑 >e<腸仔有少少 over cook , 燶燶地同巢左皮 , 但味道還可以好多芝士 , 略為硬左少少 , 整體味道都唔差o既大麥精賣 $5.8 , 平過便利店 , 索性成餐 lunch 都幫襯金雅喇 =)## 如果今日兩個包係新鮮出爐o既 , 一定會更加好味 下次黎到會試下其他款式o既面包 , 或者拿破崙丫 , 睇落都唔錯~

屋企系大圍，周不時都會幫襯下依間餅店，不過大部份都系買蝴蝶酥。但系今次抵擋唔到誘惑，終於買左個拿破崙蛋糕一嘗滋味。酥皮脆，好似吃緊餅乾咁；蛋糕就系蛋卷所做，可惜太硬啦；核桃粒系蛋捲入面，都算幾多下；總體黎講都系中意距3層大大酥皮，成個蛋糕偏油，成完之後成日都飽飽滯滯咁。20蚊一個，唔算話太抵吃咯。

黑森林蛋糕~細($22):上面既水果都幾新鮮。不過入面既蛋糕都幾少，係d cream好多。但係d cream唔會太甜，而且仲好滑添。

炸雞包($4):個麵包食落既味道，好似食緊油炸鬼咁，幾正。不過好油呢!!而入面既雞肉好嫩，咬口幾好!不過我都係嫌d炸包油得濟!!

金雅餅店開張已經十幾年, 今日仍然屹立不倒, 除左地點係人流多之外, 佢地既面包西餅都好有水準! 我夠膽講, 呢間係沙田區最好食既餅店!今日路過附近, 當然要光顧下! 先買左個雞角包! 外皮脆脆地, 加上有蔥油既味道, 咬落去好香好鬆化! 肉料方面, 採用白汁雞肉, 雞肉咬落好軟熟, 而且份量唔少, 好好食, 水準依然咁好!其次買左少少雞仔餅, 雞仔餅個皮真係脆得交關, 咬落去卜卜脆, 大家都知道, 市面上有 d 假雞仔餅, 食落去難咬到爆, 呢一間既雞仔餅就絕對唔會有咁既問題! 雖然係好肥膩既食物, 不過真係好難停口!金雅餅店水準仍然咁好, 的確難得, 加油!

放工後到大圍整野~一出mtr station就見到呢間麵包店堆滿人~當然要睇下有咩靚包啦~原來出爐蛋撻~….難怪咁多人啦~夾左件拿破崙蛋糕($3.8)一盒咖啡曲奇($19)拿破崙蛋糕: 即日夜晚做宵夜, 比起其他餅店, 呢度既拿破崙較少cream, 蛋糕比例較多, 唔太多合桃, 亦因為少cream, 所以蛋糕同酥皮黏得唔實,夾既時候甩開兩半. 鍾意佢唔太甜,夠少cream, 酥皮仍然鬆脆.咖啡曲奇: 鬆化有牛油香, 因為食慣Jenny Bakery, 所以覺得呢隻cookies唔太濃咖啡味. 但價錢卻係jenny既6折.好抵食~呢盒cookies入面特別有三塊另一款既朱古力片曲奇, 同樣係鬆化, 唔太甜.

大学最后一次聚会在同学的别墅十几个人打牌，玩杀人第二天的早餐便是拿破仑吃了好久才发现是拿破仑因为我一直在吃第一层原来 同学买了一大块没有切的拿破仑——————————果壳苏三饕餮走四方 餐厅名称 香港金雅面包 餐厅地址 大圍富嘉花園2座地下 交通 大围地铁站C口出网美田路方向走 餐厅电话 营业时间 就餐时间 2009 年 3 月 18 日 13 时第几次用餐 第 1 次 可否刷卡、八达通 使用现金 如何知道该餐厅 在大围附近买菜回宿舍，顺便找找好吃的 用餐目的 记得在Openrice上看到过他家的拿破仑，价钱很便宜，所以来试试。 菜名 拿破仑蛋糕和酥皮蛋挞 价格 拿破仑蛋糕3.8元，酥皮蛋挞2.5元。 评价 拿破仑蛋糕的性价比非常高，虽然其中的奶油一吃便知是不太高级的种类，太滑不够香甜，但是蛋糕中间的起酥不错，不像有的拿破仑其中放的是起酥饼。有两种蛋挞，酥皮和饼皮，个头比先前在彩龙吃的小一点，味道差不多，可以拿到4分。 环境如何 前店后厂，门口还摆了好多曲奇饼干，看上去味道都不错。店里地方不是很大，黄黄红红的色调。 卫生间如何 没有卫生间。 服务如何 街坊似的服务，很麻利的阿姨。 餐厅

一入到去已經聞到好香o既牛油味, 相信係焗緊曲奇/麵包細心挑選下, 揀o左 拿破崙蛋糕($3.8) & 朱古力大曲奇($4) ~先講拿破崙蛋糕, 塊酥皮ok~ 合桃夠脆~ cream o既成份極低~ 總括依3點都幾好~但o個3層白色o既蛋糕... 真唔唔太得...又唔係軟熟... 又唔係脆... 將成件o野o既口感味拉下去了~ no good!!!!!至於個大曲奇lei~ 水準仍然o向度~ 夠鬆脆~才$4一件~ 好抵lei~ ^^下次試o下佢o的合桃曲奇先!!

門口擺左一大盤雞仔餅喺度，26$ lbs，真係想有個衝動想買啲嚟試，不過由於重有地方要去，好似唔係咁方便呢! 行入去一睇，嘩! 啲包既價錢都唔貴喎! 餐肉包塊肉夠哂厚，好大方! 事關而家物價通脹，好多地方既餐肉包都縮哂水! 一於買番個先!另外睇到腿蛋包，同樣係賣 4$隻，塊蛋好厚，實在忍唔到手 食落啲包包好似有少少棷汁味咁，好香好軟熟呢!